خالد ج الاخير

الفصل السابع عشر ……………………….. انهى خالد قبلته الهدئه ناظرا لها فى عينيها ليرى رد فعلها. نظرت له فرح فى عينيه نظرات جامده دون ان تتكلم فسر خالد ذلك انها راغبه ايضا وراضيه عما حدث دون ارادة منه انحنى ليقبلها مرة اخرى ولكنها ابعدته عنها بقوه قائله:-مش خلاص اثبتلى انك تقدر توصلى فى اى وقت وانى ادامك لا حول لى ولا قوه انا بقى بثبتلك انى برده اقدر ارفضك فى اى وقت وانت ماتقدرش تجبرنى على حاجه ولو بتستخدم قوتك ضدى وفاكرنى ضعيفه تبقى غلطان يادكتور خالد. افاق خالد من حالة النشوه التى تسيطر عليه وهو معها على كلامها: -ايه يابنتى كلام الانشا ده انتى مفكره انك تقدرى تقفى قصادى انا هامشى عشان مش عاوز مشاكل فى بيت اهلى الناس اللى بره دى ناس طيبه وبيصدقوا اى حاجه وبيخلصوا مع اى حد حتى لو كان الحد ده رخيص. نظرت له فرح بحزن قائله: -ولما انا رخيصه مخلينى على ذمتك ليه طلقنى. خالد وهو يشير بيده الى بطنها: -وابنى او بنتى اللى فى بطنك اسيبه مع واحده زيك تربيه مصيرك مربوط بمصيرى مش هاسيبك الا فى حالتين ياموتك ياموتى فاهمه. ابتلعت فرح غصة اهانتها ورغم عنها تجمعت الدموع فى مقلتيها رافضه النزول: -حرام عليك اللى بتعمله فيه ده انت اكتر انسان عارف انا اتعذبت اد ايه انت كنت بالنسبه لى الرجل الوحيد اللى حسسنى بالامان والحب ليه ليه بتقسى. صمتت فرح ناظرة اليه ثم استرسلت بصوت هامس: -انا بكرهك وبكره كل الرجاله اللى فى الدنيا. رق قلب خالد لها من حالتها التى وصلت اليها بسببه هى توشك على الانهيار بفضله تنهد خالد بعمق وزفر الهواء بقوه: -انتى يابنتى ليكى عين تكرهينى كمان اللى زيك تحمد ربنا انها متجوزه واحد زى. ارادت فرح ان تنهى الحوار معه لافائده من الجدال: -من فضلك اخرج عشان عاوزه انام كفايه كده مش عاوزه اتكلم اكتر من كده. استرسل خالد بهدوء:-تمام نامى وارتاحى لحد لما اجى اخدك ساعتها هانتحاسب فى بيتنا سلام يامراتى الحلوه. ………………………. تركها خالد وذهب الى منزله طوال الطريق يفكر بها فى حالتها المزريه التى وصلت اليها كلماتها الصريحه بكرهها له اراداته التى تدفعه للتقرب منها وارادته ايضا تدفعه لجرحها هل يمكن ان تحب وتكره شخص فى آن واحد. اما فرح فقد نامت بمجرد ان وضعت رأسها على الفراش نامت نوما عميقا يجوز انه بسبب هرمونات الحمل. فى فيلا خالد ومى: كانت مى تنتظر عودة خالد الذى تأخر كثيرا وجدته يدلف من بابا المنزل. -حبيبى اتاخرت ليه. اتجه الى اقرب مقعد وجلس عليه: -عادى يافرح اتكلمت مع الجماعه شويه. نظرت مى له بأعين متسعه: -انا مى على فكره مش فرح. استرسل خالد بأسف: -معلش ياحبيبتى انا اسف والله اصل كنت بتكلم مع الهانم من شويه. جلست مى بجانبه واضعه يدها على كتفه: -ولايهمك ياحبيبى المهم انك معايا انت عارف انا بجد مستغربه تصرفات خالتى وجوز خالتى. نظر خالد لها بتفهم: -ماانتى عارفاهم طيبين اد ايه وبيصدقوا اى حد. نظرت له مى بحيره كأنها تريد ان تسأل شئ فبادرها هو قائلا: -عاوزه تقولى ايه يامى اتكلمى على طول. مى باستفهام: عاوزه اعرف انت كنت بتنام جمبها ولا لاء. خالد: من غير مااكدب اه بس انتى عارفه