دموع ممنوعه ٢

الفصل الرابع عشر الطبيعى أن تحاول كل امرأة الفوز بالرجل الذي تريده ، وإن كانت تملكه ، فمن الطبيعى أن تحافظ عليه بشتى الطرق ، لكن الوضع مختلف جدا مع فريدة ، فهى لم تملكه لتحارب من أجل أن تحافظ عليه ، وليست متأكدة من أنها تريده من أجل أن تحاول أن تفوز به ، كل ما يحدث لها هو اضطراب فى كل الأساسيات التى بنت نفسها عليه ، فهى لم تترك قلبها ابدا لرجل ، ولم تسمح لأى أن كان أن يقترب ، لكن مع عادل الأمور مختلفة ، فهى تشعر سيطرتها على نفسها تذهب أدراج الرياح فى وجوده ، تشعر بأن قدرتها على أبعاده تقل ، وهذا بالفعل ما كانت تخافه ، أن تغرق أكثر في بحره ، فهى تحتاج لكل ذرة فى قوتها لتنهى ما بدأته ، لكن الآن ماذا سيحدث معها . ****** فى داخل مكتب الشئون القانونية فى مبنى وزارة التموين ، تجلس فريدة على مكتبها وبجانبها الكاتب يباشر عمله ، وأمامها أحد الموظفين لتكمل معه التحقيق ، .... كل الأوراق اللى قدامى بتقول انك طلعت الطلبية من غير امضائات كفاية ، يعنى المفروض أنك مختلس ، يعنى لازم القضية تتحول نيابة عامة ... ...ارجوكى ياأستاذة فريدة ، انا كدة هتسجن ، وولادى هيتشردوا. ... ... مفيش بأيدي حاجة اعملهالك ... ...والحل ، الله يخليكى ياست هانم ... ...اسمع ، فى حل واحد .... ...الحقينى بيه ... ...قسيمة الخروج ، لو قدرت تتصرف بقسيمة خروج رسمية بنفس التاريخ ، وتمضى عليها المورد .... ...لو على القسيمة ، اقدر اعملها ، وعم مسعد موافق انه يمضى على الحاجات اللى استلمها منى ، المشكلة أن المدير هو اللى رافض يمضى ويطلع الختم من عنده ... ....سيب موضوع المدير عليا ، هاتلى القسيمة بس وانا هتصرف ... ...حاضر ، ربنا يخليكى ياست هانم. .. ...تقدر تتفضل انت وهاتهالى بكرة ... دخلت مشرفة المجموعة ...أهلا يامدام نهلة ... ...أنتى هنا ليه يافريدة ، ومين سلمك التحقيق ده ... ...براحة بس ، هو فى ايه ... ...فى انك عروسة يافريدة ، قومى يلا اتفضلى ... ...خضتينى والله ، انا اللى طلبت استلم ، وبعدين انا بقالى 10 أيام ، كفاية عليا ... ...أنتى هبلة ولا ايه ، هى حد يقول للعسل كفاية ، قومى يلا ، ليكى 10 أيام كمان ، تيجى تمضى وتمشى ... ...هههههههههههههههه ، ياسلام على الدلع ... ...أه طبعا ، ياما شلتيهم ، خليهم هم يشيلوكى شوية ... ...ماشى ياستى ، حاضر ... ******** عادت للمكتب مرة أخرى ، فالبطبع لا تريد العودة الفيلا بأى شكل ، امضت فى المكتب أكثر من 5 ساعات ، حتى أصبحت الرابعة والنصف ، ومازالت لا تريد العودة ، اتصل بها عادل ليسألها عن مكانها ، وهل وصلت للبيت أم لا ، أخبرته أنها مازالت لديها عمل لتنهيه ، وأنها غير جاهزة للعودة للبيت الآن ، أحس عادل بما بعتليها من ضيق داخلها ، سمح لها أن تبقى ، وأنه سيمر عليها بعد ساعة ، ليتناولا طعامهما فى الخارج سويا ، ... هو احنا رايحين فين ؟ ...إيه ، خا؟؟؟يفة لأخطـ,ـفك . .. ... هتخـ,ـطف مراتك ... ... اعملها على فكرة ... ...ياسلام ، بالمناسبة قولتلهم ايه فى البيت ... ...قولتلهم أن جاتلنا عزومة مفاجئة ... ... وهنروح فين دلوقتى. .. ...خلاص ، وصلنا ... كانت السيارة قد أبتعدت تماما عن العمران ودخلت أحد المزارع الشاسعة ، وصلت لأحد المبانى فى منتصفها ، كان مبنى واسع جدا من دور واحد ، شكله بسيط من الخارج ، من الداخل عبارة عن صالة كبيرة ب أثاث راقى تربط أربع غرف ببعضهم ، فى نهاية الصالة يوجد ركنة واسعة إلى حد ما مصممة كمطبخ تحضيرى مكون من دوران رخام يحوطه بعض الكراسى المرتفعة ، تبدو من بعيد كأنها بار للمشروبات ، ... هروح أعمل حاجة نشربها لحد ما الأكل ييجى ، وانتى خدى راحتك ، تابعته بعينيها حيث ذهب لأحد الكراسى ، وضع جاكت بدلته عليه ثم فتح بعض أزرار قميصه ، ثم أزرار الاكمام وطواها لأعلى ، خلع حزائه وشرابه أيضا ، وبدأ يتحرك حافي القدمين باتجاه المطبخ ، اندهشت من طريقته فى التكيف مع المكان ، لكنها اتجهت لنفس الكرسى وفعلت المثل ، خلعت الطرحة والجاكت الخارجى والحزاء أيضا ، واتجهت إليه وجلست على أحد الكراسى الموجودة أمام الرخام ، كان عادل يتحرك بثلاثة جيدة فى المكان وكأنه مكانه الفعلى ، ...بيت مين ده ... ...هيكون بيت مين يعنى ، بيتى ... ...أنت عامل لنفسك صومعة بعيد عنهم ... ... ههههههههه ، صومعة مرة واحدة ، لا ياستى للدرجادى ، ده كان بيت أبويا ، اصله كان شارد شوية عنهم ، وكان بيسيب البيت كتير ... انتهى من عمل النسكافيه ، وضع أحد الأكواب أمامها والكوب الآخر أمامه وجلس فى الجهة المقابلة ، ...أنتى كلتى أى حاجة ن الصبح ... ...أه متقلقش ، عملولى عزومة فطار انهارضة بمناسبة رجوعى. .. ...كويس ، شكلهم بيحبوكى. .. ...الحمد لله ، وانت ، أكلت حاجة ، انت مبتفطرش اصلا ، ... ...الصبح ، لا ، بس بأكل أى حاجة على الساعة 11 كدة ، بفكر انا مجدى دايما هناك ، لكن لو فى الكلية ، باكل اى بسكوت مع شاى وخلاص ... ...أنت صحيح هترجع امتى ... ...بعد يومين ، واخد 15 يوم ياستى ... ..الله يساهلك، ووافقولك على 15 يوم .... ..هو انا اللى عملتها ، انا لقيت عمى اللى جايبلى ورقة الإجازة ، أذاى، ومين اللى عملهاله ، معرفش.. .. ....راجل طيب عمك أكرم ده .... ...ماهو خالك انتى كمان ... صمتت فريدة ولم ترد ...فريدة ، لو قلتلك أنى حاسس أنى بتبعدى عنهم ، صح ولا انا غلطان ... ...سيبك من الموضوع ده ياعادل ، وقوللى ايه لازمة العزومة الجميلة دى ... قبل أن يجيب ، رن جرز الباب ، ...الأكل جه ، طلبته قبل ما أوصل عندك ... استلم الاوردر وبدأ فى فتحه وتجهيزه ، قامت من مكانها لتساعده وبدأت فى فتح العلب ، بدأ الاثنان فى تناول الطعام ، رغم قلقها من الموقف بكامله، بدأ توترها يقل من معاملته البسيطة وعدم التلميح لأى نية نحو أى شئ ، وفجأة وهم يتناولوا الطعام ، سألها ...امبارح، لم قولتيلى أن انا اللى نويت أنهى علاقتنا ، كنتى تقصدى ايه ،، تقصدى ميس ،، تجمدت فريدة وتوقفت حركة فمها عن المضغ ، لكنها لم ترد ، تابع ما يقول ... احنا تلاتة بس اللى شايلين اسم العيلة ، انا ومجدى وعصام ، عشان كدة جدى كان رافض أن أى واحد فينا يبعد نهائى ، حتى فى الجواز ، صمم يجوز كل واحد فينا واحدة من بنات عمو، مجدى وعصام ، كان قدامهم فرصة يختاروا ، لكن فى وقتى ، مكانش متاح غير سهام ، للأسف كانت نصيبى انا ، نصيب مقدرتش ارفضه ، أو بمعنى أصح مقدرتش اصمم على رفضى ، مع الوقت اتعودت عليها ، لكن للأسف إلى مقدرتش اتعود عليه تقليدها لأمى وأنها تحكيلها كل حاجة بتم بينا، وللأسف فى الآخر كدة تحررها زيادة عن اللزوم .بقى الخناق والمشاكل بينا مبتنتهيش ، كرهت وجودى فى البيت ، وبقيت طول الوقت برة ، يافى الشغل ، يااما هنا مع بابا ، خاصة أن فى الفترة الأخيرة كان تعبان اوى ، أبويا مات ، وجدى تعب اوى من زعله عليه وسافر ، وعمى اتشغل اوى فى الشغل ، بدأت أحس بالوحدة مع المشاكل اللى كنت فيها مع سهام ، ومشاكلى مع ماما . فى الوقت ده ، ظهرت ميس ،... عند سماع الاسم رفعت فريده وجهها له ، منتظرة الباقى ....اتعينت عندى فى المصنع بسبب مشاكل فى الحسابات ، هى فعلا عملت شغل كويس فيها ، بس الشغل الأكبر كان عليا انا ، اهتمام وحب ومواساة ، زى ما انتى عايزة ، وزى ما الكتاب بيقول ، مكانش عندها مشكلة خالص أنى متجوز ، كانت مقضياها معايا على أمل أنى أطلق واتجوزها. .. سألته ...مقضياها معاك يعنى إيه ... ...بصراحة ، كل حاجة متاحة ماعدا العلاقة الفعلية ... ...ومازالت كدة لحد دلوقتى؟ ...هتصدقينى ؟ ...وايه يخلينى اكدبك، انت اللى اتكلمت لوحدك ، مش انا اللى طلبت ... ...أنا بعيد عنها من يوم ما عرفتك ... ...من يوم ما عرفتنى ... ...أيوة ، تقريبا من تانى مرة اتقابلنا فيها ، ومشوفتهاش من يوم ما اتجوزنا غير مرة واحدة فى المصنع ... حاولت فريدة سبر اغواره من عينيه لكنها لم تلقى نجاحا بينا فى ذلك ، فقررت تأجيل التفكير لوقت لاحق ، لتدعه الآن يخبرها بما يشاء ، ... فريدة ، انا مكنتش مخطط لأى حاجة حصلت ، كلها لحظات قوة على لحظات ضعف ، طريق اترسملى ومشيت فيه ... ...وانت سعيد وانت بتقول كدة ... ..اكيد لأ ، بس مش بأيدي ... ...أنا مبحبش السلبية ياعادل ، مش هقولك أن كل حاجة حصلتلى كانت بأيدي ، لكن على الأقل كل حاجة انا عملتها ، كنت أنا اللى بحددها وانفذها بالشكل اللى انا عايزاه. .. أنهت آخر كلماتها ورفعت الطبق الخاص بها ورمت به فى السلة ، غسلت يدها وبدأت فى تجهيز الشاى ، فهى من عاشقى الشاى بعد الطعام ، كل هذا وهو يتابعها بعينيه ، وهو يفكر فيما قالت ، لكنه فاجأها بما لم تتوقعه منه ، والآن بالذات ...