حكايه ابن 2 الاخير

#الحلقه ال (22)
محسن : انا عاوزك تاخد بالك من الشغل الفترة اللي جاية دي يا عماد
عماد : ليه يا فندم خير
محسن : خير يا عماد .. انا نازل مصر
عماد : ايوة بس دي ثقة كبيرة اووووي من حضرتك يا فندم
محسن :انت قدها و قدود و ثقتى فيك اصبحت بلا حدود يا عمده .. انا خلاص بقيت بعتبرك في مكانة ابنى اللي مخلفتوش
عماد : دا شرف ليا يا فندم
محسن : انا هجهز الورق اللي هيمكنك من الادارة بحرية
عماد : و حضرتك هتغيب قد ايه في مصر
محسن : لسا مش عارف .. بس انا عاوزك في حاجة كدا
عماد : اؤمرنى يا فندم
محسن : وصيتى ليك لو مرجعتش من الرحلة دي تدي الظرف ده لمنار يدا بيد .. و عاوزك تخفيه في مكان مفيش مخلوق يعرف مكانه
عماد : حضرتك ليخ بتقول كدا
محسن (بابتسامة) : احتياطى محدش ضامن عمره
عماد : ايوة بس
محسن : مبسش .. خده عشان تريحنى ..
عماد : حاضر يا فندم (و هم بالخروج)
محسن : موصيكش يا عماد اخفيه في مكان مفيش مخلوق يعرفه لغاية ما تسلمهولها بنفسك
عماد : متشيلش هم يا فندم .. عن اذن حضرتك
ــــــــــــــــــــــ
يوسف و منار في حديقة منزلها ..
يوسف : بس انتى عرفتى منين انى جاي النهارده
منار : من ماما
يوسف : واضح ان حماتى مبيتبلش في بؤها فوله
منار : ههههههههههههه اسكت دي ما صدقت
يوسف : ليه يعنى انتى كنتى بتعملي فيهم ايه قبل كدا
منار : كنت بطفش العرسان
يوسف : اشمعنا بأه
منار (بخجل) : ما انت عارف اللي فيها بأه
يوسف : و ايه اللي حصل معايا بأه
منار : يووسف
يوسف : يا عيون يوسف ..
منار : لو مسكتش هقوم
يوسف : انتى خلاص وقعتى في القفص و محدش سما عليكى .. قال تقوم قال
و يأتى يحيى من الوراء

يحيى : يا عينى يا عينى ع الحبيبة
يوسف : ما قولتلك بلاش انت
يحيى : مش فاهمك
يوسف : بينى و بينك بأه هبقا اقولك
منار : انا هسيبكو مع بعض شوية و اروح اجيبلكم حاجة تشربوها
يوسف : عاجبك كدا يا عم طفشت المزة
يحيى : بكره تبقا في وشك ليل و نهار
يوسف : قول يا رب
يحيى : قولي باه ايه حكايتك معايا
يوسف : انا جيت جنبك يا ابنى انت
يحيى : كل شوية بتلقح عليا بالكلام
يوسف : يعنى اتكلم بصراحة
يحيى : اكيد
يوسف : ماشي يا يحيى انت فيه ايه بينك و بين غاده
يحيى : ايه يا عم الصراحة دي متفقناش علي كدا
يوسف : يحيى اتكلم بجد
يحيى : بحبها و عاوز اخطبها و كلمت باباك و قالي نصبر شويه
يوسف : و هيا ؟؟
يحيى : معتقدش ان تفوتك حاجة زي كدا
يوسف : اه مانا واخد بالي
يحيى : انت زعلت منى ولا ايه
يوسف (بمزاح) : و الله و هنبقا نسايب يا واد
يحيى : ياخى خضتنى و بعدين تعالا هنا دا علي اساس ان احنا مش نسايب من دلوقتى
يوسف : نسايب من ناحيتين يعنى عادي
يحيى : و الله انتو عيله منخوليا

ـــــــــــــــــــــــــ
منار : بس ايه الحلاوة دي يا دودو
غاده : من بعض ما عندكم يا ابله
منار : ايه ابله دي .. دا اخويا اللي اكبر منى انتى بتقوليله يا يحيى
غاده : خلاص هقولك يا منار بس
منار : ايوة كدا
غاده : بس انتى محظوظة اوووي انتى اخدتى حد زي يوسف
منار : اشمعنا بأه
غاده : طيب اووي و محترم و بيحبك
منار : و يحيى مان
غاده (بارتباك) : ماله يحيى
منار : لا ابدا .. طيب اوووي و محترم و يا بختها اللي هوا بيحبها
غاده (بارتباك) : احم .. عن اذنك يا ابله اقد عن اذنك يا منار خالي بيندهلي
منار : هههههههههههههههه و الله و مسكت عليك ذله يا واد يا يحيى
ــــــــــــــــــــــــ
يوم الخميس
منار : يحيى خد التليفون كدا و اتصل ب اونكل محسن
يحيى : مش عارف انا مين محسن اللي طلعلنا في البخت ده
منار : حرام عليك يا يحيى دا انا بحس انه زي بابا الله يرحمه بالظبط
يحيى : مفيش حد زي بابا الله يرحمه يا منار .. و عموما تليفونه مقفول
منار : يبقا لسا موصلش كدا مش هيلحق الشبكة من اوععلها
غاده : يلا يلا بره بأه يا يحيى عاوزين نزوق العرووسه
منار : الله .. اوام كدا خليتينى عروسه
غاده : طبعا و احلا عروسه كمان .. مش عروسه اخويا
يحيى ( فى اذن منار بهمس) : عقبالنا
_____________
احمد : عشت و شفتك عريس يا يوسف
يوسف : يا ريييييت يا بابا دي مجرد شبكه بس
احمد : ههههههههههههههه يا واد انت مستعجل اوي كدا ليه
يوسف : ابنك واقع لشوشته يا بابا
احمد : ههههههههههه لا راجل يا واد