حكايه ابن 2 الاخير

الحلقة 30

احمد : الست من وقت ما اسلمت و نزلت مصر هيا و بنتها و هيا عايشة في حالها .. متدخلهاش في اللعبة بتاعتك

يوسف : يا بابا انا مش هدخل حد في اي حاجة اسمع بس اللي هقولك عليه

احمد : قول يا سيدي ..

يوسف : ثوانى كدا يا بابا

و يميل علي اذن منار بهمس : اتلمى و خليكى زي ما انتى بدل ما اعلي صوتى و بابا يسمعنى

منار (بابتسامة) : حاضر حاضر ..

يوسف : معاك يا بابا .. بص يا سيدي ..

ـــــــــــــــــــــــــــــ

في مكالمة هاتفية …

زيزي : ازيك يا شكري

شكري : مالك يا زيزي صوتك متغير ليه

زيزي (بتصنع الالم) : انا لسا جاية من عند الدكتور حالا

شكري : مالك ؟

زيزي : لسا مش عارفه بس انا شاكة انه يكون عندي حاجة خطيره

شكري (بقلق حقيقي) : لا لا ان شاء الله مفيش حاجة

زيزي : انا عاوزه اطلب منك طلب بس خايفة

شكري : و انتى من امتا و انتى بتخافي منى

زيزي : انا عاوزاك تكون جنبي لحد نتيجة التحاليل ما تطلع

شكري : ايوة بس ..

زيزي : دول هما يومين تلاته بس مش اكتر .. انا خايفه اوووي

شكري : متخافيش .. لو طلع عندك حاجة بعد الشر انا هاخدك معايا تتعالجى في امريكا

زيزي : هاجى معاك بصفتى ايه

شكري : انتى ناسية انك مراتى

زيزي : عرفي يا شكري

شكري : تانى هنفتح الموضوع ده ؟؟ عموما مش وقته

زيزي : انا محتاجاك جنبي اليومين دول بس و بعدها ارجع تانى

شكري : انا فعلا مشغول اليومين دول

زيزي : انا عمري ما طلبت منك اي حاجة قبل كدا .. و عموما شكرا خليك براحتك

شكري : خلاص انا هكون عندك في اول طيارة .. مش هغيب اكتر من 3 ايام

زيزي : انا متشكرة اوي يا حبيبي .. هستناك ..

شكري : مع السلامة

لم تكن زيزي تكره شكري .. بل بالعكس .. فقد كان حنونا معها دائما و لم يرفض لها يوما طلب ..

و لكن حينما يتعلق الامر بمستقبلها هي شخصيا فالامر يختلف .. خاصة بعد ان كشر لها الضابط وليد ان انيابه و هددها بانها سوف “تلبس” جـ,ـريمة خـ,ـطف حدثت في فيلتها التى كانت تحت حيازتها في هذا الوقت ..

لقد ابتاعت زيزي الطعم جيدا .. و حان الان وقت كبش الفداء

تنهدت زيزي و امسكت بهاتفها المحمول

زيزي : ايوة يا وليد باشا

وليد : اسمع اخبار حلوة

زيزي : حصل يا باشا .. في اول طيارة هيكون هنا

ــــــــــــــــــــــــــــ

احمد : يعنى انت عاوزه ينزل مصر

يوسف : يا بابا انا مش عاوزه ينزل مصر .. انا عاوزه يروح في اي داهية و خلاص .. حظه بأه ان مراته و بنته عايشين في مصر

احمد : انا عاوز اعرف انت عاوز ايه

هم يوسف بالاعتدال

منار (بهمس) : شفت انت اللي عاوز تقوم اهه

يوسف : ثوانى يا بابا .. و في اذن منار : دا انتى استحلتيها بأه .. وادي قعده تانى

احمد : ولا .. انت ايه اللي شاغلك

يوسف : ههههههههههههههه لا يا بابا معاك

احمد : انجز

يوسف : دايف مش شويه .. دا لوحده مافيا .. اسطورة و رجاله و تأمين

احمد : و انت عاوز تبعده عن رجالته

يوسف : بالظبط يا بابا .. بس مش بس كدا .. انا كمان هبعد رجالته اللي بيعتمد عليهم

احمد : ازاي دي بأه

يوسف : يا بابا فرق تسد

احمد : يوسف انت ناوي علي ايه

يوسف : دايف تحت منه شكري و عادل صح

احمد : صح

يوسف : شكري حاليا بيتم استدراجة لام الدنيا

احمد : ازاااي

يوسف : دا بأه دور رجال الشرطة المصريه

احمد : انت مش ابنى ياد انت

يوسف : هههههههههههههههههه و الله يا بابا انا ابنك متغيرتش (وضم منار اليه اكتر) بس اللي يفكر يمس حاجة تخصنى اكله بسنانى

احمد : طب و عماد يا فالح