انا اسبابى واضحة فى جوازى منك ، وأعتقد أنها مقنعة ، لكن انتى ، مش مقتنع ابدا بأسبابك فى جوازك منى ، انتى وافقتى تتجوزينى ليه يافريدة ؟ دموع ممنوعة. ...........الفصل الخامس عشر فاجأها عادل بما لم تتوقع منه ، والآن بالذات ...انا اسبابى واضحة فى جوازى منك ، وأعتقد أنها مقنعة ، لكن انتى بقى ، انا مش مقتنع ابدا بأسبابك فى جوازك منى ، انتى وافقتى تتجوزينى ليه يافريدة ؟ تجمدت مكانها لثوانى ، لكنها عادت وأكملت ما كانت تفعله وهى تقول ...وهو انت اسبابك ايه اصلا فى جوازك منى ... ...انتى كدة بتهربى من سؤالى ، بس ماشى ، بصراحة ومن الآخر زى ما عودتينى فى الكلام معاكى ، اتجوزتك عشان أرضى عمى ... ...ترضى عمك ... ...أيوة ، من وقت ما ابويا مات وجدى تعب ، بقى هو المسيطر على كل حاجة ، وبدأ يصلح كل المصايب اللى كانو بيعملوها ، وأهمها انتى طبعا ، كان بيدور على اى طريقة يرجعك بيها البيت ويديكى حقك ... ...كان ممكن يرجعلى حقى ببساطة ومن غير جواز .... ...كان قلقان من رفض جدى ،، غير ان عشان يرجعلك حقك ، كان لازم حصر لكل شئ مع كمية امضائات كتيرة جدا من جدى ، الحل الوحيد انك تكونى جزء فعلى من العيلة ، مش مجرد بنت جميلة الله يرحمها ، وأنا الوحيد اللى مكنتش متجوز ، فطلب منى أنى أوافق اتجوزك لحد ما نديكى حقك ، وبعد كدة اعمل اللى انا عايزه ، ومع الوقت لقيته بيحاول يقنعنى انك أنسب زوجة ليا ، وانى أدى لنفسى فرصة أتعرف عليكى صح ، وحاولت فعلا اعمل كدة ... ... وايه رأيك لما اتعرفت عليا ؟ ...أعتقد أنك عارفة رأيي كويس اوى ... ...لأ مش عارفة ، وعايزاك تقوللى ... ...ولو كلامى معجبكيش مش هتزعلى ، انتى اللى عودتينى على الصراحة من غير زعل ... ....قول بس اللى عندك ، عايزة اعرف جواك ، يمكن ارتاح ... وقالت بصوت منخفض .. ويمكن اتعب اكتر .. ...بصى ، أول مرة روحتلك فيها ، كنت رايح مدايق جدا وقلقان اوى من مقابلتك ، بس طبعا ، فضلتى قاعدة معانا ، ورفضتى تقعدى معايا لوحدى ، تانى مرة ، انتى اللى طلبتى تقابلبنى ، لما اتكلمت معاكى ، ارتحت جدا ، ومش عشان ارتحتلك انتى شخصيا ، لكن بسبب طريقتك وجرأتك فى مواجهة الموضوع ، وأنك متقبلة أنى مغصوب على جوازى منك ، وكانت دى اول مرة أحس براحة فعلية من يوم ما بدأت كلام فى الموضوع ده مع عمى ، ومع الوقت ، لقيت ف حاجة شدانى ليكى جدا ، بحب اتكلم معاكى ، بقلق عليكى لما بتغيبى كتير عنى ..... رنة هاتف فريدة قطعت كلامه . ألقت نظرة على الشاشة وأغلقت الصوت ولم ترد ، ولكن الرنة الثانية لاحقت الأولى ، ...مش عايزة تردى ولا ايه ... ...عادى ، بس ممكن اكلمه بعدين ... ...هو مين ؟ ...عميل فى المكتب ... ....شكله مصمم اوى ، دى تالت مرة ... أجبرت على الرد عليه حتى تؤكد لعادل انه مجرد عميل عادى ، رغم أنها ليست فى وضع يجعلها تبرر تصرفاتها فى هذه المرحلة ...الو ، ايوة ياأستاذ محسن ، ازيك ... ...الحمد لله تمام ، اذيك انتى ياأستاذة ... ...الحمد لله ، خير ؟ ...خير ان شاء الله ، انا بس فكرت فى كل الكلام اللى قولتيهولى من يومين ، انا فعلا مواجهتوش، ومعرفتوش أنى عرفت ، انا كنت عايز أسألك اذا كان عندك استعداد تساعدينى زى ما قولتى ... ...أه طبعا ، انا عند كلمتى ، شوف انا اقدر أساعدك بايه وانا على استعداد ... ...أنا فكرت فى خطة معينة ، وكنت عايز اعرضها عليكى ، واخد رأيك فيها ، ولو عندك إضافات تقوليلى ، وكمان كنت فى شوية معلومات عن شركته محتاجها ، وممكن نعمل تعاقد جديد كشغل فى مكتبك عادى ... ...مفيش مشكلة ، كلم ريهام و حدد معاها أقرب ميعاد ممكن ، لأن للأسف عندى مواعيد مهمة جدا بكرة ، والموضوع بالشكل ده هياخد وقت فى مناقشته ، وأنا هكلمها واشوف ... ...هكلمها حالا ، واسف أنى عطلتك ... ...مفيش مشكلة ، ربنا يقدم اللى فيه الخير ، مع السلامة ... التفتت لتبحث عنه فلم تجده ، اتجهت للشرفة المتصلة بالحديقة الصغيرة الخارجية ، وجدته يجلس على الأرض ، يدخن سيجارة ، ممدا قدميه وواضعا أحدهما فوق الأخرى، ومسندا ظهره لعمود قائما لأحد أحواض الورد ، اقتربت منه ، ووقفت بقربه وهى تقول ...أول مرة اشوفك بتدخن ... ...تفاريح كدة ، مش دايما. .. ..تفاريح ! حلوة تفاريح دى ... حاولت الجلوس على الأرض ولكن الفيست الذى كانت ترتديه لم يساعدها ، فجلست بجانبه وبنفس طريقته فى الجلوس ، وأسندت ظهرها على العمود المواجه له ، ...مين محسن ده ، دى تالت مرة أسمع اسمه ... ...قولتلك انه عميل فى المكتب ... ...والعملا متعودين يكلموكى على تيليفونك الخاص كتير ... ...لو فى حاجة مهمة ... ... وايه هى الحاجة المهمة اللى تخليه يكلمك الساعة 8 ... ...مبطلعش أسرار العملا لحد ، المكتب عندى كأنه خزنة برقم سرى ، ميعرفش رقمها غيرى انا والعميل وبس ... ادار وجهه بعيدا عنها بشئ من الضيق ...متزعلش منى ، السرية دى أهم عامل من عوامل نجاح مكتبى ، تخيل نفسك عميل عندى ، أعتقد أنك مش هتكون سعيد ابدا لو أى حد عرف تفاصيل موضوعك ... ...خلاص خلاص ، مش عايز اعرف حاجة ، المهم ، سمعتك بتقولى أن عندك مواعيد مهمة بكرة. .. ...فعلا ... ...فعلا ايه ، انتى ناسية أن جدى هيوصل بكرة ... ...وأنا مالى ... ...أفندم ، يعنى ايه وانتى مالك ، انتى ناسية انك واحدة من العيلة دى ولا ايه ، على الأقل روحى الحكومى واجلى المكتب ... ... الحكومى لسة رااجعاه انهارضة ، ومواعيد المكتب متأجلة من اكتر من 10 أيام ، هأجلها تانى أذاى ... ...مينفعش متكونيش موجودة يافريدة ... ...هبقى أسلم عليه لما اجى ... ...هو انتى ضيفة ، ده جدك ، زييك زيينا بالظبط. .. ...لو سمحت ياعادل ، اقفل كلام فى الموضوع ده ، ووقتها يحلها ربنا. ... ...أنا مش عارف انتى بتفكرى ازاى ... ...هفكر ازاى يعنى ، الرجل اللى انت بتقول عليه جدى ده ، مشفتهوش فى حياتى غير مرتين ، مرة منهم ليلة رجوعه من الحج ، لما وافق أن أمى ترجع لبيته ، وليلتها خرجنا من بيته على المستشفى ومشفتهوش تانى ، غير ليلة مو....ت امى ، حضر عشان يدفنها ، ومفكرش حتى يطلب يشوفنى أو يسلم عليا ، جاى انت دلوقتى تقوللى ده جدك واستنيه ، لا معلش ، أما اخلص شغلى وارجع البيت هبقى أسلم عليه ، ويلا نرجع بقى لو سمحت ، عشان بدأت اتضايق بجد ... أنهت آخر كلماتها وهى تقوم من مكانها وذهبت لترتدى بقية ملابسها ، وعندما تبعها ، وجدها تنتظره عند السيارة ، لم ينطق كل منهما بكلمة حتى وصولهم للمنزل ، فلم يعجب عادل بطريقة كلامها عن جده رغم أنه يعطيها بعض الحق فى ذلك ، وصلوا للمنزل ، كانت الساعة قد تعدت العاشرة ، لم يوجد خارج جناحه تقريبا ، وصلا لجناحهما ، بمجرد دخول فريدة من الباب ، تجمدت مكانها ، لقد لاحظت بعض التغييرات البسيطة التى لم يلاحظها عادل ، فقد تعودت فريدة وضع بعض الأشياء بزوايا معينة تريحها نفسيا ، التغيير فى وضع الأشياء كان طفيف جدا ، من حركهم تخيل انه ارجعهم مكانهم مرة أخرى ، ...أنتى واقفة كدة ليه ، فى حاجة ... ...أنت متأكد انك نفزت طلبى فى حكاية مفتاح الجناح ده ... ...أه طبعا ، مفيش اى حد فى البيت معاه أى نسخة من المفتاح ، ولا حتى الخدم ... ...أنت غلطان ، فى حد دخل هنا انهارضة ... ... تقصدى ايه ؟ مين ؟ ... ...وأنا هعرف منين ، بس اكيد هعرف ... أمسك عادل قميصه ليرتديه مرة أخرى ، ..أنت رايح فين ... ...هشوف مين اللى دخل هنا ، هى حاجة سهلة .. ... كبر دماغك، فى مواقف لما بتحصل ، تأجل التصرف فيها للوقت المناسب ... ...يعنى إيه ؟ ...يعنى اهدى كدة ، وروح خد دش ، عشان أخد دش انا كمان ، لأنى همـ,ـوت وانام ... بالفعل اتجه عادل للحمام ، بدأت فريدة تتحرك بهدوء ، تتابع التغييرات التى حدثت ، أدوات مكياجها تحركت من مكانها ، زجاجات البرفان ، الاكسسوارات الخاصة بملابسها ، الشوزات والجزم والبوتات ، وما توقعته هو ما تم ، اتجهت الخزانة الموضوع فيها ملابسها الخاصة ، ملابس نومها وملابسها الداخلية ، وجدتها بالفعل تم فتحها والعبث فيها ، بدأت تفكر فى كل هذا ، هذه ليست أفعال شخص يبحث عن شئ معين ، من فعل هذا قد فعله للعبث فقط ، إنها امرأة ، وتحديدا سهام ، والسبب هو الغيرة ، الغيرة فقط . دموع ممنوعة.............. الفصل السادس عشر من المفترض أن الجد سيصل قرابة الساعة الثالثة عصرا ، ومن لحظة علمها بموعد وصوله ، قررت عدم انتظاره وارجاء مقابلته فيما بعد حتى تنتهى حفلة الترحيب بعودته ، استيقظت مبكرا رغم أنها لم تنم إلا القليل جدا ، فقد أرادت الخروج مبكرا قليلا حتى لا تقابل أحدا ، فقد أصبحت هذه طريقتها فى التعامل مع أهل المنزل ، تجنبهم تماما ، ومتابعة أفعالهم واقوالهم من خلال أجهزة التسجيل المنتشرة فى المنزل بدون علمهم ، استيقظ عادل وهى تقف أمام المرآه لتضع حجابها، تابعها بعينه دون أن تلاحظ استيقاظه لدقائق ، ثم تظاهر بالاستيقاظ ، ...