حكايه ج الاخير

L الفصل السادس عشر ا ،محمد مع مصطفي في جامع مجاور للمستشفي محمد : صلي ودعي لمراتك تقوم بالسلامة ويا رب تستوعب إنت غلطت قد إية و تكون حسيت الضني غالي ازاي . مصطفي : خلاص يا مصطفي مش هضايق رقية تاني و مش هغير من نهر خلاص فهمت ربنا يقومها بالسلامة وتقوم علشان خاطر ابنها . محمد : علشان خاطر ولادها مش بس إبنها ، إبنها إحنا اهلة و مش هنسيبة الدور و الباقي علي اليتيمة . مصطفي ببكاء : و الله هموت من غيرها و الله بحبها غصب عني عارف إني آذيتها بكلامي و عصبيتي عليها عارف إني جيت عليها وعلي نهر كتير بس بموت يا محمد لما تجري بعد كل مشكلة تروح بيتها القديم مع نهر كانها بتشتاق لة وتشتكيني لة . محمد : يا إبني هي بتروح تريح أعصابها ساعة أو إثنين من خناقاتك هو مات خلاص وانت بتصعب الامور . الكل بيقول ان سيرتة حسنة و كان بيعاملها أحسن معاملة حنين وزجدع انت خلتها تشوف الفرق كبير وواضح قوي صعبت الامور علي نفسك و اهملتها واهملت صحتها علي فكرة لما تقوم أنا هخدها عند أمك إنت ما تعرفش تعمل بيضة و مش هتعرف تخدمها دي امور حريمي مصطفي : لا هعرف و بعدين ماهي ما كنش لها حد لما خلفت نهر . محمد : اة يا فالح بس أبو نهر كان ممرض و فاهم هو بيتعامل إزاي وعاش فترة كبيرة لوحدة و بيعرف يطبخ ويكنس و يمرض إنت بقي تعرف تقول حاضر و ما تتعبش قلبي معاك . مصطفي بضيق : حاضر . محمد : و هتبعد عنها فترة علي ما نفسيتها تروق . مصطفي : لا بقي إنت بتعمل فيا كدة لية ؟ محمد: علشان الدكتور هو إلي قال كدة علشان ما تتنكس لما تعقل و تهدي وهي ان شاء الله تربعن نبقي نتكلم ويلا نصلي ومداش فرصة لمصطفي يرد واقام الصلاة . صلوا و محمد اتجة لآخر المسجد ومسك قران قرا فية بعض السور وبعدها قعد يدعي . مصطفي : يالاة يا محمد . محمد : إستني شوية هي وإبنك بين ايد ربنا ما تبخلش علي نفسك في الدعاء . عند نهر راحت لامعها وماسكة في ايد الدكتور عبد البصير الي اول ما فتح الباب كانت نهر بتكلم امها نهر : الدكتور أحمد هيتابعك طلع صاحب بابا وكمان علي إسمة زي ما قولتي ان بابا انقذك زمان دلوقتي برضو دكتور أحمد هيساعدك بعد ربنا ، ما هو ربنا خلقنا مش لينا حد خالص غيرة ، فانا هدعي و إترجاة ديما لازم الجا لية في كل محنة مش إنت قولتي ليا كدة أنا واثقة في كلامك ودعيت امبارح وقومتي وطمنتيني وبرضوا النهاردة هسمع كلامك وادعي هو مش هيرضي اكيد تروحي مني مش بثق في حد غير ربنا وانت ربنا هيساعدك انا عارفة . دكتورعبد البصير : شاطرة يا نهر صحيح ربنا هيلطف بك يا حبيبتي انا هخرج دلوقتي علشان تقعدوا شوية مع بعض علي ما دكتور احمد يجي . نهر : طيب ابقي ادعي لماما ماشي . دكتور عبد البصير : ماشي وخرج بيقول يا رب تقوم لعيالها البت صعبت عليا شبرين بتقول كلام يقطع الفلب . دكتور 2 : إية يا عم بتكلم نفسك جهز نفسك فية كذا حالة جت استعد بسرعة . ابو إبراهيم اخد مراتة يروحها لآنة حس إن مفيش فايدة من قعادهم ورجعوا بلدهم . دكتور أحمد إستقبل صديقة مخ وأعصاب و شرحلة حالة رقية ونبة علية إنها حالة تخصة و يهمة شفاهها و أخدتة غرفة رقية دق الدكتور علي الغرفة و دخل ليري نهرحاضنة رأس أمها ودموعها علي خدها دكتور احمد : يا نهر قولتلك اتكلمي معاها علي حاجات و ذكريات كويسة . نهر : أيوة انا كنت بنكلم معاها لكن دموعي نزلت لوحدها أنا بحبها قوي بس حتي الحاجات السعيدة بتبكيني . دكتور المخ والاعصاب : إن شاء الله خير انا هكشف علي ماما ممكن تقعدي جنب ماما . نهر : ممكن أمسك إيديها ممكن ؟ الدكتور : ماشي بس خليك شطورة و هادية . دخل محمد ومصطفي مصطفي في إية هنا ؟ دكتور أحمد : علشان خاطر نهر ناديت دكتور روؤف هنا من أحسن دكاترة المخ والأعصاب وتعاولوا نخرج برة علشان يقدر يكشف عليها كويس مصطفي : يالاة يا نهر . دكتور روؤف : لا نهر بالذات لازم تكون معايا معلش أخرجوا إنتم . دكتور أحمد خرج الأول وراة محمد وشد في إيدة مصطفي مصطفي : يعني إية أخرج وأنا جوزها و بنتها تبقي معاها ما انا كمان عاوز اطمن . دكتور أحمد : قلت قبل كدة المخ دة حاجة معقدة جدا العلماء اكتشوا حاجات أقل بكتير من المستخبية عنه ممكن جدآ تكون مدام رقية سامعة او حاسة بالي حواليها لكن مش قادرة تاخد رد فعل فإحنا بنحاول نحفزها بالي بتحبهم الي فهمتة انكم كنتوا متخنقين و هي أصلا مستسلمة لحالاتها فوجودك هيكون لة تاثير سلبي عليها يخليها مش عاوزة تقوم ومش هتقاوم , لكن نهر لأ , فهمت حضرتك نفسيتها حاليا مهمة ومش دلوقتي بس لا لفترة بعد ما تقوم حضرتك لازم تراضيها لانها واضح انها بتتاثر بسرعة وبيكون لها مردود سلبي علي صحتها أنا قابلت كتير حالات زي دي صحيح كل حالة بتختلف عن الثانية في بعض التفاصيل لكن المفتاح ديما واحد إدعوا لها وحسنوا نفسيتها واحنا هنعمل كل إلي نقدر علية عن اذنكم . محمد : شكراً يا داكطور ولو اني عند لك رجاء و إن شاء الله متكسفنيش سمعت ان حضرتك من احسن الدكاترة وانك بالصدفة كنت هنا وشغلك كلة في مصر وانا متفائل بيك خير وعرفت انك مسافر قاطعة الدكتور ورفع ايدة الدكتور :لكن علشان نهر قررت أستني علي ما أطمن إن الحالة إستقرت وعلشانها برضة إستدعيت دكتور روؤف . مصطفي :كلة بحسابة يا دكتور . زجرة مصطفي بايدة دكتور احمد :تصدق إنت بالذات مش عاوز منك حساب أنا بعمل كدة بس لنهر ، نهر وبس دي في سن بنتي وكفاية قوي عليها رعبها وخوفها. الدكتور كان قاصد ما يقولش عن أحمد زي ما وصتة نهر وكان فعلا مش عاوز ياخد اي مصروفات منهم اكراما لصحوبيتة وحبة لاحمد ابو نهر. محمد :كتر خيرك يا داكطور لكن برضو حق المستشفي وحضرتك مش هنقصر فية احنا نعرف في الاصول . الدكتور: بعدين يا حج لما الحالة تستقر نتكلم عن اذنكم وبعت نظرة لمصطفي من تحت لفوق اشمئزاز ولوم مصطفي : شوفت بيبص ليا إزاي الله أعلم نهر قالت لة إية؟ محمد : بس بقي و هتقول لة إية غير اللي شايفة عيلة وإنت خوفتها هي وامها انت لازم تتغير وتوعدني انك تعتبرها بنتك انت بتتعامل معاها كانها مرات ابوك يا اخي. فات ثلاث ايام و دكتور أحمد زي ما وعد نهر معاهم لم ينقلها لمستشفي متخصص ولكن اتي بالاطباء إليها مع بعض الأجهزة كان يهتم بكل من رقية ونهر وايضا صغيرها ومنع الزيارات الليلية واقنع محمد إن ياتوا صباحاً فقط و كان ياخذ معة نهر صباحا عند زيارة اهل مصطفي لرقية في الصباح . مصطفي : يا دكتور هو مش خطر ان الولد يرضع من امة و هي بتاخد أدوية كدة ومتعلق لها كل الخراطيم دي ؟ دكتور احمد : لا الرضاعة الطبيعية مهمة جدا الممرضة بتيجي تاخد بالشفاط وتحط بالببرونة و ترضع الولد صحيح اللبن قليل لكن مهم و الولد بيرضع مرة أو إثنين طبيعي علشان يحس بامة ودقات قلبها ودي بتعمل زي تواصل بينهم ما تخفش علية الرضاعة الصناعي لو بدأها مش هيرضي يرضع طبيعي . مصطفي : حاسس إنة خس أكتر ما هو خاسس . االدكتور : الطفل في أول اسبوع بينزل الماية المخزونة في جسمة هو كدة كدة لازم يقعد خمس أيام علي الاقل في الحضانة انا قولت بلاش ننقل المدام مستشفي علشان تكون جنب اولادها . محمد حك رقابتة و قال : أولادها يا دكتور آمال نهر فين ؟ الدكتور :و الله كويس إنكم إفتكرتوها أخيراً يعني الاستاذ بيجي يطمن علي ابنة ومراتة ومجبش سيرة البنت كويسة يا حج معايا أنا بهتم بيها . محمد بحرج : أنا بسال عليها بس كان عندي شغل و مصطفي بيجي يطمنا . الدكتور :لا والله وبتقول لهم إية يا استاذ مصطفي وانت اصلا ما بتشوفهاش . مصطفي : وهي هيجرلها اية يعني؟ الدكتور : لا ابدا ولا حاجة طفلة ست سنين في مستشفي بقلها أربع أيام من غير غيار لها ولا حد بيسال كلت شربت تعبت او حتي يتكلم معاها ,امتي اخر مرة يا حج محمد كلمتها من ثلاث ايام باين عن إذنكوا . محمد : وتقولي هتتغير إنت مش كل يوم بترجع بيتك مجاش في دماغك تجيب غيار للبنت أو حتي تسال عنها وكل ما اقولك نهر عاملة إية تقولي زي القرد يا اخي منك لله قصرت رقبتنا . مصطفي : بتدعي عليا يا أخويا هو أنا في إية ولا إية ؟ محمد : أنا رايح أشوف البت الا أمها لما تفوق هتزعل من الكل وعندها حق أعتمدت عليك وسمعت كلامك و قولت بلاش زحمة عندها في الاوضة . خبط محمد علي باب الدكتور الدكتور بتعب: ادخل . محمد : لا ماخذة يا داكطور كنت عاوز نهر تروح معانا مش عارفين أمها هتفوق امتي و هي خلاص ثلاث أيام وتروح المدرسة . الدكتور :نهر حكت لي إنها في بلد غير الي إنتو فيها مع أمها واستاذ مصطفي وعفوا اخوك بني ادم مستهتر مش هياخد بالة منها و لولا انت سالت عليها هو كان عمرة ما هيسال . هي بتنام 9الصبح لغاية الساعة 2 الضهر علشان ما تشوفش اخوك . محمد : بتقول إية يا دكتور ؟ إحنا أقرب ليها من أي حد . الدكتور : كلام بس أعتقد زوجة حضرتك إلي جت مع والدتك أول إمبارح هما كمان ماسالوش علي نهر . محمد : الممرضة قالت إنها نايمة لأنها كانت سهرانة مع أمها . االدكتور : فعلا سهرت مع أمها و شالت أخوها و صممت إنها تحاول ترضعة من أمه و عملت واجبها كاخت كبيرة في المقابل سالتوا عليها لقيتوها نايمة سالتوا عاملة أية اخبارها اية بتطمنوا علي امهاعلشان ام ٱبنكم و إحنا بنعمل كل الي نقدر علية وندعي بس علشان البنت دي محمد حط وشة في الارض و قال : كنت فاكر مصطفي واخد بالة منها الدكتور :واخد بالة من إبنة و مراتة عاوزها تقوم علشان نفسة و إبنة مش علشانها وعلشان بنتها , علي العموم أنا محتاج نهر هنا لما أخوها بيبدا عياط مش بيسكت غير في حضنها لما امها الاجهزة بتدي اشارة للايقاف بترجع تشتغل مجرد ما نهر تمسك اديها وتقرا لها قرآن ودة بيدينا مؤشر انها بيستجيب لبنتها و إن شاء الله تقوم بالسلامة غير إن نهر ما شاء الله عليها بنت ذكية والقاعدة معاها حلوة وانا شخصيا هبقي مطمن عليها هنا كتر . محمد : ان شاء الله دة هجيب لها غيار تغير فية بكرة لأن الزيارة قربت تخلص النهاردة . الدكتور : كتر خيركم معاها دلوقتي بدل الغيار ثلاثة عموما هي نايمة ورا الستارة دي ممكن تشوفها . محمد فتح الستارة بهدوء و شاف نهر نايمة متكومة علي نفسها و كانت كالملاك لكن واضح عليها التعب و الإرهاق محمد : لية شكلها تعبانة كدة يا داكطور ؟ ألدكتور : طول الليل سهر ومن أخوها لامها و العكس و بتاكل قليل ضعط نفسي وعصبي و بدني عليها و لوحدها . صغيرة لكن قوية و ذكية و حنية الدنيا فيها و كمل في نفسة من غير ما يسمعة محمد ( خليط غريب وحلو من امها وابوها ) محمد : طيب لا موأخذة يا دكتور يعني حساب الحاجات الي جبتها لها كام حضرتك مش ملزم بيها . ألدكتور : أنا ما جبتش حاجة ، ليا بنت قدها بس أكبر شوية في الجسم و.كان في شقتي شوية حاجات صغرت عليها لكن جت علي نهر و اكيد يعني مش هاخد فلوسها لأن أساسا مش فاكر كانوا بكام ( طبعا الدكتور بيكذب لان اللبس كان جديد و كان عاوز يجيب لبنت أحمد حاجات كويسة و في نفس الوقت ما يسببش لنهر إحراج مع مصطفي ) بعد يومين آخرين الساعة عشرة مساءاً كانت نهر تحمل أخيها بعد الرضاعة و تقرعة زي ما قال لها الدكتور لما رقية بدات تفتح عنيها وتشوف خيال نهر و هي شايلة إبنها بشويش وبتقول لة : حبيبي ادعي معايا ماما تقوم بالسلامة لان إنت تعبت أيدي خالص ضغنون بس متعب و مزعج زي أبوك أبوك الله يهدي أبوك . رقية بإبتسامة حنونة :تعبتي بسرعة كدة يا نهر لا إجمدي شوية حبيبتي إحنا لسة في الاول . نهر بفرحة ودموع :آنة الحمد لله يا رب الحمد لله أنا مش مصدقة أخيراً صحيتي يا حبيبتي أوعي تسبيني تاني أنا كنت هموت من الزعل عليك ، بصي يا عمر حلو إزاي بس مش شبهي خالص . رقية : لسة يا روحي ملامحة ما ٱتحددتش إنت جبتية إزاي و مفيش حد معاك برضة . نهر: الممرضة جابتة يرضع و رضعناة أنا وهي و بعدين قالت هتسيبة شوية معايا علشان بيحبني وبيسكت معايا تصدقي بقي فية حد بيحبني غيرك في الدنيا . رقية دمعت :ربنا يخليكم لبعض و تكونوا سند بعض يا حبيبتي كويس إن جت ممرضة هو أنا نمت كتير من آخر مرة كلمتك نمتي كتير جدا نهر : Five or six days only رقية : إية كل دة بجد ؟ هتا فتحت الممرضة الغرفة وتفجأت برقية و قالت :يااااة الف حمدا الله بالسلامة دكتور أحمد هنبسط قوي إنك صحيتي هقولة أول ما يطلع من الادأوضة هاتي يا نهر أخوك أروح أودية الحضانة . رقية : ممكن تسبية شوية ؟ الممرضة : لأ مش المفروض نطلعة أكتر من كدة لسة صغير و علشان ما يتعبش هو تقريبا هيخرج بكرة هبقي اجيبة تاني ؟ نهر جريت علي حضن امها بعد ان اعطت الممرضة الرضيع : وحشتيني قوي قوي يا رووقة . رقية : وانت كمان يا قلب رووقة . نهر : لا إنت اكتر أسبوع كان صعب لكن أنا وحشتك إزاي وإنت كنت نايمة أصلا كل دة . رقية : كنت بحس بيك وإنت جنبي بس كنت فاكرة نفسي بحلم حتي كنت بحس بأخوك وهو بيرضع . نهر :كمان عمو مصطفي كان بيجي . رقية بمرح :لا دة ما حستش بية خاااااالص . رقية ونهر هههههههههه دكتور أحمد دق ودخل :مصدقتش نفسي والممرضة بتقول ان حضرتك صحيتي حمدالله علي سلامة حضرتك يا مدام . رقية : الله يسلمك يا دكتور هو أنا شوفت حضرتك قبل كدة ولا حضرتك الي ولدتني ؟ دكتور احمد :لا مش انا الي ولدتك لكن بالصدفة كنت جاي المستشفي هنا و الكل إتهرب وفضلت انا نبطشية باليل يوم ولادتك . نهر : عمو دكتور أحمد يا ماما شريك في المستشفي وبيشتغل في مصر و كان صاحب بابا وقعد هنا لانة وعدني مش هيمشي غير لو حضرتك قومتي و أوفي ، وأنا وهو أصحاب وبنام عندة علي الشازلونج لما عمو مصطفي بيجي الصبح . رقية : صاحب بابا ودكتور أحمد حضرتك كنت مع أحمد في مستشفي طنطا الجامعي و جيت عزيت فية و سبت المستشفي . الدكتور : لا احنا كدة تمام قوي و الذاكرة زي الفل. رقية : شكرا يا دكتور علي مجهودك و ادإعتنائك بنهر . دكتور أحمد ضحك جامد وقال :زي ماانت بتقولي كلام بالعربية ىالفصحي أحمد كان بيقول مراتي جاية من النيل تي في عربي فصحي ولغات . رقية ودمعة في عنيها : الله يرحمة سابلينا الذكري الطيبة وبعد موتة لسة في ناس زي حضرتك بتاخد بالها مننا علشانة . الدكتور :لا لا مش عاوزين زعل عاوزينك تقومي بالسلامة لان نهر تعبت جدا الفترة الي فاتت وبعدين ان شاء الله البيبي بكرة او بعدة بالكتير هيطلع من الحضانة المفروض الام هي الي تروح الحضانة لابنها لكن العكس الي حصل فحضرتك بقي هتتحاملي علي نفسك وتروحي اليومين دول . رقية :ان شاء الله هو نهر بس إلي بتكون معايا يا دكتور مفيش حد معاها . الدكتور :نهر طلبت مني كدة وحضرتك كدة اسبوع معانا حتي أنا عملت لحضرتك مخصوص معاد زيارة لان المستشفي هنا للولادة بس بيجوا يتابعوا و يولدوا هنا سوا طبيعي أو قيصري المكان مجهز الحمد لله قالمفروض المركز مفتوح طول اليوم حضرتك حالة خاصة عملنا لك مواعيد زيارة . رقية بدأت تتحسن ومعها نهر علي طول محمد وإنتصار رايحين لها المستشفي وكان الدكتور مع رقية ونهر محمد :السلام عليكم أخبارك اية النهاردة يا ست ام نهر . الدكتور :لا احنا كنا فين وبقينا فين هي ممكن تخرج النهاردة بس للاسف هي لسة ضعيفة هي و إبنها محتاجة رعاية لو مش هتقدروا تهتموا بيها علي الاقل اسبوع كمان فسيبوها هنا واهم حاجة الأدوية و التغذية و الراحة النفسية . محمد : كتر خيرك يا دكتور إحنا تعبناك و عطلناك معانا وأنا عارف إنك المفروض تسافر مصر من ياما . الدكتور :لا ابدأ دة شغل وانا كدة كدة كنت محتاج اقعد هنا شوية انا مسافر باليل أن شاء الله وأبقي طمنيني عليك يا نهر أمانة عليك خالي بالك منها دى مطيعة و حساسة قوي . محمد : بتقول إية يا داكطور دي بنتنا و كلنا بنحبها الدكتور بعدم إقتناع وهو وأخد محمد في ركن الحجرة وبيتكلم بصوت منخفض : ماشي هكررلحضرتك تاني . مهم الفترة الجاية نفسية المدام و البنت يعني حاول تصلح بينها و بين أستاذ مصطفي وفهمة أنها حساسة جدآ علي اولادها ونهر كمان بجد بنت مفيش زيها بلاش يدمرهم حضرتك عارف رسول الله قال خيركم خيركم لأهله و كمان قال استوصوا بالنساء خيرا وقال علية الصلاة والسلام اياكم والضعيفين المرأة والطفل فبلاش بقي يستقوي عليهم و خصوصا وهو عارف إن مالهمش وحد . محمد باستغراب :مالهمش حد إزاي يا دكتور و إحنا روحنا فين هي رقية قالت لحضرتك إية . الدكتور بسرعة : لا ماتفهمش غلط مدام رقية ما اتكلمتش معايا خالص غير عن ابنها وحالتة لكن نهر بقألها كام يوم معايا وخصوصا لما مامتها تنام و برضو ما حدش سأل عليها خالص ولا حتي أخوك إلي مسئول عنها فبنحكي مع بعض باليل مش أكتر. محمد بتفهم : ماشي يا دكتور. لدكتور : هو أستاذ مصطفي جاي ولا لأ. محمد : زمناتة جاي دلوقتي قالي نخلص إجراءات و الحساب وكدة يكون هو جة بمكروباص علشان نروح كلنا . الدكتور : مش هوصي حضرتك الإحتكاك بينهم الايام دي يكون قليل ولطفوا الجو بينهم علشان الحياة تستمر وأبدوا بنهر لو علاقتة إتحسنت بيها علي طول أمها هتتحسن هي من نوع الي اهم حاجة عندها عيالها تصدق لو قولتلك أن احيانا الولد بعد ما بيرضع تقريبا مش بيسكت غير في حضن اختة و دة معناه أن مدام رقية مقرباهم من بعض قوي و أنها كان بتهدي لما تكون مع بنتها . محمد : عارف يا دكتور أن روحها في عيالها و هو دة الي مجنن أخويا عاوز نفسة كل حاجة في حياتها بس وجود إبنة في الصورة هيفرق إن شاء الله . الدكتور : ربنا يهدي لهم الحال طيب أنا هودع نهر علشان لازم أسافر النهاردة وبالنسبة للحساب حضرتك هتحاسب تحت علي الحضانة بتاعت الولد بس الباقي مني لنهر لأنها بقت صحبتي خلاص السلام عليكم . الدكتور بصوت عالي شوية :نهر تعالي معايا يلا نلف لفة علي أمهات إمبارح علشان تتعودي علي ما تكبري و تبقي أحلي دكتورة . نهر : يلا يا عمو بس أنا عاوزة اكون اشطر دكتورة مش أحلي دكتورة . الدكتوريضحك : يلا بينا يا زومل . نهر : يلا يا استاذي . نهر بعد ما خرجوا : عارفة أن حضرتك خرجتني معاك علشان تقولي إنك خلاص راجع مصر . الدكتور : وعرفتي منين ؟ نهر : الكلام كتير هنا و الحمد لله ماما اتحسنت و هتخرج النهاردة هي قالتلي كدة وأنا كمان عاوزة اشكرك كتير قوي لانك وقفت جمبنا . الدكتور : لا شكر علي واجب بابا ياما عمل معايا وإنت وماما تستهلوا كل خير عاوزك تاخدي الرقم دة رقم تليفوني لو فية أي مشكلة صحية ابقي كلميني . نهر : هو أنا هدخل المدرسة لما ماما تخف إن شاء الله لكن بعرف الحروف والارقام وكمان بعرف اكتب اسمي . الدكتور : يا واد يا متمكن يلا يا دكتورة المستقبل نعدي علي الماماهات صحيح لية عاوزة تكوني دكتورة ؟ نهر :يووووووة دة موضوع طويل لو فية وقت هبقي احكيهولك . مصطفي آتي بميكروباص كي يرجعوا لبلدة و محمد راح الحسابات وحاسب فعلا واستغرب أن فعلا حسبوة علي حضانة الولد فقط وقال لمصطفي . مصطفي : يعني إية الحضانة بس و الولادة و الدكتور إلي جة من برة المستشفي لرقية و أوضة رقية إلي محجوزة لها لوحدها لية يعني ؟ محمد : مش عارف بس الداكطور فوق قاللي هحاسب علي الحضانة بس و إستغربت و قولت عزومة مركبية بس طلع حقيقي . مصطفي : ما قلش لية ؟ محمد : قال علشان نهر صاحبتي بس كدة . مصطفي : ااااه نهر طيب كويس طلعت ليها فائدة بنت التمرجي . طب خلاص صاحبتة صاحبتة يلا بينا نطلع نجيب الجماعة . محمد : اية يلا بينا مش هندفع فلوس الولادة والذي منة أو حتي نشكر الداكطور؟ مصطفي : لا هو مش عمل سبع البرومبة خلية بقي و آهو توفير لينا يعني اكيد بيكسب أد كدة . محمد : إزاي الكلام دة إنت مش قليل علشان حد يحاسب علي ولادة مراتك و حجزها في أوضة لوحدها . مصطفي مقاطع إخوة : لا مش قليل طبعا وهما عارفين كدة ولعلمك انا أصلا قولت رقية تقعد في أوضة مع حد علشان المصاريف يعني وهو اللي قال ما تشغلش بالك بالاوض وكدة خلاص و كنت عارف أنة هيعمل خصم و بعدين ما هما واخدين قد كدة في الحضانة أهو . يلا يا محمد دول بيحسبوها بالمليم ما تخفش مش هيخسروا نفسهم يلا بقي . مصطفي طلع فوق لاوضة رقية و أول ما دخل : بقولك إية يا مرات أخويا يا عسل ما تجي إنت معانا بيتنا إنت عارفة الدراسة بدأت وأنا لازم أكون في المدرسة يرضيك ادأتبدهل بين المدرسة و البلد . إنتصار : إسمها السلام عليكوا حمدا الله علي سلامتك يا مراتي يا حبيبتي مش علي الحامي كدة . مصطفي بص لرقية و قال : ما تقولي حاجة و لا علي هواكي تعبي رايح جاي والكل يخدمك انت . إنتصار : لا أنا مش هسيب عيالي وآجي عندك وأخوه قايل ليا أنة متفق معاك و مالكش صالح بيها إية هتتخانق معاها و هي لسة ما طلعتش من المستشفي حتي ، أهدي كدة أتعب شوية و أعرف الضني غالي روح هات إبنك الله يهديك . مصطفي : بقي كدة يعني شكلك فرحانة فيا و لا اكاني تربيتك . إنتصار : فرحانة ليك مش فيك و بلاش حركاتك دي علشان نفسك انت تتعب اخوك وولادة والحاجة كمان لأنها مش هتقدر لهم غير إنك يا دوب هي كوباية الشاي إللي تقدر تعملها ورقية عاوزة تغذية علشان ترضع وأنا مش هسيب العيال وهما كلهم بيرحوا المدرسة . مصطفي : وافقي إنت ومحمد بيعرف يتصرف وأمي كمان . إنتصار : لا يا أستاذ احناعاوزين سبوع الواد عندنا في البيت الكبير وعاوزين العيال يفرحوا والأهل و الأحباب و الجيران و عاوزين صوت الواءواء في البيت تاني أنا خلاص كدة جبت أخري لكن أنتم بقي في أولها يلاعلشان ما نتاخرش . إية هيحصل في البيت الكبير و يا تري مصطفي إتغير فعلا هنشوف الفصل الجاي ..... لو عجبكم الفصل كومنت او فوت وشكرا ) الفصل السابع عشر ال يوم من عمرنا(١٧) مصطفي حاول مع إنتصار يغير رائيها و يرجعوا بيت مصطفي لكن إنتصار رفضت و خصوصا و هي متفقة مع محمد علي ذلك . ذهبوا جميعا إلي البيت الكبير و استقبالتهم الحجة بالزغاريد و الفرحة هي و بعض من الأهل و الأحباب . محمد : إية يا أمة لميتي علينا الناس ! الحاجة : الف مبروك يا حبيبي سلامة مراتك و إبنك ربنا يبارك فية و تفرح بة و إخواتة إن شاء الله . محمد : يا أمة البنية تعبانة و مش قادرة تقف علي رجليها دخلوها تستريح قاعدة العربية كان متعبة عليها . الحجة : إدخلوا يلا و تعالي معايا يا إنتصار نجهز الأكل . ورد : أنا عاوزة أشوف النونة هستسموة إية ؟ محمد : و الله وراحت عليك يا ورد و جة إلي أصغر منك و هياخد الدلع كلة . ورد بغضب : أنا برضو لسة صغيرة و هاخد كل إلي عوزاة . الصغير فجاءة بدأ يصرخ بهستريا كآنة يعترض . محمد : الحوقوا الواد باينة فهم و عاوز يدلع . إنتصار: و إنت الصادق تلاقية عاملها و لا جعان ما شاء الله طالع مفجوع و هو لسة راضع قبل ما نجي علي طول . مصطفي : بلاش إنت يا مرات أخويا دة أنا بحبك إبني يعمل إللي هو عاوزة براحة راحتة مش كفاية ما أخدش راحتة جوة بطن أمة كمان هتعكروا مزاجة برة . الحجة : شوف الواد اليغ بيحامي لأبنة هتبعنا يعني ؟ مصطفي : عاوزين نرتب للسبوع يا حاجة . رقية : بدل السبوع ما تخلية عقيقة أحسن و الناس الغلابة تنبسط . مصطفي بعيظ: خاليك إنت في نفسك و اهتمي بالولد أنا هعمل سبوع الأهل و الحبايب تفرح و العيال تنبسط و البيت يكون فرحان ،و بعدين التمرجي ماعملش علشان تربية ملجئ مالوش أهل و لا عزوة يفرحوا معاة . نهر : لا عمل عقيقة سنة عن رسول الله و كل أهل البلد كانوا أهلة و بيفرحوا لفرحة و لغاية النهاردة بيكرموني علشانة لآنة ما كنش بيإذي حد بلسانة أو بعملة حضرتك بتاذي كل الي حواليك بكلامك و بتزعل ماما و أنا بفتخر و هفضل إفتخر بابويا التمرجي . الحاجة: تسلم لسانك يا بنتي يا رب أشوف أخوك زيك و نظرت لمصطفي إتلم يابني مراتك تعبانة و ماكفرتش لما قالت رايها لازمتة إية تكدرها ؟ و حش علشانها و علشان إبنها و اللبن . محمد : يلا يا إنتصار دخليهم أوضتهم . ورد : أبا يعني إية عقيقة ويعني اية سنة ؟ محمد.: إنت أكبر من نهر بسنتين و مش عارفة هي بتقول إية ؟ نهر : علشان أنا بحب أسمع خطبة الجمعة الشيخ بيقولها في ميكرفون الجامع و ماما بتحكي لي عن الرسول و الصحابة والرسل هنبقي نقعد مع بعض وماما تحكي لنا سلام هروح لماما علشان اساعدهم . مصطفي : شايف مقصوفة الرقبة بترد عليا إزاي ! محمد : إنت اللي خفيف و غلطت ، ولاااة إنت مش هتبطل غير لما تخلص علي مراتك و إبنك أعقل إحنا لسة مرتحناش من الطريق . مصطفي: يعني بتنصر بنت التمرجي عليا ؟ محمد : بنت التمرجي بنت التمرجي ! إية يا أخي مش المفروض إنها في مقام بنتك إنت و إتجوزت أمها علشان تبقي أب ليها إية كل شوية عاوز تتخانق وإنت عارف كويس إنها تعبانة وطالعة من واقعة سودة و غيبوبة و بلاء أزرق ، مش عارف تجبر بخاطر مراتك إللي ولدت من غير وجودك وجاي عليها و علي بنتها ما تهدى بقي ! رقية مش منكسرة لا هي بس بتصبر و تحتسب بس لو مررت عشتها أكتر من كدة هتاخد بنتها وابنها و تروح تعيش في بيت التمرجي إللي كان ليها الظهر والسند حتي وهو ميت إنت عمرك ما كنت سند لها أعقل إنت ، أنا اكتر واحد حاسس بك وعارف إنك بتحبها بس بتغير عليها من حب بنتها بس خلاص بقي فية كمان إبنك وهتشوف رقية ونهر بيحبوة قد إية ،سنة الحياة الست بتحب اولادها أكتر من جوزها مش عاوزة أتكلم في الموضوع دة تاني و إنت لو هتنام هنا هتنام في أوضتك هنا . مصطفي : لية ما نمش في اوضة مراتي و إبني ؟ محمد : يا صبر أيووووب ، علشان يقوموا بالسلامة أصل لسانك عاوز قطعة و إنت لو ما إتعدلتش هتجيب لنا كلنا الضغط و السكر يا إنتصاااار يا انتصاااار . إنتصار : أيوة أيوة في إية ؟ محمد : أنا رايح الغيط هسقي وآجي علي العصر مش هوصيكي أنا عارف إنك جدعة و بنت أصول وهتقومي بالواجب ربنا يخليك لينا يا أم عيالي يا غالية . إنتصار : ترجع بالسلامة و ما تقلقش كلة خير ما تروح معاه يا مصطفي كدة كدة رقية هتاخد الدوا و بينيمها زي القتيل أو روح شوف وراك إية . مصطفي : بتوزعيني يعني خايفة عليها . إنتصار : لا بس هي محتاجة واحدة ست معاها تساعدها إنت متعرفش بس كدة . مصطفي : أنا هروح شوية مع محمد وبعدين هروح البلد ادي شوية دروس واجي علي بعد المغرب . إنتصار : طب تعالي أفطرك الأول علشان هتقعد برة كتير وكدة مش هتلحق معانا الغدا بس هشيل لك منابك . مصطفي : لأ هشرب مع محمد شاي في الغيط علي نار الحطب سلام . إنتصار راحت المطبخ علشان تجهز أكل لرقية و عيالها و بعدها لقت نهر بتخبط علي باب المطبخ . نهر : ممكن ادخل ؟ إنتصار : إتفضلي يا حبيبتي إية جابك من جنب أمك ؟ نهر : قولت أساعد حضرتك قولي لي بس عاوزة إية وانا اعمل معاك . إنتصار بضحكة : وإنت هتعرفي تعملي إية بقي ؟ نهر بتفكير : إناولك حاجة أغسل كوبيلات و معالق ادأنقي الرز أجيب ماية أقشر بطاطس أطلع أجيب لك بيض من عند الفراخ إلي أقدر علية و كمان عاوزة أتعلم منك إزاي الاكل بيتعمل علشان ماما تعبانة فأقدر أعمل لها اكل . انتصار :يا ماشاء الله يا ماشاء الله و النبي إنت عسل تعالي تعالي المطبخ نور عملوا فطار سريع و طلعوة في المندرة و نهر راحت نادت علي أولاد إنتصار و الحاجة . نهر : ناديت عليهم كلهم بس أنا مش هاكل غير لما تأكل ماما الاول . إنتصار : بصي يا حبيبتي ماما لازم ليها حاجة سخنة فهعمل لها حلبة و خدي الحلاوة الطحينية دى علشان تزود اللبن عند ماما و البيضتين دول علي ما تاكليها تكون الحلبة إستوت هبقي ادخلها أنا وبعدين أنا وأنت نبقي ناكل مع بعض . نهر : لا حضرتك كلي مع اولادك . انا عرفة ماما مش هترضي تأكل غير لما اكل فهاكل معاها حاجة خفيفة وهاكلها . إنتصار : طب خلاص هعمل لك واحد فول و واحد طعمية وكلي معاها بس لازم تاكليها . نهر بابتسامة : أكيد هاكلها ماتقلقيش و راحت لأمها وإنتصار عملت لنهر سندوتشين و دخلتهم ليها و لاقت رقية بتحاول تاكل بنتها معاها . إنتصار : كلي إنت نفسة و دة فطار نهر عارفها بتحب الطعمية و هي صممت تأكل معاك ربنا يخليكم لبعض . رقية :تسلمي و معلش بتعبك معايا . إنتصار : يا ريت كل التعب يفرح كدة مصطفي بعتبرة أخويا الصغير وإنت ربنا يعلم بحبك إنت ونهر ربنا يهدي لكم الحال هسبكم وعاوزة آجي الاقي الاكل خلصان وراحت المندرة تفطر مع اولادها والحجة . علي : فين نهر يا آمة مش هتفطر؟ إنتصار: هتفطر مع أمها وتفطرها . علي : يا خسارة نهر بتعمل جو حلو في المكان اللي فية كنت عاوزها تفطر معانا بس علاقتهم ببعض حلوة مش ام وبنتها تحس إنهم أصحاب احباب حاجة كدة زي الي روحهم في بعض . إنتصار : عندك حق و الله يا علي البنت صراحة هي وأمها بتزين أي مكان يكونوا فية . الحاجة : إية العقل دة كلة دول السلايف ياما بيعملوا في بعض ربنا هديكم علي بعض . إنتصار : هي رقية في حد يقدر يزعل منها غلبانة وفي حالها و بتحب تساعد كل الناس وبتذاكر لعيالي و هم بيحبوها وكملت في نفسها (و كفاية قوي كسرة نفسها هي و بنتها من إبنك إللي ما بيرحمش ) ورد : عاوزة بيض و بطاطس أنا مش عاوزة فول و طعمية و عاوزة العب مع نهر . إنتصار : حاضر هبقي أعمل لك بس كمان شوية كلي أي حاجة دلوقتي و نهر مش عارفة ممكن تسبب أمها و تجي تلعب معاك ولا لأ؟ الحاجة : أكيد هتلعب معاها دول العيال كلها بتحب اللعب . إنتصار : لا يا حاجة دى جت ليا المطبخ تساعدني و عاوزة تطبخ و تساعد أمها اللعب مش مهم بالنسبة لها و علي العموم يا ريت تلعب و تريح نفسها شوية . علي : هي حنينة و ذكية و مرتبطة جامد بأمها لو نامت أمها ممكن تلعب معاك يا ورد وأنا كمان ألعب معاكم . عبد الله ( الابن الثاني لإنتصار ) : وأنا كمان العب معاكم لو نهر لعبت نلعب الحجلة ولا الخمس شأفات و لا السيجة(دي العاب ريفية في مصر ) الكل كان متحمس للعب مع نهر و الحاجة وإنتصار متحمسين للمولودالجديد و تجهيز الطعام والتوفير اللبن اللازم لعمل الرز باللبن ( عادة عند أهل الريف عندما يحضر أحد سبوع أي طفل أن يأكل الضيف طبق رز باللبن مرشوش علية جوز الهند و الزبيب كنوع من الضيافة مع الموغات إنتصار كانت مهتمة برقية و كل فترة تدخل لها حاجة سخنة تشربها و تحاول تاكلها مع نهر علي قد ما يقدروا و نهر بدأت ترتاح شوية من مجهود الإهتمام بأمها و شيل إخوها لوحدها. إنتصار : بقول إية يا ست البنات إنت تعبتي معايا و مع ماما طول النهار و عمك محمد زمانة جاي كمان شوية صغيرة ما تطلعي قدام الدار تلعبي مع العيال يفرحوا وإنت تفرحي و متخافيش هاخد بالي من أمك . نهر : مش تعبانة ماما ديما تقول إن عند الاطفال طاقة كبيرة في الحركة أكتر من الكبار وأنا مش تعبانة . إنتصار : تعالي بس هنادي العيال ماما هتفرح هي كمان إنك بتلعبي شوية إنت من زمان محبوسة في المستشفي ( ورفعت صوتها لتنادي علي اولادها ) يا عيال تعالوا إلعبوا مع نهر قدام الدار الكل كان في لمح البصر عندهم فرحانين أنهم هيلعبوا. إنتصار : إية دة يا علي إنت كبرت يا حبيبي علي لعب العيال. علي : أرجع تاني يعني إحنا هنلعب مع بعض كلنا أنا خلصت واجب خلاص . إنتصار : ما لازم تكون عملت الواجب ما إنتم كلكوا غبتوا النهاردة ودة واجب إمبارح يا ناصح . علي : يا أمة إتصلت بٱصحابي و عرفت أخدوا اية و عملت واجب النهاردة . نهر : خلاص بقي يا تيزة علشان كمان نبقي فريقين كل فريق اثنين و بعدين مش هنلعب كتير علشان أرجع لماما . إنتصار : لأ إلعبي براحتك إنت ماما أكلت و نامت و اخوك نائم إنت إلعبي براحتك إنت و ورد . بس إنت و شاورت علي علي في أولي ثانوي يعني لازم تذاكر كويس . علي : ادأوعدكم هذاكر حلو و هبقي دكتور و أذاكر لك يا نهر يلا بقي . نهر : عندكوا السلم و الثعبان أو ليدوا أو بنك الحظ . ورد : إية دة إحنا هنلعب قدام الدار و لا المندرة ؟ نهر : بصراحة عاوزة ألعب حاجة و انا قاعدة رجلي و جعاني و طهري كمان . علي : يبقي نلعب في المندرة و عندنا كل اللعب إلي قولتيها يا نهر. عبد الله : و أنا هلعب معاكم وإنت يا ورد هتيجي ولا لأ ؟ ورد : فية لعب يبقي فية ورد حتي يبقي عيبة في حقي . رجع محمد من الأرض محمد : يا إنتصار إنتصار . إنتصار :أيوة أيوة محمد : إية الدوشة إللي من المندرة دي ؟ إنتصار: العيال بيلعبوا ومقطعين بعض . محمد: قولي لهم يوطو صوتهم في ناس تعبانة هنا . إنتصار : إنت علشان جاي من الشارع و هما فاتحين الشباك بس قفلين الباب و أوضة رقية بعيد ما تخفش الصوت مش واصل ليها . محمد : علشان علي كمان يعرف يذاكر. إنتصار : ما هو بيلعب معاهم بنك الحظ دة ولا إسمة إية . محمد : ابو طويلة بيلعب مع العيال؟ وانا الي سايبة يذاكر. إنتصار : احنا أول السنة وهو عمل واجب النهاردة وامبارح والنبي ما تكسر بخاطرة إحنا في أول السنة و هو وعدني هيشد حيلة . محمد : ماشي هروح إتشطف و أروح أشوفهم . انتصار : اجهز لك الاكل ؟ محمد : لا أما أشوفهم وبعدين أشوف هياكلوا معايا ولا إية ؟ محمد أخد حمام وخرج راح للولاد محمد : بتعملوا إية يا أوباش ؟ ورد : أبا الحقني يابا العيال دول بهدلونا مش عارفين نغلبهم و النبي تعال العب معايا الواد دة فقر بيخسرني . عبد الله بذهول: و المصحف أنا مستحملك بالقوة إنت أصلا مش عارفة تعلبي أو تحسبي حاجة و إنت إلي مخسراني أنا لو عليا مع نهر هكسب . علي : لا انا و نهر فريق . ورد : مليش دعوة أنا هلعب مع أبويا الواد دة مش عارف يفهمني كويس . نهر : طيب ما تيزة إنتصار تيجي و يبقي كل فريق ثلاثة . محمد : إنتصار تجهز الأكل و ناكل و بعدين نلعب . نهر : حضرتك جعان قوي قوي يعني ؟ محمد : بصراحة عاوز شاي يضبط دماغي . نهر : تشرب شاي و تلعب معانا و تيجي تيزة تلعب معانا وتبقي فريقين و الأكل معمول الفريق اللي يخسر يسخن الاكل و يغسل الاطباق بعد الاكل . محمد : لا إنت داخلة كدة علي كبير و إستعدوا لغسيل الاطباق إنتصار أصلا مش بتعرف تلعب اللعبة دي . نهر بثقة : دة لغاية دلوقتي لكن هشرحلها وهتعرف . محمد : خلاص خوديها في فريقك . نهر بثقة : موافقة إنتم موافقين علي الشروط وإللي يخسر يسخن ويغسل المواعين بعد الاكل ؟ الكل : موافقين محمد راح قال لإنتصار تعملة شاي و تجي علي المندرة . الحاجة: إنت جيت يا محمد أصلي كنت مقيلة شوية و بعدين توضيت وصليت العصر وما شوفتكش محمد : أيوة يا اما جيت من شوية و دخلت عند العيال في المندرة وهاخد إنتصار ونروح نلعب معاهم شوية . الحاجة : هههههه هتلعب إنت ومراتك مع العيال ؟ محمد : هو إحنا هنعلب استغماية دي لعبة كدة إسمها بنك الحظ اهو نفرفش مع بعض شوية ما تيجي معانا . الحاجة : هاجي اتفرج وبعدين اجي اقعد مع رقية لما تصحي . محمد : طب يا إنتصار إعملي ثلاثة شاي و علي المندرة . محمد و الحجة راحوا المندرة و إنتصار لحقتهم بالشاي. إنتصار : الواحد يشرب الشاي ويمخخ كدة هنتقسم ازاي أنا معاك يا محمد . محمد: إنت مع نهر. إنتصار : خلاص أنا و أنت ونهر اوصاد العيال دي . محمد : مصممة يعني ؟ إنتصار : إنت مش عاوزني معاك ولا إية ؟ محمد : لا بس ورد عوزاني معاها و نهر عوزاك معاها . نهر : أنا بقول البنات مع بعض والاولاد مع بعض . الحاجة : هههههه الآلهي يحظك محمد ولاد . نهر : مش قصدي أنا بقول يعني يبقي كل فريق نوع علشان اللي هيخسر هيسخن ويغسل المواعين والبنات كل يوم بيعملوا دة فلو الاولاد كسبوا يبقوا يستاهلوا وهم وافقوا علي فكرة . إنتصار بحماس : أي دة بجد أيوة أنا عاوزة العيال دي تشتغل بس محمد لأ. محمد : لا احنا اتفقنا خلاص . ورد : أنا كدة كدة صغيرة مش هعمل حاجة مش كدة يابا . نهر : لا طبعا هتبفي معانا لو خسرنا و لا ندخل الحاجة ؟ ها هتلعبي معانا ولا لأ ؟ ورد :. هلعب هلعب فهميني تاني أنا وأمي وربنا يستر وما تودوناش في داهية . نهر بدأت تفهمهم علي ما محمد والحاجة يشربوا الشاي محمد كان في المدرسة لتانية اعدادي وانتصار خرجت من خامسة ابتدائي فبيعرفوا يقروا ويحسبوا . إنتصار وهي بتفرك في رأسها : أيوة أيوة أيوة طب ماهي لعبة حلوة اهي طب مش بتلعبوني معاكم لية يا ولاد ؟ ابتدوا اللعب فعلا وكسبوا البنات أول مرة ودة لان علي كان عاوز يفرح نهر فكان فية بلاد بيفوتها وما يشتريهاش وقاموا البنات هيصوا أنهم كسبوا لكن عبد الله وقف وقال : لا كدة حرام علي إنت كنت عاوز تكسبهم إنت سبب خسارتنا كدة مش عدل . نهر : فعلا يا علي إنت كانك معانا إحنا هنلعب تاني لو كسبنا يبقي القوانين تتطبق خسارنا يبقي فية مرة فاصلة إية رائيكم ؟ الحاجة : أيوة صح إنتم بس صعبتوا علي علي اكمنكم حريم يعني وخاف يزعلكم . نهر : علي ألعب بأمانة إحنا مش ضعفة و هنكسبكم بتعابنا ولعبوا تاني علي نضيف وكان فية تنافس قوي بنهم لكن انتهي بفوز البنات وقامت إنتصار بحماس : الل أكبر الله أكبر يا عيني علي الحلو لما تبهدلوا الايام أنا أول مرة العب وكسبت ونهر وورد قاموا يتنططوا أنهم كسبوا . إنتصار قعدت علي الكنبة رجل علي رجل وشاورت لأولادها : يالا منك لية سخن الاكل وجبوة ناكل منك لية . نهر وورد بضحك أيوة أيوة يلا منك لية . ورد : مش أنا قولت لك يا عبد الله انك فقر ما صدقتنيش . عبد الله بعيظ: دة بس الحظ إللي ساعدكم يا مفعوصة و الله وجة الزمن أسخن واغسل لست ورد كمان . نهر بصوت واطي لعلي : عمو محمد جاي تعبان ما تخلهوش يعمل حاجة حرام . علي : طبعا أنا وعبد الله هنعمل كل حاجة و نظر لعبد الله يالا يا إبني علي المطبخ نسخن واقعد انت يابا احنا هنتعامل . محمد : اية هتسبولي المواعين ولا اية ؟ علي : لا طبعا إنت تقعد باشا إحنا هنعمل كل حاجة إنت مخلف رجالة مش هتجتاج تقوم . محمد : لا هاجي معاكم دة إتفاق . علي : الاتفاق أن الفريق الخسران هو اللي هيسخن ويغسل ما قولناش مين من الفريق فلو سمحت إنت تعبان فاقعد . إنتصار : خلاص يا محمد اقعد بقي إبنك عاوز يريحك ربنا يخليكو لبعض . راحوا المطبخ عبد الله : لية يا علي خليتهم يكسبوا ؟ علي: في الأول كنت عاوز أفرح نهر لأن عمك معيشهم في مرار وزمرات عمك و نهر مظلومين معاة و بعدين بقلها فترة هي وامها في المستشفي حبيت افرحها بس و الله المرة الثانية لعبت بجد وما ساعدتهمش يكسبوا بس فرحت لفرحة أمك ونهر فعلا , و خصوصا أن أمك أول مرة تلعب معانا هي بتعتبرني أخوها مش إبنها و فرحت لما فرحت . عبد الله : عندك حق يا عم الحنين مش مهم نساعدهم شوية وبعدين فعلا فرحتهم حلوة بس أختك زفتة دي مستفزة مش كافية أنها بروطة لٱ وبترمي كلام طوب و I have only one مرارة and she will تفأعهالي . علي بضحك : كبر دماغك منها إحنا لعبنا اتبسطنا وخلاص وبعدين نصف الجملة انجليزي والباقي عربي لية ؟ عبد الله : بعمل باللي اتعلمتة من خالتك رقية بس مش عرف مرارة وتفأعهالي تتقال إزاي بالانجليزي هبقي أسأل خالتي رقية . في المندرة محمد : تصدقي يا إنتصار أنا كنت ناوي أقوم أعمل مع العيال بس علي كبر في نظري فعلا بدأ يكبر ويفهم ويكبرني . إنتصار : دي زرعة عمرك يا محمد وإنت تعبت كتير وان شاء الله هتحصد الخير ربنا يبارك لنا فيهم وتفرح بيهم وبعيالهم . محمد : امين يا رب العالمين . نهر راحت تطمن علي امها لاقيتها صاحية: لية ما نادتيش آنة ؟ رقية :حبيبتي اتسندت علي الحيطة و روحت الحمام وسمعت صوتكم بتلعبوا ففرحت علي فرحتك ،إفرحني يا عمري وانا كويسة . نهر : جعانة ؟ رقية : لا بس عاوزة ماية . نهر : حاضر حالا راحت تجيب ماية و أشغلت البوتجاز تسخن الحلبة . أعطت لامها الماء نهر : أنا بسخن لحضرتك الحلبة و هجيب لك كوباية . رقية : لا علشان ما تقعش عليك . نهر : تيزة إنتصار قالت لي أخد شوية واحطهم في الكنكة علشان إية ؟ أه مش تمرر والكنكة لها إيد خشب مش هيقع مني متخافيش و علي و عبد الله بيسخنوا الاكل . رقية : لية علي ووعبد الله هم اللي بيسخنوا الاكل ؟ نهر: هروح اجيب الحلبة و أجي أحكي لك . رقية : حاسبي وإنت بتصبيها أو مش مهم اصلا دلوقتي . نهر : ما تخافيش آنة . في المطبخ علي : أن صبيت لك الحلبة في كوباية ، أخبرها اية خالتي رقية دلوقتي ؟ نهر : الحمد لله بتتحسن . علي : ينفع ابقي أدخل لها ؟ قولي لها عاوز أطمن عليها لما يبقي الوقت مناسب ابقي نادي عليا وروحي اديها الحلبة وتعالي يلا ناكل . نهر : هبقي أكل معاها مش دلوقتي . علي : مش جعانة ؟ نهر وهي خارجة من الباب : بشبع بس مع ماما . علي ابتسم وبص لاخوة : أنا اغرف وإنت تودي ولا العكس . عبد الله : اغرف يا عم وأنا اودي . جهزوا الأكل علي الطبلية وقعدوا إنتصار : نادي علي نهر يا عبد الله . علي : قالت هتاكل مع امها وسخنت لها حلبة وبعدين هي اصلا بتحب البط والملوخية ؟ إنتصار : مش عارفة بس عملت فرخة لرقية واكيد هتاكل مع امها بس رقية تشرب الحلبة و أروح أسخن لها هي ونهر. محمد : يلا بسم الله كلوا بقي ضيعتوا وقت كتير . الحاجة : بس بصراحة كان يوم حلو العيال انبسطت مش كدة يا عيال . ورد : أنا انبسطت كتير قوي غبت من المدرسة ونمت براحتي ولعبت صحيح خسرت في الاول علشان معرفتش اختار فريقي بس في الاخر كسبت . عبد الله : انت اللي اختارتي غلط ؟ ورد : ااااااة طبعاً نهر فهمتني أحسن منك . عبد الله : حلو يبقي ماتجيش تتحشري بقي بيني وبين اصحابي في المدرسة . ورد : لية يا عبدو دة إنت حبيبي هو أنا ليا حد غيرك في المدرسة الفقر دي اخوك خلاص راح ثانوي . عبد الله : البت دي دحلابة . محمد : خلاص بقي أومال عاوز مين هيهتم باختك غيرك مش أخوك كان بيهتم بك زمان إنت اهتم باختك ويلا علشان تقوموا تشوفوا وراكم اية . إنتصار : محمد إحنا جمعنا لبن علشان السبوع بكرة بس مش هيكفي احنا عاوزين كل إللي يجي يأكل ويشرب دة عوض الغالي اللي اخيرا اتجوز تعرف تشوف لنا حد يجيب لبن تاني ؟ محمد : هتصرف ما تخافيش . الحاجة : وأكياس السبوع يا محمد هتجبوها منين ؟ محمد: مصطفي قال هو هيجبها من المحلة مش عاوز فيها فشار كتير ووبيقول مش هيعمل أكياس بيقول هجيب لعب كدة وبتتلف مع حاجات السبوع هو هيبقي يقولكم هتتعمل ازاي . ورد : عاوزة اعمل معاهم يابا . إنتصار : تعملي ولا تكلي . دخل مصطفي:تاكل زي ماهي عاوزة أنا اصلا هخدها معايا و انا بجيب السبوع تنقي اللعب . إنتصار : حماتك بتحبك اقعد كل . مصطفي : اصدك أمي دعيالي اتاخرتم علي الغدا يعني . الحجة : كانوا بيلعبوا لسة مخلصين من شوية . محمد : قبل ما تتكلم كنا نلعب بنك الحظ قعدنا نلعب أكتر من ثلاث ساعات . عبد الله : إتبسطنا كلنا وأمي لأول مرة تلعب تصدق ! أمي و ورد و نهر كسبونا أنا و علي و ابويا . مصطفي: و مالك فخور كدة أومال لو ما كنتش خسران . ورد : خسران بثلث خسر قدام نهر و علي و كمان خسر قدمنا عيل إية ! نحس. عبد الله : شايف بنتك و لسانها الطويل محمد : معليش بدتلع عليك . عبد الله : بت رخمة . إنتصار: اقعد يلا كل و الله زمان ما تجمعناش كدة من زمان . مصطفي : أخبار الجماعة اية ؟ إنتصار : بخير الحمد لله بعد الأكل هعملكوا شاي و أسخن الاكل لرقية و نهر . علي ما العيال دي تغسل المواعين . مصطفي : عيال مين اللي تغسل المواعين ؟ قاطعت ورد أمها :الخسرانين يا عمي دة كان الاتفاق الي يخسر يسخن الاكل و يغسل المواعين . مصطفي أروح أغسل وشي و إيدي وآجي أكل و أفهم . توجة للحمام وغسل وجههة ويدية وسمع صوت إبنة يبكي ذهب ليطمئن علية فتح الباب . مصطفي بصوت عالي غاضب : بتعملي إية يا زفتة ؟ إبعدي عن إبني يا حيوانة . نشوف إية هيحصل الفصل الجاي و مصطفي محموق علي إية ...... لو الفصل عجبكم لايك أو كومنت بتفرق معايا جداً شكراً . أ الفصل الثامن عشر العمل عبادة(١٨) نهر بخضة : فية إية يا عمو ؟ رقية : أنا قولتلها تناولني الولد مش قادرة أتحرك علشان هرضعة مالك ؟ مصطفي : و أما توقعة هتستريحي إنت و هي؟ رقية بصوت منفعل: إنت بتقول إية ؟ إنت مفكر الناس كلها زيك ملهاش قلب أنا بنتي أحن منك علي إبني . محمد و إنتصار جم علي زعيق مصطفي . محمد : في إية مش قولت هتغسل إيدك و جي واقف تزعق لية ؟ رقية : بيقول لبنتي حيوانة و ما تشيلش أخوها و أنا قولت لها تناولهولي مش فاهمة أنا هي عملت إية علشان يعاملها كدة من فضلك خد أخوك أنا مش قادرة أتكلم اصلا . مصطفي : البت شيلاة بدلع هتوقعة علشان ما يبقاش علي الحجر غيرها . رقية : البنت دي هي اللي بتسهر علي أخوها هي إللي كانت وأنا في غيبوبة جنبة بدل أمة وأبوه ، أبوة إللي لسة لغاية دلوقتي خايف يشيل إبنة البنت دي هي سندة إللي متعرفش قيمتها بس هقول إية ربنا يحببهم في بعض أخرج روح شوف وراك إية من أمتي أصلا وانت معانا أو بتحس بينا وآة مش عاوزها تشيلة تعال إنت يا باشا و أبقي شيلة و راضية دة لو أصلا سكت معاك و حس بك زيها . مصطفي بص لرقية بعيظ و بيبرق لها و كأنوا بيتوعدها بنظراتة لكن هي كانت مكملة لأنها علي آخرها منة. محمد : إستريحت لما عكننت عليها و علينا قدامي يا سبع البرومبة علشان تاكل . مصطفي : برضو البت دي ماتشلش إبني هتوقعة . إنتصار : إحنا إللي غلطنا سبناهم لوحدهم يعني البنية بطنها مفتوحة و مش قادرة تجيب إبنها و نهر اسم الله عليها شاطرة و بتاخد بالها من أمها وأخوها دة بدل ما تفرح . محمد : قدامي يا مصطفي الله يرضي عليك بطل عصبية و كلام ملوش عازة . صرخ الرضيع بصوت مرتفع جداً من أصواتهم العالية . رقية : عاوزة أرضعة ممكن ولا دة كمان عندك إعتراض . محمد شد مصطفي و طلع من الأوضة راح بية المندرة الحاجة كانت سامعة كل حاجة الحاجة : و بعدين معاك إنت كدة هتشرب إبنك لبن نكد و هيتعب ارحم البنية بقي خليها تروق علشان تعرف ترجع لصحتها و تراعي إبنك و لآخر مرة هقول لك بلاش تحط نهر في كفة و إنت في كفة مفيش أم حقيقية هتختار علي ولادها حد وإنت ربنا كرمك بإبنك حافظ علية و بلاش تظلم ولاد الناس ليترد في إبنك . محمد : يا خويا يا حبيبي أرحم ترحم لما تجي علي ولايا مش حلوة في حقك اعقل عاوز إية تاني مراتك بقت كارهة الدنيا بحالها من عمايلك و البنت نهر بدل ما تكسبها بتبعدها اتقي الله يا حبيبي . مصطفي : خلاص خلصتم أنا هاخد ورد و رايح أجيب السبوع و لا لسة في كلام تاني ؟ الحاجة :مش هتاكل ؟ مصطفي : سممتوا بدني خلاص أنا هغور من وشكم مفيش حد حاسس بيا خايفين عليهم قوي و بتجوا عليا كلكم . الحاجة : يا إبني إحنا بنحبك و خايفين عليك أرحم نفسك بقي . مصطفي : ورد ورد, تعالي معايا يلا . ورد : ثواني وأكون جهزت هناخد نهر معانا . مصطفي : أخدها ربنا مش واخد زفتة . ورد : ماشي بس هتجيب لي جيلاتي ماشي . مصطفي : إخلصي يا طفسة و ما تقوليش لحد أننا خارجين ابوك اهو عارف . ورد : ماشي . بعد فترة بسيطة أخد مصطفي ورد و سافروا المحلة ليشتروا مستلزمات السبوع . في أوضة رقية رقية ترضع أبنها و تنظر لنهر رقية : حقك عليا أنا يا عمري . إنتصار : لأ نهر شاطرة و عارفة أن عمها مصطفي أعصابة تعبانة شوية و مش قصدة دة بيحبها . نهر : أنا مش زعلانة منة إتعوت علية كدة خلاص, أنا بس مش عاوزة حضرتك تزعلي إنت لسة قايمة من غيبوبة ما تزعليش إنت,أنا قوية بك من غيرك ولا حاجة علشان خاطري بلاش خناق معاه علشاني . رقية : تعالي في حضني حبيبتي . إنتصار : أنا هروح اجيب لكم الاكل نهر مش عاوز تأكل غير معاك . رقية : تعبينك معانا معلش . إنتصار : تعبك راحة دة إنتم ملايتوا البيت علينا وزمعلش مصطفي متلخبط أول مرة يكون أب بقي . رقية : سرحت في أحمد قد إية كان حنين و بيعمل كل شيء يريحها و قد إية كان متفاهم أهم شي الواحد يكون عندة دين و أخلاق علشان يسعد الست إللي معاة حتي لو ظروفهم علي القد البيوت بالمودة و الرحمة جنة . عملوا السبوع في وجود الأهل و الأحباب و الجيران و رقية مكثت إسبوعين في بيت العائلة كانت تقريبا بتتفادي وجود مصطفي تماما و خصوصا أن مصطفي كان بالنهار في المدرسة و بعد الظهر للمغرب دروس و بعدين يسافر لبيت العيلة العشاء يقعد شوية و ينام و يصحي الصبح للمدرسة . رقية بين أبنها و بنتها بتعلم نهر في البيت و كمان بتذاكر لعلي و عبد الله ورد مش بتحب تذاكر معاها . نهر بين شيل أخوها طبعا في غير وجود مصطفي ومساعدة أمها و إنتصار في البيت . علي و عبد الله كانوا سعداء بنهر ولعبها معاهم أحيانا ومذاكرة رقية لهم وخصوصا الانجليزي والرياضة والفرنسية لعلي . رقية : إنتصار أنا لازم ارجع لبيتي لان نهر لغاية دلوقتي ما رحتش المدرسة ومش لازم تتاخر كدة . إنتصار : إنت ضعيفة يا رقية وبعدين ممكن مصطفي ياخد نهر معاة للمدرسة وهو رايح . رقية ببسمة حزينة : تفتكري أقدر آآمن عليها معاة إنت شوفتي بيعملها إزاي ما عزمش حتي ياخدها معاة في يوم ولولا كلمت ابو علي راح هو المدرسة شرحلهم الظروف ولا كان هيهتم اصلا بيها يلا ربنا يهدية . إنتصار : رقية انا حبيتك قوي بس معلش طولي بالك علي مصطفي شوية . رقية : اكتر من كدة علي العموم أنا معنديش إختيارات و هو علشان واثق إني مليش حد دايس ومكمل . إنتصار : هتأطعي بيا أنا اتعوت علي الكلام معاك ومساعدة نهر ليا و لعبها معايا ربنا يبارك لك فيها ولا الواد الشكولاتة دة الواد هو ونهر طالعين حلوين ليك ربنا يبارك لك فيهم . رقية : إنت كمان هتوحشيني قوي وحبيتك قوي إنت طيبة قوي يا إنتصار أبقي تعالي زوريني من وقت للتاني . إنتصار : إن شاء الله إنت مصممة برضو علي بكرة . رقية : إن شاء الله علشان أجهز لنهر حاجات المدرسة . إنتصار : والنبي العيال بيقول لي إنك أحسن من المدرسة و بيفهموا منك اكتر . رقية : لازم المدرسة برضوا يا إنتصار ولو الولاد عاوزين أي حاجة يبقوا ينوروا . رقية ونهر رجعوا البيت مع مصطفي و إنتصار و محمد اللي جابوا خزين للبيت من خضار وفاكهة ولحمة وفراخ حتي لا تخرج رقية للسوق قبل الأربعين وتتعب . إنتصار عملت كمان عيش فلاحي ليها وفطير. إنتصار : أنا حاولت اجيب كل حاجة علشان ما تخرجيش كتير . رقية : ما تحرمنيش من زيارتك يا إنتصار ما تجبيش حاجة معاك لكن تعالي إنت عارفة ظروفي و مصطفي مش يسمح لي اخرج كتير وابقي هاتي الاولاد معاك . إنتصار : ربنا يعلم إنت أخت ليا ربنا يتمم نفاسك علي خير خالي بالك من نفسك والعيال . رقية : إنت أخت ليا فعلا وانا بحبك جدا انت فيك حنية بالدنيا كلها . محمد خبط علي الاوضة من برة وقال : يالاة يا إنتصار نروح . إنتصار : طيب يا ابو علي حاضر جاية اهو . خرج من عند رقية وراحت لمحمد ومصطفي في المضيفة . انتصار : والنبي يا مصطفي خالي بالك من رقية دي طيبة وغلبانة و صحتها علي قدها طول بالك عليها إنت تاخد عينها بالحب والحنان محمد : أنا كلمنة كتير وهو حر بقي احنا نصحناك بلاش تنكد علي نفسك وعليها علي الأقل علشان خاطر إبنك وزملكش دعوة بنهر . مصطفي : أصلا الدراسة بدأت من فترة و انا الصبح في المدرسة و بعد الظهر لغاية المغرب في الدروس يعني يدوب بفطر الصبح و باجي اتغدي بعد المدرسة وباجي باليل احضر للمدرسة واتعشي إنتصار: الحمد لله أن نهر معاها تساعدها شوية إبنك ما بيبطلش زن و لو انها كمان بقي عندها مدرسة يالاة سلام بقي يا دوب الحق اعمل غدا للعيال . محمد.: سلام عليكم و أبقي تعالي و هاتهم معاك ما تقطعوش بنا . نهرذهبت لصاحب المكتبة بعد أول يوم مدرسة لها نهر : عمو فاكرني ؟ صاحب المكتبة ويلقبونة الزعكري : أيوة طبعا بنت أحمد التمرجي الله يرحمة . نهر : أنا جاية أعتذر لاني ماجتش زي ما وعت لكن ماما تعبت وولدت وجابت لي أخ ربنا يحمية فممكن الاتفاق الي بنتا يتأجل علي ما ماما تبقي كويسة . الزعكري: أيوة طبعا البلد صغيرة و كلة عرف حمدا الله علي سلامة اخوك و والدتك يا بنتي بس إنت لسة مصممة تجي بعد المدرسة . نهر : إن شاء الله لو حضرتك سمحت . الزعكري : حاضر يا بنت الغالي ماشي وقت ما تحبي . نهر : طب السلام عليكم وشكرا جدا يا عمو . حامد ( صديق الزعكري ) : لية هتشغلها في المكتبة دي لسة صغيرة لا راحت ولا جت ؟ وممكن يضحك عليها في الحساب . الزعكري : بص البت كويسة أولا تدخل القلب ومؤدبة وعلي فكرة شاطرة في الحساب البت دى لو إشتغلت هنا المدرسة كلها هتيجي تشتري مني أصحابها كلهم وإلي هتتعرف عليهم في المدرسة والمدرسين بتوعها البت هتحرك المكتبة هي حركة وأسلوبها في الكلام حلو ولو ما نفعتش هبقي ارفدها يا سيدي. حامد : تصدق عندك حق و الله وكمان يتيمة اهو تكسب فيها ثواب من ابو لهب جوز امها الي مطفشها من البيت دة . الزعكري : انت بتقول فيها كل المدرسة بتخاف منة شديد اوي بس إبن الذينة شاطر و العيال بيعملوا لة الف حساب و اخد رابعة وخامسة وسادسة ومعلمهم الادب إبني بس تقوله مصطفي بتاع الحساب يقولك خلاص هسمع الكلام وما تقلوش حاجة ياباة . حامد : بس برضو ابقي اقولة علشان ما يحطكش في دماغة إنت او إبنك . الزعكري: إللي فهمتة أنة ما بيحبش نهر فأكيد عاوز يبعدها يعني هتيجي لة علي الطبطاب و يفرح انها هتبعد عن البيت لكن طبعا هقوله علشان بيحب يعمل فيها الراجل المسيطر . حامد : علي خيرة الله . ذهبت نهر للبيت ما إن دخلت ذهبت إلي حجرتها غيرت لبس المدرسة و لبست بچامة بيتي و خبطت علي حجرة أمها فتحت لها رقية رقية : اتاخرتي لية ؟ نهر : خرجت روحت المكتبة و لما جيت لقيت أطفال داخلة المضيفة دخلت معاهم بس دخلت من الباب الي علي الصالة للبيت مين دول آنة . رقية : دول إللي هياخدوا درس مع مصطفي اسمعي حبيبتي مصطفي بيغير شوية واجي لك أوضتك ماشي . نهر بتفهم : حاضر سلام وذهبت حجرتها. بعد قليل مصطفي خرج من الحجرة : رقية هاتي لي كوباية شاي خبطي علي الباب إللي بين الصالة و المضيفة وانا هاخدة منك وكمان ساعة الاكل يكون جاهز هكون خلصت المجموعة دي اتغدي وبعدين اشوف المجموعة الي بعدها . رقية : طيب حاضر . مصطفي بضحكة : أموت أنا في اللي بيسمع الكلام يا سلام لو تبقي كدة علي طول فجائهم الصغير بالصراخ . رقية : طيب هسكتة بسرعة وأعمل الشاي وبعدين هرضعة . مصطفي : إية الواد دة ما هو كان نايم ؟الشاي بسرعة يا رقية ومشي . رقية شالت أبنها وراحت عملت شاي لمصطفي بعد كدة نادت علية . مصطفي :مش قولت خبطي . رقية : مش عارفة ايد عليها الولد وايد الشاي هخبط إزاي . مصطفي : طب روحي شوفي عاوز إية سي عمر دة وابقي جهزي الاكل زي ما قولتلك . رقية : طيب . ذهبت رقية إلي غرفة نهر رقية : قعدت علي سرير نهر وبدأت ترضع البيبي ونهر بتبتسم لعمر . نهر : حبيبي و حشتني قوي عامل إية النهاردة و حشتك ؟ رقية : طبعا و حشتية جداً جدآ ما بطلش عياط النهاردة مفتقدك قوي . نهر : حبيبي وأنا كمان وحشتني إنت ومام مووووت. رقية : حبيبتي ممكن تروحي تجيبي غيار لعمر بعد ما يرضع هقرعة و اغيرلة واسيبوة معاك شوية علي ما اسخن الاكل علشان مصطفي جعان . نهر : الحمد لله أن تيزة إنتصار عملت أكل و هتسخنية بس لانك لسة تعبانة . رقية : علي رأيك يا نهر ووبصراحة جابت فاكهة تخزين للبيت علشان ما اخرجش . نهر : أنا ممكن اروح السوق أجيب لحضرتك كل اللي تحتاجية وا لاثنين وزالخميس كمان اروح قبل المدرسة . رقية : بعدين حبيبة ماما يلا روحي هاتي غيار . رقية جهزت الاكل وحطتة علي طربيزة صغيرة في اوضة النوم جة مصطفي اكل بسرعة ورقية قاعدت ترضع عمر . مصطفي : هو الواد دة مش رضع من شوية ما تجي تكلي معايا . رقية : رضع لكن ما شبعش لاني شطفتة و غيرتلة و بعدين عملت السلطة وسخنت الاكل فهو لسة جعان أنا هاكل بعد ما هو يشبع إنت كمان كل علشان المجموعة إللي جاية تعرف تركز معاها . مصطفي : طيب صحيح فين حبيبتك مش شايفها . رقية : في اوضتها يا إما نامت أو بتحاول تعمل الواجب بتعها . مصطفي : الله قولي كدة طبعا هتكلي معاها . رقية : لو لقيتها صاحية بعد ما يرضع عمر هاكل معاها لو نايمة هاكل لوحدي أية المشكلة ؟ مصطفي افتكر كلام إخوة وقال : و لا حاجة بس بطمن عليها دي أخت ابني برضو . رقية بتغير في الموضوع علشان ماتضايقش : هو إنت هتخلص أمتي المجموعة دي . مصطفي : بين كل مجموعة ومجموعة ساعتين أول مجموعة بخلصها بسرعة علشان اتغدي وبقعد للمغرب . رقية : ربنا يقويك . مصطفي : اعملي لي شاي بعد الاكل وخبطي ماشي وبعد الشاي بنصف ساعة عاوز قهوة . رقية : طيب . بعد ما خلص مصطفي اكل . رقية : خد يا مصطفي عمر علي ما أرجع الاطباق وأعمل شاي . مصطفي : نعم يا أختي وأنا مالي ومال العيال . رقية : خدة يا مصطفي علشان يحس بك ويعرفك . مصطفي : حطية علي السرير مش هعرف اشيلة صغير قوي وانا اخاف يقع مني . رقية : مش عاوز تجرب طيب . مصطفي : لا يا ستي مش عاوز. رقية : خلاص خلاص براحتك وضعتة علي السرير وراحت تلم الاطباق وتعمل شاي وهي في المطبخ عمر عيط تاني . مصطفي: الولد يا رقية بيعيط رقية : سيبة مش كل ما يعيط اشيلة لازم يتعود أنة يعقد شوية من غيري . مصطفي اتجة للمطبخ : أنا ابني ما يعيطش ويضرب دماغة في الحيط يا هانم . رقية : دة وقت ما هعمل الشاي وبعدين هعمل شغل البيت ازاي يعني لازم يتعود . مصطفي : ما ليش فية . خرجت نهر من حجرتها : ممكن اشيلة آنة علي ما تخلصي . رقية : شلية حبيبتي هعمل الشاي و أغسل الأطباق بس . مصطفي : ممكن توقعة و لو حصل حاجة أنا مش هيكفيني عمركم انتم الإثنين. رقية : واضح انك ناسي أنة ابني أنا كمان وأنا اللي كنت هموت في ولادتة نهر بتشيلة وهي علي السرير ادخلي, بسرعة سكتي اخوك حبيبتي وبصت لمصطفي بغيظ حضرتك لا عاوز تشيلة أو تسيبني وعارف اني لسة تعبانة فإية عاوز توصل لإية ؟ مصطفي : مش عاوز ابني يعيط . رقية : كل الأطفال لازم تعيط.دة بيساعد الجهاز التنفسي بتاعهم . مصطفي مد ايدو أخد الشاي و قال : طيب يا ست الدكتورة مش عاوز زن و أنا في الدرس و نصف ساعة ألاقي القهوة و اتجهةالي الحجرة الذي يدرس بها كان عمر إستكان في حضن اختة ويضحك. و مصطفي ماشي لمحهم وعرف أن عمر سكت وبيضحك معها وقال في نفسة : لا ما تحلموس مش هتكونوا ربطية عليا وابني معاكم ابدا بكرة يكبر وهيبقي ملازمني . نهر كانت علي السرير و شايلة أخوها بتغنيلة براحة وهو سكت وهدي معاها بصت لماماتها اللي دخلت الأوضة وقالت شوفي عمر شاطر و أمور ازاي سكت معايا علي طول الظاهر بيحبني وانا كمان بموت فية لا وكمان بيضحكلي. بصت رقية لنهر و سرحت أيام ما كان أحمد برضو بيشيل نهر تسكت و بقعد يتكلم معاها و قالت في نفسها يااااة الايام بتعيد نفسها نفس الحنية بس ربنا يطول في عمرك يا بنتي وانت واخوك تكونوا سند بعض . نهر : سرحتي في إية آنة ؟ رقية : جوعتي حبيبتي أنا مستنياك ناكل مع بعض . نهر : لية تستني كدة عرفت لية عمر ماشبعش يا عيني اكيد مفيش لبن لانك جعانة صح . رقية : يا سلام إنت عارفة مش بعرف أكل من غيرك . نهر : أنا اخدت سندوتش المدرسة وبعدين كنتي كلي مع عمو مصطفي لازم تهتمي بنفسك ماما علشان عمر وأنا . طيب اعملي أي حاجة و نكولها مع بعض وانا قاعدة اهو العب مع عمر . رقية : سخنت اكل وراحت اخدت عمر من نهر وقعدوا في المطبخ ياكلوا . نهر : كنت عاوزة اقول لحضرتك علي حاجة مهمة. رقية : قولي علي طول . نهر : روحت لعمو صاحب المكتبة واتفقت معاة لما حضرتك ترجعي لصحتك اشتغل معاة في المكتبة بعد المدرسة . رقية : لية نهر إزاي هتقعدي طول اليوم برة ؟ نهر : أولا محتاجة أبعد عن عمو مصطفي مش بيحبني وشوية شوية هيبعدني عن عمر هو أصلا مش عاوزني اشيلة وكمان بسبب مشاكل معاة هبقي اجي شوية زي دلوقتي اتغدي واروح تاني . رقية : تعرفي أن المدرسة هنا فترتين لأنها المدرسة الوحيدة في البلد وانت شهر هتروحي الصبح و شهر بعد الظهر . نهر : عرفت طبعا و هرتب الموضوع دة مع عمو اروح بعد المدرسة لما تكون المدرسة الصبح و أروح الصبح عادي لما المدرسة تكون بعد الظهر و بعدين هو مش معتمد عليا أنا مجرد بساعدة. رقية : تعرفي أسبابك مش مهمة بالنسبة ليا لكن أنا موافقة علشان عوزاك تتعلمي تبقي قوية وشاطرة وتقديري تقفي علي رجلك لوحدك من غير مساعدة حد عوزاك مستقلة لكن لو حسيتي أن الموضوع صعب عليك سيبي المكتبة فورا اتفقنا . نهر قامت باست خد رقية ربنا ما يحرمني منك آنة غالبا هبدأ الشهر الجاي . رقية : بالتوفيق يا روحي وانا هبقي اسجل لك شرائط تسمعيها في الوكمان وخلي بالك لو لقيت انك مقصرة في دراستك هتقعدي من المكتبة تمام . نهر : تمام أفندم . رقية : يلا هوديك السرير مع عمر باشا لاني هعمل قهوة لعمو مصطفي . الزعكري قابل مصطفي واستاذنة أن نهر تيجي عندة المكتبة ومصطفي كان عند ظنة فرح أن نهر هتسيب البيت فترة طويلة في اليوم بس قالة أنا موافق بس ماليش دعوه بيها لو قصرت اواهملت . الزعكري : ماشي يا سيدي أنا قلت تسليني في المكتية بدل ما أنا لوحدي العيال ولادي مش راضيين بيقولوا وراهم مذاكرة حتي الواد اخر العنقود في سنة رابعة بس عامل فيها مشغول قوي . نهر اشتغلت في المكتبة لما الوقت يكون فاضي بتعمل الواجب لأنها بتروح المكتبة بشنطتها بتروح الصبح الساعة ثمانية وتخرج من المكتبة قبل المدرسة بخمس دقائق لان المكتبة قصاد المدرسة . في احد الأيام. نهر : عمو ممكن اقترح عليك حاجة . الزعكري : خير يا بنتي . نهر : اية راي حضرتك اخد وانا رائحة المدرسة حاجات صغيرة من المكتبة يعني كم قلم رصاص علي جاف وكم براية وممحاة لو حد عاز أبيع لة بنفس سعر هنا . الزعكري: وهتعرفي تعملي كدة وآية ممحاة دي . نهر :استيكة يا عمو و هبدا في الفصل بتاعي و كدة كدة مع الايام الفصول الثانية هتعرف وإللي عاوز هحدد الفسحة بس للبيع . الزعكري ببريق في عينية : و حبة كراريس و كشاكيل . نهر : لأ طبعا الحاجات دي هتكون تقيلة عليا وممكن تتبهدل مني حضرتك بتشوف بيقغدوا يختاروا ازاي هنا في الحاجات دي عاوزة علي راي المثل ما قل وزنة و ما يعملش مشكلة في الشنطة وهو حضرتك تعد كام حاجة تعطيها لي اية رايك ؟ الزعكري : نجرب مش هنخسر حاجة . نهر كانت ذكية جدا وتتعامل مع الناس بلطف وأدب و لذلك اصبحت محبوبة بين أصحابها ومدرسنها , وايضا كان عندها طاقة تلعب كل يوم ساعة مع اخوها وغالبا كان بينام في حضنها ورقية كانت بتاخدة ترضعة بالليل و يكمل معاها تصحي الصبح تعمل فطار لجوزها ولنهر سندوتشات وزجاجة بها عصير طازج اي عصير برتقالة جوافة فراولة أو حتي عصير ليمون لان نهر لم تكن تحب أن تفطر مع مصطفي وايضا كانت تعطيها دائما شريط كي تسمعة في المكتبة تستيقظ نهر لتحمل أخيها الي ان تجهز امها الفطار و السندوشات وبعدها تدخل تصلي وتلبس وتخرج للمدرسة أو المكتبة علي حسب المدرسة الشهر دة صبح أو بعد الظهرفي المكتبة حامد : عامل إية يا عم عاش من شافك . الزعكري : والله ليك واحشة اخبارك اية ؟ حامد : أنا الحمد لله جيت لك كذا مرة وبتكون مش موجود لية ؟ الزعكري : بصراحة البت نهر من يوم ما جت وما شاء الله كل ما اروح اجيب بضاعة بتخلص غير أني جبت ماكينة طباعة وكتير بنكون مشغولين بيها الحمد لله . حامد : يعني البت قدمها سعد . الزعكري : الحمد لله هي صراحة ذكية و بتشد الناس بادبها وهي الي خليتني اجيب الطابعة وكمان عملت ركن كدة فية أرواح وشيكولاتة ولبان في لأول كان بيجي أصحابها في الفصل بعد كدة بقي يجي أخوات أصحابها و بعدين قرايب اصحبها , أوقات بيبقي المكتبة واقفين عليها بالطابور و خصوصا وقت الخروج من المدرسة صحيح في اوقات بيبقي الرجل خفيفة بس البت في الوقت دة بتعمل واجبها وبتسمع شرايط مش عارف اقول اية بس انا شايف انها بتشتغل كل دقيقة يا بتبيع أو بتصور أو بتذاكر أو بتسمع حاجة أو حتي بتصلي . حامد : إية دة هي بتصلي ما شاء الله . الزعكري : و حافظة جزء عم و شوية صور كدة و الله مسلياني تعرف يوم الجمعة بتجي برضو و تقعد بالكرسي برة المكتبة علشان تسمع خطبة الجمعة . حامد : ما شاء الله هي دي التربية و لا بلاش تربية أستاذ بصحيح . الزعكري : أستاذ مين يا عم صلي علي النبي في قلبك دي طفشانة منة اصلا. حامد : هي قالت لك كدة . الزعكري : بصراحة لا هي مش بتتكلم أبدا عن اللي في بيتها غير عن أخوها بس علشان صغير بس بتحبوة قوي ما شاء الله . حامد : أومال هي كدة لمين ؟ الزعكري : أبوها كان تمرجي صحيح بس كان شاطر و حرك وزهي زية وامها محفظها القران وأنها تسمع خطب الجمعة وبتجي معاها شريط تسجيل و زحاجة تسمع بها التسجيل امها بتذاكر لها علية كل يوم حاجة غير التاني و البت بتروح ساعة كدة وسط النهار تتغدي و تيجي . حامد : و هو غدا بت صغيرة إية يعني ما تغديها معاك يا أخي دة انت جلدة . الزعكري : إنت إللي ظنك وحش فيا ياما قولت لها بس هي بتقول إنها بتحب تطمن علي امها و زتشيل اخوها عن أمها شوية و تغير و كمان و نفسها عزيزة مش بتقبل حاجة من حد لو حست أنة يعطف عليها من يوم ما جت أكلت مرة واحدة من كعك و قرص صباحية ابو اسماعيل لما فرقوا علي الحبايب و لأنه عاديلي جابوا هنا و هي أخدت ليها و لأمها بس إثنين كعك و قرص و غريبة و قالت كفاية كدة . حامد : وبتمشي امتي بقي . الزعكري : بعد العشاء بشوية . حامد : هاجي المغرب أشرب شاي معاك و أشوفها شوقتني ليها . مرت الأيام بسلام علي أسرة رقية لكن لا تخلو من مضايقات مصطفي لكل من رقية ونهر وأصبحت نهر تبعد قد المستطاع من مصطفي ولم تترك العمل بالمكتبة في الإجازات وأصبحت في الإجازة تبيع بعض الالعاب الخفيفة لاهل القرية من كوتشينة ودمنيو والعاب و رقية و بعض الالعاب البلاستيك أستمر الحال علي هذا المنوال وأصبحت المكتبة من اشهر المكاتب في القرية والقري الأخري القريبة منها كان يفصل بين القريتين فقط ترعة صغير عليها جسرين ويسمي الجسر الاول قنطرة تتجمع حولة النساء صباحا لبيع بعض من خضروات و فاكهة الأرض و هو بوسط القريتين والجسر الثاني كان في آخر القرية و هو معدية للناس و الحيوانات الذاهبون للأراضي للزراعة . المهم أن مصطفي لم يدرس لنهر في الاربع سنين الاولى ولم يقل لاحد أنها ابنة زوجتة ليس لانة يخجل منها لانها في الحقيقة كانت متميزة و نجيبةبالمدرسة ولكن لأنه لا يحب أن يكون مسئولا عنها رغم أن كل من في المدرسة كان يعلم بان مصطفي يكون زوج أمها لكن كانوا لا يذكروا الأمر إمامة خوفا من بطشة فهو سليط السان وايضا يعطي معظم أولادهم دروس و هي بدورها لم تذهب إلية قط في أي يوم . عندما كانت في السنة الرابعة دخل بعض المدرسين الجدد المدرسة و تنازل مصطفي عن تدريس الصف الرابع حتي لا يدرس لها كما أن عدد التلاميذ في المدرسة زاد بشكل كبير وعوض ذلك مصطفي عن الصف الرابع بل إراحة أيضا من مسئولية التحضير لثلاث صفوف . نهر أصبحت مشهورة جدا بالمدرسة لأنها متفوقة وتساعد زملائها في المدرسة ان لم بستوعبوا الدرس ووكما تساعد الأصغر منها غير آدابها مع الصغير و الكبيرطبعا يوجد بعض العيون الحقودة لها خصوصا إبن إلزعكري الذي دائما ما يقارنة أبوة بها ويريد أن يساعدة في المكتبة فياتي في بعض الأوقات ليضايقها و يعمل كانة مدير عليها فيأمر مرة ويعلو صوتة عليها مرات و ينعتها بالغبية الكسولة في عدم وجود ابية . لم تسلم من شر مصطفي الذي كان دائما يشحن شرة إلي إبن إلزعكري الصغير رغم أنة أكبر من نهر بأربع سنوات الي أنة سلم اذنة لمصطفي الذي كان يقول لة أن أبوة يفضلها علية و انة سلم لها مكتبتة وسوف تسرقهم بيوم من الايام إن لم تكن بالفعل تسرقهم فهي تاخد ما تريد و تبيعة بالمدرسة كما أنها تاخد من المكتبة كثير من الشيكولاتة تاكلها وتعطي أيضا لأصحابها وكل هذا ليس بالمقابل الضيئل الذي يعطىة لها والدة . اصبح يكرهها و يكرة حب أبية لها لذلك حاول كثيراً مراقبتها و مضايقتها في عدم وجود ابية الي أن جاء اليوم الذي جاء الزعكري فية ولم يذهب الي قيلولتة وقد طلب من ابنة أن يقف بالمكتبة مع نهر و كان في أواخر الإجازة الصيفية تري ماذا حدث في ذلك اليوم هنعرف في الفصل الجاي ..... لو عجبكم الفصل فوت او كومنت بيفرق معايا وشكرا بسم الله الرحمن الرحيم L الفصل التاسع عشر ا (19)الرجوع للماضي الجميل جاء اليوم الذي جاء الزعكري فية و لم يذهب الي قيلولتة وقد طلب من ابنة أن يقف بالمكتبة مع نهر و كان في أواخر الإجازة الصيفية سمير ابن الزعكري : بقولك اية يا بت انتي انت تمسحي المكتبة وتعملي لي شاي مصدع . نهر : أنا بكنس المكتبة الصبح اصلا والعصر ومش بمسح ودة كان اتفاقي من الاول مع والدك أما الشاي فاعمل لنفسك كنت ممكن اعملة لو عندك ذوق وبتطلب بأدب . سمير : دة علشان ابويا طيب و انت كنتي صغيرة لما اشتغلتي هنا يا نوغة انت بقيتي قد البغل مش رائحة سنة خامسة باين ما دام جاية تخدمي هنا يبقي تسمعي الكلام. نهر : جاية اشتغل مساعدة في المكتبة مش خدامة لسيادتك وحاول تتكلم باسلوب أحسن من كدة أو قول لك روح العب كورة يلا وبلاش حركاتك دي . سمير : هتعملي الشاي غصب عنك و هتمسحي المكتبة وانا هقعد علي الكرسي باشا يا بنت التمرجي . نهر : مش هعمل حاجة و أعلي ما في خيلك الركبة . سمير قام وشدها جامد من دراعها انت يا كلبة بتعلي صوتك عليا أنا . دخل الزعكري : أة يا كلب إنت مش محترم و بتستقوي علي بت ضعيفة لعلمك نهر بتعملي احلي شاي بس علشان بتعامل معاها بإحترام و لولاها المكتبة ما كنتش كبرت إنت بتجي تساعدني يوم او يومين في الأسبوع وفي الإجازة بس فبلاهم اليومين دول لو ماكنتش هتحترم إللي فيها . سمير : إنت بتهزقني علشان واحدة حرامية دي بتسرق المكان بس هقول إية ما انت مآمن لبت التمرجي وفاكرها ملاك . الزعكري : إية بت التمرجي دي من قالك الإسم دة أصلا . نهر : لا معلش أنا بنت التمرجي فعلا و أتشرف بة و أتباهي كمان كان راجل و بيشتغل بشرف لكن إية حكاية حرامية دي شوفتني سرقت إمتي اصلا ؟ سمير : خاليني ساكت أحسن إن الله حليم ستار . نهر : بس مش ترمي الناس بالكذب و تقول ربنا حليم ستار , فوق وشوف بتكلم مين بني ادم كذاب . سمير رفع ايدة واعطي نهر قلم قوي علي وجنتها, وقعت علي الارض من قوتة ولأنها اصلا ضعيفة الجسم . الزعكري جري علي نهر : يا ابن الكاااااالب إنت عملت آية؟ يومك أسود ومهبب . و ساعد نهر لتقوم من علي الأرض معلش يا بنتي حقك عليا . نهر : أنا أعرف أرد القلم عشرة بس علشان خاطر حضرتك أنا مش هرد علية أنا ماشية و مش هاجي المكتبة تاني و مش عاوزة حساب الأيام اللي إشتغلتها في الشهر دة . الزعكري : هات كوباية ماية يا حيوان و بص لنهر أهون عليك تسبيني لوحدي في المكتبة أومال مين إلي هتساهر معاة . سمير واقف بعيظ : ما تغور في ستين داهية قال يعني مش هتلاقي الف واحد غيرها و يكون آمين . نهر : مش هقعد في مكان إتقال عليا فية حرامية سامحني مش هقدر وإنت يا عمي سواء إشتغلت هنا أو في أي مكان تاني مش هسمح تخسر إبنك علشاني و بصت لسمير و مش عاوزة من وشك حاجة حتي كوباية الماية يااااا و لا بلاش مش هنزل لمستواك و لسة هتمشي . سمير : إية مش لما نفتشك الأول و نشوف معاك إية ؟ المرة دي كانت الصفعة قوية من الزعكري لأبنة : إخرس خالص ،بص لنهر امشي دلوقتي يا بنتي ونتكلم بكرة . نهر و هي بتقلب جيوب فستانها الإثنين خلاص يا عمو لا بكرة و لا بعدة أظن كدة شوفت جيوبي مش فيهم غير مفتاح بيت أبويا وودة مفتاح المكتبة ٱتفضل يا عموالمفتاح أهو و جريت من قدامهم. الزعكري : منك لله يا سمير إعمل حسابك هتعقد معايا في المكتبة لو نهر ما رجعتش المكتبة لإنك إللي طفشتها والله لا ربيك من أول و جديد وهتشوف . سمير : يعني إية ياباة المدرسة خلاص كلها أسبوعين وتبدأ . الزعكري : هتقضي الإجازة مكان نهر ولما تجي الدراسة هتخلص المدرسة و تيجي علي هنا . سمير : و الدروس هعمل فيها إية ؟ الزعكري : في الثانوية إنت يا خي نهر عمرها ما أخدت دروس . سمير : أمها بتذاكر لها و تسجلها كمان وإنت عارف . الزعكري : يا صبر أيوب ماشي برضو هاتجي كل يوم هنا لو نهر ما رجعتش إلا بقي لو روحت وبوست رأسها وراضيتها من إللي عملتة . سمير بعيظ: اية أروح اية ابوس راس البت متر إلا ربع دي كمان ترضاها ليا ياباة. الزعكري: ما دام غلطت آة و بعدين دة أنا كدة ربنا بيعاقبني إني معرفتش أربيك و الله و هصتبح و أتمشي بك بدل حتة الشيكولاتة نهر منك لله منك لله. مصطفي كان خارج من المدرسة بعد إجتماع اتعمل للمدرسين في المدرسة لعمل جداول الصفوف وهو مروح شاف سمير وابوة في المكتبة ونهر مش موجودة هو عارف استغرب وراح للمكتبة مصطفي : ازيكم يا جماعة أومال فين نهر . سمير وهو سعيد : خلاص يا أستاذ مشيت من هنا وقال إية بتفضي جيوبها قبل ما تمشي علشان تثبت أنها ما بتخودش حاجة. الزعكري : إخرس يا آخر صبري طول عمر نهر نفسها عزيزة عليها والنبي يا أستاذ مصطفي كلمها لحسن بسلامتة زعلها بكلامة اللي زي الزفت خليها ترجع . مصطفي : كلام إية ؟ سمير بتهور : إنها بتسرق المكتبة أبويا مش مصدق مش إنت قولت مصطفي قاطعة بسرعة : قولت إية يا زفت إنت ؟ أنا إية دخلني ؟ المهم واضح سابت الشغل و روحت سلام أنا مش فاضي و أسرع في خطاة للبيت ليغيظ نهر بما علمة فمن الواضح أن سمير واجهها بما قالة الي سمير و يريد أن يري رد فعل رقية علي ما حدث لابنتها هكذا صور لة شيطانة . مصطفي : السلام عليكم . رقية : و عليكم السلام . مصطفي : أومال العيال فين ؟ رقية : عمر جوة بيتفرج علي كرتون بجد أنا تعبت معاة لابيرضي يقعد في مكان و لا عاوز أقعد معاة أعلمة حاجة و قال إية عاوز يلعب في الشارع. مصطفي : يعمل إلي هو عاوزة و بكيفة و بعدين يا دوب اربع سنين وبعد بكرة عيد ميلادة اعملي حسابك هعزم أخويا و عيالة و أمي في عيد ميلادة عاوز أكلة معتبرة و انا هجيب التورتة و الببسي و نحتفل كلنا . رقية : مصطفي الولد كدة مدلع قوي دة ولد لازم تكون صارم معاة شوية أنا تعبت منة مش بيتجاوب حتي الشخط مش بيجيب معاة نتيجة. مصطفي : إبني محدش لة كلمة علية غيري وإياك أسمع إنك زعلتية فاهمة مش كفاية إنك لغاية دلوقتي ما خوتهوش . رقية : إنت بتقول إية ؟ أنا أمة من حقي أربية و بعدين الخلقة بتاعت ربنا لما ربنا بإذن ولية أخت . مصطفي : أختة دي مش من صلبي و أحمدي ربنا إني متجوزتش عليك علشان أخوية روحي لدكتور إتعالجي بدل ما أنا بدفع دم قلبي في البيت و إنتي قاعدة علي ولد واحد ، واحدة غيرك تحمد ربها علي عيشتها مش قاعدة تحرقي في دمي. رقية : لأ لو عاوز تجوز إتجوز مفيش حد هيمنعك و أصلا نهر شرف لآي حد إنها تكون أختة إنت لازم تشارك في تربية الولد مش تدلعة كدة و بعدين لازم تفهمة مفيش لعب في الشارع . مصطفي : إنت باردة يا رقية بقولك أتجوز لأنك ما جبتش غير ولد تقولي إتجوز إنت جنسك إية أومال لو ما كنش الناس حسداك علي عيشتك و نهر إية دي كمان إللي إبني يتشرف بيها و لا الهانم مقلتش ليك أنها اطردت من المكتبة علشان حرامية . رقية بقرف : إنت بتقول إية نهر ما جتش علشان تقول حاجة بطل إفتري علي البنت عارفين إنك ما بتحبهاش لكن جديدة دي بشككني في بنتي أحب أقول لك لأ بثق فيها أكتر من نفسي . مصطفي بضحكة مستفزة: هاهاهاها خليك عائشة في خيالك كدة و يا تري ست الحسن راحت فين أما ما جتش هنا لغاية دلوقتي إية بتفكر هتقول لك إية ؟ أو تخبئ سرقتها إزاي . رقية : بنتي أنا مربيها و عارفاها اكتر من نفسها . مصطفي اية رايك إن أنا كنت في المكتبة و هما اللي قالولي . رقية : مصطفي ما تهرجش المواضيع دي ما فيهاش تهريج و صاحب المكتبة بيحب بنتي و بيعتبرها بنتة . مصطفي : ههرج بمناسبة إية لمي بنتك يا هانم وعلميها الأدب بدل ما تطلعي غيظك في إبني. رقية جريت علي الأوضة تلبس لبس خروج . مصطفي: رايحة فين ؟ إعملي لي شاي و جهزي الغدا مصدع و جعان . و إتجهة لحجرة الاطفال يقعد مع عمر ويلعب معاة بعد ما اشعل قلب رقية علي ابنتها . رقية بعد ما لبست وقفت بالصالة وقالت بأعلي صوتها : أنا خارجة . مصطفي : رايحة فين ؟ رقية : خارجة ادور علي بنتي . مصطفي خرج من أوضة عمر و بهدوء قال : آأأأأة اعملي الشاي و سخني الغداء و بعدين اطلعي دوري علي ست الحسن . رقية بهدوء مميت : أعمل لنفسك إنت مش صغير و آة خالي بالك من إبنك علي ماجي و جريت من قدامة حتي لا تعطية فرصة للرد . مصطفي بصراخ : إستني هنا إستني يا رقية . رقية كانت جريت ولم تلتلف ورائها و هي تتجة إلي بيتها القديم بتقول أكيد راحت بيت أبوها يا رب سامحني علي تقصيري في حق بنتي يا رب تكون بخير . دخلت البيت وهي تنادي علي إبنتها فهي أعطت لها نسخة من مفتاح البوابة وباب البيت و تعلم أنها عندما تضيق صدرها تتجة إلي بيت والدها كل شي في البيت لم يتحرك منذ أن تركوا البيت كانت تختلس هي و ابنتها بعض الساعات ويذهبوا لبيت أحمد ينظفوة و يسترجعوا الذكريات عندما يسافر مصطفي لاهلة كل اسبوع فهو لا يأخذها معة دائما . رقية : نهر نهر نهر . نهر : آنة أنا هنا في اوضتك انت وبابا . اتجهت للغرفة وتقابلا عند الباب ضمت ابنتها الي صدرها بقوة واعطاها قبلات متفرقة في جميع جسدها. رقية : كدة يا نهر تقلقي آنة واسمع من مصطفي انك اطردتي من المكتبة لو ما كنتش لاقيت هنا كنت هجنن حرام عليك يا نهر دة انت الحسنة الوحيدة في دنيتي لية كدة . نهر : أنا محدش طردني أنا إللي سبت الشغل هناك هو اكيد فهم غلط . رقية ؛ احكي لي بالضبط اية اللي حصل . نهر حكت لأمها كل شئ وقالت أنا كنت مضايقة قوي قولت أجي هنا علشان حضرتك ما تخافيش عليا وفعلا هديت هنا وبقيت كويسة . رقية : ولما هديتي وبقيني كويسة لية ما جتيش البيت . نهر : بصراحة لسببين أول سبب مش عاوزة اصدم أو اشوف عمو مصطفي علي رأي تيتة ام ابراهيم الي فيا مكفيني وهو اصلا مش هيدي لينا فرصة نتكلم ونقعد مع بعض وكمان حضرتك بتكوني مشغولة الصبح بين الأكل وعمر وكدة يعني . السبب الثاني كنت عاوزة أفكر بهدوء لأني من فترة كنت عاوزة اسيب المكتبة بس كنت مكسوفة من عمو الزعكري . رقية : لية تسيبي المكتبة إنت كنت بتحبي عمو والشغل وبتشوفي كل أصحابك من المدرسة هناك . نهر : أنا هناك من اربع سنين من سن عمر أخويا إتعلمت كل حاجة هناك عرفت الحساب و الأسعار و عرفت مواعيد البرامج إلي بحب أسمعها في الراديو غير شرايط حضرتك عاوزة اغير لمكان فية تلفزيون اتفرج علي البرامج التعليمية مثلا أنا كبرت ومش بحب اروح دروس عند حد . رقية : تقصدي توفري فلوس الدروس . نهر : الحمد للة أنا شاطرة بفضل ربنا وحضرتك والأساتذة في المدرسة لكن هدخل خامسة و الأمور هتصعب وطبعا عمو مصطفي هيديني ماث واحتمال ساينس أو علوم يعني و حضرتك عارفة سمعتة مش بيشرح كويس في. الفصل علشان يعطي دروس . رقية : أنا أدرس لك زي كل سنة إحنا بنقعد مع بعض باليل بعد ما هو ينام . نهر بضحك : مش عاوزة أتعبك كافية عليك هو وعمر وكمان أنا فكرت أن احسن حاجة اشتغل الفترة الجاية في صيدلية مش مكتبة . رقية : لية . نهر : عاوزة المجال دة اعرف الأدوية واعرف كمان أعطي حقن حضرتك ناسية اني عاوزة اكون دكتورة عاوزة أعرف ممكن أكون دكتورة اية عاوزة أفهم كل حاجة حلوة المهنة دي حضرتك أنا بتكلم معاك علي طول في البيت تركي و شاطرة أنجلش وفرنش يعني ممكن اعرف اقرا كل دواء لأية وكمان في الصيدلية تلفزيون . رقية : احنا في البلد صيدلية واحدة يا نهر روحتي و عرفتي أن فيها تلفزيون . نهر : لأ الي في بلد صغيرة قوي إلي في البلد إلي جنبنا إلي عند عمارة الأطباء قصاد معمل التحاليل والأشعة دي اكبر صيدلية عاوزة أشتغل هناك أن شاءالله اشتغل في الأول ببلاش . رقية : بتقولي الكلام دة علشان ما إزعلش من إلي حصل لك في المكتبة . نهر : بصي يا ماما التغيير مطلوب كل شوية صحيح فراق عمو الزعكري صعب عليا بس هو ممكن تحصل مشاكل بينة وبين ابنة لآنة مش بيطقني لا في ارض أو سما حاولت اتجاهل كتير بس هو مصر يستفزني هشوفة وأنا خارجة من المدرسة . سكوت تام بعدها نهر : صحيح عمو مصطفي سابك إزاي تجيلي . رقية بضحكة : لا هو ما سابنيش أنا جريت علي هناك من غير ما أخلية يكمل كلامة كنت سماعة بينادي عليا بس قلقت عليك . نهر : يوووة سببت لك مشكلة تاني . رقية : لأ طبعا هو مشكلة بذات نفسة وعلي فكرة أنا مش موافقة إنت بتهربي من البيت بالشغل يا نهر . نهر : مش هخبي عليك إنت بتعرفيني من عيوني من غير ما أتكلم مش هستريح في البيت ولا أنا ولا عمو ولا حضرتك وعمر بيخاف من الصوت العالي و في الشغل هفرغ طاقتي في الشغل بقابل ناس كتير وبتعلم بشغل دماغي بمليون حاجة اليوم بيبقي مليان وأنا بيكون عندي طاقة بليز بليز ما ترفضيش مش هكون مبسوطة ابدأ في البيت خصوصا أن عمر خلاص اصبح مش بيحبني بسبب كلام عمو مصطفي خلاص طفل و عمو بيعمل المستحيل معاة علشان يبعدة عني. رقية : إنت زعلانة من عمر دة صغير يا نهر مش فاهم حاجة. نهر : ما تنكريش أنة من يوم ما ٱتولد و عمو بيحاول يبعدنا عن بعض الأول كان بيسكت معايا بيحبني و دة كان بجنن عمو أوعي تفتكري اني مش واخدة بالي من كل محاولات عمو مصطفي علشان معظم اليوم برة أنا فاهمة بس مقدرة أنة طفل و مفيش وقت أكون معاة فترة كبير كل الي اقدر علية العب معاة شوية صغيرة واجيب معايا حاجة حلوة لية بس حتي دة دلوقتي بقي يرفض يلعب معايا أو ياخد حاجة مني خوفا من أبوة . رقية بدموع : كل دة في قلبك إنت كبرت كدة إمتي ؟ نهر : ماما أنا كبرت من أول يوم بقيت أنام لوحدي من يوم ما شفتك وإنت مش قادرة تمشي ووشك وارم من يوم ما بقيتي تجي وانا نايمة تبوسيني وأكان بتعملي حاجة سرقة قبل ما هو يشوفك وكبرت اكتر واكتر يوم ماولدي عمر ودخلتي في غيبوبة اللي مصبرني اني عارفة أن أنا اكتر واحدة بتحبيها في حياتك إنك بتعملي كل شي يخليني قوية وشاطرة وهبقي صدقيني مش هخيب ظنك . رقية : تعرفي نهر أبوك كان كل حياتي كان يستاهل مني اسيب الدنيا واكون معاة لما سابني ما سابنيش لوحدي كنت احلي ذكري و كان بيقول إنك هتبقي بميت راجل نهر إنت روحي طبعا بحب عمر لكن انت بنتي واختي الصغيرة و صاحبتي و ذكري حبيبي . نهر بحضن لأمها : كدة اتفقنا إنك تروحي معايا الصيدلية علشان أشتغل هناك . رقية بضحكة عالية : بنت إنت زنانة علي رأي أبوك وكمان بتستغليني . نهر : أيوة يا رووووقة لازم أستغل المزاج الرومانسي دة و أطلب بقلب جامد بذمتك أنا مش حضني حلو . رقية : حلو بس تحسي كدة أنة حضن معطم محتاج تغذية . نهر : من أي جهة آنة أنا ولا حضرتك . رقية : آها آها انا معطمة دة أنا مانيكان يا بنتي .نهر : ماما انت فقدتي وزن كبير بجد . رقية : بقولك مش هنتناقش أنا وأنت من خس أكتر ولو انك طبيعي بتكبري وتطولي لكن يلا نروح لعمر زمان عمك مصطفي محتاس بة و ممكن ياكلة أصلة كان جعان . نهر : يلا .