حكايه ابن 2 الاخير

#الحلقة ال17)

ارتدت منار حجابها و فتحت الباب
منار : خير يا يوسف
يوسف : تتجوزينى
منار (بصدمة) : ايه
يوسف : تتجوزيييينى
منار : يوسف مش ناقصة جنان
يوسف : تتجوزينى
منار : اتجوز راجل ؟؟
يوسف : ههههههههههههههههههه حلوة اتجوز راجل دي امال اجيبلك ست تتجوزيها
منار : مقصدش .. بس انت عارف ان
يوسف : يووووووووه .. عندك عقده من الرجالة
منار : بس متقولش عقدة
يوسف : لا عقدة و انا اللي هحلها
منار : يوسف
يوسف : بحبك
منار (بعصبية) : يوسف
يوسف : بحبك بحبك بحبييييييك
منار : بس بس يا مجنون
يوسف : قولي موافقة
منار : قول ليحيى
يوسف : قولي موافقة يا منار
منار : قول ليحيى
يوسف : هقول ليحيى بس لما اعرف رأيك
منار (بكسوف) : قول ليحيى يا يوسف .. تصبح علي خير
و اغلقت الباب في عجلة
يوسف : خدي يا بت .. بتقفلي في وشي .. ماشي
منار (من ورا الباب) : هههههههههههههههه امشي يا يوسف
يوسف : ايوة بأه .. يلا سلام سلام تصبحى علي خير
منار ( من وراء الباب ) : مجنوووون
ــــــــــــــــــــــــــــــ
احمد : حمد الله ع السلامة يا يحيى
يحيى : الله يسلمك يا عمى
احمد : ادخل و سمى الله
يحيى : ما شاء الله جميله اوووي .. تعبتكوا معايا اوووي يا عمى
احمد : لا تعب ولا حاجة
غاده : اه يااانى ياللي تعبتى من التنضيف يانى
احمد و يحيى : ههههههههههههههههه
احمد : ايه اللي جابك يا زقرده
غاده : ماما باعته ليحيى الاكل ده .. علي الله يطمر
احمد : بنت اتلمى .. و اسمه استاذ يحيى
غاده : يا خالو كلنا ولاد تسعه
يحيى : سيبها براحتها يا عمى
غاده : شفت يا خالو .. يلا وسع بأه يا عم يحيى عشان ادخل احط الاكل ده جوا
احمد : متزعلش منها يا يحيى
يحيى : لا ابدا اللي زي غاده ميتزعلش منها .. كفاية خفة دمها .. و بعدين هيا زي اختى بالظبط
غاده : انا همشي بأه عاوز منى حاجة يا خالو
احمد : لا يا دودو سلامتك
و يرن هاتف احمد
احمد : ثوانى يا يحيى يوسف بيتصل .. الو يا يوسف ..
عن اذنك يا يحيى ثوانى
استأذن احمد من يحيى و دخل الي شرفه الشقة
يوسف : ايوة يا بابا ازيك .. بص يا بابا انا عاوز اطلب ايد منار
احمد : هههههههههههههههه اهدي يا يوسف الناس تسلم الاول
يوسف : سلام عليكم يا بابا .. بص انا عاوزة اتجوز منار
احمد : ههههههههههههههههههههه انت اتهبلت يا واد
يوسف : ايوة يا بابا اتهبلت
احمد : نفسي اشوف منار اللي عملت فيك كدا دي
يوسف : هتشوفها يا بابا المهم انت موافق
احمد : انا موافق
يوسف : طب ادينى يحيى يا بابا
احمد (بصوت عالي) : يحيى يا يحيى
يحيى : عن اذنك يا غاده ثوانى
احمد : يا يحيى
يحيى : ايوة يا عمى انا هنا اهه
احمد : يوسف عاوز يكلمك
يحيى : ايوة يا يوسف ازيك
يوسف : يحيى انا عاوز اتجوز اختك
يحيى (بصدمة) : نعم
يوسف : انا طالب ايد اختك يا يحيى
يحيى : ايوة بس
يوسف : عارف العقدة اللي عندها و بحبها و عاوز اقضي عمري كله معاها و لو وافقت في اول اجازة ليها هننزل و اطلبها منك و من والدتها رسمى .. و الله بحبها يا يحيى بحبها
يحيى : انت جرئ اوووي يا يوسف
يوسف : الرسول صلي الله عليه وسلم بيقول ” لم ير للمتحابين غير الزواج ” و انا بحبها و عاوز اتجوزها
يحيى : عليه افضل الصلاة و السلام
يوسف : هااااا .. قولت ايه
يحيى : اسألها الاول
يوسف : انت عارف اختك اكتر منى و عارف انها موافقة
يحيى : ابنك ده يا عمى
احمد : ههههههههههههههه ولا اعرفه
يحيى : انا موافق يا يوسف
يوسف : طيب تمام .. و والدتكو لو عرفت
يحيى : لو عرفتك زي مانا عرفتك و برايي هتوافق
يوسف : تمام اوووي افتح السبيكر
يحيى : اشمعنا
يوسف : افتحه بس
يحيى : فتحته
يوسف : بابا يحيى يلا نقرأ الفاتحة
احمد و يحيى : ايه
يوسف : انتو موافقين و كلنا مع بعض اهه
يحيى : ايوة بس
يوسف : بسم الله الرحمن الرحيم الحمد لله رب العالمين
نظر يحيى و احمد الي بعضهم البعض و اكملوا قراءه الفاتحة مع يوسف وعلي شفتيهم بسمة من تصرف يوسف و جراءته

