سبر أغوار قلبي الاخير

تنهد أدهم بنافذ صبر و تركه و ذهب و هو يتمتم قائلا : كانت نقصاك هي

دخل ليجلس علي الطاولة المتجمع عليها أفراد عائلته لينظر لتالا و هو يقول بسخرية : مبروك جالك عريس يا مدام

نظرت له بعدم فهم ليمسك يدها الشمال القابعة بها الدبلة و هو يقول بجدية : ابقي فكريني أغيرلك الدبلة ديه عشان صغيرة مش بتبان .. أردف قائلا : بصي أنا هقوم عايز لما عيني تيجى عليكي ألاقيكي يا حاطة إيديكي ديه تحت خدك عاملة نفسك بتفكري يا بتكلي ضوافرك حتي لو وصلت إنك تحطي إيديكي في بوقك زي العيال الصغيرة اعمليها.. توعد لها قائلاً : و لو لقيتك منزلة إيدك هنكد عليك يا بنت أحمد أظن كلامي واضح و قدامهم كمان .. قام و هو يقول : ال أنسة أختك ال .. مش عاجبه أنا ولا ايه ؟

بدأت تفهم ما يدور .. فعلت كما طلب منها بالحرف فقد كانت سعيدة للغاية .. لقد غار .. غار عليها .. كم تعشق أسر و أسيل اللذان كانا السبب في تكلمه معها طوال اليوم و غيرته عليها .. عندما رأت منال الإبتسامة دعت لهما أن يصلح الله حالهما و يرزقهما بالسعادة الدائمة

الفصل الأخير – الجزء الثالث ج4

كانت جالسة تبكي أمام صابرين علي ابنها الوحيد الذي حكم عليه القاضي بالحبس سبع سنوات جراء القت,ل الخطأ الذي ارتكبه .. صاحت بها صابرين قائلة : لو هتفضلي تعملي كده يا هالة يبقي خدي نفسك و روحي علي بيتك أنا مش ناقصة نكد و غير ده كله لميس كل أما تنام أنت تصحيها

بكت هالة و صاحت بها : مش هتحرميني من بنت ابني زي ما حرمتيني من ابني .. أردفت قائلة : أكيد أنتِ طبعا مستريحة دلوقتي عشان ابني بقي في السجن و خدتي حق بنتك زي ما كنتِ عايزة

صاحت بها صابرين قائلة : تفتكري سبع سنين ممكن يشفو الغليل اللي جوايا علي بنتي و بنت بنتي .. أردفت قائلة : حتي السبع سنين دول حساهم قليلين أوي علي اللي أبنك عمله في بنتي و انت كنت أكتر واحدة شاهدة علي اللي كان بيعمله معاها

نزلت دموع هالة قائلة : بس علي الأقل كان يربي بنته .. أنا عارفة إن ابني غلط في حق بنتك بس هو من ساعة موتها و هو مكسور .. كسرته أكبر بكتير أوي من كسرتنا يا صابرين

مسحت صابرين دموعها قائلة : نصيبه كده و بنته أنا و أنتِ هنربيها أحسن تربية .. هنربيها تربية عكس اللي اتربت أمها عليها و اتربينا أحنا كمان عليها .. الزمن بيتغير يا هالة و يمكن ده اللي مخدتش بالي منه و أنا بربي لميس بنتي ربيتها علي زمن أمينة و سي السيد بس التربية ديه هتتغير دلوقتي .. هنربيها علي الإيجابية مش السلبية .. هنربيها إنها بالأدب و الأخلاق تقدر تاخد حقها من أتخنها تخين و بالعلم تقدر تكون أحسنها بنت و أثقفهم .. موافقة يا هالة .. صمتت قليلاً قائلة : مقدامكيش غير إنك توافقي و أنا مقداميش غير إني أعمل كده يمكن أكفر عن ذنبي قدام بنتي