حكايه ابن 2 الاخير

منار : انا عرفت النهارده

يوسف : دي عليها امضتك

عماد : استاذ يوسف انا بأكدلك ان انسة منار متعرفش اي حاجة عن الورق ده

منار : و انا عند خالي كان في بينا اوراق كتير بتتمضي و ساعات مكنتش اعرف انا بمضي علي ايه

يوسف (بابتسامة) : كان نفسه يسمع منك كلمة يا خالي دي

منار (بصدمة) : انت كنت عارف

يوسف : كنت عارف يا منار .. كنت عارف

عماد : استاذ محسن يا منار كان راجل نضيف بجد و كان بيحبك اوووي

منار (بدموع) : الله يرحمك يا خالي

يوسف : اهدي يا منار مش وقت دموع احنا في ورطة

عماد : انت عرفت

يوسف : عرفت ايه

عماد : ورطة الورق

يوسف : ورطة الورق ؟؟

عماد : امال انت بتتكلم عن ايه

يوسف : انا بتكلم عن جر..يمة القـ,,,,ـتل

عماد : جر..يمة قـ,,,,ـتل ؟؟

منار : انا متهمة بقـ,,,ـتل خالي يا عماد

عماد : قـ,,,ـتل خالك .. انا مش فاهم اي حاجة

يوسف : انا هفهمك

ـــــــــــــــــــــــــ

غاده : ربنا يطمنكم عليها يا يحيى و تخرج من المشكلة دي

يحيى : غاده انا محتاج اتكلم اووووي مع حد بثق فيه

غاده : اتكلم معايا انا ولا انت مش بتثق فيا

يحيى : انا بثق فيكى جدا .. يا غاده انتى كنتى هتبقي خلاص خطيبتى لولا اللي حصل ده

غاده : طب احكيلي بأه ايه اللي حصل

يحيى : احنا لقينا منار

غاده : بجد ؟؟ فين ؟؟

يحيى : في امريكا

غاده : امريكا ؟؟ ازاي ؟؟

يحيى : و الله انا نفسي معرفش

غاده : امال عرفتوا ازاي انها هناك

يحيى : واحد صاحب يوسف اتصل بيه و قاله

غاده : طب سافرت ازاي من غير ورق ؟؟

يحيى : اتخـ,,,,ـطفت يا غاده

غاده : يحيى انا مش فاهمة اي حاجة

يحيى : و الله ولا انا فاهم يا دودو

غاده : طب مفيش احتمال كدا و لو واحد% انها

يحيى : متكلمليش .. اختى متعملش كدا

غاده : ايوة بس اللي حصل زمان

يحيى : اللي حصل زمان فات خلاص و من كلامها عن خالي قبل ما تعرف انه خالي انها كانت بتحبه اوووي دا غير انها مكانتش تعرف عنوانه في مصر هتروحله ازاي

غاده : طب اللي دبر الحكاية ديعاوز منها ايه

يحيى : ده بأه اللي يوسف سافر عشان يعرفه

ــــــــــــــــــــــــــــ

عماد : يعنى شكري و رجالته هما اللي دبروا لكل ده ؟؟

منار : مش شكري يا عماد الموضوع اكبر من كدا

يوسف : انا عندي سؤال

منار : ايه

يوسف : ايه اللي خلاك معانا يا عماد و ايه اللي يضمنلنا انها مش لعبة

عماد : عندك حق تشك .. بس و الله انا مش وحش

يوسف : ايوة بس

عماد : انا عارف الفكرة اللي اخدتوها عنى .. انا كنت بسمع كلام بابا في الاول عشان كنت عاوز اتجوز منار

منار : ايه

عماد : كنت معجب بيكى و كنت شايف ان تحمس بابا للموضوع هيساعدنى انى اوصلك و لما عرفت انك اتخطبتى ليوسف قلت لنفسي كل شئ نصيب