ولبستى كمان ، هو انا اتأخرت اوى كدة ... ...أنا اللى صاحية بدرى ... ...ليه ، عندك شغل برده ... ...وبتقولها بتريأة كدة ليه ... ... لا تريأة ولا حاجة ... ...أمال ايه ده ؟ ...الكلام مش هيجيب فايدة معاكى يافريدة ، ودى مشكلتى الأساسية معاكى ، ومع غيرك عموما ... ...يعنى إيه ... ...ولا حاجة ، انا هقوم أخد حمام احسن ... تلميح غريب ، لم تفهمه ، لكنها تتذكر انه لمح لنفس الشئ من قبل ، ماذا يقصد بما يقول ؟ توجهت للنزول ، وعندما وصلت للدور الأرضى ، وجدت عالية متوجهة الاسانسير ، فلم تفوت الفرصة ، فهى لا تحب الصباح الخالى من المناوشات ، وهى تعلم جيدا ان عالية لا تتحمل ، فهى انسانة ضعيفة ، مجرد تابع جبان لمن يحركه . ...صباح الخير ياطنط ... ...صباح الخير يافريدة ... ...هو عمى لسة مصحيش ولا ايه ... ...صحى من بدرى وفطر وخرج كمان ، انتى عارفة أن جدك جاى انهارضة ، عنده كام مشوار عايز يخلصهم قبل ما يوصل ، وانتى نازلة بدرى كدة ليه ؟ ...لنفس السبب ، عشان أبقى فاضية لما جدى يوصل ... التوتر فى صوت عالية نبأ فريدة أن سميرة اخبرتها بما قالته لها ، فهى لم ترفع عينيها فيها منذ وقوفها . ...مادام انتى قلقانة و خايفة كدة ، كان ليه من الأول اصلا ؟ رفعت عينيها وكأنها وصلت لما تريد فريدة قوله، وقالت بتوتر ...هو ايه اللى ليه يابنتى ؟ ...بنتك برده ، أبقى سلميلى عليها ، قوليلها لسة لينا كلام ، يااما اخليها أفعال ، وده مش هيعجبها خالص ، بل مااهى مختفية من ساعتها كدة ... وهمت بالمشى ، فوجدت سهام تخرج من الاسانسير ، ...صباح الخير ... لم يرد أحد ، واتجهت عالية مضطربة الاسانسير وأغلقت بابه وصعدت ، ...ماما مالها. .. ...معرفش. . ...متعرفيش يعنى إيه ، مش كنتى واقفة معاها. . ...أبقى اسأليها، يمكن تقولك ، مع أنى أشك ، زى ماانتى طبعا مش هتقوليلها على اللى عملتيه امبارح. .. ...هو ايه ده ... ...والله ، اللى بالمناسبة ، عجبتك الحاجات اللى شفتيها، متتكسفيش وقوليلى ، مع انك مشوفتيش الحاجات اللى بيحبها ، اصلى ركناها لوحدها ، بلبس منها بليل بس ،سلام بقى ، اصلى مش فاضية ... ذهبت وتركتها مكانها بانفاس مضطربة، تكاد تصرخ من الغضب . خرجت من الفيلا ، وهى فى اتجاهها لسيارتها، فقد ارسل عادل أشخاص لأخذها وتوصيلها للبيت بعدما استقلت فريدة معه سيارته أمس ، وجدت خالها أكرم فى اتجاهه لسيارته هو الأخر ، والسائق واقف بجانبها يفتح الباب له ، عندما رأاها توقف وانتظرها، تمتمت فريدة داخلها ... دا احنا مش هنخلص انهارضة ... ...صباح الخير يافريدة .. ..صباح الخير ، طنط عالية لسة قايلالى انك خرجت ... ...أنا فعلا كنت خارج ، بس قلت اشوف الرجالة دى قبل ما أخرج ... ...إيه ، هتعملوا حفلة ؟ ...مجرد عشا بسيط كدة ، عازمين القرايب والاحباب بمناسبة رجوع جدك بقى ... ..كويس ، حمدالله على سلامته ... ...الله يسلمك يابنتى ، هو عادل لسة نايم ولا ايه ... ...لا ابدا ، ده صاحى من بدرى ، بس انا مستعجلة فسبقته. .. ...أنتى مش هتيجى بدرى ولا ايه ... ...هحاول ، بعد إذن حضرتك ... ...مع السلامة ، ربنا يهديكى يابنتى ، والله يرحمها أمك ... ******* وصلت فريدة لمكتبها ، فمازال ثلاث ساعات على عملها ، قررت ان تنهى فيهم بعض الأعمال ، لم يكن أحد وصل للمكتب غير السعاة يقومون بتنظيف المكتب ، فالساعة مازالت السابعة والنصف ، دخلت فريدة لمكتبها وبدأت تبحث عن CD المسجل عليه مكالمة عادل مع ميس ، فلم تجده فى خزنتها فى المنزل ، أرادت أن تتأكد من صدق ما قال ليلة أمس ، دخل عم محمد ومعه قهوتها الصباحية المعتادة ، ..شكرا ياعم محمد ، تسلم ايدك ، بس والنبى شوفلى أى حاجة أكلها ، احسن حاسة أنى دايخة وخرجت من غير فطار .. ...حالا ياست فريدة ، أحلى فطار .. ..،خد خد ، تعالى هنا ، بقولك لقمة ، هتروح تعملى وليمة ، انا بس مش عايزة أشرب قهوة على معدة فاضية ... ...أنا معايا سندوتشات جبنة ومربى ، جايبهم عشان اكلهم آخر النهار ، اجبلك منهم .. ...حلو اوى ، هاتلى واحد مربى بقى ... ... واحد بس ، ده سندوتش صغير. .. ... كفاية ، بس بسرعة قبل ما القهوة تبرد ... ...عنيا ، ثانية واحدة ... ذهب الرجل وعاد بعدها بدقائق ، ...اتفضلى ياأستاذة ...11 ...شكرا ياراجل يا طيب ... ...الست رشا جت برة ... ...رشا ، اشمعنى يعنى ، مش بعادة ، دى الساعة مجتش 8 ، روح انت ياعم محمد وابعتهالى ... تردد الرجل فى الخروج ولاحظته فريدة ...فى ايه ، مالك ، وايه اللى مخبيه فى ايدك ده ... وضع الرجل الكيس من يده أمامها وفتحه ...إيه دول ... ...60 الف جنيه ... ...بتوع ايه بقى ... ...باقى حساب الشغل ياست فريدة وكتر خيرك انك استنيتى عليا ده كله ... ...هو احنا اتفقنا على حساب اصلا وقتها... ...منا عارف انتى بتشتغلى بقد ايه يابنتى ... ...جبتهم منين ياعم محمد ، وقول الحق ... ... بصراحة ، بعت القيراتين اللى فى البلد ... ...أه ، يعنى انت اخدت الإجازة عشان كدة ، طيب شيل فلوسك ياعم محمد وروح ابعتلى رشا زى ما قلتلك ... ...مينفعش ياست فريدة ، انتى كل اللى خدتيه منى 10 آلاف جنيه ... ... اسمع ياعم محمد ، وقتها موضوع بنتك ده كان بالنسبالى تحدى ، كان لازم ابن الكلب ده يتربى ، غير انك معايا من 7 سنين ياراجل ، يعنى عشرة عمر زى ما بيقولوا ، شيل فلوسك ياعم محمد ، ياترجع ارضك ، ياتحطهم فى البنك باسم بنتك ، هينفعوك فى جوازها ... ...جواز ايه بقى يابنتى ، هى بقى فيها جواز ... ...لأ فيها ، ربنا مبينساش حد ، واللى حصل كان غصب عنها ، سلم أمرك لله وهو هيحلهالك ، وروح بقى ، دماغى مش فايقة للجدال انهارضة ... ...ربنا يسترها معاكى يابنتى ويبعد عنك ولاد الحرام ... ...أيوة كدة ، ادعيلى وخلاص ، وروح وابعتلى زفتة ياعم محمد ... ظهر صوت من خلف الرجل يقول ...زفتة مين بقى ... ...أنتى جيتى انتى كمان ، أهلا ، نموسيتك كحلى ... ...أنا برده ، الساعة لسة 8 ، ميعادى بالظبط ، روح انت ياعم محمد ، يلا احكيلى بقى ... ...احكيلك ايه يابت انتى ... ...عملتوا ايه امبارح ، انتى مش قولتيلى انك معاه بره ... ..كاك خيبة، ليلة ضاربة زييك ... ...اتخانقتوا. .. ...لا اتخانقنا ولا اتصالحنا ياريهام ، الموضوع كان عادى يعنى .. طرقت رشا الباب ودخلت ....صباح الخير يا جماعه. .. ...أهلا ، قبل اى حاجة ، روحى هاتيلى نسخة من مكالمة عادل مع البت إياها عشان مش لاقياه. .. ...طيب حاضر ... مالت رشا على ريهام و سألتها ...هو فى ايه ... ...معرفش ... ...يلا يارشا ، واقفة ليه ؟ ...حاضر .. خرجت رشا ، وقالت فريدة ...عندنا ايه انهارضة ... ..نفس الجدول اللى مبلغاكى بيه امبارح بالإضافة لاستاذ محسن ، الساعة 6 ... ...6 ... ...مش انتى اللى قولتيلى اعمليله ميعاد انهارضة فى اى وقت ، ووقتك كله متقفل لحد خمسة ونص ... ...كدة كملت ، عادل هيقول أنى متعمدة ... ...ليه ، هو فى ايه ؟ ...جده راجع انهارضة انهارضة، وطلب منى مجيش، وأنا اللى صممت وخرجت ... ...تحبى اشوف مواعيد تتلغى ... ...عنك مواعيد تنفع ... ...بصراحة لأ ، بس أحاول ... ...شوفى كدة لحد ما أرجع من الشغل ... دخلت رشا ومعها CD المسجل واعطته لفريدة ، ...اسمعى يارشا ، البيت انهارضة هيبقى زحمة ، عايزاكى تتابعى كويس اللى هيحصل ، وتبلغينى اول بأول ، وخدى بالك أنى بدأت استفزهم شوية ، يعنى هتلاقى رغى كتير ، اوكى .. ...اوكى ، أى جديد ، هكلمك على طول ... ...تمام ، روحى انتى ابدأى ، وانتى ياريهام هاتيلى ملف المتابعة، اشوفه دلوقتى، هيوفر معانا وقت ... ...بس لسة مش كامل ، لسة فى ناس مسلمتنيش تقارير امبارح. .. ...ليه ان شاء الله .. ...متعودين يسلموه الصبح لأنهم عارفين انك بتراجعيه بعد الضهر ... ...ارحمنى يارب ، بعد كدة التقارير تخلص وتتسلم قبل ما يمشو ... ...حاضر .... ...روحى وابعتيلى شاهر اول ما ييجى ... خرجت ريهام ، وجدت شاهر متجها لمكتبه ...