زواج من أجل ذنب نيفين عبد السلام ج الاخير

وبعد مااطمن سليم على أخته راح لوالده لقى عزيز واقف ادام اوضة العناية فجرى عليه

سليم: الدكتور قالك ايه

عزيز: زى ما قالك انت لازم تشد حالك ياسليم اللى جاى صعب

سليم: هو فى اصعب من ان عائلتك كلها ممكن تروح منك مرة واحدة

عزيز: والداتك الله يرحمها شد حيلك عشان عمى وفريدة

سليم بضعف: حاضر

وفضل واقف هو وعزيز ووليد لحد ماحاسو بحالة فوضى جوه العناية وخرجت الممرضة بتجرى

جرى سليم عليها سألها فى ايه قالت المريض اللى جوه قلبه وقف لازم نعمل إنعاش فورا ونادت الدكتور

فحاول سليم يدخل لكن منعوه ووصل الدكتور بعد شوية خرج والكل راح عليه

سليم : طمنا يادكتور

الدكتور : البقاء لله

سليم اول ماسمع كده الدنيا لفت بيه ووقع على اول كرسى قصاده

وليد: شد حيلك ياسليم

عزيز بدموع: لازم تقف على رجلك احنا ورانا حاجات كتير

سليم بصدمة ودموع: بابا مات وهو كمان وسابنى كفاية ماما وفريدة لم تفوق اقولها ايه

عزيز: لا لازم تجمد ولازم تعرف أن حزنى عليهم مايقلش عن حزنك حاجة بس لازم نشوف هنتصرف

ازاى انا هروح اشوف الإجراءات وسابه ومشى

وليد: انت لازم تفوق كده علشان عزيز مايحسش انك ضعيف اوعى تكون صدقت الدمعتين الا نزلوا دى

فرحان

سليم بنظرة جامدة:ايه اللى بتقوله ده انت متعرفش عزيز كان بيحب بابا وماما ادايها

وليد: الوضع اتغير

سليم: وضع ايه

وليد: كان زمان عمى هو إللى مسيطر على كل حاجة دلوقتى انت وعزيز هيحب يعمل عليك كبير

فعلشان كده لازم تاخد بالك

سليم: مش وقته الكلام ده ياوليد سيبنى فى المصيبة اللى انا فيها

وعدى الليل وجاه النهار وفريدة فاقت وفضلت تصرخ وادها الدكتور حقنة مهدئة تانى وخلصت

الإجراءات الدفن وعملنا عزا يليق بعائلة الانصارى وفضلت فريدة نايمة من كتر المهدئات لمدة يومين

كانت داده سيدة مش بتسبها فيهم عملت بوصية أمى وفاقت فريدة ورحت ازورها

فريدة بدموع: خلاص ياسليم بابا وماما ماتوا يعنى كده مفيش حد هيبقا حنين عليا

سليم وهو يطبطب عليها: اومال انا روحت فين انا موجود

فريدةبدموع : يعنى خلاص مش هدخل البيت الاقى ماما مستنينى طب مين هيصحينى الصبح ويفضل

يدعلى ومين هيشوفنى وانا عروسة ويلبسنى الطرحة وكمان بابا راح وسبنى مين هيجمعنا على السفرة

ومين هيبقى السند ومين هيسلمنى لعريسى خلاص الامان راح والحنان راح هو كمان ليه سابونى