سبر أغوار قلبي الاخير

أسر باستنكار : معندكش طريقة ؟؟ محسساني إنك بتطلبي مني طريقة عمل الكنافة .. أردف قائلاً بتوعد : و بعدين أنا و الواد الغلبان ده قرفينك في ايه إن شاء الله ؟ .. اقترب منها و قبض يده أمام وجهها : انطقي بدل ما أعملك وشك اللي زي القمر ده خريطة

ابتسمت قائلة : ده أنا بهزر معاك يا أسورتي هو أنا أقدر برضه

ضحك قائلاً بتوعد : بحسب

جذبته من شاربه قائلة : لا تحسب ايه مفيش الكلام ده يا برنس

قرصها من وجنتها قائلاً : بحبك والله يا بت أنتِ

أبعدت يده و ضربته بكتفه قائلة بضيق : وجعتني علي فكرة و ده مش تقدير

أمسك كتفه بتوجع قائلاً : تصدقي أنا بقيت أخاف منك بقيتي شرسة و مفترية .. أبوس إيدك ارجعي تاني أسيل البت البسكوتة الرقيقة بتاعت زمان

ضحكت بسخرية قائلة : قول للزمان أرجع يا زمان يا قلبي

نظر لها بدهشة قائلاً: لا بجد فعلاً بقيت أخاف منك .. ده أنا أخاف أكلمك أو ازعقلك تطلعيلي موس من بوقك .. اهدي يا ماما علي نفسك شوية .. وضع يده علي كتفها و ضمها إليه قائلاً : هاتي الريموت ده اما نقلب علي حاجة تانية بدل برامج الطبخ اللي قرفانة بيها ديه .. مدت أسيل يدها بالريموت ليحول القناة .. اتي باحدي الأفلام الاجنبية و اخذ يشاهده هو و هي .. تطلع بالبطلة و غازلها لتضربه أسيل بغيظ بكتفه قائلة بنافذ صبر : مش هتتغير أبدا هتفضل زي ما أنت

وضع أسر يده علي كتفه قائلاً : ايه بعكسها قدامك مش أحسن ما أعاكسها من وراكي و بعدين تفتكري واحدة زي ديه ممكن تبصلي

رفعت حاجبيها بترفع قائلة : حاجة عادية إن واحدة زي ديه تبصلك مدام نولت الشرف و أسيل هانم عبد العزيز بصتلك و أتجوزتك

حرك رأسه باستنكار قائلاً بتوعد : بقي كده

حركت رأسها بايجابية قائلة بفخر : أه هو كده و لازم يعجبك كمان

حرك رأسه بتوعد لها و أنقض عليها و هو يدغدغها ليثير ضحكاتها حتي سالت دموعها من عينيها و هي تقول برجاء من بين ضحكاتها : خلاص يا أسر .. خلاص يا أسر ربنا يخليك حرمت ..خلاص بقي و الله بغير

في النهاية معاشرة أسر لها و بقائها معه تحت سقف واحد غيرتها بكل شئ إلا حب الطعام خاصة الكب كيك .. فمازالت أسيل مفجوعة روايتنا !

كانت جالسة علي أحد الكراسي الخاصة بمصحة نفسية و بجانبها تلك الفتاة مشوشاً تفكيرها .. ربتت علي كتفها قائلة : أنت ليه رافضة يا مروة ده دكتور قد الدنيا و بيحبك و عايز يتجوزك