والله كان لازم تحمل يامى. مى: طب وانا ده مش حقى انا كمان. خالد وهو يقبل يدها: من النهارده هننام جمب بعض ياحبيبتى اتفقنا. اومات له مى بالموافقه فهى رغم هدوءها الا انها تستشيط غضبا من داخلها. مى: اوعدنى انك تفضل جمبى على طول ياحبيبى. خالد وهو يحتضنها: حاضر يامى اوعدك انى عمرى ماهظلمك ابدا انا عارف انك اكتر واحده مظلومه فى الحكاية دى كلها انا اسف هاعوضك صدقينى. مى وهى تشدد من احتضانه مبتسمه من نجاحه فى اكتساب تعاطفه معها: -انا بحبك اوى ومستعده اضحى بحياتى علشانك ياحبيبى. صعدوا سويا لغرفة مى نام خالد بجوارها فى الفراش ظل يتقلب يتذكر ايامه الجميله مع فرح ويتنهد بقوه كانت مى تشعر به ولكن فضلت الا تتحدث معه الى ان غلبه سلطان النوم ونام. ………………………………… فى صباح اليوم التالى ذهب خالد الى عمله قص على محمود ماحدث. محمود: يعنى فرح دلوقتى عند امك. خالد: يااخى امى دى غريبه اوى. محمود: والله ياعم انت اللى غريب ماخلاص انسى بقى وعيش دى هاتبقى ام ابنك. خالد: والله حاولت يامحمود بلاقينى افتكر اللي حصل غصب عنى بقسى عليها امبارح كانت فى قمة ضعفها ادامى رغم انها صعبت عليا بس لما بلاقيها بتقاوح وتفضل تقول بكرهك بلاقينى بجرح فيها. محمود: لا والنبى تقولك بحبك ياسى خالد مرمطنى واحبك حتى يابنى هيا لو ماديه وبتحب الفلوس الا انها اكيد عندها كرامه. خالد: ماعدتش عارف اعمل ايه من ناحيه فرح ومن ناحيه مى. محمود: ومالها مى كمان ماهى راضيه وماشيه تمام. خالد: صعبانه عليا اوى حاسس انها ياعينى عاوزه تعمل اى حاجه عشان ترضينى مجبره توافق على فرح مجبره على كل حاجه انا لازم اعوضها شويه. محمود: كان الله فى عونها بجد اتحرمت من الامومه ومجبره تشوف جوزها مع واحده تانيه. خالد: يالا نشوف شغلنا بقى كفايه كلام. ……………………… انهى خالد اعماله قبالة العصر واستعد للذهاب الى منزله وجد نفسه يقود سيارته باتجاه منزل والده. دلف خالد الى منزل والديه وجد والدته جالسه بمفردها فى صالة الاستقبال. عزه: خالد تعالى ياحبيبى. خالد وهو يتلفت حوله: ايه البيت ساكت ليه فين بابا. عزه بابتسامه: بابا برده اه بابا طلع يصلى العصر وهايقعد مع عمك عبده على القهوه. صمتت عزه لترى رد فعله. خالد: وفرح فين. عزه: من امبارح نايمه قومتها الصبح بصعوبه فطرت لقمتين ونامت تانى الظاهر حملها هايبقى نوم. خالد: طيب انا هادخل اصحيها عشان تاكل. عزه: اجهز الاكل على ماتصحيها. خالد: تمام ياماما. دلف خالد الى غرفته التى تقطن بها فرح وجدها نائمه فى نبات عميق جلس بجوراها على الفراش يزيح خصلات شعرها المتمرده من على وجهها أحست فرح بشئ على وجهها فتحت عينيها ورأت خالد جالس الى جوارها. خالد: كل ده نوم اليوم خلص قومى بقى. فرح وهى تدير نفسها الناحية الاخرى بعيدا عنه: -انا عاوزه انام سبنى لو سمحت. ازال خالد الفراش من عليها قائلا بحده: -انتى هاتفضلى نايمه وماتاكليش انتى بتستهبلى صح عاوزه تموتى اللى فى بطنك وتخلصى بس مش هاتخلصى منى احب اطمنك. نهضت فرح من الفراش مرة واحده جاءت ان ترد عليه ولكنها احست بدوار فى رأسها وضعت يديها على رأسها خائفه ان تقع ولكن خالد احتضنها