كرم ج الاخير

وعند الباب وقبل أن يغادر هتفت ب اسمه واللهفة واضحة

أكرم..

توقف ولم يستدر.. ينتظر وعقله أوهمه باعتذار ولن يقبله ف اقتربت هي

تقف أمامه والشفاه قريبة جدا.

تمد يدها رغم ضئالة المسافة بينهما..

ساعتك..!

تناولها بعد تلامس أطراف جعل الوضع مرتبك وزاد من احمرار وجهها..

ورغما عنها كانت تقترب رغم إبتعاده وتصلب جسده تهمس بأنفاس دافئة قريبة لصدره..

هستناك ع الغدا…

………….

إفتح الباب ده بدل مااطربق البيت ده ع دماغك ودماغ ااختك الصفرا..

.. إن كانت الزوجة غاضبة فتسلح باللامبالاه

منذ أن احتجزها بعد خطة أخته الصغرى وابتلاعها اللحظي للموقف ومرت الليلة بسلام..

باليوم الثاني وكأنها تبدلت صړاخ وصياح وعصبية زائدة ونغمة واحدة لا تحيد عنها خرجني من هنا.. افتح الباب..!

وهو رجل انتهاز الفرص حيث أن فرصته جائته على طبق من ذهب.. أيتركها!!

للتو استيقظ من نومه… بعد عڈاب فكل مرة يغفو بها تفيقه بطريقة مختلفة عن سابقتها مرة صڤعة ومرة صړخة تصم آذانه.. والأدهى ركلة بمنطقة تكاد تقضي على مستقبله الأسري .. التعبير الأدق مستقبله كله..!

بالأساس هو رجل بارد.. وببروده ذالك كان يجلس ب هاته اللحظة على الأريكة العريضة المقابلة للباب يستقبل طوفان ثورتها ببطنها المنتفخة..

مابال النسوة يزددن حلاوة وفتنة بالحمل..!!

ياحبيبتي اهدي… العصبية مش حلوة عشانك..

يتكلم ببرود أشعلها أضعاف ..

انت معندكش ډم… مبتزهقش..!

بنفس البرود بل وأشد.. يفرد ذراعيه بمحاذاة كتفيه مستندا على الأريكة خلفه.. يتلاعب بحاجبيه

خالص ده أنا عاطل وفاضيلك…

استفزها.. صړخت به بحدة تدب الأرض بقدميها..

عارف لو مفتحتش الباب ده دلوقتي… هقطعك..!

وارتفعا حاجباه بتسلية حيث أن عقابها شديد شديد جدا.. ذكره بعرض مسرحي ذكر الممثل فيه لممثل أمامه نصا إنت شديد أوي مع الموظفين بتوعك ياسيد بيه..!

يعتدل بغمزة..

طب ماتقطعيني…

عقدت حاجبيها بغباء… تود قذفه بأي شئ ثقيل أمامها يفقده وعيه وتنتهي منه..! عبست بتساؤل

إيه اللي بتقوله ده!!

تضغط على فكيها والنية ق,تل من أمامها.. فبسط ذراعيه يردف ببساطة

الحق عليا بحاول أهديكي وألطف الجو… ده أنت خميرة نكد..

تنفي عن نفسها تشير بسبابتها لصدرها

أنا خميرة نكد يابتاع النسوان!

يلتوي ثغره بشبه استهزاء.. يأخذ الأمور ببساطة

مش فاهم مضيقاكو في إيه بتاع نسوان مش احسن ماكون بتاع رجالة!!