#الحلقة ال (18)

يوسف : بابا يحيى يلا نقرأ الفاتحة
احمد و يحيى : ايه
يوسف : انتو موافقين و كلنا مع بعض اهه
يحيى : ايوة بس
يوسف : بسم الله الرحمن الرحيم الحمد لله رب العالمين
نظر يحيى و احمد الي بعضهم البعض و اكملوا قراءه الفاتحة مع يوسف وعلي شفتيهم بسمة من تصرف يوسف و جراءته
يوسف : ولا الضالين امييين
يحيى و احمد : و لا الضالين امين
يوسف : يلا قولولي مبروك
احمد : ههههههههههههه يا واد اعقل انت متسربع علي ايه
يوسف : انا مش متسربع ولا حاجه بالعكس انا محبتش اعمل حاجة غير في الحلال
يحيى : و دا كبرك في نظري اووووي
يوسف : دلوقتى بأه يسيدي انا عاوزك في مهمة صعبة جداااا
يحيى : هههههههههههههههههههه عرفتها
احمد : انا مش فاهم حاجة يا واد انت و هوا
يحيى : عاوزنى اقول لمنار كل اللي حصل ده
يوسف : اه و النبي الا انا خا…يف تضر…بنى
احمد و يحيى : ههههههههههههههههههههههه
احمد : لا راجل يا واد
يحيى : سيبهالي بأه .. بس زي ما اتفقنا ولا كإننا عملنا حاجة لغاية ما تيجى هنا و تطلبها من ماما رسمى و الباقي سيبه عليا
يوسف : اتفقنا .. يلا اسيبك لقدرك بأه
يحيى : ماشي يا سيدي .. سلام
احمد : سلام يا حبيبي و الف مبروك
غاده : انا سامعاكو بتباركوا لحد .. بتباركو لمين
احمد : انتى مش قولتى هتمشي يا دودو
غاده : لا مانا استنيتك يا خالو
احمد : طيب يلا نمشي يا ستى و هحكيلك في الطريق
يحيى : عمى
احمد : ايوة يا يحيى
يحيى : انا فخور انى ناسبتك انت و يوسف
احمد (بابتسامة) : الشرف ليا انا يا يحيى .. مش يلا يا دودو
غاده : الاكل عندك يا يحيى سخنه .. بتعرف تسخنه ولا هتحرقه
يحيى : لا يا لمضة بعرف
احمد : معلش يا يحيى .. يلا يا ام لسانين
يحيى (في نفسه) : و بعدهالك يا غاده
ـــــــــــــــــــــ
في مكالمة هاتفية
محسن : ها يا يوسف .. موافق تساعدنى
يوسف : موافق يا استاذ محسن .. بس بشرط
محسن : ايه هوا ؟؟
يوسف : اعرف كل حاجه انت ناويها اول بأول
محسن : ههههههههههه يا يوسف انا مش زعيم عصابة ولا ناوي علي اي حاجه .. انا كل اللي ناوي اعمله انى ارجعلها ثقتها فيا و بس
يوسف : طيب تمام بس مهما حصل هيا متعرفش ان انا كنت عارف .. مهما حصل
محسن : دا شئ اكيد
يوسف : اه علي فكرة انا قريت فتحة منار مع اخوها
محسن : يحيى .. و هوا عامل ايه