استنى ياشاهر ، رايح فين ؟ ... ...هجهزلك التقرير ... ...فالح ، كلهم سلموا إلا أنت ،، أستاذة فريدة أمرت أن بعد كدة كله يتسلم فى اخر اليوم ... ...هى هنا ؟ ...أه ياخويا ، وبتخانق دبان وشها وكمان عايزاك. ... ...ياحلاوة ، ايه الصباح ده ... ...أدخلها يلا وربنا يستر ... *********** طرق الباب ودخل ، كانت فريدة تستمع للريكورد الخاص بمكالمة زوجها بسماعة فى اذنها ، وأطفئته عندما دخل شاهر ، ...صباح الخير ياأستاذة فريدة ... ...صباح الخير ياشاهر ، عملت ايه فى اللى قولتهولك. .. ...حصل بالظبط زى ما رسمتيه يافندم بس ... ...بس ايه ... ... الرجل طلب 30 الف جنيه ... ...وافق طبعا ، اوعى تكون رفضت .. ...لأ طبعا ، انا عارف ان اهم حاجة عند حضرتك التنفيذ ، عشان كدة وافقت ، واديته نص المبلغ ، والنص التانى بعد التنفيذ .. ...تمام ، قالك هينفذ امتى .. ...بمجرد ما يفتحوا قاعدة البيانات عشان يبدأوا تنفيذ الاوردرات ، فى لحظتها هتكون الاسماء اختفت تماما من قاعدة البيانات ... ...كويس اوى ، اتفضل دلوقتى ، تابع معاه وعرفنى اول بأول ، وفى لحظة ما يتنفذ ، تعرفنى ... ...حاضر يافندم ... وقفت فريدة أمام الحائط الزجاجى الذى اعتادت الوقوف أمامه اذا أرادت الخوض مع عقلها لدقائق. ...ها يافريدة ، ناوية على ايه ، عادل طلع صادق فى كل كلمة قالهالك ، ومعنى انه اعترفلك ، يبقى بيحاول يفتح معاكى صفحة جديدة ، وأدى اول ضر....بة لسميرة وعالية هتتنفذ ، ضر؟؟؟؟بة هتقطم وسطهم هم الاتنين، هتعملى ايه بعد كدة ، هتخلصى معاهم وتقفلى الملف ده ، ولا وجود عادل وميلك ليه بالطريقة دى هيخليكى تغيرى رأيك ... دموع ممنوعة ........... الجزء السابع عشر قضت فريدة يومها كله متوترة ، تحاول جاهدة تمالك نفسها ، حتى لا تصل لمرحلة الخطأ في شئ ، انتهت من كل مواعيدها لليوم ، وصلت الساعة الخامسة والنصف ولم يبقى لها إلا موعد واحد اضافى ، اتصل بها عادل ليتأكد من موعد عودتها ، فأخبرته أنها سوف تتأخر ساعة عن موعدها اليومى ، بالطبع رفض ذلك تماما ، من الممكن أن يسمح بتأخيرها فى اى يوم آخر لكن غير اليوم ، فجده موجود فى المنزل الأن بالفعل ، لكن فريدة صممت على موعد عودتها ، لم يبقى أكثر من 10 دقائق على آخر موعد لها ، ...أنا شايفة انك تقومى تروحى يافريدة ، مفيش داعى للمشاكل وانتى لسة فى البداية ... ... كدة كدة المشاكل بدأت ياريهام ، ومفيش رجوع خلاص ... دخلت رشا مسرعة ويبدوا عليها الإضطراب ، ... إيه يارشا ، عاملة كدة ليه .. ...مفيش ، كنت جاية الحقك قبل ما تمشى .. ...أنا قدامى شوية لسة ، في ايه ؟ ... اسمعى الريكورد ده ... ...طيب ، سيبيه دلوقتى ، وهسمعه لما أخلص. .. ...لأ ، اسمعيه دلوقتى ... تمعنت فريدة فى وجه رشا أولا وبعدها مدت يدها لتأخذه ، وضعته فى اللاب ، وضعت السماعة فى اذنها ، وشغلته، كان عبارة عن حوار تم بين الجد وأكرم ، فى حضور عادل وعمه الآخر ، ...أنت اصلا اتجننت ياأكرم ، انت فاكرنى كبرت وخرفت ، ولا قولت أنى خلاص همو....ت ، تقوم تتصرف بمزاجك ... ...والله انا مش شايف ان فى حاجة حصلت لده كله .. ... ياسلام ، انك تكدب وتخبى عليا ، يبقى كدة محصلش حاجة ، قلتلى فى التيليفون انك جوزته واحدة كويسة وبنت ناس ، ارجع الاقيك جوزته بنت جميلة .... وفى لحظة نطق آخر جملة ، رفعت فريدة عينيها لرشا وكأنها تستجديها أن تخبرها أن هذا الحوار غير حقيقى ، لكن للأسف بنظرة حزينة ، أمائت لها بالإيجاب ، أشارت ريهام لرشا اشارة استفسارية تسألها عما يحدث ، لكن رشا أشارت لها بتأجيل الكلام الآن . ... ومالها فريدة ، ايه ، جاية من الشارع ، واديك قلتها، بنت جميلة ، بنت بنتك وحفيدتك وبنت اختى ، وابوها دكتور جراحة معروف ، ايه مشكلتها بقى ، وبعدين انت بنفسك اللى قلت قبل ما تسافر ، انك عايز تعوضها عن اللى حصل ، انا قلت أنك هتفرح لما تيجى وتلاقيها موجودة ، ايه اللى حصل بقى . ... ...مفاجأة زى الزفت ، انا قلت هديها كام الف وخلاص تعيش منهم. .. ...إيه الكرم ده ، كام الف .... ...متجادلش يااكرم .. ...لأ هجادل ، كفاية كدة ، اقولك انا اللى حصل ياحج، اللى حصل انك قبل ما تسافر ، المرض كان بينهش فيك ، حسيت بطعم المو,,,,,ت ، حبيت تصلح فى جرايمك اللى انت عملتها، لكن دلوقتى ، انت راجع وماسك نفسك ، شيطانك لعب بيك ، فاكر انك هزمت المرض والمو....ت ، وأنك بعدت عن مواجهة ربنا .. ...احترم نفسك خد بالك من كلامك. .. ...أنا واخد بالى كويس اوى ، لو انت قويت على ربنا ، انا ﻻ ، مش عايز اقابل ربنا وانا ظالم حد ، لو فكرت تأذى البنت دى ، انا اللى هأفلك وهسبلك الدنيا باللى فيها ، وهاخدها قبل ما أخد بناتى .. هنا استنشقت الصعداء عندما سمعت صوت عادل لأول مرة فى الريكورد ، ...ده على أساس أن ملهاش راجل يقدر يحميها ياعمى ... رد الجد عليه، ...اللى بتقوله ده ياعادل ... ... زى ما سمعت ياجدى ، انتو بتتكلموا عن مراتى ، انا أولى الناس بحمايتها مش حد تانى ... ..أنت اتجننت أنت كمان ولا ايه ، عمك قواك فى غيابى. .. ..ده على أساس أنى كنت ضعيف قبل كدة ، تنفيذى لكلامك مكانش ضعف منى ، ده احترام مش اكتر ، لكن كفاية ، هى كمان حفيدتك ، ومادام هانت عليك ، يبقى ممكن اوى أن انا كمان أهون عليك ، غير أن انا عارف ومتأكد أن بالنسبالك مش اكتر من أنى أفضل الموجودين فى امتداد اسمك ، عشان كدة انت متمسك بيا ... ...والله كويس ، بنت جميلة عملت شغل ... ...أنت بتتكلم عن أمها كأنها وصمة عار ، دى بنتك ودى حفيدتك ، وكفاية عليها اللى هى شايلاه ، بنت وحيدة ، ملهاش حد فى الدنيا ، الحزن مليها، دى مفكرتش حتى تقرب لحد هنا ، على طول لوحدها ، زى ما يكون حاسة أن العيلة دى مش عيلتها ولا هتكون ابدا ... ...كل اللى انت بتقوله ده ميساويش عندى حاجة ... ...عندى انا يساوى كتير ياجدى ، فريدة نفسها تساوى كتير اوى عندى ... ...سيبك من الكلام الفارغ اللى بتقوله ده ، انت هتطلقها وننهى المهزلة دى ... ...شوية اتجوز ، وشوية طلق ، ده انا بقيت صلصال فى ايديك بقى ، لا معلش، المرة دى طلعت من تحت ايدك ، طلاق مش هطلق ، وفريدة مش هسيبها ، ومفيش داعى للطريقة دى معايا ياجدى ، ولو حد فكر يزعلها ، أى حد مهما كان ، ببساطة شديدة ، هخدها ونسيب البيت ، مادام انت مش عايزها تعيش هنا ... ثم استأذنهم وخرج ، وبعدها قال أكرم ...مفيش داعى للعند والمشاكل ياحج ، البنت وبقت مراته خلاص ، وهو عايزها زى ما قال ، مش عايز تعتبرها حفيدتك انت حر ، اعتبرها مرات عادل وبس ... وتركهم وخرج هو الأخر ، بعدها التفت الجد للعم الأخرى ، أو بمعنى أصح النسخة السيئة الآخرة منه ، فوجده مبتسما ..،ممكن أفهم انت بتضحك على ايه ؟ ...اصلى مش فاهم انت متعصب ليه ، وبتواجههم ليه اصلا ... ...يعنى إيه ... ...يعنى يابابا ، انت مش هتغلب فى حتة بت متسواش بصلة ، مكانش فى داعى تخليهم يعاندوا اصلا ، خليك ورا البت لحد ما تطفش من نفسها ، من غير ما تخصرهم. .. ساد الصمت لثوانى ، وكان الجد اقتنع بما قال ، ...طيب ، يلا ، عشان الناس اللى برة ... انتهى الريكورد ، ومازالت فريدة واضعة رأسها بين يديها ، غير مستوعبة ما سمعت من الجميع للتو ،، جدها الذى كانت تعلم علم اليقين انه انسان سئ لكنها لم تتخيل انه بهذا السوء وأنه يحمل لها كل هذا الكم من الكره ،،وأكرم الذى اكتشفت انه انسان فعلا جيد وأنه يهتم لأمرها ،،، اما عادل ، عادل ، لا تعلم كيف تصفه أو تصف ما قال ، رفعت رأسها ووقامت وحملت حقيبتها وتيليفونها ومفاتيحها وخرجت تجرى ، حاولت رشا وريهام منعها ، لكنهم لم يستطيعا، فقد وصلت لحالة من الغضب تهدد بالانفجار فى اى لحظة ، بعدها ساعة ونصف اتصل عادل بالمكتب ،وردت ريهام عليه ، ...أيوة يامدام ريهام ، فريدة فين ؟ ... يعنى إيه فين ، هى موصلتش البيت ولا ايه ؟ ...لأ موصلتش ، وبكلمها فى التيليفون مبتردش. .. ...احنا كمان كلمناها كتير ، ومبتردش برده ، انا بدأت اقلق بجد ، فاضل ساعة ونقفل المكتب ، إحنا هحاول تحدد مكانها ب GPS , أرجوك دور عليها ولو عرفت حاجة عرفنا ... ...اوكى ، ولو عرفتوا مكانها قولولى على طول ... اتصل عادل ب والدها ليسأل عنها ، لكنه قال إنه لم يرها منذ أيام ، اتصل بجميع المستشفيات على طول الطريق من مكتبها للفيلا ، ولم يصل لشئ ، بدأ عادل يفقد أعصابه من القلق عليها ، ماذا سيفعل الآن أن حدث لها شئ ، رغم أنه لم يعترف لنفسه بحبها ، إلا أنه لم يتحمل حتى فكرة فقدانها . دموع ممنوعة ............