بسرعه قائلا: -براحه وانتى قايمه انتى حامل ضغطك وطى وممكن يغمى عليكى. ظلت فرح قابعه فى احضانه لانها بحق لاتقوى على دفعه حتى تعود الى طبيعتها وما ان احست انها بخير حتى تملصت منه بهدوء وهو ايضا تركها بسهوله. أخذت فرح الشرشف الخاص بها وتوجهت الى المرحاض دون ان تنطق بكلمه هو يشعرها بالدونيه وهى معه نوت انها لن ترد عليه حتى لايزيد ويطيل فى الكلام معها. نظر خالد الى اثرها الفارغ متنهدا بقوه على حالتها الحزينه. خالد بتنهد: استغفر الله العظيم من كل ذنب عظيم. عزه: خالد ياخالد تعالى يابنى يالا عشان تتغدوا انا هاروح اريح شويه وانت كل انت وفرح واكلها يابنى دى اكلها ضعيف اوى. خالد: روحى ياماما وماتقلقيش عليها اوى كده مش هاكلها. عزه وهى تذهب الى غرفتها: ربنا يهديك يابنى. خرجت فرح من المرحاض توجهت الى الغرفه التى تقيم فيها لم تجده حمدت الله انه ذهب صلت فرضها وابدلت ملابسها بقميص قطنى يصل الى تحت ركبتيها وباكمام طويله من اللون السماوى برسمة دب من المنتصف. كان خالد قد ذهب الى صلاة العصر فى المسجد المقابل لبيتهم عاد مره اخرى الى البيت وجدها تمشط شعرها. خالد: يالا عشان تتغدى. تفاجأت فرح بخالد امامها وظهر ذلك على وجهها. خالد: ايه اتخضيتى كده ليه شفتى عفريت. فرح: بحسبك مشيت. خالد: طبعا تتمنى ده انا كنت بصلى تحت فى الجامع قومى نتغدى سوى ومن غير اعتراض عشان صوتى مايعلاش. نهضت فرح من المقعد ورأى خالد القميص القصير الذى ترتديه. خالد وهو يوقفها: انتى بتطلعى بره كده. فرح: وفيها ايه يعنى. خالد: انتى غبيه يابنتى بابا ممكن يدخل فى اى وقت. فرح بتمادى فى الكلام: عادى ماهو زى والدى وبعدين ماهو بكمام طويله اهو. خالد وهو يشير الى سيقانها: وده ايه يامدام بتزكى عن صحتك. استرسل خالد بغضب: اتفضلى غيرى الزفت ده مش مسموح لحد غيرى انا يشوفك كده البسى بيجامه بكمام وواسعه. فرح وهى تحاول تخطيه: انا هاخرج كده يااما مش خارجه واللى انت عاوز تعمله اعمله. أمسكها خالد من زراعها بقوه ضاغطا عليه بأعلى قوته: ماتعانديش والا قسما عظما لهتشوفى منى وش عمرك ماشوفتيه. رفع خالد يده الاخرى ليمسك ذراعها الاخر ظنته سيضربها فتكومت على نفسها قائله بانفاس لاهثه ووجه مرعوب: -خلاص ماتمدش ايدك عليا الله يخليك والله هاعمل اللى انت عاوزه بس سيبنى ارجوك سيبنى. وهنا بكت فرح بشده متذكره ماكان يفعله لها فى السنوات الماضيه لقد اصبح لديها فوبيا من الضرب. تعجب خالد من رد فعلها وهلعها المبالغ فيه بل وصل الامر الى ارتعاشة جسدها كانت تخفى وجهها بكلتا يديها وتبكى بشده. خالد وهو يحاول طمانتها: والله ماكنت هاضربك انا كنت هامسك ايدك التانيه. لم يستطع خالد التماسك امامها لذا توجه الى الخارج قائلا:-انا هاستناكى بره عشان ناكل غيرى هدومك وتعالى. بعد عدة دقائق ارتدت فرح منامه واسعه كما طلب منها كانت عيناها حمراء من أثر البكاء جلست تأكل معه فى صمت دون ان تتحدث وهو ايضا فضل ان يصمت فالصمت احيانا كثيره ابلغ من الكلام ماهى الا عدة لقيمات حتى قالت فرح:-الحمد لله شبعت. خالد: ماكلتيش كتير اقعدى كملى لازم تهتمى بصحتك. فرح: ارجوك مش قادره. خالد: