بعد وفاه بابا

أنا متجوزة وعندي أخين ولاد، كلنا متجوزين. للأسف، بعد ما بابا تو.فى، إخواتي باعوا البيت وباعوا كل حاجة، حتى ورث بابا، وقسموا الفلوس مع بعض، حتى أنا لا. وكل واحد فيهم انشغل في حياته ورموا أمي، لا بيسألوا عليها نهائي، وبقالها 6 سنين عايشة معايا. يوم ما باعوا البيت وخرجوها منه، جوزي راح اتخانق معاهم. قالوا له: متدخلش نفسك. جوزي قام واخدها وجايبها البيت، وقالي: سيبي ربنا يحاسبهم، مش هيربحوا أبدًا. ومن يومها وهو شايلها في عينيه. كل يوم الصبح قبل ما يروح الشغل يدخل لها الأوضة ويسألها: نفسك تاكلي إيه يا ست الكل؟ ويجيب لها كل اللي بتتمناه.

وفي الفترة الأخيرة، مع مشاوير المستشفيات والدكاترة، كنت خايفة يزهق منها أو يمل، وبقيت أوسوس وأقول لنفسي: أكيد هييجي يوم ويطردها أو يقولي وديها عند إخواتك. وأنا إخواتي معرفش عنهم حاجة، كل واحد انشغل مع مراته ونسى أمه اللي ربته. ودلوقتي حالتها تعبت أوي، وكل كام يوم في مستشفى، وخايفة جوزي يزهق من المصاريف والمستشفيات. والنهاردة جوزي جاب خزين الشهر كله، ودخل قالي: أنا عاوز أتكلم مع أمك في موضوع. فضل قاعد معاها ساعتين بيتكلموا، وبعد ما خرج لقيت الصدمة.

البداية: ست سنين عدّوا كأنهم شريط سينما بيجري قدام عيني. ست سنين وأنا نايمة قايمة على نار الخوف والوجع، نار إن إخواتي اللي من بطن واحدة هان عليهم لحمهم ودمهم. طردوا الست اللي ربت وشقيت، وباعوا البيت القديم حتى العفش والذكريات، وقسموا القرشين على الجزمة، وما فكروش يسيبولها مأوى ولا يرمولها حتى جنيه دواء. لا، وكمان طردوني من حساباتهم وقالوا: إنتِ متجوزة وملكِش حاجة عندنا.

يومها جوزي إبراهيم راحلهم بدمه الحامي. كان هيتخانق وراحت الدنيا وقامت، بس لما لقى قلوبهم حجر ولسانهم بيقوله: ما تتدخلش يا غريب، أمنا وإحنا أحرار فيها، مسك إيد أمي وباس راسها وقالهم بكلمة رجالة: دي في عيني، والقرش اللي كلتوه سحت هيطلع من عيونكم وعيالكم، ومش هتربحوا أبدًا. من اللحظة دي، وإبراهيم شايل أمي على كفوف الراحة. يدخل عليها كل فجر ويسألها: نفسك في إيه يا ست الكل النهاردة؟ ده البيت منور ببركتك ودعاكي.

بس السنين تقلت، وأمي صحتها بقت في النازل. ضغط وسكر، ودكاترة رايحة جاية، وعمليات ومستشفيات بتسحب المصاريف سحب، وأنا الشيطان مبطلش يوسوس في ودني. أقول لنفسي: الراجل هيفيض بيه الكيل، الرجالة بتزهق من أهاليها، مش من حماة عيانة ومصاريف قطامة وسط. وكل ما يرجع وشه متغير من الشغل، أترعش وأقول: هيقولي كفاية. الكاتب_رومانى_مكرم كده خلي إخواتها يشيلوا شيلتهم، وأنا عارفة إن إخواتي نسيوها تمامًا، ونسوا إن ليهم أم عايشة على وش الأرض.