حكايه ابن 2 الاخير

يوسف : لسا بتكتكله .. و الباقي بأه امره سهل و دا دور الFBI

احمد : شكلك هتودينا في داهيه

يوسف : عييييييييب دا انا ابن احمد المصري بذات نفسه

احمد : امشي يا واد من هنا يلا

يوسف : هههههههههههه حاضر يا بابا .. سلام

و نظر الي منار بمزاح

يوسف : فضيتلك يا جمييييل

منار : يوسف متستهبلش

يرن هاتف يوسف مجددا

منار : ههههههههههههههههههههههههههههه

يوسف (بغضب) : و دينى لقافله

منار : هههههههههههههههههه اهدا بس

يوسف : انتى متفقة معاهم عليا

منار : بس اسكت دا يحيى

يوسف (بغيظ): ردى يختى ردي

منار : الو

سناء : ايوة يا حبيبتى

منار (بقلق) : ماما .. ايه يا ماما في ايه انتى لسا قافله معايا من شويه .. حصل حاجة ولا ايه

سناء : لأ بس انا اصلي كنت قلقانة من حاجة كدا و كنت عاوزه اسألك عليها

منار : اتفضلي يا ماما

سناء : يوسف جنبك

منار : يا ماما اتكلمى متخوفينيش

سناء : يوسف عامل معاكى ايه

منار : كويس جدا .. هوا دا بأه اللي قالقك

سناء : يا بت افهمى .. هوا طبعا بأه جوزك دلوقتى و قاعدين في مكان واحد و…

منار : آآآآآآه فهمتك .. لا يا ماما متخافيش (و نظرت ليوسف بامتنان) يوسف ملمسنيش

سناء : هوا اه بأه جوزك بس انتى عارفه بردو ان ..

منار (مقاطعه) : يوم ما افرح بالفستان الابيض وسط اهلي و اهله ساعتها هيكون جوزي بجد يا ماما .. يوسف جدع اووووي و ابن بلد و عارف الاصول كويس اوووي

يوسف لنفسه بهمس : انا بتثبت يا جدعان

سناء : طمنتينى يا بنتى الله يكرمك ياااا رب

منار : اطمنى يا ماما ..

سناء : طيب يا حبيبتى مع السلامة

منار : سلام يا حبيبتى

يوسف : كان فيه تلميح عليا صح

منار : تقريبا اه

يوسف (بسخريه و تقليد لصوتها) : يوسف جدع و ابن بلد يا ماما

منار : هههههههههههههههههههههه و اجدع واحد في العالم و الله

يوسف : مش هتثبت بردو

منار : براحتك

يوسف : يلهوي يانى ياامه

ـــــــــــــــــــــــــــــــــــ

يحيى : حضرتك احنا عاوزين قرار منك بمنع نشر اي حاجة عن القضية

النائب العام : علي حسب التقرير اللي قدامى ان وضع اختك اتحسن كتييير في القضية .. ليه عاوز توقف نشر اي حاجة تتعلق بيها

يحيى : لان اختى و جوزها في خطر ..

النائب العام : ممكن توضيح

حسام : هنفهم حضرتك

ـــــــــــــــــــــــــــــــــــ

عادل : عماد

عماد : ايوة يا بابا

عادل : ازاي كل حاجة تبقا باسم يوسف و انت متعرفش

عماد : استاذ محسن كان كتوم جدا يا بابا و انت عارف

عادل : او فيه حاجة غلط

عماد : بابا حضرتك تقصد ايه

عادل : اقصد انك يا معايا يا ضدي .. و قسما بالله انت لو ضدي انا ممكن انسفك قبل ما تفكر تضيع اللي انا بحاول اوصله

كانت علا تستمع لكل الحوار .. و بدا القلق يسايرها تجاه اخاها الذي تعلم جيدا انه يساعد منار و يوسف

قررت منار في نفسها ان تصنع شيئا ما و لكنها ابقته سرا في جوفها

عماد : انا مش ضدك يا بابا ولا هكون ضدك .. عن اذنك

و قبل ان يخرج عماد من البيت وصلته علي هاتفه رساله من اخته علا

“لو كنت رايح لمنار و يوسف متروحش .. بابا شاكك فيك و ممشي وراك حد”

عماد : هيا حصلت ..

