زواج من أجل ذنب نيفين عبد السلام ج الاخير

الحلقة 26 والاخيرة

وجات الإسعاف ونقلت مراد على المستشفى وبعد ما كشف الدكتور خرج ليهم جريت عليه سمر

سمربقلق: خير يادكتور

الدكتور : للاسف الطلقة جات فى جمبه ودمرتله كليه لازم عملية نقل كليه

سمر: انا ممكن اتبرع

الدكتور: كويس بس لازم نعمل شوية تحاليل علشان نقدر نعرف أن الأنسجة متامثلة ولا لآوكمان لازم

المريض يفوق الاول لأنه دخل فى غيبوبة

سمر: يعنى ايه

الدكتور: ادعيله أن يعدى اليومين الجايين على خير عن اذنكم

سمر قعدة على الكرسى

حسين: يلا ياسمر نمشى قعدتنا مالهاش لأزمة

سمر: انت سمعت الدكتور قال ايه

حسين: سمعت علشان كده بقولك احنا قعدتنى مالهاش لأزمة أروحى اطمنى على ابنك وبعد كده نرجع

تانى

مشيت سمر مع حسين وهى تقريبا مش حاسة بحاجة من اللى حواليها وصلت البيت اطمنت على ابنها

وغيرت هدومها ونزلت راحت على المستشفى فضلت قعدة مستنية حد يطمنها لكن كل اللى يدخل

ويخرج ميقولش جديد راحت لدكتور وطلبت منها أنه يعملها التحاليل اللازمة علشان لم يفوق يقدروا

يعملوا العملية وعملت كل التحاليل وطلعت مطابقة له واتفقوا واول ما يفوق يدخل عمليات

وعدى حوالى اسبوع وفى يوم كانت سمر كالعادة قعدة ادام العناية حاسة بحالة هرج وفي حاجة مش

مظبوطة سالت الممرضة : المريض اللى جوه فاق عن اذنك لازم اجيب الدكتور وسابتها وجريت

سمر : الحمد لله يارب اشفيه

وجاءه الدكتور سمر جريت عليه خير يادكتور الممرضة بتقول أن فاق

الدكتور: اه بس ادخل اطمن عليه

وبعد شوية خرج جريت على سمر : خير

الدكتور: الحمد لله فاق

سمر: يعنى ممكن نعمل العملية صح

الدكتور: مش دلوقتى لازم نستنى يومين وخلالهم هنحضرك

سمر: ممكن طلب مش عايزه يعرف أن انا اللى هتبرع وممكن ادخل اشوفه

الدكتور: حاضر

دخلت سمر شافت مراد نايم وجسمه كله متواصل بالأجهزة قربت منه حمد لله على سلامتك

مراد بتعب: الله يسلمك المهم انت كويسه

سمر: الحمد لله

مراد: سليم كويس

سمر: كويس ممكن متتكلمش علشان متتعبش

مراد: يهمك تعبى

سمر: طبعا انت ابو ابنى الوحيد

مراد: ابنى اللى معرفهوش

سمر: مش وقته الكلام ده يامراد لما تقوم بالسلامة نبقى نتكلم

وخرجت سمر من عنده وراحت البيت وبلغت فوزية أن مراد قام بالسلامة وانها هتتبرع ليه بكليتها

فوزية بخضة: مش غلط عليكى يابنتى

سمر: متخافيش المهم خالى بالك من سليم ولو جراللى حاجة عرفيه على مراد وقالوا إن ده بابا