الفصل الثامن عشر استمر عقل عادل فى الدوران فى حلقات مفرغة لم تصل به لأى نهاية مجدية ، هو يعلم أنها ليست قريبة من والدها لتذهب إليه ، كما أنها لم تخبره ابدا ان لها أصدقاء ، أيضا لا يعلم لها أى مكان غير مكتبها وبيتها، حتى شقتها المجاورة للمكتب ، اتصل بريهام لتبحث عنها فيها ولم تجدها ، كما أن حارس المبنى أخبرهم أنها بالفعل خرجت وانطلقت بسيارتها ، سوف يجن ، لا يعلم أين يبحث عنها ، حتى أنه لا يعلم ماذا حدث لتختفى هكذا ، فريهام لم تخبره بشئ ، فقط أخبرته أنها كانت متوترة طوال اليوم ، وبالطبع يشاركه عمه اكرم كل هذا ، فقد لاحظ تأخرها ، وعندنا سأل عادل ، لاحظ اضطرابه، فصمم على معرفة ما يحدث ، فأخبره عادل . أما عن فريدة ، فخرجت ولا تعلم لأين ، فقط غاضبة مضطربة حاقدة على هؤلاء ، ناقمة على حياتها ووحدتها، حزينة على بنوة أمها لهؤلاء البشر و على ضياع حياتها بلا ثمن ، حالة غريبة تدخلها ، ليس لها أى معالم ، تشعر أنها فى حالة غيبوبة مشاعرية ، لا تخرج منها إلا بحدث قوى جدا يطغى على كل ما تضمه نفسها من مشاعر ، خرجت تجرى ، لا تعلم لأين ، تبحث عن أى شئ تنفث فيه هذا الغضب العارم ، ليس مما قال هذا الرجل نفسه ، وإنما مما آثاره كلامه من ضغط سنين داخلها ، تريد الصراخ ، تحتاج للبكاء ، تحتاج الدموع لتخفف بها ما يحدث بداخلها ، لماذا حرمها الله من نعمة البكاء والدموع . ظلت تدور بسيارتها فى الشوارع لأكثر من ساعة ، بدون نية معينة للوصول لأى مكان ، لم تشعر بنفسها إلا وهى قريبة من فيلا المصرى ، عندما ترائت لها من بعيد توقفت فجأة حتى أن العجلات أصدرت صوت عالى ناتج عن الوقوف فجأة ، وكأن مجرد روية الفيلا من بعيد يعيد ما بها ، كان الشارع هادئ جدا ومظلم بعض الشئ ، لا تتخلله إلا أسهم نور بسيطة صادرة عن أعمدة النور المتباعدة فى الشارع ، ترجلت من السيارة بعدما ركنتها على جانب الطريق ، اتجهت لأحد الكراسى المثبتة فى الأماكن الخضراء الجانبية للطريق ، كان الكرسى فى مكان مظلم أكثر من الشارع ، جلست عليه وأخذت تراقب الفيلا من بعيد والأنوار المنبعثة منها ، سيل من الذكريات اجتاح عقلها عن والدتها وما حدث لها ، عن كل من انتقمت منهم وعاقبتهم على ما فعلوه مع والدتها ، حتى والدها لم يسلم منها ، أما الآن ماذا تفعل مع هذا الرجل ، هو لم يؤذي أمها أذية فعلية على أرض الواقع ، هو فقط كان أب تجرد تماما من مشاعر الأبوة ، تخلى عن ابنته وتركها للذئاب ، تخلى عن حمايتها ، ورفض مساعدتها بعد ما حدث لها ، بل اعتبرها آثمة وتستحق العقاب ، عواقبها باقصائها عن حياتهم تماما ، بل ومنع كل من حوله من مساعدتها ، والآن يرفض تماما دخول أبنتها عائلته ، ابنتها لم تصل لشرف نسبه ونسب حفيده ، رجل مثل هذا ، كيف سيعاقب على قسوته وجحوده هذا ، الأمر سيحتاج منها تفكير طويل ، بل هدوء داخلى لتصل لنتيجة وخطة جيدة . اقتربت الساعة من التاسعة وطبعا كل من فى المنزل فى وادى خاص به ، فالمكان مملوء بالمهنئين بعودة الجد ، والكل مشغول بهم ، أما عادل فلا يعلم عنها أى شئ حتى الآن ، ماذا سيفعل ؟ كيف سيتحمل الجلوس هكذا والانتظار حتى تظهر هى ؟ خرج يجرى بإتجاه سيارته مع محاولات عمه الغير مجدية فى اللحاق به ، انطلق بسيارته خارج الفيلا ، ولا يعلم إلى أين يتجه ، فقط خرج ليبحث عنها ، فالقلق عليها يقـ,ـتله ، فلم يكن يعلم أنه يهتم بها لهذه الدرجة ، وأنه لا يتحمل فكرة غيابها ، فى خضم ما يدور بعقله ، اتجه نظره لشئ فتوقف بسيارته فجأة ، ونظر خلفه ليتأكد ، نعم ، هى سيارتها ، عاد بسيارته للخلف ، وترجل منها ، انحنى وبحث عنها داخل السيارة ولم يجده ، أخذ يتلفت يمينا ويسارا يبحث عنها ، وهى تراقب كل هذا من بعيد ، أخرج تيليفونه واتصل بها مرة أخرى ، فسمع رنات التيليفون صادرة من داخل السيارة . مجرد رؤيته بالقلق الذى بدا على وجهه أثار بداخلها مشاعر معينه لم تفهمها ، مشاعر وضعت غطائا عابرا على ماكانت تشعر به الآن ولو لثوانى معدودة . قامت من مكانها وسارت فى اتجاهه حتى اقتربت قليلا لتستوضح معالمه جيدا ، وقفت وأسندت جانبها لشجرة قريبة من الشارع ووقفت لتتابع ما يفعل . بدأ يتلفت بتدقيق أكثر قليلا ، ويبتعد عن السيارة فى اتجاهات مختلفة ، رفع تيليفونه ليتصل بمكتب الأمن فى المنطقة ، ليساعدوه ، أو ، ليفتحوا كاميرا المراقبة ، ليعرف أين هى من خلالها ، وفى نفس لحظة فتح الخط من الاتجاه الآخر ، وقعت عينيه عليها ، تنفس الصعداء ، وبدأ يقترب منها ليتأكد مما يراه . استمرت عينيها فى التعلق به حتى اقترب منها ، وقف على بعد خطوات منها ، بصمت تام وقف يتبينها جيدا ليتأكد أنها بخير ، نعم ، هى بخير ، لكن يبدوا على وجهها البركان الموجود داخلها ، ظل واقفا أمامها لثوانى معدودة ، وفجأة وبدون أى مقدمات ، اقترب منها ، وامسكها من خسرها بإحدى يديه واليد الأخرى خلف رأسها ، الصق جسدها بجسده وكأنها جلد ثانى له ، وانقض على شفتيها بشفتيه ، قبلة أودع فيها كل قلقه عليها طوال الساعات الماضية ، قبلة رغم عنفها إلا أنهما أنه أحتاجها بشدة ليطفئ بها نار قلقه كما احتاجتها هى الأخرى لتطفئ بها نار غضبها ، قبلة لم يعلما كم من الوقت استمرت ، قدر ما أحس بدقات قلبه تتزايد كطفل ارتمى فى أحضان والدته بعد طول غياب . فهو علم الآن فقط انه يحبها ، هو يحبها ، ولن يتركها أو يتخلى عنها مهما كانت الظروف التى تحوطهما . فك حصار شفتيها ، ولم يتركها لتبتعد بل ضمها فى احضانه ودفن وجهه فى طيات الحجاب الذى يغطى عنقها ، وفعلت هى بالمثل ، دفنت وجهها فى عنقه ، بالأحرى اسفل عنقه تستنشق عبير صدره ، فهى أقصر منه بسنتيمترات كثيرة ، همست فى اذنه وهى مازالت بين يديه ...مش عايزة اروح البيت ده دلوقتى ، ابعدنى عن هنا أرجوك .... ابعدها عنه بمسافة بسيطة ، واحاط وجهها بكفيه ثم امعن النظر فى عينيها لثوانى واماء لها بالايجاب ، بعدها أمسك بيدها وتوجه بها لسيارته ، فتح لها باب السيارة ، ركبت فى الكرسى المجاور له ، ثم ركب هو الأخر وانطلق بالسيارة ، واتجه لبيته الخاص الذى كانوا فيه ليلة أمس . دموعها ممنوعة ......الفصل التاسع عشر انطلقت السيارة بعيدا عن الفيلا متجهة لبيته الخاص الذى قضت معه فيه ليلة أمس ، أسندت فريدة رأسها على الكرسى واغمضت عينيها ، وذهبت فى ثبات عميق وكأنها نامت بالفعل ، أما عادل فظل طوال الطريق يفكر فى سبب الحالة التى هى عليها ، هل أخبرها أحد برأى جدها فيها ، أم أن هذا بسبب تجميعة الأحداث حولها ، وصلت السيارة للبيت وعندما توقفت ، فتحت عينيها مما أكد لعادل أنها لم تكن نائمة ، لكن لم حالة الصمت الغريبة التى هى عليها ، فتح الباب وتقدم هو واضاء المصباح الجانبى للصالة ، التفت لها ، وجدها تفك حجابها ، أنهت فكه ، وبدأت فى خلع حزائها ، ثم الجاكت ، وتبعته بالفست ، كانت مغيبة تقريبا ، تتعامل وكأنها موجودة وحدها فى غرفة مغلقة ، أما عادل فهو يقف ومندهشا تماما مما تفعل ، بدأت فى فك أزرار الجينز الذى ترتديه ، ياالله ، هى تقف الآن أمامه وفى صالة منزله ، وهى ترتدى ، لا يعلم ماذا يقول ، فقط بودى بحمالة رفيعة وشورت قصير ، الذى يطلقون عليه هوت شورت، مدت يدها لطرف البودى لتخلعه هو الأخر ، صرخ عادل فيها ...فريدة ، ايه اللى انتى بتعمليه ده ... ...أنت شايف ايه ؟ هاخد حمام ... ...فى الصالة ، وقدامى ... ...فين الحمام ؟ ...ما انتى عارفة مكانه ... ...لأ مش ده ، حمامك انت فين ... أشار فى اتجاه غرفة النوم الرئيسية، فملحق بها حمام ، اتجهت لحيث أشار ، واتجه هو للمطبخ ، فتح الثلاجة ، وأخرج زجاجة مياه ، شرب نصفها، وسكب الباقى على رأسه. حضر لها كوب لبن دافئ ، وانتظرها لتخرج ، لكن لم تفعل ، مر أكثر من ثلث ساعة ولم تخرج حتى الآن ، دخل الغرفة فسمع صوت الماء المنهدل ، فخرج مرة أخرى ، مرت 10 دقائق أخرى ، ولم تخرج ، فعاد للغرفة مرة ثانية ، فسمع نفس الصوت ، لكنه لم يخرج هذه المرة ، اتجه لباب الحمام ، وطرقه مرة بعد الأخرى ولكن لا مجيب ، فتح الباب بهدوء وهو يناديها، فلم ترد ، عندما دخل صعقه المنظر الذى رأاه ، الصنبور مفتوح فى حوض الاستحمام ، اما فريدة فهى تجلس على الأرض بجانب الحائط بنفس الملابس التى دخلت بها ، عاقدة يديها حول قدميها ومسندا رأسها على طرف قدمها ، اخذ روب قطنى من خلف باب الحمام و اتجه لها مسرعا ، لفها به ، واطفأ الصنبور بجانبها ، ثم رفعها بين يديه ، خرج بها من الحمام واتجه للسرير ووضعها بهدوء ، دثرها جيدا بالغطاء ، ظل بجانبها يمسح على شعرها حتى تخيل أنها نامت ، قام ليخرج ، فامسكت بيده وقالت ...