زواج من أجل ذنب نيفين عبد السلام ج الاخير
زواج من أجل ذنب نيفين عبد السلام ج الاخير
سمر: وانت كمان طمننى اخباركم ايه
عاليا: كله تمام
سمر: اومال ماما فين وعلى
عاليا: ماما ياستى اخدت دواءها ونايمة وعلى كمان نايم
سمر: على ليه نايم لدلوقتى
عاليا: اصل كان سهران طول الليل
سمر: ليه هو رجع للسهر تانى
عاليا: لا كان سهران هنا بيذاكر
سمر: طب كويس هدخل اغير هدومى وهحضر لقمة ناكلها
عاليا: احنا مجهزين كل حاجة وهتاكلى من أيدى
سمر بضحك: بطنى وجعتنى
عاليا بزعل: كده باسمر
سمر: طب متزعليش اكيد حلو زيك هدخل اغير هدومى
دخلت سمر تغير هدومها وهى بتدعى ربنا يعدى موضوع جوازها على خير وبعد ماغيرت هدومها
خرجت راحت ناحية أوضة مامتها وخبطت على الباب
شادية من جوه: ادخلى ياسمر
سمر: وعرفتى منين أنى انا ياست الكل
شادية: سمعت صوتك بره مع عاليا
سمر: انا سالت عليكى عاليا قالت نايمة
شادية: مالك ياسمر فيكى ايه
سمر: مفيش
شادية: لا فيكى حاجة طالما عينيكى بتدريها عليا
سمر: مفيش حاجة ياست الكل انا هروح اصحى على علشان نتغدا كلنا مع بعض
وبعد شوية وهما على الغداء
على بضحك: انت اه اللى جابك يابشمهندسة مش معادك
شادية: مالك يا ولد باختك
سمر: سيبيه ياماما انا واخده على رخامته دى المهم انا عايزاكم فى موضوع مهم بعد الغداء
عاليا بضحك: موضوع ايه جواز مثلا
سمر وهى شرقانة وبتكح
شادية: أدى اختك كوباية مياه
سمر بعد ماشربت : أن انا جاى ليا عريس بجد
شادية: عريس مين
سمر: صاحب الشركة اللى بشتغل فيها
شادية: ظروفه ايه
سمر: يعنى ايه
شادية،: هو عنده كام سنة
سمر: يعنى فى الأربعينات
شادية: تتجوزى واحد ضعف عمرك ليه
سمر : بحبه
شاديةبغضب: مستحيل وسابتهم ومشيت
أما عند سليم فاتصل بيه حسين وبلغوا أن كله تمام
سليم: مسافة السكة وجاى
فى مكان مهجور على الطريق الصحراوى وصل سليم ودخل المخزن لقى الباشا وسهى وكريم
سليم : منورين
الباشا: فى ايه ياسليم بيه
سليم: كل خير متستعجلش
سهى: هى سمر هربت منك
سليم قرب منها جامد وضـ,ـربها بالقلم’ : اسمها ميجيش على لسانك
وامر رجالته بفك الباشا ويجبهولوا فى الاوضة التانية وبعد شوية سمعوا صوت رصاص
الحلقة١٦
سمر بعد مامتها رفضت وسابتهم ومشيت حست بخيبة أمل
على: الكلام الا قولتى ده صح
سمر: كلام ايه بالظبط
على: أن صاحب الشركة عايزة يتجوزك
سمر: اه وايه المشكلة
على: المشكلة أنه أكبر منك دى تقريبا ضعف عمرك
سمر: بس والله مش باين عليه سن