يوسف : هوا كويس الحمد لله .. و جدع اوووي الصراحة
محسن : تربية سناء لازم يكون جدع
يوسف : ماشي يا استاذ محسن .. هااا ناوي بأه تعمل ايه
محسن : هعرض عليها تشتغل معايا و يا رب توافق
يوسف : ربنا يوفقك
محسن : انا متشكر اوي يبنى .. و اطمن و الله انا توبت خلاض
يوسف : انا حاسس و الله و عشان كدا وافقت اساعدك
محسن : اه صح نسيت اقولك مبروك .. محدش يستاهلها غيرك
يوسف : الله يبارك في حضرتك .. معلش بأه هضطر امشي عشان الباب بيخبط
محسن : ماشي اتفضل
ـــــــــــــــــــ
يوسف : ايه ايه ايه هتكسري الباب
منار (بعصبية ) : انت ايه اللي انت عملته ده
يوسف (بمزاح) : و الله بريئ يا بيه
منار : تقروا فتحتى من غير انا معرف يا يوسف
يوسف : نعم يختى مانا قولتلك و انتى قولتيلي قول ليحيى
منار : ايوة بس مكنتش اعرف انكو هتقروا فتحتى .. افرضوا مكنتش وافقت
يوسف (بتسبيل) : اهون عليكى متوافقيش عليا
منار (بضعف) : لا بس اصل
يوسف : اصل ايه
منار (بخضه) : ايه ده
منار : بتمسك ايديا ليه
يوسف : مش هاكلها و الله
منار : يوسف سيبها
يوسف : لأ
و اخرج من جيبه خاتم الماسي و وضعه في اصبعها
منار (بصدمه ) : انت انت انت
يوسف : بحبك
منار : سيبنى امشي يا يوسف
يوسف : هههههههههههههههههههه انا سيبتها من بدري
منار : اه صح طب سلام سلام
يوسف : هههههههههههههههههههههه

ــــــــــــــــــــــــــ
غاده (بفرحة) : يعنى يوسف قرا فتحته
احمد : ايوة يا ستى
غاده : الله
احمد : ههههههههههههههه الله ايه
غاده : فرحانة يا خالو
احمد : عقبالك يا حبيبة خالو
غاده : لا يا خالو انا لسا بدري عليا
احمد : لا بدري ولا حاجة انتى كلها كام شهر و هتبقي طالبة جامعية
غاده : احم احم اه صح
احمد : و مش اي طالبة جامعية احنا عاوزين دكتورة غاده
غاده : بإذن الله يا خالو
احمد : بإذن الله يا حبيبة خالو
غاده : مقولتليش بأه يا خالو مين العروسه
احمد : اخت يحيى
غاده : اللي في امريكا
احمد : بالظبط
غاده : في حد يقرأ فتحته في التليفون بردو
احمد : اهو اللي حصل بأه .. بس بشكل مؤقت لغاية ما ينزلوا مصر و نروح نطلبها رسمى
غاده (بفرحه) : خالو انت قصدك تقول ان …..
احمد : بالظبط كدا يوسف هينزل مصر
غاده : ايوة بأه هيا دي الاخبار ولا بلاش
احمد : نفسك تشوفيه ؟؟
غاده : اووووووي يا خالو
احمد : مش اكتر منى يا غاده و الله مش اكتر منى

