سبر أغوار قلبي الاخير

الفصل الأخير – الجزء الثالث ج5 والاخير

كانت جالسة علي الأريكة تتابع التلفاز بشغف و هي تأكل قطعة كب كيك بالتأكيد عرفتموها أنها أسيل و لكن أجزم لكم أنكوا ستعيدون النظر إذا كانت هي أسيل بالفعل ام أنه مجرد تشابه اسماء و أننا دخلنا بالبيت الخطأ .. و بالنسبة للحلوي التي تأكلها يمكن لأي واحدة أسمها أسيل أن تأكل الكب كيك .. قالت دون أن تنظر لأبنها ذو السنة الخامسة من عمره الجالس يمسك تاب بيده و يتصفحه بتركيز : باسل يا حبيبي .. باسل .. لم تلق أي رد فقالت بضيق : باسل .. انت يا زفت .. يا نيلة يا باسل .. وضعت طبق الكب كيك جانباً و نظرت له بحدة قائلة : أنت يا الزفت يا اللي أسمك باسل أنا بنادي عليك

ألقي التاب من يده قائلاً بضجر : نعم نعم .. خسرت اللعبة بسببك

نظرت له بحدة قائلة : ايه الطريقة اللي بتكلمني بيها ديه .. لما ييجي أبوك بس و الله العظيم لقوله

سمعت صوت أسر و هو يقول : أبوه جه أهو .. نظر له قائلاً بتساؤل : هببت ايه ؟

انكمش بنفسه و هو يرتجف قائلاً بخوف : مش هببت

أسيل بضيق : لا يا أسر بنادي عليه بيطنشني

باسل بضيق : ماهي بتندهلي و أنا مشغول و بلعب في اللعبة

أسر بنافذ صبر : قول لماما أنا أسف و لما تنادي عليك تسيب أي حاجة في إيدك و ترد علطول فاهم

اؤمأ باسل برأسه بخضوع قائلاً و هو ينظر لأسيل : أسف … أخذ التاب و غادر لغرفته لينظر أسر لأسيل و يغمز لها قائلاً : عجبتك

أرسلت له قبلة طائرة في الهواء قائلة : جداً و بعدين ما أنت عارف إنه بيخاف منك عشان شنبك ده

وضع يده علي شاربه قائلاً بفخر : الحمد لله إنك أخيرا اعترفتي أنه بيعمل هيبة .. أردف قائلا : يوم ما حلقته في كتب كتابنا و أنا معملتهاش تاني و مش هعملها

أسيل بضجر : مش عارفة ليه مش بتحلقه و الله بيبقي شكلك كيوت

وضع أسر يده علي أذنه قائلا : كـــ..ايه ياختي ؟؟؟ أنا مش قايلك الكلام المايع ده ممنوع في البيت ده ؟

ابتسمت أسيل قائلة : خلاص ولا أكنك سمعت حاجة يا برنس قولي المفيد و تعالى أحكيلي القضايا الجديدة اللي جاتلك

جلس أسر بجانبها لتقول أسيل بتساؤل : ها قول

بدأ أسر يقص لها بعض القضايا التي كانت تخيفها بشدة قديماً حتي أنه كان يستغل تلك النقطة حتي يسخر منها .. الأن لم يعد شئ يؤثر بها من تلك القواضي .. تنهدت بملل قائلة : أسر الناس ديه قديمة قوي بجد .. ليه المجرمين بقوا اسنطبة واحدة و مبيجددوش من نفسهم و أفكارهم .. أردفت قائلة : بقولك ايه معندكش طريقة جديدة لواحدة عايزة تقت,ل جوزها و ابنها عشان قرفنها في عيشتها ؟