يابنتى انتى دلوقتى جواك روح بتاكلى انتى المفروض لاتنين ولا عاوزه بنتى تبقى مسلوعه. فرح بدهشه: بنتك. خالد بابتسامه: اه نفسى فى بنت اوى دى هاتكون حبيبتى. فرح: يعنى انت مش عاوز ولد. خالد: انا بحب البنات اكتر حنينين وعساسيل اوى يارب تبقى بنت هاحبها اكتر حد فى الكون. كان خالد يريد ان يفتح حوار معها حتى تأكل ولكن فوجئ انها نهضت من على طاولة الطعام ولم تتحدث ذهبت الى الغرفه وارتمت على الفراش تبكى بشده تذكرت كيف كان يعاملها والدها وكيف كان يرى انها ابتلاء من الله ابتلى به كيف لم يشعرها بالامان يوم واحد من ايام حياتها كيف حبسها حين علم علاقتها مع خالد بل وجلدها حتى ترضخ لامره. ذهب خالد اليها وجدها تبكى بحرقه وتشهق بشده. خالد: فيه ايه مالك يافرح انتى تعبانه اوديكى المستشفى. فرح وهى تبكى وتخفى وجهها: ارجوك سيبنى لوحدى مش عاوزه اتكلم ارجوك سيبنى. كان خالد يحاول ان يجد تفسير لما يحدث فتذكر ان حديثه معها كان عن تمنيه ان يحصل على طفله منها هل يمكن ان تكون تبكى لذلك. خالد: طيب انتى زعلتى انى عاوز بنت ولا ايه. فرح وهى تنهض من موضعها وتنظر اليه ببكاء: كان نفسى يبقى لى اب يحبنى زي ماانت هاتحب بنتك قولى انا ليه مافيش حد حبنى تفتكر انا عملت ايه عشان ربنا يعاقبنى كده مش ربنا خلقنا عشان نبقى سعدا ليه انا مش بفرح ليه قولى ليه. لم يتمالك خالد نفسه سوى وهو يجذبها الى احضانه ورغما عنها احتضنته فرح فهى بحاجه الى العناق فى ذلك الوقت. خالد ممسدا على ظهرها بحنان: خلاص اهدى ماتعيطيش اهدى. كان خالد يتكلم بهدوء معها الى ان استجمعت نفسها ابتعدت عنه قائله الفصل الثامن والتاسع عشر …………………… -عارف اصعب حاجه ايه انك ماتلاقيش حد يحضنك ولما تحتاج حضن يقويك ماتلاقيش الا انسان كل heme يدمرك وبكرهك انا اسفه على الحضن ده بس صدقنى كنت محتاجه ليه. قالتها فرح بنبره حزينه ضعيفه يظهر فيها الانكسار والضعف لم يجيب خالد عليها لم يعرف ماذ يقول فى موقف مثل هذا لذا لاذ الى الصمت فبادرته فرح قائله: -لو سمحت سيبنى لوحدى عاوزه انام مش قادره اتكلم مع حد بالاخص انت لو سمحت. خالد بهدوء: طيب انا هامشى واسيبك ترتاحى بس ياريت ماتفكريش فى اى حاجه بكره الزمن يداوى جرح كل واحد فينا. لم تجيبه فرح لذا خرج من الغرفه واغلق عليها الباب لاذت هى الى الفراش لتهرب بالنوم عما يجول فى صدرها من آلالام. ………………………………. ذهب خالد الى منزله جلس على احد الارائك فى شرود تام أتت اليه مى. مى: مالك ياحبيبى ساكت كده ليه فيه حاجه مضايقاك. خالد: فرح حالتها وحشه اوى انا خايف اكون ظلمتها وخايف على اللى فى بطنها. مى وهى تنهض من جواره بعنف: قول انك خايف عليها هى ماهو اصل الرجاله كده مش بيحبوا الا اللى بيجى عليهم طبعا الهانم بتمثل تانى عليك وتوصف لك اد ايه هى بريئه ماهو دلوقتى انت الدكتور خالد صاحب الشركه مش خالد ابن السواق وطبعا بما انك شهم هاتنساق وراها وهاتصعب عليك وهى طبعا اللى هاتكسب لانها اللى حامل انما انا عاقر ياخالد عاقر استنى هنا انت هناك طول النهار مش قادر على بعدها للدرجه دى. نهض خالد من موضعه واتجه اليها: مى افهمينى انا وجة نظرى