زواج من أجل ذنب نيفين عبد السلام ج الاخير
زواج من أجل ذنب نيفين عبد السلام ج الاخير
سمر وهى بتقف: معلش اصل تعبانه شوية عن اذنكم
مراد: شكلنا هنقول مبروك قريب ياعمى وهتبقى بابا
سليم بغضب: مراد الزم حدودك
مراد: هو انا غلطت
سليم بنفس الغضب: مئة مرة قولتلك متتدخلش فى اللى ميخصكش
وسابهم وطلع ورا سمر اللى مستحملتش كلام مراد
اول ما دخل الاوضة خبط على الباب السرى اللى بينهم
سليم اول ما دخل لقى سمر بتعيط جرى عليه بخضه: مالك ياسمر بتعيطى ليه
سمر رمت نفسها على صدره وفضلت تعيط
سليم: اكيد زعلت من كلام الغبى مراد
سمر مابين دموعها: لا
سليم: طب فى ايه
سمر: ماما
سليم: تعبانه
سمر: لا الحمدلله بس فتحت معايا موضوع كده
سليم بعد مافهم الموضوع :يخص الخلفه صح
سمر رفعت راسها وبصتلوا باستغراب: اه انت عرفت منين هى اتكلمت معاك أنا اسفة لو كانت ضايقتك
بكلامها
سليم: هششش مفيش مضايقة وبعدين مامتك متكلمتش معايا
سمر: اومال انت عرفت منين انى ده سبب زعلى
سليم: هى لمحت معايا فى الكلام شئ طبيعى أن أي ام بعد جواز بنتها لازم تسال بنتها عن الموضوع ده
سمر: انا مش عارفة ارد عليها
سليم: رد عليها وقوللها انى انا وانت مسافرين لندن اول الاسبوع اللى جاى
سمر باستغراب: لندن ليه
سليم: استغربتى ليه
سمر: اصل اول مرة تسافر
سليم: عندى حاجة مهمة هناك وقولت اخدك بالمرة وهو كمان جاه موضوع مامتك جهزى نفسك علشان
السفر
الحلقة١٩
بعد مافجىء سليم سمر بموضوع السفر استغربت من قراره المفاجىء وياترى ايه اللى
خله يقرر السفر فجاءه ونامت وهى بتفكر فى سبب السفر
وجاه الصباح وصحيت سمر من نومها صليت فرضها كالعادة ونزلت على الفطار لقيت
مامتها
سمر: صباح الخير يا ماما
شادية: صباح النور فين جوزك
سمر : تقريبا نايم
شادية باستغراب: تقريبا نايم انت مش عارف جوزك فين
سمر: نايم ياماما لتغير محور الكلام انت ايه اللى مصحيكى بدرى كده
شادية: ماانت عارفة أنا يصلى الفجر واصحى
سمر: ربنا يديكى الصحة
شادية: كلمتى جوزك
سمر: فى ايه
شادية: هو ايه الا فيه فى الموضوع اللى كلمتك فيه
سمر افتكرت قصد مامتها: اه اه كلمته
شادية: رده كان ايه
سمر: تقصدى ياماما قالى مامتك عندها حق
شادية: المهم هنروح امتى
سمر: نروح فين
شادية: جرى ايه ياسمر ركزى شوية نروح الدكتورة امتى
سمر: لا ياستى اطمنى انا وسليم مسافرين لندن الاسبوع الجاى وهنروح نكشف هناك
شادية: طب ماهنا احسن