ــــــــــــــــــــــــــ
منار لنفسها
– انا بحلم ولا ده بجد
– لا مش بتحلمى دا بجد
– يعنى الخاتم اللي في ايديا ده حقيقي
– ايوة يا بنتى حقيقي
– لا لا لا لا انا بحلم معقول اللي انا فيه ده
– اه معقول حبك و حبيتيه و اختارتوا تكملوا مع بعض حياتكم اللي جاية كلها
– انا انا مختارتش
– متكدبيش علي نفسك انتى كنتى عاوزه كدا اكتر منه
– ايوة بس
– مبسش .. و احمدي ربنا انه عوضك بانسان زي يوسف
– الحمد لله يا رب الحمد لله
و يرن هاتف منار
منار : علا .. ازيك يا علا وحشتينى
علا : انا كويسه .. بس انتى صوتك فرحان
منار : يوسف قرا فتحتى النهارده
علا : يعنى ايه
منار : يعنى خطبنى يا علا يوسف خطبنى
علا : congratulations .. مبروك يا حبيبيتى الف مبروووك
منار : الله يبارك فيكى يا لولو عقبالك
علا : و مين بأه فيكم اللي هيروح يعيش عند التانى
منار : و ليه نعمل كدا
علا : مش انتو اتخطبتوا .. يعنى لازم تعيشوا مع بعض
منار : لا يا لولو احنا معندناش كدا .. كل واحد فينا هيفضل لوحده لحد لما نتجوز بإذن الله
علا : why ?
منار : لا دي عاوزالها قاعده .. بكرة بإذن الله لما نتقابل هقولك ليه ..
علا : تمام .. مبروك مرة تانية يا مونى
منار : الله يبارك فيكى يا لولو .. باي

ــــــــــــــــــــــ
علا : عماد يا عماد
عماد : ايوة يا علا في ايه
علا : نأبك طلع علي شونة يا عمده
عادل : ايه يا بنت في ايه
علا : خلاص يا بابا منار اتخطبت
عماد : انتى بتقولي ايه
عادل : الكلام ده حقيقى يا بنت
علا : حقيقى جدا .. سيبوها في حالها باه
عادل (بعصبية) : عماد حصلنى علي المكتب
عماد (بنظرة غاضبة لاخته) : حاضر يا بابا
في المكتب
عادل : عاجبك كدا يا فالح اديك طيرت مننا ثروة بملايين
عماد : و انا اعمل ايه يا بابا بس
عادل : لا مانا لازم ينوبنى من الحب جانب انا مش هسيب كل حاجة تعروح منى كدا و انا واقف اتفرج
عماد : طيب و هنعمل ايه دلوقتى
عادل : لو ممشيتش شرعي نمشيها احنا بطرقنا الخاصة
عماد : قصدك ايه يا بابا
عادل : قصدي انى مستعد اعمل اي حاجة بس الفلوس دي متروحش من ايدي
عماد : بابا انت ليه بتكره انكل محسن اووووي كدا
عادل : انا هقولك ليه .. زمان من حوالي 11 سنة جالي محسن هربان من جر…يمة قـ,ـتل .. انا اللي ساعدته و هربته و جبته هنا و لما اشتغل و بقا معاه فلوس كتير بقيت انا بشتغل عنده و بقوله يا باشا بعد ما كان هوا اللي بيحتاجنى في يوم من الايام بقيت انا اللي بحتاجله .. انا السبب في كل الفلوس اللي عنده دي .. انا اللي جبته هنا و لولايا كان زمانه مرمى في السجن او كان زمان اتعدم و بقا مع الاموات .. عشان كدا انا عمري ما هفرط في حقي ده ابدااااا

