سبر أغوار قلبي الاخير

جذبها لأحضانه مجدداً و قال و هو علي نفس حالته : بابا .. بابا يا حبيبتي

انتشلت نفسها منه قائلة بضيق : أوعي كده أنا زعلانة منك .. زعلانة أوي

نظر لها بدهشة قائلاً بتساؤل : زعلانة مني ليه يا حبيبتي ؟

ربعت يدها أمام صدرها قائلة بضيق : لما مامي ماتت و راحت عند ربنا و هي بتولدني أنت سافرت بره و سبتني هنا مع نينة و مكنتش بتسأل عليا خلاص .. كل اللي كنت بتعمله إنك تبعتلي لعب و تجبلي حاجات حلوة و بس .. نزلت دموعها قائلة : و كنت كل أما أقول لنينة إني عايزة أكلمك كانت تقول بابي مشغول و لما يفضي هيكلمك بس أنت مش كنت بتفضي أبدا

ضمها إليه بقوة قائلاً : أنا أسف .. أسف يا حبيبتي مكنش قصدي أهملك بس كنت بشتغل عشان أجيبلك اللعب و اللبس .. أردف قائلاً بعدما أبعدها عنه قليلاً و ربت علي كتفها قائلاً : أنا رجعت أهو و هعيش معاكي و مش هسيبك تاني أبدا بإذن الله

حركت رأسها نافية و هي تقول : لا أنت بتكدب عليا

ربت علي وجهها بحنو قائلاً بجدية : لا مش بكدب عليكي أنا فعلا مش هسافر تاني بإذن الله .. أردف قائلاً : حتي اسألي نينة

نظرت لصابرين لتشاهد رد فعلها علي ما يقوله لتطمئنها و تصدق علي كلماته .. بدأت تطمئن و تبث السكينة بروحها فابتسمت ابتسامة صغيرة و هي تقول : طب أنا عايزة أروح الملاهي

ابتسم مروان قائلاً : بس كده .. عيوني لحبيبة قلبي .. اقتربت منه لميس و احتضنته لتقول صابرين : ممكن تتغدوا الأول و بعد كده تبقوا تروحوا مطرح ما انتو رايحين

اؤمأت لميس برأسها و قالت : موافقة يلا اساعدك عشان نخلص بسرعة ابتسمت لها صابرين و ربتت علي كتفها قائلة : شطورة يا حبيبتي .. يلا روحي و أنا هاجي وراكي

بالفعل ذهبت إلي المطبخ لتقول صابرين له بنبرة محذرة : أنا لتاني مرة هثق فيك يا مروان .. هي أه مش هتبقي ثقة كاملة بس هي بنتك و أنا مقدرتش أبعدها عنك و لا أبعدك عنها خوصوصاً إنها محتجاك في حياتها و أنا مش هعيشلها كتير

اؤمأ مروان برأسه قائلاً : اللي شوفته علمنى كتير .. ديه بنتي من لحمي و دمي و محدش هيخلي باله منها أدي و شكراً إنك مقولتلهاش الحقيقة

اؤمأت برأسها قائلة : عشان نفسية البنت مش أكتر صدقني و يا رب يكونوا السبع سنين غيروا فيك و علموك فعلا زي ما بتقول ..أردفت قائلة بعدما باغت سؤالها عقلها : هتشتغل ايه ؟