خليك هنا ، متخرجش. .. نزل على ركبتيه بجانب السرير وهمس لها ...انا هنا يافريدة ، مالك ، فيكى ايه ، أول مرة اشوفك كدة ... ... وهو انت شفتنى قبل كدة اصلا ... ... على أساس أنى أول مرة اشوفك انهارضة. .. اعتدلت فريدة لوضع الجلوس ، تغطى قدميها حتى خسرها فقط ، رغم أن وجودها فى سريره وبهذا الشكل يفقده سيطرته على أعصابه إلا أن الأهم عنده الآن أن تخبره بما بها ، ....قرب هنا ياعادل ... اقترب منها وجلس على حافة السرير منتظرا ما ستقوله ... أنا وصلت معاك لحد فين ... ...مش فاهم ... ...حبتنى ؟.. اضطرب من سؤالها المفاجئ ، لكنها لم تهتم باضطرابه الواضح وأكملت كلامها ، ...رد عليا ، حبتنى ولا مجرد إعجاب مش اكتر ، هسألك بطريقة أوضح ، عندك استعداد تكمل حياتك معايا ولا خلاص اكتفيت منى ؟ تردد عادل فى الإجابة ، قالت فريدة ...قول اللى عندك ياعادل ، وأنا سمعاك ... ... فريدة ، انا كل اللى أعرفه أنى فعلا اتعودت عليكى ، مبقتش قادر أتخيل وقتى من غيرك ، مش عايز اسيبك ولا هقدر ... ...بالرغم أنى مش نفس المواصفات اللى كنت حاطتها تختار على أساسها. .. ...وانتى عرفتى الموضوع ده منين ؟ ...بيبان ، بيبان ياعادل ... ...الموضوع ده انا حسمته جوايا خلاص وانتهيت منه ، ..،إجابة مش صريحة ، بس اوكى ... ...نيجى للسؤال الأهم ، لو عملت حاجة جامدة اوى ، ممكن تجرحك أو تهين كرامتك ، ممكن تسامحنى ؟ ...ده يعتمد على اللى عملتيه. .. ...مش دى الإجابة اللى انا عايزاها ... ... معنديش إجابة واضحة للى انتى عايزاه ، أفهم الأول انتى فيكى ايه ، مالك ؟... ...قوللى الأول ، تعرف ايه عن أمى ... ...مش كتير ، أمى قالتلى حاجات ، وعمى قاللى حاجات تانية ، وابويا قاللى حاجات قريبة شوية من اللى قالها عمى ... ...أنا مليش دعوة باللى قالته أمك ، اللى حصل لأمى كتير ، وأنا مسامحتش أى حد من اللى اذوها ، ودمرتم واحد واحد ، فاضلى ناس معينة ، والناس دى قريبة منك ، وهاخد حقى منهم قصاد اللى عملوه ، ومعرفش انتى هتسامحنى على كدة ولا لأ .. ...مين ؟ ..بعدين هتعرف ،،،المهم ،، عندى طلب .. ...خير ... تجمد عادل تماما مما رأاها تفعله ، ، فقد رفعت الغطاء من عليها ، واقتربت منه وهى تقول ...عايزاك ليا الليلادى ، عايزة أكون مراتك حقيقى، حتى ولو لليلة واحدة ... حاول ان يفهم ما تقوله ، هل هذا عرض فعلى ، هل ارادته حقا ، وتطلبه بالفعل والكلام ...فريدة ،،،انتى ، انتى مش مظبوطة ... ...يعنى إيه مش مظبوطة ، ضاربة حاجة مثلا ... ...إيه اللى بتقوليه ده ، ارجوكى ، نامى دلوقتى وبكرة نتكلم ... ...مفيش بكرة ، ومينفعش اصلا بكرة ، لو استنيت ، مش هيكون ولا هيحصل ، انت مش عايزنى ؟ امعن النظر فى عينيها وهو يقول ...عايزك طبعا ... ...ومستنى ايه ؟ ... انتى متأكدة ... ...ابتسمت وهى تقول ...تحب امضيلك على ورقة .. انتهى الكلام ، فعلا انتهى بعد ما قالت . وضع كل ما يحمله لها من مشاعر فى حيز التنفيذ ، حول ليلتهم الأولى إلى عالم من الأحلام ، عالم أدخلها فيه لأول مرة ، أول مرة تشعر بمثل ما قدمه لها ، تركت هى بلمساته كل ما كانت تحمل من مشاعر سلبية تعيش داخلها من سنين ، ساعات عاشتها فى احضانه ، لم تترك يده حتى بعد أن نام ، ظلت مستيقظة ، تملئ عينيها منه ، وكأنها تعبئه داخلها ، لقد قررت أن تكون هذه الليلة ذكرى له قبل أن تكون لها ، خط النهاية ، كتبته وسترحل ، سترحل الآن قبل أن يستيقظ ،.... لقد حان وقت الحساب ..... دموع ممنوعة. .............الفصل العشرون استيقظ عادل وقد تعدت الساعة التاسعة صباحا ، ظل لثوانى معدودة يحاول تذكر و استيعاب ما حدث ، ابتسم مما تذكر ، هى حقا زوجته الآن ، ولا يعلم لما يريحه هذا ، لكن أين هى ؟ ....فريدة ، فريدة ... ظل ينادى ، ولم يرد أحد ، قام من السرير ، ووصل لروبه وارتداه ، خرج للصالة ، استمر فى النداء ولم برد عليه أحد ، وقد لاحظ أيضا اختفاء ما كان يخصها هنا ، ملابسها ، حقيبة يدها ، هل من المعقول أنها خرجت ؟ وفى وسط تزاحم أفكاره ، سمع رنات هاتفه ، ...أيوة ياعمى ،، لا تمام الحمد لله ،، هى كمان كويسة ، كانت معايا ، معلش اتشغلنا، جدى أخباره ايه ، الحمد لله ، حاضر ياعمى ... وقبل أن ينهى المكالمة ، وقعت عيناه على ورقة مطوية موضوعة بجانب جاكت بدلته ، أنهى مكالمته مع عمه بطلب عمه أن يحضر زوجته ويعود للمنزل، فجده قد تصور أنه ترك المنزل بالفعل كما هدد ليلة أمس . اتجه للورقة ، التقطها وفتحها ، كانت رسالة من فريدة ، كتبت فيها ........زوجى العزيز كانت هذه أفضل بداية لكلامى خاصة بعدما حدث أمس ، وقت ما تكون بتقرأ الورقة دى ، هكون برة مصر ، مش هقدر أكون معاك فى نفس المكان لحد ما انفذ اللى انا ناوية عليه ، اكيد اللى تم بينا عمل رباط ولو بسيط مدى الحياة ، حتى لو انتهت علاقتنا ، عادل ، انت موعدتنيش بأى حاجة ، وبحلك من أى كلمة قولتها ، ارتباطى بعيلتك اتحكم عليه بالإعدام من سنين ، من قبل ما نعرف بعض ولا حتى نعرف الدنيا ، عادل ، انا موجوعة اوى ، موجوعة من اللى اتعمل فى أمى ، ومن اللى عشته معاها ، ومن اللى عمله اهلك فيها وفيا. سامحنى ،، هو ده طلبى الوحيد منك ، كدة كدة انا راجعة عشان اصفى حسابى مع باقى عيليتكم ، كان لازم اكتبلك الكلام ده ، عشان اقولك أن اللى حصل بينا مش رباط بربطك بيه ، انا بس حاولت أخد ذكرى قوية معايا عشان فعلا انت سبت حاجات جميلة اوى جوايا ، بس للاسف كانت مجرد نقطة بيضا فى بحر سواد ، ياريت كانت الظروف مختلفة ، كان يمكن وقتها أكمل معاك ، واعيش اللى معشتوش ومشوفتوش طول حياتى ،، الاهتمام ،، الحنان ،،الحب ،، ،،،،،،سامحنى أرجوك فريدة لم يصدق ما قرأه فقد تصور بالفعل أن الرباط الحقيقى قد تم بينهما، وأنها له ، ورضى بها ، بل بالعكس ، لقد أراد وجودها فى حياته ، ********** ارتدى ملابسه بسرعة واتجه لمكتبها، أخبرته ريهام أنها اتصلت صباحا واخبرتهم أن يلغوا مواعيدها لثلاثة أيام بسبب سفرها ، بعدما خرج ، دخلت ريهام مكتب فريدة ، كانت تقف امام حائطها الزجاجى المعتاد تراقب خروجه من المبنى ....وبعدين يافريدة .... ... ولا قبلين اللى قلتلك عليه نفذيه بالحرف ... لحظات ورن هاتفها ..،ايوة ياشاهر ... ... تم ياريسة ، الشركة التانية ، فاضل خبطة واحدة ... ...تمام اوى ، بس خد بالك أنها ممكن تفكر تسحبها .. ...مستحيل ، سحب مبلغ زى ده من الشركة فجأة كدة صعب جدا. .. ...خد بالك برده ، واديله اللى هو عايزه لو طلب تانى ... ...ماشى كلام حضرتك ... دخلت رشا قبل أن تنهى فريدة المكالمة ، أشارت لها بالجلوس ، وأشارت لريهام بالانصراف ، ثم أنهت المكالمة مع شاهر ، ...ها ايه الأخبار يارشا ، كل اللى توقعتيه طلع صح ، هى اللى كانت بتسرب الملفات والمعلومات لشركة الفرماوى ، .... ...ماشى التلميح فى ريكورد امبارح بيقول كدة بس برده مش واضح ، عايزة تأكيد اكتر من كدة ... ...كلمت واحد من شركة الفرماوى ، وقاللى أن عزمى الفرماوى بيحاول من سنين ياخد توكيلات من شركة المصرى ، وأنه نجح فى كدة فعلا بعد ما بدأت توصله المعلومات السرية للمناقصات فى المصرى ومن حد معين مش معروف ، وكمان بيانات الملفات كان بيعرفها ، وعلى أساسها كان بياخد الصفقات دى ... ...ماشى ، كل الكلام ده حلو اوى ومعروف كمان بدليل أن أى واحد فى شركة الفرماوى عارف المعلومات دى ، بس مش هيفيدنى فى حاجة ، انا عايزة اللى يثبت أن سميرة هى اللى بتعمل كدة أو حتى ينفى عشان نقفل الملف ده ... ...أنا عندى فكرة ... ...قولى ياستى ... ...انكشيها. .. ....ازاى يعنى.. ... ...كلميها، ابعتيلها رسالة ، خليها ترتبك وتتكلم ، واحنا بنسجل كل اللى بيحصل فى معظم الفيلا ، يمكن نلقطلها حاجة تعرفنا ايه اللى حصل .. ...ممكن فعلا ، سيبيلى الموضوع ده وانا هشوف هنكشها ازاى ،،، خلاص روحى ، فى حاجة تانية .. ...هو حصل ايه مع عادل ؟ ...حصل اللى كان لازم يحصل ، خليته يعيش شكل الحياة معايا ، وبعدين رميتلوا الكرة فى ملعبه، وهو حر بقى ... ...بس هتقدرى أسبابه. . ...مبقتش تفرق يارشا ، خلينا نخلص اللى فى أيدينا الأول وبعدين نشوف. .. ********** ذهب عادل لبيت أبيها على أمل اللحاق بها قبل سفرها ، فلم يجدها ، فلم تذهب هناك من الاثاث ، ...