الروايه الجديدة ج الاخير

سألها بشار بهدوء قائلا

ناوية على إيه يا وچيدة

ردت وجيدة بإبتسامة ماكرة و قالت بشرود

كل خير

يا واد اخوي كل خير

ولج حسان من باب المنزل و الإبتسامة الخبيثة تزين ثغره قال بترحاب شديد

يا مرحب يا مرحب الحبايب كلهم اهني منورين يا ولاد

وقفت وجيدة تبعها بشار ابتسمت له و قالت بهدوء مريب

ديه نورك يا بوي

رد حسان بنبرة حانية

طالعة من خشمك كيف السكر كنت مستنيك ليا كاتير جوي يا وچيدة

جلست من جديد و قالت

كل آذان و له وجته يا بوي

تابعت بتساؤل قائلة

جل لي لياتك بتحرب ورا حسنة ليه

ملكيش صالح

لا ليا ديه خيتي جصدي بت اخوي

جلت لك اطلعي منيها الحكاية ديه

سأل بشار بعدم فهم و قال

في إيه يا چماعة مالها حسنة

ردت وچيدة وقالت بنبرة غاضبة

چدك بعت لها ناس يو لعوا في شجتها

رد بشار و قال بذهول

أنت بتجولي إيه و ناس مين ديه اللي راحت

اجابته وجيدة قائلة

بعت لها رچالة سرجوا منها دهابتها و فلوسها و بهدلوا أمها العاچزة و ياريت وجف لحد كده و بس ديه سلط اتباعه يولعوا في الشجة و كل اللي كانوا فيها ماتوا

اتسعت أعين بشار و قال پخوف و قلق

طب و حسنة چرا لها إيه

ردت وجيدة قائلة بهدوء

حسنة و ابن اختها بخير و ديه لأنهم كانوا عند الداكتور لو كانوا في البيت كان زمانهم راحوا و ياه اللي راحوا

أنت بتجولي إيه و عمر هناك بيعمل إيه هو السبب في ديه ! ما تفهموني في إيه بالظبط !

ردت وجيدة قائلة بهدوئه الذي لم يتغير حتى هذه اللحظة و قالت

عمر

راح ياخد عقد نص الدار بتاع چدك سالم

وقف بشار عن مقعده و قال پغضب جم

دار إيه و عقد إيه اللي بتتكلمي عنيه أنت خابرة بتجولي إيه !!

ابتسم حسان و قال و لأول مرة ليعلن عن وجوده

لو حد تاني حكى لي إن أنت وچيدة بتي مكنتش صدجت خابر إنك دريتي بكل حاچة بس مكنتش متوقع تبجي كيفي كده ذريتي كان لازم تتسلم مني العهد

هدر بشار و قال

عهد إيه اللي بتتحدوا عنيه ديه !

نظر له الجد حسان و قال

عهدنا يا بشار عهدنا اللي أنت خنته و شردت عننا و اني جلت و ماله خلي ياواد يشج طريجه ما هو لساته شاب و رايد يفرح بالدنيا كيف العيال الصغيرة

سألها بشار بدهشة و ذهول شديدان

أنت بجيتي وياهم يا وچيدة ردي علي

أجابه عمر و يلج من البوابة الداخلية و قال

سيبك من وچيدة و جل لي يا بشار كيف جادر تضحك علينا كلنا كده كيف جادر تكون بالوشين كيف جادر تبجى الخير و الشړ وياي بعض