كرم ج الاخير

لم تكذب حين أسمته رجل التناقضات الشيء وعكسه ..

تخشى الرجوع لنقطة الصفر كما قالت له سابقا وتهكم هو حينها..!

تنهدت لتنفث أفكارهاتلتقط أنفاسها المضطربة بفضل تفكيرها السلبي وتعود لوقتها الحالي صغيرتها ملك نائمة بجانبها على الاريكة بعد أن تعبت من اللعب وشقيقها الصغير يجلس على أريكة بعيدة عنها قليلا يلهو بهاتفه الحديث يعبث بتطبيقاته.. منبهر وذلك أقل وصف يقال عنه مع اتساع حدقتيه..

اعتدلت بجلستها تهتف باسم شقيقها تنتزعه من فرحته بالهاتفتقول بجدية..

مجد أول ما أكرم ييجي.. هتقوله إنك عايز تروح البيت اللي هناك..

عقد مجد حاجبيه بنزق طفولي.. يهز رأسه رافضا

بس أنا مش عايز اروح..

قلبت عيناها باستياء..

متخافش.. هترجع هنا تاني.. بس أهم حاجه تقوله..

رفض بعناد وهو يعود بناظريه لشاشة هاتفه..

لأ مش هقوله..

زفرت بحنق قبل أن ترمقه بنظرة غاضبة..

لو مقولتلوش .. هاخد الفون اللي إنت فرحان بيه أوي ده..!

اعترض بحدة

مش من حقك تاخديه.. عمو أكرم هو اللي جيبهولي..

تهكمت..

وهو عمو أكرم جايبهولك لله وللوطن..!

تستكمل بكذبة وقد رأت ازدراده لريقه پخوف ..

هو جابهولك عشان أنا قولتله..

هز رأسه باستجابة وقد خاف من ټهديدها وافق مجبورا

طيب خلاص هقوله…

ابتسمت باتساع وقد نالت ما أرادت.. تنبه بكلامها

شاطر.. بس أوعى تقوله أن أنا اللي قيلالك..

أومأ بعد أن انكمشت ملامحه بإحباط

حاضر..

………

.. وبعد وقت كانوا ملتفون حول المائدة الأنيقة يتناولون طعامهم بصمت عدا عن صوت أدوات الطعام واحتكاكها بالصحون.. وبضع ابتسامات توزع من حين لآخر.. ونظرة جانبية مختلسة من قبل أكرم لنورهان..

كان أكرم يجلس بالمقدمة على يمينه نورهان وصغيرتها تجلس أعلى ساقيها ويساره مجد.. يلاحظ حرب النظرات الدائرة بين زوجته وشقيقها ولكن يفضل عدم التدخل..

ظلت نورهان تحذر شقيقها بعينيها تضغط على اسنانها تشير له بأن يتحدث كما اتفقا..

وأخيرا تحدث مجد مرغما..

عمو… أنا عايز أروح بيتنا اللي هناك..

عبس أكرم بتساؤل..

ليه!

وانتظر إجابته ولكن الصغير توتر وارتبك يرسل نظرة متسائلة لأخته الجالسة أمامه فتقابله بطأطاة رأس..

زاغت نظرات الصغير ولم يعرف بما يجيب بالأساس نورهان اكتفت بأمرها بأن يقول كذا فحسب..

سأله أكرم باستغراب وقد شعر بتيه الصغير..

مجد… إنت عايز تروح هناك بجد..