يعنى إيه سافرت من غير ما تقول ... ...اللى حصل ، صحيت لقيتها سايبة ورقة بتقول فيها أنها سافرت ، وروحت مكتبها قالوا أنها لاغية مواعيدها 3 أيام ... ...أنت اكيد زعلتها أو عملتلها حاجة تانية ... ....أبدا والله ، الدنيا كانت ماشية تمام ... ....أنا قلتلك ياعادل ، حبيت انبهك عشان تعرف تتعامل معاها صح ، قلتلك أنها صعبة المراس اوى ومبتنساش الأسية والإساءة بسهولة ، يظهر انك مسمعتش كلامى ... ...اللى حصل ياعمى ، الحل ايه دلوقتى ... ...ولا حاجة ، هتستناها لحد ما ترجع وتعرف منها ايه اللى حصل بقى .... ...فى حاجة تانية كنت عايزة أسألك فيها .. ...خير ياابنى ... ...إيه حكاية حقها اللى عايزة تاخده من عيلتى وهتاخده من مين بالظبط ... ارتبك والدها مما قال عادل لكنه نفى معرفته ... معرفش حاجة عن الموضوع ده ، هى مقالتش تفاصيل ... ...أبدا مقالتش أى حاجة ، عموما ، انا همشى دلوقتى ، ولو عرفت أى حاجة عنها ، أرجوك قوللى... ...إن شاء الله يابنى ، وربنا يقدم اللى فيه الخير ... بعدما أغلق الباب وقف خلفه يحدث نفسه ... ياترى ناوية على ايه تانى يافريدة ، ربنا يستر ، مش كفاية اللى كان ... ************ قضى عادل يومه كله فى الخارج ، يحاول التفكير فيما حدث وبشكل محايد ، فى النهاية ، ذهب لعمه أكرم عندما أخبره انه فى المزرعة ، حكى له ما حدث لكن بالطبع حذف جزء العلاقة الخاصة التى تمت بينهما لأول مرة ليلة أمس . ...مهو اللغز ده محدش هيقدر يحله غير فريدة ياعادل... ...وفريدة اختفت، المفروض أنى أعمل ايه دلوقتى. .. ...تستناها تظهر ، زى ما قال أبوها بالظبط ، واضح ان أبوها عارف بنته كويس وكمان عنده فكرة هى ناوية على ايه ... ...ليه بتقول كدة ... ...أصل واحد غيره لما يعرف أن بنته سابت بيت جوزها فجأة وسافرت ، المفروض يقلق أو على الأقل يدايق ويزهق عليك ، إنما ده ببرود تام قالك استناها لما تظهر ، يبقى هو عارف اللى فيها ... ...تصدق فعلا ، انا مفكرتش فى كدة ، بس انا قلقان عليها بجد ياعمى ، عايزة اعرف هى فين وناوية على ايه ... ...بتحبها ياعادل ... ...بتهيئلى كدة ... ...مفيش حاجة اسمها بتهيئلى ، يا أه يا لا ... ...والله انا تعبت من البنت دى ياعمى ، من لحظة ما دخلت حياتى وهى قلباها ... ... مش مشكلة ، المهم انك حبيتها ، وهى تستاهل ، هقولك بقى كلمتين فكر فيهم كويس ، إحنا منعرفش انتقام ايه اللى هى بتتكلم عنه ومن مين بالظبط ، لكن اللى انا عايزك تعرفه كويس وتقدره وتفكر فيه كمان ، أن فريدة اتبهدلت اوى وشافت كتير مع أمها ، وبصراحة جدك هو السبب الأساسى ، وللأسف احنا ساعدناه على اللى هو عمله ، فمهما كان اللى ناوية فريدة تعمله، انا عن نفسى راضى ومسامحها فيه ، حتى لو كانت هتنتقم منى انا شخصيا ، فكر فى كلامى واستنى مراتك ياابنى ، وربنا يهدى النفوس ، ويمنع عنها أذى جدك . .. ...هو ناوى يعمل فيها حاجة ولا ايه ... ...الله واعلم ، مسمعتش اللى قاله يعنى ، جدك قلبه مش صافى ، وربنا يستر ، انا مش حازز فى نفسى غير أنى وعدتها أنها هتعيش بينا معززة مكرمة ، مقدرتش أحافظ على وعدى ... ...ترجع بس وكرامتها بينا انا اللى هرجعها. .. دموع ممنوعة. ..........الفصل الواحد والعشرون استمرت فريدة فى جمع كافة المعلومات التى تحتاجها فى مواجهتهم ، تعتبر تقريبا قد وصلت لكل ما تحتاج ، فقد استطاعت بالفعل توصيل سميرة لحالة من الرعب بعد مكالمة واحدة منها افقدتها اتزانها وجعلتها تتكلم مع عالية فيما حدث مع شركة الفرماوى ، وبالطبع عالية هى الأخرى قد جنت لمعرفتها أن فريدة تعلم كل شئ ، لكن ما جعلهما يهزيان تماما ، خاصة سميرة التى وصلت لحالة من الانهيار العصبى وتم استدعاء الطبيب لها ، هو علمهما بأن جميع بياناتهم قد اختفت من شركة توظيف الاموال التى وضعوها فيها بمعنى انهم ليس لهم بيانات على الإطلاق ، أى ضاعت كل الأموال الموضوعة بحسابهم ، وانتظرت فريدة أن يتم فعل نفس الشئ فى الشركة الأخرى قبل أن يتم سحب ما بها ، يبقى لها الآن الجد ، وللأن لم تجد له مدخل ، حله الوحيد فى عقلها أن يكتشف خيانة كل من حوله ، أن يجد العقد الذى عقده لسنين قد فك فراته ، أن يعلم أن أقرب الناس له هم من ضر...بوه فى ظهره ، وأن من قتـ,ـلها باقصائها كانت أوفى الناس له . حددت فريدة موعدها واختارت الوقت الوحيد المجتمع فيه كل العائلة فى مكان واحد . وصلت للفيلا فى تمام الساعة الخامسة تقريبا، فى موعد الغداء ، خرجت من السيارة ووقفت تتأمل الفيلا لثوانى ، تقدمت بخطوات ثابتة ، فقد حان الوقت الذى انتظرته لسنين ، وآن الأوان لترتاح ، فتح لها الخادم ، ...أهلا ياست فريدة ، حمدالله على السلامة ... .... الله يسلمك ، هم فين ... ...على السفرة يافندم ... ...شكرا ، روح انت ... اقتربت فريدة من الباب ، الغريب أنها وجدت نفسها محور الحديث بينهم ، استمعت لحوارهم لنهايته ، ودخلت على كلمة الجد الموجهة لعادل ، ...خلاص انتهينا ، مش كل واحد بكلمة ، الموضوع ده قفلناه ، وانت ياعادل ، أظن احنا اتكلمنا فى الموضوع ده فى المكتب ، وده آخر كلام عندى ...... دخلت فريدة وهى تقول ... فعلا ده آخر كلام عندك ، كلامك خلاص انتهى ، وكلامى انا اللى هيبتدى ... التفت لها معظم الجالسين عند رؤياها ، لكن الجد بمجرد رؤيتها وقف وعيناه متسعة ، رغم أنها لم تعرف نفسها بعد ، وهو لم يرها من قبل ، إلا أنه توقع من هى ، فهى نسخة مشابهة تماما من جميلة ابنته ، فهو فى النهاية أب مهما كان قاسيا ، ولم يتوقع أن يهتز لمجرد رؤيتها فقط ، اقتربت فريدة منه وهى تقول .... إيه ، بتبصلى كدة ليه ، شكلك زى ما يكون شفت عفريت ، ولا بشكل أوضح ، شكلك زى ما يكون شفت جميلة نفسها. ... تلجم لسان الرجل للحظات لم يستطع التحدث فيها أبتعدت فريدة عنه فى اتجاه كرسى جانبى ، كانت تضع حقيبة يدها ومفاتيحها عليه وهى تقول ...بمناسبة الكلام اللى انت قولتوهولهم فى المكتب ، انا موافقاك تماما عليه ، لأن انا نفسى مش عايزة أكون واحدة من عيلتك ، ميشرفنيش أن انتمى ليك ... هنا تكلم الجد من غضبه ...واضح انك قليلة الأدب وناقصة رباية ... ...هههههههههههههههه ، صحيح انا ملقتش حد يربينى، بس الدنيا ربتنى وعلمتنى صح ، وده اللى انا هعرفهولكم دلوقتى .... قام أكرم من مكانه عندما توقع اتجاه الحديث ...إيه الكلام ده ياجماعة ، أدب ايه إللى انتو بتتكلموا عنه ، تعالى يافريدة جمب جوزك هنا ... نظرت فريدة لعادل الذى ظل جالسا و صامتا ، فقط عيناه متعلقة بها ، وقالت ... أنا مش جاية اقعد ، انا عندى كلمتين ، جاية اقولهم قدام الكل خاصة كبير عيليتكم ، الرجل المحترم والأب الحنين. .. ...عايزة ايه يابنت جميلة ... ... أنت آخر واحد اعوز منه حاجة ، قلتلك ، انا جاية هنا عشان نتكلم سوا مش اكتر ، اصل أمى حكتلى حاجات كتيرة اوى من اللى كانت بتحصل معاها هنا ، ممكن اقول حاجات كانت بتحصل فى كل البيوت لكن لما الكل يتفق عليك ويدمروك ، يبقى ده اللى فيه كلام ... امتقع وجه سميرة من تلميح فريدة عما حدث ...هم مين اللى اتفقوا عليها ، وبعدين خلاص مل حاجة انتهت ومفيش كلام تانى ... ...مفيش حاجة انتهت ، انت عرفت اصلا مين عمل فيها كدة ولا انت فاكر أنها عملت كدة بمزاجها عشان كدة طردتها تانى ،... ...الله واعلم مين ، انا كنت شوفت ، المهم انها جابتلى العار وخلاص ... ...أنا بقى شوفت ومنستش وشه لحد اللحظة دى ، وفضلت وراه لحد ما وقعته ، وخليت كلاب السكك تنهش لحمه زى ما نهش لحمها .... دموع ممنوعة. ............. الفصل الثانى والعشرين والاخيرة ...أنا بقى شوفت ومنستش وشه لحد اللحظة دى ، وفضلت وراه لحد ما وقعته ، وخليت كلاب السكك تنهش لحمه زى ما نهش لحمها .... ...هو مين ده ، انطقى هو مين ... ... كاتم السر الأمين ، شريكك ومدير أعمالك ، أقصد اللى كان مدير أعمالك ورجل المهام الوسخة اللى كنت بتسهل بيها شغلك ... ... صلاح ... ...أييوة ، صلاح ... رد أكرم فى حزن ممتزج بملامة ... ياما قلتلك انه زبالة ، وبياع وأول واحد هيقلب عليه هو انت .. تابعت فريدة ... الشهادة لله ، خد منى وقت كتير لحد ما عرفت اوقعه ، زرعتله مرة مخدرات ومرة تانية سلاح ، وكان بيطلع منها ويلبسها لواحد من اللى شغالين عنده ، ، خدت احتياطى فى التالتة بقى ، حددت الأوقات اللى بيروح فيها الشقة إللى بيجيب فيها النسوان الزبالة اللى يعرفهم ، وبلغت وجهزتله وفد صحافة محترم من غير ما حد يعرف ، صوروه وهو بيتقبض عليه وهو ملفوف فى ملاية ، وكمان الشقة باسمه ، خد سنتين ، ادايقت ، كان نفسى ياخد اكتر من كدة ، بس معلش ، مكنتش محتاجة اكتر من كدة ، سلطت عليه شوية مساجين بالفلوس ، صحيح خدوا كتير بس يستاهلو اللى خدوه ، عملولى اللى انا عايزاه بالظبط ، عملوا فيه اللى عملو فى أمى طول الوقت ، وانتوا طبعا سمعتوا نهايته كانت ايه ، انتحر ياعيني ، مستحملش شهرين ... دارت على كل الوجوه أمامها وكأن على رؤوسهم الطير ...