ــــــــــــــــــــــــــ

وليد : قولي يا حفناوي .. قتـ,,,ـلته ليه

حفناوي (سكوت)

وليد : عبده خلاص اعترف عليك .. اتكلم يمكن تنفع نفسك

حفناوي : انا كنت عبد المأمور و بس يا بيه

وليد : و مين هوا المأمور ده

حفناوي : واحد امريكانى مش عارف اسمه يا بيه

وليد : و شكري عبد المقصود

حفناوي : شكري هوا اللي حاسبنى بعد العمـ,,,ـليه .. بس مش هوا اللي وزنى اعملها

وليد : غريبه .. و بعدين

حفناوي : ولا حاجة قتـ,,,,ـلته يا بيه

وليد : يعنى انت مجرد قا….تل مأجور

حفناوي : ايوة يا بيه

وليد : يا عسكري

العسكري : افندم

وليد : خده ع الحجز

ـــــــــــــــــــــــــــــ

يرن هاتف منار

منار : علا ازيك

علا : منار انا عاوزه اشوفك ضروري جدااا

منار : في ايه قلقتينى

علا : موضوع ميستناش

منار : طب تعالي يا علا انا مستنياكى

يوسف : في ايه

منار : مش عارفه .. بس علا قلقتنى .. عموما هيا جايه حالا

يوسف(بابتسامة ثقة) : يبقا اللي في بالي صح .. خليها تتفضل

 

#الحلقة الـ 31)

يرن هاتف منار

منار : علا ازيك

علا : منار انا عاوزه اشوفك ضروري جدااا

منار : في ايه قلقتينى

علا : موضوع ميستناش

منار : طب تعالي يا علا انا مستنياكى

يوسف : في ايه

منار : مش عارفه .. بس علا قلقتنى .. عموما هيا جايه حالا

يوسف(بابتسامة ثقة) : يبقا اللي في بالي صح .. خليها تتفضل

منار : يوسف انا ليه حاسة ان فيه حاجة غلط

يوسف : حاجة ايه

منار : دول حاجات مش حاجة

يوسف : ناخدها واحده واحده

منار : ليه جرجرتوا شكري لمصر ؟؟

يوسف : عشان هوا متهم بالتحر…يض في قضـ,,,ـية قتـ,,ـل

منار : طب و دايف ؟؟

يوسف : عشان ابعده عن رجالته هنا

منار : طب انا ليه حاسه انك تعرفه

يوسف : انا فعلا اعرفه

منار : منين بأه

يوسف : ابنه كان بيدرس معايا

منار : طب و دا مش خطر عليك

يوسف : دا مات يا منار

منار : مات ازاي

يوسف : المفارقه الغريبة انه مات بنفس السم اللي ابوه بيبيعه

منار : يلهوي

يوسف : متتخضيش كدا .. اللي زي ده معندوش قلب

منار : طب و انت تعرف المعلومات دي كلها منين ؟؟

يوسف : لازم تعرف عن عدوك كل حاجة .. دي قواعد اللعبة

منار : لما بتتكلم كدا بتخوفنى

يوسف : هههههههههههه لا خلاص متخافيش (و هم بالقيام)

منار : طب رايح فين طيب

يوسف (بغمز) : مش قولتلك استحليتيها

منار : اتلم

يوسف : رايح اغير هدومى

منار : اشمعنا

يوسف : الله مش صاحبتك جاية

منار (بحنق) : و انت لازم تتشيك يعنى

يوسف (بابتسامة) : الله .. بدأنا نغير بأه

منار : انا مش غيرانة و انا اغير من ايه

يوسف : اكبر دليل ان البنت بتكون غيرانه انها تيجى تيجى واخده وضعية الثقة بالنفس و تقولك ايه (و قام بتقليدها) انا مش غيرانة