علا (من وراء الباب) : يا خبر ايه اللي انا سمعته ده .. و ايه علاقه محسن بمنار .. معقول يكون محسن ده خالها عشان كدا بابا كان عاوز يجوزها لعماد عشان يكوش علي كل حاجه .. فيه حاجة كبيرة اووي ناقصة و انا لازم اعرفها ..

ـــــــــــــــــــــــــــ
في الصباح
منار : الو ايوة يا يوسف انت فين انا عماله بخبط عليك مش بتفتح
يوسف : صباح الخير يا اميرتى
منار : صباح النور يسيدي .. انت فين بأه
يوسف : انا تحت قدام العربية
منار : اول مرة تنزل من غيري
يوسف : متتأخريش مستنيكى
منار : دا عبيط ده ولا ايه
امام السيارة يقف يوسف منتظرا منار و في يده “بوكيه ورد ” كبير
منار (بصدمة ) : ايه ده يا يوسف
يوسف : ده ؟؟ دا بطيخ
منار : لأ بجد .. لمين ده
يوسف : انتى شكلك لسا نايمة .. (ضر…..بها علي خدها بخفه) اصحى يا مونى اصحى يا حبيبتى
منار : انا مش قد مفاجأتك دي يا يوسف
يوسف : انا بأه قدها
منار : يوسف
يوسف : بحبك بأه
منار (بخجل) : الله بأه
يوسف : طب يلا اركبي
منار : شكرا ع الورد
يوسف : انت تؤمر اقمر ..

ـــــــــــــــــــــــــــــ
في الجامعه
يوسف : يلا انزلي
منار : لا انزل معايا .. حتى تسلم علي علا
يوسف : امرك يا ستى

…
يوسف : اهلا يا علا ازيك
علا : اهلا يا يوسف مبروك ع الخطوبة
يوسف : الله يبارك فيكى
علا : يلا يا مونى اتأخرنا
منار : اه ماشي يلا .. سلام يا جو
نظر يوسف الي الورقة التى تركتها علا في يده و هى تصافحه
فتحها فوجد فيها “عاوزاك في موضوع ضروري جدا بخصوص محسن .. دا رقمى كلمنى و لازم نتقابل في اسرع وقت ”
يوسف : يا تري عاوزه ايه يا علا ..

الحلقة 19

يوسف : الو
علا : yes .
يوسف : ايوة يا علا انا يوسف
علا : انا قولت كدا بردو .. عرفتك من صوتك
يوسف : خير
علا : قابلنى في مطعم …….. بعد ربع ساعه .. متتأخرش
يوسف : طب اعرف في ايه
علا : لما اشوفك هقولك .. سلام

ـــــــــــــــــــــــــ
يحيى : انسة غاده يا انسه غاده
التفتت غاده الي الوراء بابتسامة
غاده : ايوة يا يحيى .. شفت انا بقولك يحيى بس اهه يبقا انت تقولي غاده بس .. اتفقنا
يحيى ( بابتسامة ) : اتفقنا
غاده : ها ايه اللي جابك هنا بأه
يحيى : امشي
غاده : لا مقصدش
يحيى : مانا عارف .. جيت عشان خالك طلبنى
غاده : اها تماام .. طب يلا ندخل
دخل يحيى و غاده من باب العمارة .. و دخلا المصعد سويا
يحيى : اتفضلي
اكتفت غاده بالابتسامة و دخلت المصعد ..
و بعد اول طابق انقطع التيار الكهربائي
غاده (بخوف ) : ايه اللي حصل ده
يحيى : متخافيش متخافيش دا يظهر بس الكهربا قطعت
غاده : بس المكان هنا ضيق اوي و انا بخاف
يحيى : متخافيش من اي حاجة يا غاده .. انا معاكى اهه
غاده : طيب و خالي و ماما هيقلقوا عليا
يحيى : للاسف مفيش اي شبكة هنا اهدي بس و احنا نبقا نفهمهم بعدين
غاده : ايوة بس
يحيى : في ايه
غاده : مفيش هنا هوا كفاية
يحيى : يا بنتى انتى عاوزه تخوفي نفسك و خلاص .. اهدي بس كدا مفيش حاجة تخوف و الله
غاده (بابتسامة) : انا مش خايفة