فى فرح ماتغيرتش ومش معنى انها صعبانه عليا انى كده نسيت اللى حصل انا بقولك حالتها صعبه وهى حامل. مى بهدوء: اعمل اللي انت عاوز تحمله ياخالد بس فى الاخر ماتجيش تندم لو آمنت لها تانى. تركته مى وذهبت الى الاعلى بعد جرعتها من الكره التى لفظتها للتو فى وجهه. ………………………… فى اليوم التالى ذهبت عليه للقاء مى فى منزلها. مى: البيه سايبنى امبارح طول النهار وراح هناك وجاى يقولى فرح حالتها صعبه اوى يامى انا عاوزه اعرف هو مفكرنى اخته وبيفضفض معاها. عليه: البت دى شكلها مش سهله وهاتلف عليه. مى: لا هى ضعيفه انما هو ياماما اللى بيجرى وراها منين ماتكون. عليه: يابت اصبرى بس لما تولد وانا هاطفشها لك وتاخدى انتى العيل تربيه وهاتقولى امى قالت. مى: قلبى محروق ياماما بحبه اوى وهو… قاطعتها والدتها: بيحبك وبيموت فيكى انتى النهارده تكلميه وتقولى له تعالى نتغدى عند خالتك عزه وانا هاقابلك هناك وهاعرفك هانعمل ايه معاها لما نروح. مى: تمام. ……………………………………. فى منزل فتحى الراوى: كانت فرح وعزه جالستان فى غرفة الاستقبال يتسامرون ويضحكون كانت عزة تمتلك روح الفكاهه جعلت فرح فى حاله من السعاده. فرح: بجد ياماما عزه ماكنتيش بتعرفى تطبخى. عزه: يااختى دا انا كنت بشيط الرز على طول واخبيه من عمك فتحى بس هو كان بيقولى اى حاجه من ايديك حلوه ياعزه لحد مااتعلمت. فرح: بس بصراحه اكلك تحفه ياماما. عزه: الخبره يابنتى اى حاجه بتيجى بالخبره. فرح: اقولك حاجه انا بعرف اطبخ حلو سيبينى النهارده انا اطبخ. عزه: وخالد رايه ايه فى طبيخك. فرح: الشهر اللى قعدناه سوى كان بيجيب اكل من بره وبيجيب ست تنضف البيت كان عاوزانى ابقى متفرغه ليه بس كنت بحضر حاجات خفيفه فطار عشا معلبات يعنى كان عاوزنى احمل بسرعه الظاهر ماكنش طايقنى. عزه: مش عاوزاكى تزعلى منه عشان خاطرى وبكره الزمن يداوى اللى حصل. فرح: ممكن مانتكلمش فى الموضوع ده انتوا بعيد عن اى حاجه بينى وبين خالد وصدقينى هايجى يوم وهاتعرفوا كل حاجه. عزه: احكى يابنتى فضفضى. فرح: هاعرفك بس لما اقرر هاعمل ايه انا وخالد ساعتها هو وانتوا هاتعرفوا كل حاجه بس اللى بأكده ليكى انى والله مظلومه وحبيبت ابنك بجد. عزه: على فكره هو كمان بيحبك مابيجيش كده فى وسط اليوم زى ماجه امبارح وداخل عينه بتدور عليكى. هنا دق جرس الباب كانت عليه هى القادمه. عليه: ازيك ياعزه عامله ايه يااختى. عزه: تعالى ياعليه مااحنا كنا سوا فى السوق من يومين لحقت اوحشك. هنا لمحت عليه فرح: ازيك يابنتى انتى مين. عزه: دى فرح يعنى مى ماحكتش ليكى. عليه: اه انتى بقى فرح ازيك يابنتى وازى حملك ربنا يقومك بالسلامه ونفرح كلنا بالنونو. عزه: يارب ياعليه يارب. عليه: اعملى لنا كوبيتين شاى ياعزه الا الواحد مصدع ياختى. عزه: من عينيا ياقلب اختك. ذهبت عزه لتحضير الشاى وجلست عليه بجوار فرح. عزه: انتى عسل يافرح ماشاء الله زي مامى وصفتك ماتعرفيش مى فرحانه ازاى انك حامل. فرح: فرحانه انى حامل. عزه بخبث: طبعا مش هاتكون ام ابنك او بنتك ربنا يقومك بالسلامه. فرح: ام ابنى ازاى وانا هاروح فين ياطنط. عليه: ماانتوا الاتنين هاتربوه سوى زي ماخالد قال