زواج من أجل ذنب نيفين عبد السلام ج الاخير
زواج من أجل ذنب نيفين عبد السلام ج الاخير
فوزية: هو طالما قال كده يبقى هو فعلا بيحميكى اطلعى استريحى فوق ربك يحلها
وفعلا طلعت سمر اوضتها تفكر فى كلام سليم وبعدين كلام فوزية اللى حاسة بصدق كلامهم وانهم فعلا
بيحميها بس من ايه
أما فى إحدى الدول الأوربية واحدى الملاهي الليلية يسهر ذلك الشاب من عائلة الانصارى وهو بيلعب
على ترابيزة القمار
شخص: حظك ماله النهارده يامراد بيه
مراد وهوبيشرب كاس خمر: مش عارفة
الشخص: هو حضرتك تقرب لسليم الانصارى رجل الأعمال المشهور
مراد: وبتسال ليه
الشخص: عادى اصل اسمك زى اسمه
مراد: اه يبقى أبن عم والدى
الشخص بفرحة: انا اتشرفت بمعرفتك
مراد: اهلا
الشخص انا اسمى مارك رجل اعمال
مراد : انا بقى
مارك: مراد عزيز الانصارى
مراد: انت تعرفنى بقى
مارك: طبعا واتمنى انه يكون بينى وبينك وبين سليم بيه شغل
مراد: طالما عارفنى طب لازم تعرف انى انا وسليم مفيش بينا عمار
مارك: عارف
مراد : باستغراب طالما عارف ايه الشغل اللى هيربطنا مع بعض
مارك: كل حاجة فى وقته وعموما انا عارف انك كلها كام شهر وهتنزل واعتقد أن سليم بيه معندهوش
وريث غيرك وهو كبر خلاص وعمره ممكن ينتهى فى أى لحظة
مراد: تقصد ايه
مارك: بكره هنتقابل واعرفك قصدى ايه سلام
مشى مارك وساب مراد فى حيرة من كلامه هو ممكن يقـ,ـتلوا سليم لا مستحيل يكون ده قصده وقرر بعد
تفكير أنه يجارى الناس دى لحد مايعرف آخرهم
عودة إلى مصر وبالاخص عند الباشا وسهى
سهى: واضح أن سمر عحبته
الباشا: هما يومين بس وهتلاقيها هنا بتترجنا اننا نشغلها
سهى: تفتكر
الباشا: اكيد سليم الانصارى مبيعرفش واحدة اكتر من اسبوع
سهى بشر نفسى اشوف منظرها دلوقتى بعد مابقيت خلاص زينا
الباشا: متقلقيش وبعدين احنا استفدنا منها المبلغ اللى اخدناه من سليم يعيشنا حلوين أوى
سهى: عندك حق
الباشا: طب يلا اطلعى للصالة
سهى: حاضر
أما عند سمر فكانت قاعدة والباب خبط
سمر: ادخلى ياست فوزية
فوزية: اش عرفك أنى انا
سمر: مفيش حد غيرك هنا
فوزية: طب يلا يابنتى سليم بيه مستنيكى تحت على العشاء
سمر: مش عايزة
فوزية: يلا اسمعى الكلام
نزلت سمر مع فوزية للعشاء واكلت من غير ما تتكلم مع سليم نص كلمة لحد ماسليم اتكلم بعد
العشاءعايزك فى المكتب
سمر: حاضر
وبعد شوية كانت عنده فى المكتب
سليم: اقعدى انتى مش كنتى عايزة تعرفى بحميكي من ايه
سمر،: ياريت