منار : و بعدين

عماد : لقيت اللعبة بتتكشف قدامى و ساعتها كان خروجى منها مستحيل .. روحت اشتغلت عند عمى محسن الله يرحمه عشان ابقا جاسوس عليه .. بس هوا حبنى زي ابنه بالظبط و جمايله غرقتنى .. مقدرتش اخونه

يوسف : و ايه اللي يضمنلنا

عماد : ورق التنازل ده الجماعه عاوزاه ضروري جدا .. كان زمانى بعتهولهم .. بس انا مرضتش اخون ثقة عمى محسن الله يرحمه و سلمته لمنار يدا بيد عشان تعرفوا تتصرفوا ازاي

منار : انا متشكره اوووي يا عماد

عماد : انتى تستاهلي كل خير و يوسف كمان يستاهل كل خير

يوسف : مش عارف ليه مرتاحلك

منار : و انا كمان

يوسف : نتعاهد علي الثقة

عماد : نتعاهد يا يوسف

ـــــــــــــــــــــــــــ

شكري : مش عارفين الورق راح فين

دايف : معاد الشحنة قرب

(دايف : يهودي امريكى من اصل عربي و من اشهر مافيا المخدرات)

شكري : هنوصل للورق .. انت بس اطمن

دايف : انا لو حسيت انك مبقتش نافع يبقا احسنلك تحصل محسن

شكري (بخوف) : طيب ما نتعامل مع حد تانى

دايف : غبي

شكري : طب ما تفهمنى

دايف : هفهمك .. شحنة الكوكايين كانت جاية من كولومبيا مرورا بالمكسيك علي هنا علي طول .. بس حد من الاستخبارات بلغ عن الشحنة و اضطر قبطان المركب انه ينزل البضاعه كلها في كوبا قبل ما يوصل للمكسيك .. محسن قبل ما يمـ,ـوت كان متفق علي شحنة ضخمة جاية من كوبا من قبل ما نتفق علي الشحنة من الاساس .. يعنى مش هيكون مصدر شك .. و في نفس الوقت محدش ينفع غيره لان الشحنة بتاعته كبيرة بما يكفي اننا نخفي جواها شحنة الكوكايين كامله

شكري : ايوة بس في دفعات من الشحنة دي جات قبل كدا .. و احنا سبق و طلبنا مساعدته و هوا رفض ..

دايف : الشحنات اللي جات قبل كدا كانت مجرد لعب عيال .. الشحنة لازم تيجى كلها المرة دي .. السوق اتعطش كفايا و المكسب 200 الضعف .. مش هضيع فرصة زي دي عشان شوية مبادئ و اخلاق

شكري : هندور تانى مش هنسكت

ــــــــــــــــــــ

يوسف : انا جبتلك كل ورقك معايا

منار : انت عرفت منين ان انا هنا اصلا

يوسف : مايك قالي

منار : عمل خير انا كنت همو…..ت من غيرك

عماد : احم احم

يوسف : انتى بكرة الصبح هتكونى علي ذمتى

منار : مش فاهمة

يوسف : هكتب كتابي عليكى في السفارة

منار : انت بتقول ايه

يوسف : انا استأذنت من مامتك و اخوكى و هما وافقو

عماد : احسن حاجة عملتها .. انتى مينفعش تكونى لوحدك بعد كدا

منار : بس

يوسف : بس ايه

منار : انا مطلوبة في مصر .. كدا هيعرفوا ان انا هنا

عماد : انتى مسسافرتيش بجواز سفرك اساسا عشان يعرفوا انك سافرتى

يوسف : بس كتب الكتاب اللي هيحصل ده هيتسجل في السجلات المصرية و هيعرفوا

عماد : طب و بعدين ؟؟4

يوسف : ولا قبلين .. ده بالظبط اللي انا عاوزه

و فجأه يرن هاتف يوسف

يوسف : ايوة يا يحيى .. اه انا قاعد معاها اهه .. يا ما انت كريم يا رب

منار : في ايه ؟؟

يوسف : السكـ,ـينة مطلعش عليها بصمات .. و لقيوا بصمة مجهولة علي باب الشقة