منار (بغضب) : امشي من هنا يا يوسف

يوسف : اه و تيجى متزرزرة بعدها زيك كدا بالظبط

قامت منار بقذفه بالوسادات .. و لكنة تفاداها

منار (بصوت منخفض) : قال متزرزرة قال .. جابها منين متزرزرة دي

يوسف (من بعيد) : سامعك علي فكرة

ـــــــــــــــــــــــ

علي الطرف الاخر كان هناك ايضا من يؤرقه احساسه باجمل مشاعر الدنيا “الحب” .. مثل شمعه مضاءه .. تضئ حياه من حولها و تمنحهم السعاده .. تمنحهم الرؤيه .. تمنحهم النور .. و لكنها ايضا لا تبخل في ان تمنحهم الاحتراق .. الالم .. الخوف

في الهاتف ..

غاده : مالك يا يحيى .. صوتك مش طبيعي النهارده

يحيى (بتنهيده) : تعباااااااااااان .. تعبان اوي يا غاده

غاده : مالك بس .. احكيلي طيب

يحيى : اللي كان بيحصل الايام اللي فاتت دي .. و اللي لسا هيحصل .. حمل تقيل

غاده : قدها يا يحيى

يحيى : انا محتاجلك اوي علي فكرة

غاده : و انا جنبك اهه

يحيى : لا يا غاده انتى مش جنبي .. انت بعييييده اوي

غاده : مش لازم اكون جنبك بالمكان .. انا جنبك بروحى

يحيى : انا عاوز اشوفك

غاده : طيب هتيجى امتا ؟؟

يحيى : مش عارف .. بس انا عاوز خطوبتنا تبقي رسمى

غاده : ما انت قريت فتحتى مع خالي

يحيى : لا يا غاده ..نلبس دبل .. و نعمل حفلة .. نفرح شويه

غاده : في الظروف دي ؟؟

يحيى : الظروف بتتحسن و الله .. ع الاقل نلبس دبل بس و نأجل الحفلة لغاية ما منار و يوسف يرجعوا بالسلامة

غاده : مش عارفه .. طب اقترح علي خالي كدا و لو وافق انا موافقه

يحيى : طب اقولك مفاجئة

غاده : قول بسرعه

يحيى : انا جاي بكرة

غاده : جاي ليه

يحيى : انتى اتهبلتى يا بت .. جاي عشان عندي شغل

غاده : مقصدش بس مش انت من شوية قولتلي مش عارف جاي امتا

يحيى : عادي كنت عاملهالك مفجأه

غاده : و الله

يحيى : اه و الله

غاده : امشي يا يحيى من هنا

يحيى : مش ماشي

غاده : طب انا بأه هقفل في وشك و ابقا خلي مفاجئاتك تنفعك

و اغلقت الخط ..

يحيى : يا بنت المجنونه ..

و اعاد الاتصال مرة اخري ..

ـــــــــــــــــ

كانت علا تشعر في داخلها بعاصفة هوجاء .. ان وقفت الي جانب ابيها ستفقد انسانيتها .. و ان وقفت مع الحق ستكون بمثابة الابن العاق .. ضميرها يقودها في اتجاه .. و قلبها يقودها الي اتجاه اخر .. تماما

وقفت امام باب شقة منار و في عينيها اكبر احزان الدنيا .. باتت اصابعها في تردد هل تضغط علي الجرس ام لا .. و اخيرا استجمعت قواها و ضغطت

