زواج من أجل ذنب نيفين عبد السلام ج الاخير

على خدها وبعد شويه غيرت هدومها ونامت ولاول مرة تحس بالامان والراحة بعد وفاة والداها

وجاه الصبح وصحيت سمر ودخلت الحمام وبعد ماخلصت سمعت خبط على الباب السرى ففتحت لقيت

سليم ادامها بلبس البيت وهو عبارة بنطلون رياضى رصاصى وتيشرت بلون الروز بيقولها صباح الخير

سمر : صباح النور

سليم: نمتى كويس

سمر: اه الحمد لله أنا أول مرة اتاخر فى النوم كده

سليم: احسن مش عروسة يلا علشان ننزل نفطر ونسلم على مامتك واخواتك علشان مسافرين لو حد

سالك على حاجة قولى كله تمام

سمر: حاجة ايه

سليم: جرى ايه يابشهمندسة افهمى عرسان كانت دخلتهم امبارح هيسالوا على ايه

سمر بكسوف: حاضر يلا ننزل بقى

نزلت سمر وهى ماسكه فى ايد سليم على السلم واول ماشافتها مامتها وفوزية بدأوا فى الزغاريط طبعا

مامتها من فرحتها أما فوزية فده طلب سليم علشان الأمور تبان طبيعية

شادية : أيه اللى منزلكم دلوقتى

سمر: سليم هو إللى اصر علشان نفطر سوا قبل مانسافر

شادية: صباحية مباركة ياعرسان

سليم: الله يبارك فى حضرتك

سمر: مش كنتوا قعدتوا معانا

شادية: انت ناسية أن اخواتك وراهم مذاكرة ان شاء الله فى الإجازة نيجى

سليم: ان شاءالله مااول مانتيجة تبان وعلى يدخل الجامعة تيجوا تعقدو معانا انتو شايفين القصر كبير

شادية: ربنا يخليك

وقعدوا فطروا مع بعض وشادية كانت بتبص على سمر اللى شايفة فى عينها فرحة حقيقة لانها بجد

فرحانه بوجود سليم جمبها لان حاسسها بالامان أن ليها ضهر تسند عليه وقت الشده بقى بالنسبالها

مصدر امان

وبعد مافطروا طلبت شادية انها تعقد مع بنتها على انفراد فطلعوا اوضتها الا هى أوضة سليم

شادية: اول ما دخلت الروضة : انا مش هسالك مبسوطة ولا لأ لأنك واضح انك مبسوطة انا هسالك

وقولك طمننى كل حاجة كويسة

سمر ضحكت افتكرت كلام سليم ليها: ايوه ياماما الحمد لله

شادية: الحمد لله واضح أن سليم بيحبك انا شايفة ده فى عينيه حافظى على حبه يابنتى هو ممكن ميكونش

باين عليه سنه بس ده مايمنعش انك تحترميه ادام الناس علشان مركزهه فاهمنى ياسمر

سمر: فهماكى يابنتى

شادية: يلا احنا هنمشى واول مرة احس انى مش خايفة عليكى كل مرة وانتى عندنا فى البلد وبعدين

بترجعى كليتك ببقى خايفة عليكى لكن المرة دى لا

سمر: يمكن علشان بقي زى ما بيقولوا فى عصمة راجل

شادية: لا مش اى راجل سليم راجل بمعنى الكلمة انا ساعات بحسة من نظراته ليكى أنه بيحبك أوى