حكايه ابن 2 الاخير

خرج عادل من بيته و هو يشعر انه مراقب .. فهناك احد ما يمشي خلفه .. زاده هذا الشعور خوفا فوق خوفه .. و لكنه اضطر ان يظهر بعض التماسك

و تنفيذا للتعليمات التى امره بها يوسف ترك هاتفه في اول صندوق قمامه يجده ..

لم يكمل عادل بضع سنتيمترات حتى وجد من يحوطه من الخلف ..

الشرطى : Mr Adel .. You are under arrest

عادل (بغضب) : عملها ابن المصري

ــــــــــــــــــــــــــــ

حسام : يعنى انت مش عاوز تعترف ؟؟

شكري : انا مش هتكلم غير في وجود المحامى بتاعي

حسام : حقك .. و حقك بردو تعرف ان عادل المهدي اتقبض عليه و هيترحل

شكري : ايه

حسام : مش ده شريكك في الجريمة ؟؟

لم يعقب شكري

حسام : حفناوي اتعرف علي صورته و اعترف عليه

شكري : يعنى انا براءه ؟؟

حسام : لأ طبعا .. انت ناسي انك شريك و ان انت اللي حاسبت حفناوي علي باقي الفلوس .. كمان انت متهم بقضية خطـ,ـف

شكري : خطـ,ـف ؟؟

حسام : خطـ,ـف منار عبدالله .. ولا نسيت ؟؟

وضع شكري رأسه بين راحتيه في أسي و قد علم ان كل شئ حوله قد بات في الانهيار

ــــــــــــــــــــــــــ

في عروس البحر المتوسط

فاطمة : مبدئيا انا موافقه انكو تلبسوا دبل بس على الضيق كدا من غير لا حفله ولا غيره .. مش هنعمل حاجة من غير يوسف و منار ..

سناء : بس انا بأه مش موافقه

الجميع (بصدمة ) : ليه ؟؟

سناء : لان يوسف و منار راجعين قريب خلاص

غاده (بفرحة) : بجد

سناء : كلمونى النهارده

يحيى : بس دا بردو ميمنعش اننا نلبس دبل مؤقتا دلوقتى

سناء (بمرح) : انت يا واد مستعجل علي ايه

احمد : بس اعمل حسابك مفيش جواز قبل ما غاده تخلص كليتها

يحيى : نعم .. انا لسا هستنا 4 سنين غير السنة دي .. لا مش لاعب

احمد : خلاص براحتك

يحيى : صدقنى يا عمى غاده في عنيا .. و انت بنفسك لما هتشوف معاملتى ليها انت اللي هتقولي خدها و امشي .. لان محدش هيخاف علي مصلحتها قدي

احمد : و دي حاجة انا متأكد منها .. يلا بأه قوم خد عروستك و انزلوا نقوا دبلتين حلوين كدا عشان تلبسوهم .. بالمرة كدا و احنا كلنا متجمعين هنا

غاده : بجد يا خالو ؟؟

احمد : ايوة بجد طبعا

سناء : مش هنروح معاهم يا فاطمة

فاطمة : لا خليهم يروحوا لوحدهم هنروح عوازيل معاهم ليه

سناء (بابتسامة) : علي رأيك

يحيى : ربنا يخليكى ليا يا حماتى

ــــــــــــــــــــــــــــ

يوم وصول الشحنة .. 9:00 صباحا ..

منار (بخوف) : برضوا مصمم تسافر

يوسف : لازم اكون موجود

منار : انا خايفه عليك اووي

يوسف : الحافظ هو الله

منار : هتاخدد بالك من نفسك ؟؟

يوسف : حاضر يا حبيبتى .. و بعدين انا مش هتأخر بإذن الله .. و علا هتقعد معاكى تونسك .. يلا بأه عشان معاد الطياره

لم تشعر منار الا و قد احتضنت يوسف بكل قوة خوفا من فراقه .. فهى تستطيع فراق اي شئ في هذا العالم .. حرفيا اي شئ .. و لا تستطيع ان تفارق يوسف

يوسف (بمزاح) : لو كنت هعرف انى هاخد الحضن الجميل ده كنت سافرت من زمان

منار : اتلم يا واد