قابلتها منار بود و بالاحضان كالعاده

منار : اهلا يا علا .. ادخلي

علا : انا اسفه انى جيت كدا فجأه

يوسف : بتتاسفي علي ايه ؟؟ مفيش هنا الكلام ده

منار : مالك يا علا .. فيكى حاجة مش طبيعية

علا : انا اترددت كتير قبل ما اجى هنا .. بس كان لازم اجى

يوسف : طب بالراحة كدا حصل ايه

علا : بابا شك ان عماد بيساعدكو و مش هيسيبه في حاله

يوسف : دا ابنه .. هيئذي ابنه

علا : بابا عشان خاطر الفلوس ممكن يعمل اي حاجة

منار : يئذي ابنه

علا : هوا اكيد مش هيئذيه .. بس الاكيد بردو انه مش هيسيبه في حاله

يوسف : اقولك حاجة يا علا و متزعليش

علا : قول يا يوسف مش هزعل

يوسف : احنا لازم نبعد باباكى بأي طريقه .. وجوده بيهددنا كلنا

علا : ازاي مش فاهمة

يوسف : باباكى اخر اقوي حلقة وصل بين الشحنة و بين دايف .. لازم نقطعها

علا : طب و دايف نفسه هيروح فين ؟؟

يوسف : لا دا موضوع يطول شرحه .. خلينا في باباكى دلوقتى

علا : هنعمل ايه طيب

منار : يعنى هتبعده ازاي يا يوسف هتخـ,ـطفه مثلا

يوسف : برافو عليكى يا منار ..

علا : ايه هتخـ,ـطفه بجد

يوسف : هههههههههههههههههه لا مش هخـ,ـطفه هوا

علا : مش فاهمة

يوسف : هنخـ,ـطفك انتى يا علا

منار : يوسف انت بتقول ايه

علا : استنى يا منار .. يوسف انا عارفه انت تقصد ايه .. بس تفتكر ان بابا هيلتفت لي يعنى و يسيب كل حاجة .. انا مش مهمة عنده للدرجة دي

يوسف : خلاص نخليكى مهمه

منار : انا مش فاهمه

يوسف (موجها كلامه الي علا ) : ايه اكتر حاجة باباكى يترعب لو ضاعت او وقعت في ايد شخص غلط

علا ( قالت بحماس بعد قليل من التفكير) : اوراق الشحنة

يوسف (باهتمام) : و ايه اللي جاب اوراق الشحنة مع باباكى

منار : هيا شحنةمخدرات دي ليها ورق

علا : اه طبعا .. في طبيعه الشحنة و معادها و ارقام الصناديق اللي فيهم البضاعه .. دول مش بيلعبوا

يوسف : طب تعرفي تجيبيلي الورق ده .. احاول .. بس عرفنى انت ناوي علي ايه

يوسف : هقولك كل حاجة

ــــــــــــــــــــــــــ

تنهدت سارة و ضغطت بعض الارقام في لوحة مفاتيح هاتفها الجوال

سارة (في سرها) : استر يا رب

يرن هاتف دايف ..

دايف (لنفسه) : رقم مين ده .. و يقوم بالرد

دايف : الو

سارة : الو .. ازيك يادايف

دايف (بدهشة) : سارة ؟؟

سارة : ايوة يا دايف

دايف : انتى بتتكلمى منين

سارة : من مصر

دايف : انتى عارفه انا دورت عليكى اد ايه ؟؟

سارة : مش وقته يا دايف .. انت لازم تجيلي حالا

دايف : اجى فين .. انتو اللي لازم تيجولي هنا

سارة : احنا مش هينفع نيجى يا دايف .. انت اللي لازم تيجى و بأقصي سرعه

دايف : ايه اللي فكرك بيا بعد السنين دي كلها

ساره : صدقنى مكنتش اتمنى نجتمع تانى .. بس واضح انه القدر

دايف : انتى ليه بتتكلمى بالطريقه دي .. في ايه ؟؟ بنتى جرالها حاجة ؟؟

سارة : بنتك تعبانة اوووي يا دايفيد و لازم نلحقها بسرعه

دايف (بصدمة) : بنتى انا ؟؟