خيوط العنكبوت ج ٣

بعدما ترك البدروم تطلع لموسى قائلا بأمر:
-تفضل هنا ملازم ليها، لو طلبت منك أي حاجة بلغني الاول، البت دي مش سهلة وممكن تستخدم ذكائها وتوقعك، فتح عينيك كويس وخلى المسدس ده معاك تهددها بيه بس عشان تخاف، ومافيش اكل ولا شرب تفضل كدة عشان أوصل للي أنا عاوزة مفهوم
-مفهوم طبعا يا باشا

❈-❈-❈
عندما عاد سراج إلى المنزل تفاجئ بوجود جدته مع ثريا لازالوا يتحدثون عن الأعمال والاسحار
دنا من جدته قائلا:
-مساء الخير على الحلوين
-مساء الفل عليك يا حبيبي ، بس خير رجعت علطول ليه ؟
حاول تبديل الحديث قائلا:
-انتو لسه شاغلين بالكم بالموضوع ده ، ثم استرسل حديثه قائلا:
-هي حياة رجعت من برة ؟
-لا يا حبيبي هي بترجع من الشغل على الساعة ٤كده
قال بتأكيد:
-يعني هي لسه مارجعتش، بس أنا كنت في الشركة وحياة ما رحتش الشركة انهاردة
هتفت سناء بقلق:
-يا مصبتي إمال البنت هتكون راحت فين؟ انا قولت البيت انهارده مش على طبيعتها، انزل يا سراج دور عليها يا بني في المستشفيات ليكون جرالها حاجه، استر يارب
اقترح سراج بأن تتصل بها على هاتفها الاول
-طيب نتصل بيها نشوفها فين يمكن خرجت تتمشي شويا وراجعه
قالت سناء بتوتر:
-هاتي يا ثريا الدفتر اللي حياة مسجلة رقم تليفونها فيه ، سراج يكلمها
أسرعت ثريا بجلب الدفتر ثم أعطته لسراج الذي فتحه ووجدها مدونة رقم هاتفها واسمها جانبه
أخرج سراج هاتفه ودون رقمها ثم وضعه على أذنه لياتي على مسامعه بأن ذلك الهاتف مغلق، زفر بضيق ونظر لجدته قائلا:
-فونها مغلق
-انزل يا بني دور عليها في كل حته وطمني الله يسترك ، يارب تجيب العواقب سليمه يا رب
بالفعل غادر سراج المنزل واستقل سيارته وقرر أن يتوجه إلى المشفيات أولا وبعد ذلك سيذهب إلى قسم الشرطة ليبلغ عن اختفاءها المفاجئ..
❈-❈-❈
عودة إلى المنصورة
داخل المشفى هاتف دلال بناتها واخبرتهم بأنهم بالمشفى فقد تعرض والدهم لوعكة صحية، اتُ إلى المشفى مباشرةً بعد الامتحانات.
حاوطتهما دلال بذراعيها من كل جانب وثلاثتهم يبكون بصمت، ينتظرون خروج الطبيب ليطمئن قلبهم على وضع والدها.
بعد مرور ساعة غادر الطبيب غرفة العناية بعدما استقرت حالة فاروق، فقد تعرض لجلطة بالدماغ أثر حزنه الشديد وارتفاع ضغط الدم، ويجب أن يضل بالعناية المشددة لمعالجة الجلطة واستقرار حالته .