قفلوا الباب كويس واتجهوا لبيت مصطفي مصطفي قفل باب البيت من جوة بالترباس لانة قرر يعاقب نهر وامها و فكر أنة يذل رقية بابنها لانة صغير واكيد قلبها هيوجعها علية علشان بعد كدة ما تفضلش نهر علية . رقية بتحاول تفتح الباب المفتاح بيلف في الباب لكن مش بيفتح بتخبط علي الباب . رقية : مصطفي مصطفي أفتح . مصطفي : إرجعي مكان ما كنتي يا مدام . رقية : إنت بتقول إية افتح يا مصطفي أنا خلاص إطمنت علي نهر انت فاهم غلط هي اللي سابت الشغل افتح بقي . مصطفي : مش هفتح أما تبقي تعرفي يعني اية تسيبي جوزك اللي عايشة في خيرة مصدع و جعان و تجري علي بنت التمرجي . رقية : نهر بنتي و صغيرة و كان لازم أطمن عليها إنت بقيت أب ولازم تفهم يعني إية أم أو أب . مصطفي : عارف وعارف كمان انك سبتي ابنك برضو وجوزك و فضلتي ست الحسن . نهر : طب أفتح يا عمو الناس هيسمعوا بينا . مصطفي : مش فاتح وفي داهية إنت وأمك . عند هذا الحد شدت رقية بنتها و ٱبتعدت عن البيت . نهر : لية مامااخديني ومشينا . رقية : علشان دي فرصة لينا مش هتتكرر هو قال إمشوا وقافل الباب برحتوا يخدم نفسة و إبنة بقي شوية واحنا نعيش مع بعض شوية هو هتلاقية جاي بكرة أو بعدة يرجعنا البيت علشان عيد ميلاد اخوك بعد بكرة أو لو عند شوية يبقي هيجي كمان أسبوع . نهر : طب وعمر . رقية : خلاص إتفطم من زمان و مع أبوة مش هياذية هو بيعرف يجي علينا بس. نهر : متأكدة من قرارك . رقية : جدآ عاوزاك النهاردة في حضني ونقعد نتساهر زي زمان . نهر : هنروح الصيدلية علشان نطلب أشتغل هناك ماشي . رقية : مش النهاردة بكرة إحنا هنروح ناحية الغيطان نتمشي شوية زي ما أبوك كان بيخودني معرفش فية توت اليومين دول ولا ذرة أن شاء الله نلاقي عنب الديب . نهر : إية دة إنت تعرفي عنب الديب . رقية : أيوة بيبقي علي الترعة لونة بنفسج غامق جدا كنت بحبة والتوت بيبقي واقع علي الطريق للي عاوز و كمان فية شجرة جميز علي الطريق علي ما أظن أصل أبوك كان بيخرجني كل يوم وأنا حامل في الشهور الأخيرة وإية بقي الناس كانت بتحبة فكان يعزموا علينا بدرة مشوى فول حراتي . تعالي نتمشي في الخضرة كدة و نغير جو أنا بحب الخضرة قوي . فعلا إتمشوا علي طريق الترعة كتير فجأة صوت نادي عليهم ست فلاحة : يا أم نهر يا أم نهر . رقية : قصدك أنا تعرفيني . الست : هي البلد كلها عرفاك و عارفة اسم الله عليها نهر أنا بنتي زميلة نهر في الفصل وأول ما شافتكم قالت لاأوها ننادي عليكم إتفضلوا معانا أصل جوزي قال نيجي والعيال نتغدا هنا ونأكل ذرة و شاي هو قالي أنادي عليكم . رقية : لا مش عاوزين نزعجكم إنتم أسرة مع بعض إحنا بس قولنا نتمشي . الست : لا إزاي بنتي هتفرح قوي وكمان جوزي كان يعرف ابو نهر اللة يرحمة ولا احنا مش قد المقام . رقية : لٱ ازاي بس علشان تقعدوا براحتكم . الست : والله بنتي و جوزي هيفرحوا تعالوا بقي حتي جوزي عامل حبل في الشجرة و حاطت لمواخذة بردعة الحمار علي الحبل علشان العيال تتمرجح تعالوا تعالوا . راحوا معاها . رقية : بنتك بقي إسمها إية ؟ لست : اللي مع نهر إسمها أنهار يعني مش نهر واحد ومعايا ابراهيم و محمود . رقية : ربنا يخلي . زوج الست : يا أهلا يا اهلا الغيط نور والله . رقية : شكرا تسلم . زوج الست رفع غطا حلة وكانت مليانة ذرة مشوي ريحتة مليا المكان وقال : حظكم حلو كل مرة بنشوي المفاجيع دول يخلصوا الذرة أول بوم النهاردة قلت هشوي كلة وناكل كلنا مع بعض بتحبوا الذرة . نهر : أنا بحبة جدا جدا . الرجل : كل الصغيرين بيحبوة . رقية : والكبار كمان . الرجل حط الحلة في نصف الحصيرة و تسمي في الأرياف ( إياس مصنوع من خيوط بلاستيك ملون يستخدمة الناس هناك عندما يريدون الأكل علي الارض او لو الفلاح احتاج ينام شوية في الارض ) : يلا اقعدوا وكلوا الذرة كتير ولو عاوزين تاني هشوي . انهار : مش هتمرجح ياباة . الرجل : بعد الأكل وبعدين اقعدي جنب صاحبتك مش كنتي من شوية هتتجنني علشان تيجي تعرفيها يا نهر . نهر : أيوة طبعا بتقعد في الدكة قبل الأخير وديما ساكتة صح .ا نهار : إية دة انت تعرفيني كنت فاكرة الي في أول دكة ما يعرفوش غير بعض . الرجل : لية يعني مش في نفس الفصل يبقي أكيد تعرفك . انهار : ياباة الفصل كبير وهما ديما بيبصوا علي السبورة اصل اللي في الاول شطار قوي . نهر : لا طبعا عارفة كل إلي في الفصل وانت كمان شاطرة بس خجولة و ديما عاوزة تتاري وارا صح . الست : لأ بس انهار بتقول انك ما شاء الله شاطرة قوي و بتعرفي كل حاجة . نهر : لأن ماما بتذاكر لي قبل ما أخد الدرس بتديني فكرة عنة يعني انهار كويسة لكن عندها مشكلة لما ما بتفهمش حاجة بتتكسف حتي تسأل عليها المدرس و ديما لوحدها أنا كنت فاكرة إنها بتحب تكون كدة بس أنا بكلم كل الناس . انهار : هو احنا ينفع نكون اصحاب . نهر : طبعا أنا بصاحب كل بنات المدرسة الا اللي بلاقيهم متكبرين أو مش كويسين . الراجل : علي كدة انهار كويسة . نهر : ما شوفتش حاجة تقول انها مش كويسة . الراجل : إية رايك يا ام نهر . رقية وهي بتاكل الذرة بنهم : في إية أنا سايبة لبنتي حرية الإختيار في هي عاوزة تصاحب مين دة حتي لما قالت عاوزة أشتغل ما اعترضش . الست : صراحة الزمن ما عدش فية ٱمان أنا منبة علي أنهار ما تصاحبش حد غير بنت عمها إللي قاعدة جمبها بس من إللي بتحكية علي نهر يا ريت يبقوا صحاب . رقية : خالي العيال يفكوا شوية و يختاروا اصحابهم وهم صغيرين علشان لما يكبروا يعرفوا يتعاملوا احنا مش باقين العمر كلة لهم . ابراهيم بصراخ : انا عاوز اتمرجح ياباة . الرجل : ماشي همرجح كل واحد شوية في الاخر انتم كلكم تمرجحوني . الست و رقية ضحكوا . نهر : حضرتك هتتمرجح . الراجل : أومال ماليش نفس أنا أفضل طول النهار اجمع في ملوخية واشوي ذرة و أعمل مرجيحة و أزوق و في الاخر أروح كدة لازم اقغعد وانتم كلكوا تزئوا . نهر : صح ماشي . نهر لما جة الدور عليها تتمرجح مسكت في المرجيحة قوي علشان ما توقعش في الأول كانت خايفة بعدها غمضت عينها و كانت سعيدة جدا من علوا المرجيحة بها وتراقص الهواء حول جسدها الصغير خصوصا وأن المغرب قرب من الاذان والجو كان جميل . في حين رقية و الست جلسوا علي الإياس وأخذوا يتسامرون .الجو كان لطيف و صرخات الأطفال المرحة الفرحة تملء المكان . استمتعوا جميعا و جاء دور الرجل و أشترك الأربع اطفال في دفع الرجل الذي كان يدفع نفسة في الهواء بضحكات وكلمات تشيجع ليدفعوة أكثر في الاخير . الست : تعرفي يا ست رقية أنا كنت فكراك غير كدة خالص انت طلعتي روحك حلوة . رقية : مصطفي مش بيحب إني أكلم حد للأسف ومانع اكلم حد غير أهلة وأنا مش بخرج كتير يمكن دي أول مرة أخرج لوحدي مع نهر نتمشي دة طبعا غير مشاوير البيت أو طلبات البيت . الست : بس أنا مبسوطة إني إتعرفت عليك . رقية : الله يكرمك أنا مبسوطة أكتر وبصت لنهر ما تتخيليش أنا مبسوطة إزاي أن نهر غيرت جو وبتضحك ونسيت كل مشاكلها .ا لست : وهي العيلة دي عندها مشاكل . رقية : طبعا اي حد من غير أبوة أو أمة صدقيني عندة مشاكل وكتير إلا ما رحم ربي ربنا يخليكم لعيالكوا . الست : امين . الراجل : خلاصنا يلا كل واحد يلم حاجتة وأنا هجز العربية بالحمار تركبي معانا يا نهر . نهر : لا شكرا يا عمو أنا هتمشي مع ماما . الست : ما تركبي معانا انت ونهر الدنيا هتليل . رقية : بلاش علشان مصطفي لو عرف مش هيحصل كويس لنا فسامحيني يالاة السلام عليكم يالا يا نهر . نهر : حاضر . الراجل : لو بتحبوا الملوخية أنا جامع كتير . رقية : لا شكراً كتر خيرك بس هاخد اثنين ذرة من المشوي دة أنا واحد ونهر واحد . الراجل : يا خبر الحلة كلها لو عاوزة انت ما تعرفيش أنا كنت بحب ابو نهر أد إية . رقية : شكرا سلام عليكم .واخدت نهر و رجعوا و هما بيكلوا درة وماسكين إيد بعض . نهر : آنة معاك فلوس ؟ رقية بمرح : خرجت من البيت من غير مليم بس مفتاح البيت إللي اخدتة . يا تري هيعملوا إية من غير فلوس الأيام الجاية هنعرف الفصل الجاي ..... الفصل العشرين ا٢٠) رقية ونهر كانوا راجعين البيت المغرب بعد ما اتمشوا في الغيطان رقية : لية سالتي عند إن كان معايا فلوس عاوزة إية ؟ نهر : أول البلد كنت هقول ناخد توكتك أكيد تعبتي؟ رقية : لا ما تعبتش أنا بحب المشي جدا و لولا أننا في أرياف كنت جريت لكن عيب حد في سني يجري هنا ؟ نهر : فاهمة طبعا , أنا كبرت وفهمت آنة طب هنعمل إية لو عمو مصطفي ما سمحش أننا ندخل البيت ؟ رقية : الحمد لله في مكان ننام فية و نظيف يعني عاوز مننا شوية تنظيف صغيرين فإحنا الحمد لله مش في الشارع هو بس ما فيش أعتقد حاجة للأكل هناك . نهر : أنت عارفة اني بروح كل أسبوع البيت هو نضيف ما تخافيش بكنسة أنا كل شوية بالنسبة للأكل فية حاجات بسيطة يعني كيس مكرونة و إندومي و شوية بطاطس في كمان ذرة بتاع الفيشار أنا كنت بجيب حاجات البيت . رقية : نهر مش أنا قلت ممنوع الاندومي لية خالفتي كلامي . نهر : لا مش ليا دة لما أحفاد جدو أبو ابراهيم البنات بيجوا يلعبوا معايا بضيايفهم بة لأنهم بيحبوه . رقية : ما ينفعش نضياف حد بحاجة مؤذية بس مؤقتا ممكن ناكلة إحنا بما أن ما فيش حاجة نكولها في البيت ودة لأننا مضرين . نهر : بس دة مش حل لان الأكل مش هيكفي يوم واحد فطار وغدا وعشا لشخصين لازم حل تاني . رقية: لا دة بس لعشا النهاردة اكيد هنسهر مع بعض الحمد لله كنت بدفع كهربا وماية للبيت و بيشتغلوا . نهر : و كمان البوتجاز شغال الأنبوبة مليانة . رقية : بجد . نهر : أيوة جدو غيرها الشهر إللي فات و طبعا ما بستخدمتهاش غير أربع خمس مرات بس في الشهر . رقية : إنت عارفة ما روحتش بتنا من قبل الإجازة بشوية علشان مصطفي قاعد في البيت كويس إنك بتروحي كل اسبوع مرة . نهر : برتاح فية آنة بقعد مع جدو شوية و أقضي فية ساعة أو إثنين وكل مرة البيت بيبقي واحشني . رقية : احناغ ممكن نتمشي في الشارع الرئيسي للبلد اللي جنبنا فيها اعتغقد محلين دهب ابغيع الحلق و نصرف منة لاغن البطاقة بتاعي و غلفلوس حتي دفتر التوفير بتاعك في بيت مصطفي نصرف من تمنة . نهر : لغا طبعا عمو لو عرف مش هيحصل خير خصوصا أن هو كان جايبة لحضرتك . رقية : أنا غلطانة كان لازم اغسيب علي الاقغل حاجة في بيتنا للظروف دي للاغسف بعت الدهب إلي احغمد جابوة في المعيشة قبل ما اتجغوز مصطفي . نهر : معلش ما احغنا ما نعرفش أن هيحصل كدة . نهر : نبيع الحلق بتاعي أنا مش عمو مصطفي اللي جايبة . رقية : انت بتقولي إية دة ذكري بابا ليك . نهر : بس ضاغط علي ودني و لازم يتغير حضرتك قولتي بابا جابة واغنا عمري أسبوع أنا رايحة سنة خامسة ها قولتي إية ؟ رقية : هو بجد ضاغط علي ودنك و لا علشان مشاكل مصطفي . نهر : الاثنين ضاعظ بجد و مش عاوزة مشاكل ثاني مع عمو مصطفي . رقية : عندك حق . راحوا محل الدهب و غلضايغ اضر يكسر الحلق لآنة فعلا يفتحة و ضاغط علي أذن نهر و لا حل غير كسرة لكن المبلغ كان قليل لخفة وزنة . نهر : للاسف مش فلوس كتير آنة . رقية : بس هيكفوا كام يوم . نهر : طيب إحنا قريبين من الصيدلية ممكن تجي معايا اشوف شغل هناك . رقية : ما تعبتيش مشي . نهر : بليز بليز بليز . رقية : أوك . راحوا الصيدلية وصاحب الصيدلية رفض بشدة لإنة معاة مراتة وطلاب صيدلة وشاف نهر صغيرة مش هتفيدة بحاجة و كذلك صيدلية أخري . نهر : خسارة لية رافضين حتي اجرب . رقية : نهر أنا تعبت بجد عاوزة أروح وتأكدي أن كل حاجة باذن ربنا ويمكن دة في صالحك . نهر : علشان خاطري ماما سيبني أجرب بكرة . رقية : أوك و هكون معاك يلا أنا هوٱف توكتوك مش قادرة بجد ,الذرة إلي اكلناه إتهضم من كتر المشي و رجلي ورمت . نهر : آسفة أني سببت لك مشاكل مع عمو وبسببي هتبعدي عن اخويا كان لازم أحكي لك الأول قبل ما تقلقي عليا و تطلعي تدوري عليا . رقية : هو أنا طبعا خوفت عليك بس واثقة فيك و بالنسبة لأننا مش في البيت بتاع مصطفي فبصراحة أنا كنت محتاجة إجازة منة و أخوك كبر مفيش مرة مصطفي أتحمل مسئولية إبنة غير لما كبر شوية بقي بيلعب معاة أنا مش قلقانة علي عمر في الآخر هو مع أبوة و هيهتم بة و أنا إشتقت أخدك في حضني و ننام مع بعض و نهزر و نلعب و إشتقت لأم إبراهيم وأبو إبراهيم و لبيت أحمد هعتبرها إجازة صدقيني مصطفي مش هيتحمل أسبوع و هيجي يخدنا مع إني عاوزة إجازة شهر لكن دة يعلمك أي مشكلة تحصل معاك تحكي لي علي طول علشان أنا بخاف عليك جدا فاهمة يا نهر . نهر : فاهمة آنة . شاورت لتوكتوك ووصلها للبيت كان أبو إبراهيم كالعادة قاعد علي مصتبة بيتة وشاف نهر ورقية نازلين من التوكتوك . ابو إبراهيم : نهر نهر . نهر : نعم جدو و ٱتجهت لة هي ورقية . ابو إبراهيم : رقية كمان إية النور دة لية جايين باليل كدة ولا مرة جيتي باليل يعني . رقية : معليش يا عمو الظاهر هنقعد أنا ونهر هنا في البيت شوية . ابو إبراهيم : خير يا بنتي . رقية : خير يا عمو ممكن تقول بنغير جو . ابو ابراهيم : إنت غضبانة ولا إية قولي زعلك في إية أن زي ابوك ؟ رقية دمعت : مش وقتة أنا تعبانة شوية ممكن امشي . ابو إبراهيم : اتفضلي بس ساعة كدة أو ساعتين بالكتير وجي أنا وأم إبراهيم . رقية : تنورا يا عمي عن إذنك . ابو ابراهيم بصوت واطي : آة يا ناري منك يا أستاذ الغبرة بقي رقية يبقي دة منظرها وشها إلي كان بدر بقي زي اليمونة و إطفت منك و نهر طول اليوم برة البيت غلطان إلي يقول إن الست لازم راجل يحميها إذا كان الراجل دة من عينتك يا ناري وأنا اللي مجوزهالوة و بيضرب راسة . ام إبراهيم طالعة بتدي ابو إبراهيم الشاي : جرا إية يا راجل مالك بتكلم نفسك لية . ابو ابراهيم : رقية الظاهر غضبانة من مصطفي و واخد منها ابنها هي و تهر راحوا بيت أحمد و بتقول هتقعد كام يوم جهزي أي حاجة من عندك حتة جبنة و بطيخة و عيش وحبة بيض ونروح نتعشي مع بعض عندهم شكلهم تعبانين قوي يا عيني. ام إبراهيم : يا حنين , أنا مش قادرة إبعت حد من العيال يجيب فول و طعمية وأنا هجيب عيش و جبنة و نروح وبعدين من إمتي رقية بتغضب ولا إتعلمت من ستات البلد هنا . ابو إبراهيم : خد يا ولا تعالي بص عاوزك تاخد العشرة جنية دي تجيب بأربعة فول وأربعة طعمية واتنين جنية ليك . الولد : اثنين جنية ايقة يا سيدي أنا عاوز كانز بخمسة جنية . ابو إبراهيم : ايةغ يا ولا هتجيب حاجات بثمانية جنية وتاخد خمسة . الولد : المشواااار بعيييييد وال..... قاطعة ابو ابراهيغم : خلاص مش هخلص أنا خد خمسة جنية أهي كمان بس هات بباقي العشرة طرشي ما نتاخرش يا ولا وب نظر لزوجتة علي ما اشعرب الشاي تكون العشاء أذنت أصلي في البيت مش قادر ارغوح الجامع و نروح ماشي يا حاجة . ام إبراهيم : ماشي يا خويا . راحوا لرقية بعد ساعة تقريبا و خبطوا علي باب الحوش الخارجي و نهر جريت فتحت لهم وةدخلتهم المضيفة كانت رقية لبست فستان بيتي قديم من بتوعها وراحت المضيفة استقبلهم . ابو إبراهيم : أنا قولت نعيد أيام زمان و ناكل لقمة مع بعض عارف انكغ ما بتتعشيش إنت ونهر بس قولت لازم ناكل مع بعض لقمة علي الماشي يلا يا بنتي وما تخافيش مش هكلمك في حاجة غير لما إنت تقولي لي بنفسك زي زمان مش أنا زي أبوك برضو . رقية بابتسامة : طبعا عمو.