زواج من أجل ذنب نيفين عبد السلام ج الاخير
زواج من أجل ذنب نيفين عبد السلام ج الاخير
وفجأة سمعوا صوت من باب القصر بيقول مبروك للعرسان
الحلقة١٧
بعد عقد القران وسط بهجة وسعادة من الكل حتى ام سمر كانت فرحانة جدا وحست أن سليم بيحب سمر
بجد
وفجأة وسط التهانى سمعوا صوت من باب القصر بيقول مبروك للعرسان
الكل مرة واحد بص لكن الوحيدة اللى اتفاجات سمر لانها لقيت اللى جاى يبارك هما أصحابها نهى ودينا
واحمدو مصدقتش نفسها عرفوا منين
وجريت عليهم الله يبارك فيكم بس عرفتوا منين
بصوا ناحية سليم: قالولها البركة فى سليم بيه هو إلا كلمنا وقالنا أننا لازم نحضر علشان نشاركك فرحك
مع اننا زعلانين منك
سليم : خلاص بقى انا قولتلكم كل حاجة جاءت بسرعة ايه حد يسيب ضيوف واقفين على الباب
سمر بصت لسليم بصت ليه بحب
سليم قرب على ودنها: أنا مستعد أعمل أى حاجة عشان أشوف نظرة الفرح اللى فى عينيكى دى
وبصوت عالى يلا ياجماعة ادخلوا
ودخلوا وسلموعلى اهلها وقضوا سهرة جميلة وسمر وهى واقفه مع صحابها
سمر: انتو صحيح عرفتوا ازاى
نهى: ايه يابنتى انت مش سالت السؤال ده اول ماجينا وردنا عليكى قولنا سليم بيه
سمر: بردو ازاى
دينا: يخربيت الغباء انا هقولك احنا من يومين واحنا فى الكلية فى واحد جانا وقالنا انك تعبانه وموجود
هنا فى القصر طبعا احنا خوفنا فى الاول بس لم قالنا بأمارة هنا كلمتكم وقالت إنها مسافرة وهتتجوز
صدقناه وطبعا كان مع ابو احميد فقالنا احنا معنا راجل وجاينا واقابلنا سليم وقالنا كل حاجة وطلب مننا
اننا نيجى علشان يعملها مفاجأة
سمر: كل ده عمله
نهى: بصراحة الراجل ده بيحبك اوى وبيدور على اى حاجة يسعدك بيها وبعدين لم قولت لبابا قال عليه
راجل محترم بس انت عرفتى منين
دينا: مش وقته لم ترجع الكلية نعرف منها التفاصيل أما ليكم عندى خبر بمليون جنيه
سمر ونهى فى نفس واحد : خير
دينا: ابو الهول نطق
نهى: ابو الهول مين
دينا: مش سمر لوحدها غبية انت كمان
سمر بضحك: قصدها احمد
نهى: بجد
دينا: اه وربنا بعد مافقدت الامل نطق وهيكلم بابا الاسبوع الجاى
نهى وهى بتحـ,ـضنها: مبروك
دينا: عقبالك انتى كمان
وبعد ما خلصت السهرة الكل مشى ماعدا اهل سمر فسليم أصر انهم يعقدوا كام يوم لكن شادية رفضت
انها تعقد كام يوم واتفقوا انهم يمشوا الصبح وطلعت سمر مع سليم على اوضتهم بعد ما سلمت على اهلها
واتمنلوها السعادة
دخلت سمر مع سليم وهى خايفة فحس بيها سليم فقرب منها وقعدها على كرسي موجود فى الاوضة