ـــــــــــــــــــــــ
يوسف : ايوة يا علا خير
علا : انا عرفت شوية حاجات عن انكل محسن و لازم اعرفك
يوسف : عرفتى ايه بالظبط
علا : محسن يبقا خال منار يا يوسف
يوسف (بصدمه يحاول اخفائها) : انتى بتقولي ايه
علا : اه و الله زي ما بقولك كدا بالظبط
يوسف : عرفتى منين
علا : انا هحكيلك كل حاجة سمعتها بالتفصيل
ـــــــــــــــــــــــــ
غاده : هههههههههههههههههههههههه و الله انت رهيب يا يحيى
يحيى : الله يكرم اصلك
غاده : طب قولي بأه عملت ايه لما عرفت ان منار قاعده مع يوسف في مكان واحد
يحيى : يا خبر ابيض دا انا بهدلت الدنيا تخيلي كدا ان واحد يعرف ان اخته كانت قاعده مع واحد غريب في شقة واحده و مقفول عليهم باب
غاده : لا بس يوسف ابن خالي غير اي حد
يحيى : انا معترف ان يوسف محترم جدا و متربي بس دي حاجة غريزية صعب الواحد تحكم فيها
غاده : ازاي بأه
يحيى : سيدنا يوسف نفسه كان هيضعف لولا ان رأي برهان ربه .. كمان ربنا بيقول “وزين للناس حب الشهوات من النساء”
غاده (بنظرة اعجاب) : عندك حق ..
يحيى : زي ما احنا لوحدنا كدا بالظبط
غاده (بنظرة تحدي) : بس انا بقي مش خايفه
يحيى : اشمعنا
غاده : فيه حاجة مطمنانى اووووي من ناحيتك
يحيى : بجد
غاده : بجد
لحظات من الصمت تسود و فقط الابتسامة هى من تتكلم
ـــــــــــــــــــــ
فاطمة : البنت اتأخرت اوووووي يا احمد دي كلمتنى من شويه و كانت علي اول الشارع
احمد : تلاقيها راحت تشتري حاجة و جاية
فاطمة : لا دي اتأخرت اووووي
احمد : يحيى كمان كلمته كان داخل العماره و لسا مجاش
فاطمة : تفتكر يكون
احمد : الكهربا الاسانسير
فاطمة : بنتى
ذهب احمد مسرعا ليتفقد المصعد
فتح احمد باب المصعد ليجد ان المصعد عالق بالفعل
احمد : الاسانسير معلق فعلا
فاطمة : رايح فين
احمد : رايح اشوفه من تحت
فاطمة : استنا انا جاية معاك ..
نزلت فاطمة و احمد سويا الي الاسفل ليروا ما يمكن فعله
احمد : شكله واقف بين الدور الاول و التانى
فاطمة : هنعمل ايه دلوقتى
احمد : مش عارف
فاطمة : انت عارف غاده بتخاف جامد
احمد : عارف بس هنعمل ايه .. دا مش عطل دا مجرد انقطاع للكهربا .. لازم نستناها لما تيجى

