زواج من أجل ذنب نيفين عبد السلام ج الاخير
زواج من أجل ذنب نيفين عبد السلام ج الاخير
سليم: لا عادى
فوزية: خلاص
سليم: هو جواز يافوزية مش جواز
فوزية: مش فاهمة
سليم : بعدين هفهمك
سمر بتبصلوا معناه فعلا هتقولها
سليم: اه
وبعد مامشيت فوزية سليم انا لازم تعرف طبيعة علاقتنا متقلقيش منها هى بتحبك
سمر: انا مش قلقانة بس حضرتك الا طلب منى محدش يعرف طبيعة علاقتنا
سليم: دى حقيقة بس فوزية مش اى حد انا بعتبرها من العايلة وانت كمان اعتبريها كده ويلا افطرى
وأدخلى المكتب علشان نتفق على الكلام
اما فى الكلية أصحاب سمر قلقانين عليها علشان بقالها كتير مجاتش الجامعة
نهى: مش عارفة سمر مش بتيجى ليه الكلية
دينا: يمكن فى البلد
نهى: مش عارفة انا بحاول اكلمها لكن مش بترد
احمد: طب تعالوا نروح نسال عليها فى المدينة الجامعية
نهى : خلاص بعد المحاضرات وكمان سهى مش بتيجى
دينا: وانتو بتكلموا البنت دى ازاى دى شكلها مش مظبوط
نهى: انا مش برتحلها بس سمر بتحبها
احمد: خلاص يادينا
واتفقوا انهم يرحوا يسألوا على سمر فى المدينة الجامعية بعد المحاضرات
أما عند سمر فبعد ماخلصت فطار دخلت المكتب عند سليم اتفقوا على الكلام اللى هتقولوه لمامتها عن
سليم وبعد شوية خرجت من عند سليم اتفقنا ياسمر
سمر: اتفقنا
سليم: فى عربية مستنياكى بسوائق وخدى الهدايا اللى انا جابتها لاخواتك على ذوقى والفلوس دى كمان
سمر: لا مش هينفع
سليم: انا قولت ايه
سمر: اولا موضوع العربية خليه بعد الجواز أما الهدايا فالاحسن تجبها معاك وانت جاى ام الفلوس فانا
معايا
سليم: العربية هتوصلك لاقرب حتة ام الهدايا فماشى كلامك دى اول مرة ارجع وفى كلامى أما موضوع
الفلوس فمستحيل لازم هتاخديهم
بعد إصرار سليم وافقت سمر على موضوع الفلوس والعربية واستاذنته انها هتكلم أصحابها فى الكلية
علشان
طول الفترة ده ببحاولو يكلموها وهى مردتش وكمان تقولهم انها هتتجوز
سليم: صحابك بجد زى سهى
سمر: لا والله صحابى بجد
سليم : تمام بس زى مافهمتك مهما كنتوا أصحاب مش عايزة حد يعرف طريفة تعارفنا على بعض
وطبعا طريقة حياتنا
سمر: من غير ما تقول بس طبعا مش هقدر أقوالهم إنى كنت شاغلة عندك زى ماهقول لامى علشان هما
عارفين كل حاجة ماعدا شغلى مع سهى
سليم: تمام
ومشيت سمر وحس سليم بفراغ وهو جوه مشاعر ناحيتها وأنها بقيت مهمة بالنسبة ليه
دخل سليم طلب حسين علشان يجى ليه البيت
وبعد شوية وصل حسين وفوزية فتحتلوا ودخل المكتب