متنحين كدة ليه ، الكلام عاجبكم ولا لا ، عشان أبقى فاهمة بس ، اصلى بصراحة ياجماعة ، حلفت لاخد حقها من كل واحد اذاها ، وكل واحد فيهم على قد الل عمله زى مثلا فنية المعمل اللى بدلت التحاليل ، اتشطبت اصلا من النقابة ، حتى الدكتور اللى غطى على موضوع الحادثة ، حصلها هو كمان ، وغيرهم وغيرهم ، ها ايه رأيكم ، الدور عليكم انتوا بقى ، الأول حضرتك ياجدوا ... ...أنا ، جاية تنتقمى منى يابنت جميلة ... ...طبعا ، بس فكرت كتير هعمل معاك ايه ، أب ضيع بنت بسلبيته ورفضه مساعدتها ، صحيح انت معرفتش اللى حصل بعد كدة ، بس يكفينى اوى انك عرفت أنها فى أز....مة وموقفتش جمبها، تعرف ، انا اقدر ااذيك فى ثروتك اوى ، ممكن اضيع منك ملايين، بس رجعت فيها ، انت راجل على وشك المو....ت ، بتعافر مع الصحة والزمن ، مش هيفرق معاك ضياع مليون ولا عشرة ، يكفينى اوى انك تعرف ان كل العيلة اللى عشت تبنيها وتعمللها طول عمرك خونة ، كلهم بيخونوك وبينهشوا فيك وانت حى ، وأولهم ولادك ، ... ...أنتى بتقولى ايه ، انتى اتجننتى. .. ...ملكش انت دعوة بجنانى من عدمه ، انا كل كلمة بقولها اقدر أثبتها بسهولة ... قال أكرم بتوسل فهو يعلم حالة أبيه جيدا ..فريدة .. ...إيه مش عايزنى أتكلم ، عشان انت عارف الليلة ومغطى عليها يعنى ... قال الجد ... عارف ايه ياأكرم ومين منهم وعمل ايه... ...ابنك الكبير المحترم ، إبراهيم ، وكمان اللى مات الله يرحمه ، معاه فى نفس السكة ... فى هذه اللحظة فقط خرج عادل من دور المشاهد الذى تقمصه من بداية الحوار ، لمجرد ذكر والده ، ... أنتى اتجننتى يافريدة ، ايه اللى انتى بتقوليه ده.. التفتت لعادل وهى تقول ...هو كل اللى يتكلم هيقول انتى اتجننتى ، كل اللى هقولهولكم انهارضة جديد ، هقول معلومة عن كل واحد فيكم ، والباقى ميعرفهاش ، أما أنت ياعادل ، انا قلتلك انك مش هتسامحنى، ومكنتش وقتها أقصد والدتك ، لأنى متأكدة انك تعرف هى اد وسخة وزبالة ... انفعلت سميرة ....إيه اللى انتى بتقوليه ده ... التفتت لها فريدة من خلف عادل ...أنتى تسكتى خالص ، دورك لسة جاى ... عادت توجه الكلام لعادل مرة أخرى ...كنت أقصد وقتها اللى هتعرفه عن والدك ، عشان عارفة انك بتحبه ، ومتعرفش عنه حاجة مش كويسة ... قال الجد ... كلمينى انا ، تقصدى ايه بكلامك ده ... ...هكلمك انت طبعا ، انا اصلا هنا عشانك ، ولادك عملوا شركة خاصة باسمهم ، رأس مالها كله من شركاتك ، وبينظموا شغلهم ويعقدوا صفقاتهم ، ورشاوى وعملات وملفات مدسو....سة ومزورة، ... ...كفاية يافريدة ... كانت هذه هى صر....خة عادل لعدم قدرته على سماع أكثر من ذلك . ...لا مش كفاية ياعادل ، وعلى فكرة انت ليك ميراث عند عمك ، الشركة كانت بين ابوك وعمك بالنص ، وعمك زور أوراق الملكية بعد مو,,,,ت ابوك واستغل فكرة ان محدش يعرف عن الموضوع ده حاجة ... توجه الجد لأكرم بالسؤال. ..الكلام ده حقيقى ياأكرم. .. أرخى أكرم عينيه للأرض خجلا من والده ولم تدعه فريدة حتى يجيب ... اعفيه من الرد ، لأنه حاول يمنعهم لكن مفيش فايدة ، وعلى فكرة ، وجوده معاك فى ألمانيا مش قلق عليك وحب فيك ، ده كان رايح عشان يخلص شغل هناك لشركته ، وأنا متأكدة انه من اكتر الناس اللى اقنعوك بالسفر للعلاج ، زى ماانا متأكدة انه كان بيسيبك هناك كتير لأسباب تافهة عشان يروح يخلص شغله .... جلس الجد على أقرب كرسى له ، فما عاد قادرا على الاستماع لهزيمته فى تربية أبنائه ليصل بهم الحال لسرقته لسنين . ...كان نفسى يكون موجود فى القاعدة دى ، خسارة ، انا جاية على أنه موجود ، وبالمناسبة كمان، عصام ماشى على نفس النهج ... عند سماع اسمه ، هاج عصام وقام من مكانه باتجاه فريدة ، كان على وشك مهاجمتها جسديا وهو يقول ...لا يا حبيبتى ، عندى انا وتقفى ، دا انا اقطعلك لسانك. ... اقترب منها فى لحظات حتى لم يكن بينها وبينه إلا أقل من خطوتين ، لم يدرك إلا وعادل بينه وبينها ، ويد عادل على صدر عصام ، ويشير له بيده الأخرى كتحزير ، وهو يقول ...إياك حتى تفكر تعملها ياعصام ... ..أنت مش سامع المتخلفة دى بتقول ايه ... ارتفع صوت عادل وهو يقول ..احترم نفسك وخد بالك من كلامك ، متنساش أنها مراتى ... .يعنى إيه أن شاء الله ، عاجبك اللى هى بتقوله ده .. ...أنا وأنت عارفين ان كلامها فيه نسبة من الصح ، ودلوقتى ولا بعدين كان هيتعرف ... ارتفع صوت أكرم وهو يقول ....كفاية ياعصام ، تعالى هنا ، وأنت ياعادل أبعد ايدك عن اخوك ... ابتعد عصام كما أمره عمه ، واستدار عادل لفريدة وهو يقول بنظرة غير مفهومة ... عندك حاجة تانية عايزة تقوليها ولا خلصتى ؟ لم ترد مباشرة ، وصمتت لثوانى مع التواصل العينى بينهم ، ثم اخفضت نظرها لتتمالك نفسها وبعدها رفعته مرة أخرى ، ...هقول اللى يهمنى وهمشى ومش هتشوفونى تانى .. أبتعدت عنه ، واقتربت من جده الذى والذى قد بدأ يفقد ما بقى له من قوة ووجهت كلامها له ...أمى ما اجرمتش ، أمى حبت ، وحاربت عشان حبها ، انتوا عاقبتوها وكأنها من المرتدين عن الدين ، ولما سامحتوها ، فى ليلتها ، اتفقوا عليها وضيعوها، وأنا لسة عينى مشافتش الدنيا ، شافت أمى بتتقطع وبيتنهش عرضها قدامى ... قاطعها الجد بضعف ...هما مين اللى اتفقوا عليها... ...كل اللى كرهوها فى البيت هنا ، اتفقوا معاه ودخوله ليها لحد الاوضة اللى هى فيها ، ووقفوا يحرسوله لحد ما خرج ... أثارت الكلمات حفيظة الرجل واتسعت عيناه ...مين ؟ ...مرات ابنك ، سميرة ... التفت الرجل فجأة لسميرة فى مكانها ، ارتعبت ووقفت وعادت للخلف خطوتين وهى تقول برعب ...والله ياعمى ما كنت أعرف اللى كان ناوى عليه ، قاللى انه عايز يتكلم معاها بس ... ردت فريدة ووجهت كلامها لها... يتكلم بقى ولا غيره ، انا دخلت البيت ده عشان اعرف مين اللى ساعد الحيوان ده ، ولقيتك انتى ، وكان لازم تاخدى حقك ، فضلت ادور اكسرك ازاى ، لقيت السبب اللى بيخليكى تعملى ده كله ، الفلوس ، كسرتك فيها ، مش واخدة بالك انك من كل اللى بيحصل ده ... اصابتها حالة من الزهول من كلام فريدة ، رغم شكها فى ذلك ....أه ، انا ، انا اللى بعمل فيكى كل ده ، تخيلى ، بس برافو عليكى ، عرفتى تخبيهم ، فضلت ادور كتير لحد ما لقيتهم ، متصورتش ابدا انك تكونى رامية فلوسك كلها فى اكتر من شركة توظيف أموال عموما آخر جزء فى فلوسك اللى فيه الأمل ، خلاص بح ، راحوا هما كمان . ... التفتت للجد مرة أخرى وهى تقول ... المناسبة ، نسيت اقولك ، إنها هى برده اللى كانت بتسرب المعلومات والملفات لعزمى الفرماوى يعنى بصراحة مفيش بعد كدة ،سهلت اغتصاب بنتك وخانتك وضر؟؟؟بتك فى ضهرك . .. أصاب الزهول الرجل ، وانتهت قدرته على الكلام ، ولم ترد سميرة عن نفسها فصدمة فقدها لآخر جزء من اموالها افقدتها قدرتها على الدفاع عن نفسها. اتجهت فريدة لحقيبتها وامسكت بها واتجهت لجدها وهى تقول ... اتفرج على عيلتك كلها كدة ، عيلة تشرف بصراحة ، لا وايه ، انت اللى كنت رافض وجودى فيها ، دلوقتى انا اللى بقولك أن ميشرفنيش وجودى فى عيلتك اصلا ... كان الصمت يخيم على الغرفة تماما صوت كعب حذاء فريدة وهى متجهة للباب ، وقبل أن تصل للباب ، التفتت لعادل بنظرة آسفة حزينة ثم خرجت مسرعة . وقبل أن تصل للباب سمعت صوت خبطة قوية للأرض ، تبعها صرخات من الجميع ....بابا ،وأصوات أخرى ،،، جدى ، واصوات اخرى،، عمى ... لم تعود فريدة أكملت طريقها للخارج وفراقها الابدى لهذا البيت وهذه العائلة ، تحمل فى داخلها حزن قاتل لزوجها الذى أحبته على غير إرادة منها ******************** هذه كانت نهاية الجزء الأول من حكاية الفتاة التى لا تبكى ،فتاة فقدت قدرتها على زرف الدموع كلما اعتلى قلبها حزن ، أو انتابتها حالة من الغضب ،،،، إلى اللقاء فى الجزء الثانى.

مقالات ذات صلة

دق القلب سهام صادق الجزء الاخير

اخو زوجي

جبل الهواري مايا خالد

سبب إغتـ,ـيال الزعماء الثلاثة

انتى حقى ج الاخير

من أجمل القصص 👇

اترك تعليقاً إلغاء الرد