ــــــــــــــــــــــــــــ
يوسف : الكلام اللي بتقوليه ده خطير يا علا
علا : انا عارفه و عشان خايفة علي منار جيت قولتلك
يوسف : طيب تخافي علي منار ليه
علا : بعيدا خالص عن بابا و حبه للفلوس عماد اخويا بيحب منار من اول ما شافها و انا خايفة ميسيبهاش في حالها
يوسف : منار انا اعرف احميها كويس انما دلوقتى الخوف علي محسن .. اي حاجة تعرفيها عن محسن يا علا اي حاجه تعالي قوليهالي فورا اتفقنا
علا : اتفقنا طبعا بس فيه حاجة محيرانى
يوسف : ايه هيا
علا : جريمة قتـ,ـل مين اللي انكل محسن هرب بسببها من مصر و ازاي علا متعرفش انه خالها
يوسف (بارتباك) : مش عارف .. بعدين هنعرف بعدين .. اهم حاجة منار متعرفش اي حاجة عن كل ده ولا حتى نعرفها ان محسن يبقا خالها
علا : دا اكيد متقلقش
يوسف : انا متشكر اووي يا علا متشكر بجد

ــــــــــــــــــــــ
يحيى : و عاوزه تدخلي ايه بأه
غاده : صيدله بإذن الله
يحيى : ايوة بأه يا عم
و فجأه يعاود التيار الكهربي
احمد : الكهربا جات اهه
انفتح باب المصعد و خرج يحيى و غاده و الغريب انه لم يكن علي غاده اي اثار التوتر علي عكس المتوقع
فاطمة : غاده انتى كويسه
غاده : ايوة يا ماما انا كويسه اهه
احمد : الحمد لله يا بنتى .. تعالا يا يحيى اتفضل
يحيى : انا عاوز مكان فيه هوا و بس
احمد : هههههههههههههههههه معلش حظكوا بأه
يحيى : الحمد لله علي كل حال
فاطمة : الحمد لله يبنى انك كنت مع غاده و الا كانت هتمو…..ت من الر….عب
احمد : اه و الله الحمد لله
ــــــــــــــــــــــــ
يرن هاتف منار
منار : الو
محسن : ازيك يا منار
منار : الحمد لله بس مين معايا
محسن : انا محسن
منار : اهلا انكل محسن .. خير
محسن : كنت عاوز اقابلك كمان شويه
منار : فين ؟؟
محسن : عندك في البيت
منار : ايوة بس
محسن : اتصلت بيوسف و استأذنت منه و هوا قال هيحصلنى علي عندك
منار : تمام اوي .. تأنس و تنور
محسن : ربنا يخليكى .. مسافة السكة

ــــــــــــــــــــ
فاطمة : يلا العشا جاهز
يحيى : ايوة بس
احمد : بس ايه مبسش انا اصلا جايبك عشان تتعشا معانا
يحيى : يا عمى انا
احمد : ولا كلمة انت لسا بتعتبر نفسك غريب ولا ايه
يحيى : لا طبعا
احمد : طب يلا قوم من سكات
يحيى : حاضر يا عمى
غاده : يلا بأه يا عم يحيى عصافير بطنى ماتت خلاص
احمد : خلاص خلاص جينا اهه يا مفجوعه
غاده : حرام عليكو جعت جعت
احمد : يا ساتر يا رب .. اقعد يا يحيى
فاطمة : بقولك ايه متتكسفش البيت بيتك .. ولا انت ناسي ان احنا بقينا نسايب
يحيى (بارتياح) : لا طبعا مش ناسي (و ينظر لغاده)

ــــــــــــــــــــــــــ
محسن : انا عاوزك تشتغلي معايا
منار (بفرحة) : اشتغل
محسن : ايوة .. انتى بنت ذكية و طموحة و كمان بنت بلدي و اقدر اثق فيكى
منار : ايوة بس اشتغل ايه
محسن : سكرتيرتى و همسكك بعض الاعمال القانونية و الشغل هيبقا في غير مواعيد الجامعه
نظرت منار ليوسف فأومأ لها بالموافقة
منار : اوك يا اونكل و انا موافقة جداااا