ابو إبراهيم : يلا يا بنتي بسم الله . واكلوا مع بعض . رقية : معليش أنا عارفة لازم تشربوا شاي بعد الأكل بس ما فيش لسة حاجة في البيت بكره هجيب إن شاء الله . ام إبراهيم وهي بتتاوب : لا شاي اغية أنا خلاص هنام علي روحي يالا يا بو إبراهيم . ابو إبراهيم لو عاوزة يا بنتي إبعت ايغ حد يجبلك شاي وسكر . رقية : لا كتر خيرك أنا ونهر كمان هنام تعبنا النهاردة . ابو إبراهيم : لو بكرة هتكونوا هنا إعملوا حسابكم العشاء عندنا بس هنسهر كلنا مع بعض يلا اسبكم لأنكم فعلا تعبانين وأخذ ام إبراهيم . رقية : حضرتك الاكل كتير باقي ألفة و أجيبة و فية طبق جبنة.ابو إبراهيم : خلية يا بنتي لما تعملي حاجة حلوة ابقي املية وهاتية اية رايك. رقية : ابتسمت حاضر يا عمو . تاني يوم رقية راحت اشغترت شوية حاجات و عملت كيكة وراحت توديها بعد لعصر لبيت ابو إبراهيم قابلها ابو ابراهيم وقال : اة يا بطني إية الريحة الحلوة دي جوعتني فين أيام زمان ما تبقي تعطي الوصفة لخالتك ام إبراهيم رقية بضحكة : يا رافع معنوياني يا عمو لسانك ديما حلو الله يعطيك الصحة والعافية . ام إبراهيم : لأ الصراحة إنت شاطرة في الكيكة أقوي , أما لسانة فمع ناس و ناس . ابو إبراهيم : خدي الكيكة وسبولي حتة أنا بقولك أهو وقولي لحد يعملنا شاي . رقية : لا سايبة نهر لوحدها و بعدين هنيجي عندكم باليل . ابو إبراهيم عاوزك يا بنتي شوية لوحدنا ممكن تريحني .. رقية : مش عاوزة اتاخر و بصت لأبو إبراهيم إلي عمل نفسة زعلان وقالت حاضر . قاعدت علي الكنبة جنب ابو إبراهيم . ابو إبراهيم : أنا سامعك قولي ما بدك أنا اللي أقنعتك بالجواز و نش تدخل مني في حياتك ربنا يعلم معزتك عندي إنت ونهر وفلو حتي الراجل العجوز الي قدامك ما اقدرش يعمل حاجة علي الاقل تفضفضي وسرك في بير يا بنتي . رقية حكت لة ما حدث معاها أمس من دخول مصطفي البيت بعد اجتماع المدرسة لرجوعها البيت وعدم سماح مصطفي لها بدخولة هي ونهر وقالت أنا مش زعلانة من حضرتك لان دة كان اختياري أنا وحضرتك ما غصبتنيش علي حد كان لازم اتأني في اختيار اب لنهر لكن القسمة والنصيب . ابو إبراهيم : هو من برة البلد وكان جديد فيها واللي حصل حصل بصي يا بنتي إذا كان فاكر انك وحدانية فلٱ زي ما جة اتزوجك مني هيرجعك برضو مني وهعمل قاعدة رجالة واجيب أخوة يشهد إخوة محترم ويفهم في الأصول وحقك علي راسي يا بنتي روحي لبنتك دلوقتي وانا هتصرف . رقية : أنا مش عاوزة حد يروح لة لو سمحت . ابو إبراهيم : مش هتعمل تصرف يصغرك يا بنتي و قبل ما أعمل حاجة هشاورك ما تخافيش هنبقي نتكلم باليل يالا روحي لبنتك . رقية راحت لنهر إلي كانت عملت شاي و مستنية ماماتها في المضيفة و فاتحة الباب المطل علي الحوش الخارجي. رقية : فاتحة لية الباب . نهر : عملت احلي شاي لينا مع الكيك ونشرب مع بعض . رقية : ولية عملتي كنت إستني أعمل أنا بعد ما نتغدا . نهر : الكيك ريحتة مغرية جدا وعاوزين نضبط راسنا . رقية : نضبط راسنا ماشي بس ابقي اقولي وانا اعمل . نهر : أنا كبرت وبد بعرف أعملة عمي الزعكري علمني و بعدين لما نكون مع بعض هساعدك بفرح لما اساعدك . رقية : إفتكرت في اللحظة دي أحمد لما كان بيساعدها ديما وكان هو اللي بيغسل المواعين بصت لنهر وقد فالت : ربنا ما يحرمني منك . شربوا شاي وقعدوا يتكلموا ويهزروا وكانوا مبسوطين جدا رقية كمان عملت تسريحة حلوة لنهر عجبت نهر جدا . نهر : آنة ممكن نروح لصيدلية اقدم فيها . رقية : ثاني يا نهر روحنا امبارح اللي إنت عوزاهم هنروح فين ثاني . نهر : قولتي لي الي بيسعي هيوصل مش معقول نهر بنت رقية تيأس من يوم واحد نحاول بليز أنا محتاجة مساعدتك . رقية : يا ربي حاضر يا نهر بس علشان أبقي حاولت معاك . فعلا راحوا اليوم دة وبعد كذا محاولة فية صاحب صيدلية وافق يجرب نهر شهر ويشوف ودة لانة اعجب بطريقة كلامها المهذب وكان يريد أن يري ابناؤة أن الأصغر منهم يتمني ما يرفضوة هم وهو أن يساعدوة في العمل بالرغم من عدم إقتناعه أن تعمل معة صغيرة بذلك السن فهي لم تكمل أحدي عشر عاما . سعدت نهر بذلك واتفقت معة أنها ستبدأ من أول يوم دارسة بعد المدرسة سواء دوام المدرسة صباحاً او بعد الظهر وتخرج من عملها الساعة التاسعة مساءاً رجعوا البيت واكلوا الغذاء بوقت متأخر قبل العشاء وتجهزوا وذهبوا لبيت ابو إبراهيم . في الجهة الأخري عند مصطفي فقط قضي أمس واليوم في انتظار أن تأتي رقية ويملي شروطة عليها كان يرتب الكلمات وانة سيضع شروطة و أوامرة عليها و يتخيل أنها ستكون مضرة و سيلعمل ما يحلو لو بها وابنتها وخصوصا أنة كان متاكد من أن رقية ليس معها مال لا هي ولا نهر خاب ظنة و أرهق من طلبات الصغير خرج صباحا لمطعم ليأتي بالفطور وعصرا بالغداء رغم أن الطعام عندة في المطبخ لكن هو لا يعرف كيفية تسخين الطعام وقام بتغيير كالون بيتة حتي لا تستطيع رقية دخول البيت في غير وجودة عندما جاء وقت العشاء كان قد حسم إمرة بزيارة اهلة ليعاونوة علي الصغير وايضا لخدمة أحدهم لة فهو كتير شرب الشاي والقهوة . وصل مصطفي البيت الكبير معاة طبعا مفتاح البيت خبط علي الباب الاول ودخل الحاجة و إنتصار كانوا قاعدين في صحن الدار بيقطفوا ملوخية علشان وينشفوها بعدين لخزين السنة الحاجة : دة مصطفي ؟ إنتصار : أيوة يا آمة . بس غريبة معاة عمر . الحاجة : يا أهلا يا ابني يا اهلا إية النور دة و معاك عمر كمان . مصطفي : مساء الخير عليكم . انتصار والحاجة : وعليكم السلام ورحمة الله وبركاته . مصطفي : ممكن يا انتصار تغيري لعمر أنا جايب في الشنطة غيار ومعاش هتعبك عاوز كوباية قهوة مش فنجان لا كوباية انتصار : اغيرلة حاضر اغسل إيدي من طينة الملوخية و أغيرلة لكن قهوة مفيش عندنا وورد و عبد الله ناموا حتي أخوك جة من الغيط اتعشي ونام . مصطفي : هطلع اشتري قهوة . الحاجة : فية اية يا مصطفي مالك مبهدل كدة لية . ورقية ونهر فين وجاي متأخر لية . مصطفي : اية يا أمة هو تحقيق جاي مصدع وتعبان مفيش دماغ للمسايرة بكرة بقي أن شاء الله نحكي مع بعض انتصار معلش ممكن تبقي تنمي عمر مع علي النهاردة مش بعرف انام جنبة بيتقلب كتير . إنتصار : حاضر دة هيفرح قوي هو بيحب يلعب معاة . مصطفي : عاوزين اجيب حاجة من برة أنا طالع اجيب قهوة علشان مصدع قوي هشربها وانام . الحاجة : هتشرب قهوة وتنام ازاي يا بني . إنتصار بضحك : علشان ينام بتركيز هههههههه يلا يا عمورة احميك واغيرلك . عمر : غيار بس . إنتصار : يا واد الدنيا حر تبقي نظيف وقشطة كدة يالا الله يهديك. مصطفي بشخط : ولا اسمع الكلام بدل وربنا اوريك وش عمرك ما شفتة بلا ارف. عمر بعياط : حاضر حاضر . إنتصار شالت عمر بسرعة علي الحمام وبتراضية: معليش يا عمورة ابوك مش قاصد يزعلك هو بس تعبان يلا يا حبيبي . مصطفي خرج وهو متنرفز . الحاجة قاعدة علي الإياس وبتقطف وتقول : إية اصلة دة مالو كدة يالا الصباح رباح أما إخوة يصحي يبقي يعرف مالة . انتصار حمت عمر و غيرت لة ونيمتة مع علي إبنها بعدها عملت قهوة لمصطفي ولمت عيدان الملوخية وراحت تنام هي كمان والحاجة برضو راحت تنام . مصطفي راح الاوضة بتاعة القديمة ومعرفش ينام كان مضايق جدا أن رقية ما رجعتش تستعطفة وكمان هي عارفة أن عيد ميلاد ابنهم بكرة وما رجعتش مع أن مفيش فلوس معاها كمان بيفكر لية كدة لية ما راحتش تستعطفة لو كان الوضع معكوس كانت هتسيب نهر زعلانة يوم واحد لا طبعا دي ما استحملتش كلمة علي بنتها و جريت عليها و سابتة هو وابنة أيوة هي بتحب نهر أكتر من عمر وأحمد أكثر من مصطفي هكذا هداة تفكيرة ونام بعد اذان الفجر . محمد قام يصلي الفجر وفعلا صلي بالجامع القريب و إنتصار قلقت وهو بيغير كان عاوز يغير لبسة علشان يروح الغيط بدري . إنتصار : محمد هقوم اعمل لك كوباية شاي وأي حاجة تكولها. محمد : لا خليك حسيت بك جيتي تنامي متأخر سهرتوا علي الملوخية أنا هعمل لنفسي و أتكل خليك نايمة . إنتصار : أخوك إمبارح جة و كان شكلة مبهدل و جاب عمر معاة و برضو أول مرة أشوف عمر هدومة مش نظيفة و مبهدل حميتة و غيرتلة وند نيمتة مع علي وأخوه بات في أوضتة هنا . محمد : لية ماصحتنيش ساعتها . إنتصار : هو قطع الكلام مع الحاجة و قال مش عاوز يتكلم و هيتكلم بكرة دة كان جاي مصدع طلع جاب قهوة أعملها لة شكلة متخانق مع رقية وسائب لها البيت . محمد : لا الة الا الله هي رقية بتعرف تتخانق أنا هروح أسقي بدري وآجي علي تسعة عشرة يكون صحي أفهم فية إية هو جة امتي . إنتصار : بعد العشاء بياما . محمد : طب نامي شوية وانا خارج للغيط سلام . فعلا محمد رجع علي تسعة وسأل علي مصطفي قالوا لسة نايم راح يصحية لكن مصطفي قال أنة تعبان ونام بعد الفجر فمحدش يصحية تاني . محمد لامة : الباشا نايم و سايبنا نهري في نفسنا وبيقول محدش يصحية نام بعد الفجر . الحاجة : خلاص يا إبني يا خبر بفلوس بكرة يبقي ببلاش نستني لما يصحي . محمد : وأنا أفضل كدة علي أعصابي لا أنا رايح لرقية و نهر أشوف إية إلي حصل فاكرة لما جة بات هنا و مراتة كانت بتولد بدري عن معادها معرفش هو عمل إية افرضي محتاجين حاجة وةهم معندهمش حد . الحاجة : وأخو ك هيعمل إية يا بني أكيد خناقة زي اي خناقة من يوم عمر ما جة ما جاش بات هنا من غير رقية ونهر فمش من مرة يجي يبقي حصل حاجة . إنتصار : آجي معاك يا محمد انا برضو مش مطمنة وقلبي واكلني عليهم . محمد : لا العيال وعمر ومصطفي لما يصحي امي مش هتعرف تعمل معاهم حاجة أنا هروح أطمن وافهم واجي يا لا سلام . ذهب قاصد.بيت أخية لكن لم يفتح لة أحد الي أن قالت لة أحدي نساء الجيران : مفيش حد هنا . محمد : اومال فين ما تعرفيش . الست : ما عرفش بس اول امبارح الست رقية ونهر قاعدوا يخبطوا وأستاذ مصطفي مارضاش يفتح واخدت بنتها ومشيت وهو امبارح جوزي اقالي مشي بالليل . محمد : شكرا (في نفسة) كدة يا مصطفي الكلب ما ترضاش تدخل مراتك ونهر البيت صبرا أما أعرف اية الموضوع وذهب قاصد بيت ابو إبراهيم . في البيت ابو إبراهيم ابو ابراهيم : اهلا اهلا يا بني نورت البيت . محمد : الله يكرمك يا حج معلش هو بصراحة أنا جاي علشان نهر وامها هما في بيت نهر ولا عندك . ابو ابراهيم : لا يا بني في بيت أحمد الله يرحمة حتي وهو ميت فاتح بيتة لنهر وامها مش اخوك الي افقل في وشهم الباب معليش علشان فاكر أن ملهاش حد بيعمل ما بدالة . محمد : أنا معرفش اية الي حصل وجاي افهم . ابو إبراهيم : ما فهمتش منة لية لعلمك أنا زي ما جوزتهالة مش هرجعها غير لما يجي يبوس رأسها و يستسمحها . محمد : مش نفهم اللي حصل الأول ؟ ابو إبراهيم نادي علي حفيدة لة وقال تروح تنادي لرقية ونهر . ابو إبراهيم : دلوقتي تسمع بودنك من رقية و لا مش هتصدقها . محمد : لا إزاي ام نهر أنا بحترمها وعارف أنها أصيلة وما تكدبش .بعد قليل جات رقية ونهر نهر جريت علي محمد و سلمت: علية ازيك يا عمو وحشتني جدا . محمد : الحمد للة يا قمر ما شاء الله كبرنا وبقيت قمر إية مش بتيجي عندنا لية زي زمان . نهر : معليش حضرتك عارف شغل المكتبة كان معطلني وبصت لابو ابراهيم : أنا هروح لتيتة اساعدها شوية لان شكلكم عاوزين تتكلموا كلام كبار . ابو إبراهيم : حبيبتي اللماحة بصي هنخلص ونادي عليك بس ما تخرجيش من الدار يا نهر . نهر : حاضر وخرجت . محمد : ممكن اعرف اية اللي حصل ولية ما جيتيش علينا ولا احنا مش اهلك . رقية : كنت عاوزة اكون مع بنتي لوحدنا شوية وبعدين بيت بنتي موجود . محمد : ماشي عاوز اعرف اية حصل . رقية روت لو كل ما حدث وبعدها قات هو عارف كويس اني طالعة من البيت من غير ولا مليم وعارفة أنة عاوز يكسرني أنا و بنتي بس الحمد لله ربنا معانا و اعرغف أشتغل و اصرف علي نفسي و بنتي عادي جدا . محمد : اهدي بس يا ام نهر هو أنت عارفة أنة عصبي واكيد صاحب المكتبة لعب في دماغة وقال كلام مش مضبوط لاخويا . رقية : هفرض دة هل تصدق دة علي نهر بلاش طب لو نهر عملت كدة فعلا دة يديلة الحق أنة يطردنا كدة اية بيعاقبني اني عاوزة اطمن علي بنتي لا ويقول قدام الولد إني بروح لبنتي ومش هاممني إبني طب لية ما أنا كنت سيباة مع أبوة بس علي ما أطمن علي نهر . محمد : من جهة غلطان فهو غلطان وانا هجيب حقك منة يالا تعالوا معايا البيت الكبير وكل اللي عاوزاة هيمشي . ابو إبراهيم : تروح فين لمواخذة بص يا بني إنت راجل وأنا بقدرك لكن لا لازم أخوك يرد كرامتها الأول . رقية : معليش يعز عليا ما ادأسمعش كلامك يا أبو علي بس دى نهر . محمد : ماشي يا أم نهر . قبل أن يرجع لبلدة ذهب إلي المكتبة ليعرف ما حدث و قابلة الزعكري وحدثة بما حدث و اخبرة أيضاً أنة أوصي أخية أن يرجع لة نهر في المكتبة مرة أخري فكتم غيظة و رجع إلي بلدة. يا تري المواجهة بين مصطفي و محمد هتكون إزاي وهل مصطفي هيسمع كلام أخوة نشوف الفصل الجاي .....

مقالات ذات صلة

عاشق في محارب المافيا ١

الفرح اتلغي

استغاثه قت,يله بقلم احمد محمود شرقاوي

قبل فوات الاوان ٣

نقود اخويا ج الاخير

العشق

اترك تعليقاً إلغاء الرد