وخالد برده قال ممكن يسيب الطفل ده لمى وانتى تجيبى واحد تانى ليكى. فرح: تانى ايه وتالت ايه ياست انتى وانا هاسيب لكم ابنى عادى كده ثم ان خالد يقول اللي هو عاوزه المهم انا عاوزه ايه. عليه: بس خالد مافهمناش كده. فرح: فهمكوا ايه ان شاء الله. عليه: من غير زعل يابنتى انتى زي بنتى قال انك طماعه وممكن توافقى تسيبى العيل مقابل قرشين عشان كده عرفتك بكلامه دا لو عرف انى قلت لك هايقاطعنى ارجوكى يابنتى ماتعرفهوش اى حاجه وخلاص بنتى بقى ده قدرها انها ماتكونش ام وممكن خالد يسيبها ويفضل معاكى عشان هاتكونى ام ولاده. فرح وهى تنهض من جوارها: اطمنى انا مش ناويه اكمل معاه ومش هاسيب ابنى لحد وماتخافيش مش هاعرفه حاجه من الكلام اللي قلتيه لانه ببساطه هاينكر بعد اذنك. ذهبت فرح الى غرفتها ولكن الغريب انها لم تبكى كأنها اكتسبت حصانه ضد البكاء اما عليه فابتسمت ابتسامه شيطانيه لنجاح خطتها التى خططتها مع مى. ………………………… فى شركة خالد: خالد: انا هامشى النهارده بدرى ياحوده تمام. محمود: خير ياخالد فيه حاجه. خالد: هاروح اتغدى عند ماما. محمود: شايف رجلك خدت على المرواح عند ماما. خالد: مى يابنى كلمتنى وقالتلى ان خالتى رايحه ونتقابل كلنا هناك نتغدى سوا. محمود: يعنى بذمتك مش رايح عشان تشوف فرح. خالد: ماانكرش انى فعلا عاوز احشوفها بس لازم اقتل اى احساس جوايا ناحيتها كفايه عليها تكون ام ابنى او بنتى. محمود: يعنى نويت تعمل هدنه. خالد: انت يعنى شايفنى ماسك السيف وبحارب. محمود: عاتبتك ولا لسه على اللي عملته معاها. خالد: متجنبانى من وقت ماخرجت من المستشفى مش بتفتح فى اى حاجه وقت تقول بكرهم وقت تقول طلقنى. محمود: ممكن تكون فعلا كرهتك. خالد: كنت انا كرهتها يامحمد لو حبتنى بجد مش هاتكرهنى فى يومين ومن موقف حصل. ………………………. أتى وقت الظهيره وذهب خالد الى مى وأخذها وذهب الى بيت والدها كان قد هاتف والدته انه قادم اليهم وجهزت والدته مالذ وطاب لهم. فى بيت فتحى الراوى: بعد تبادل السلامات والتحيات: عزه: ازيك يامى يابنتى واحشانى. مى: وانتى ياخالتى واحشانى اوى. كان خالد يبحث بعينيه عنها ورأت مى ذلك بنفسها علمت ان خصمها ليس بهين. خالد: امال فرح فين ياماما. كانت مى فى أوج غضبها هى وعليه ممايحدث. عزه: كانت قاعده والله كويسه رحت اعمل شاى جيت لاقيتها نامت. عليه مقاطعه: ماانتى عارفه الحمل ياعزه فى الشهور الاولى وخم بقى والواحدة عاوزه تنام. خالد: هادخل اطمن عليها. دلف خالد الى فرح تاركا وراءه مى وعليه يشتعلان من الغضب منه. وجد فرح جالسه على الفراش ضامه ركبتيها الى صدرها صامته صمت مخيف. خالد: عامله ايه. نظرت له فرح بجمود: كويسه. خالد: تعالى يالا عشان تتغدى ماما بتجهز الغدا. فرح: هابقى اكل بعدين روح انت كل. خالد: مايصحش خالتى ومى بره هايقولوا ايه. نهضت فرح من موضعها ووقفت بالقرب من خالد: هايقولوا ايه غيرانه عاوز توصل لكده. خالد: ممكن فعلا حاجه زي كده تتقال. فرح: انت بالنسبه لى ياخالد خلاص انتهيت وطلاقى منك مسألة وقت انا حتى مش قادره ابص فى وشك لو عندك كرامه طلقنى بهدوء. جذبها خالد من ذراعها بقوه: عندى كرامه ومش هاطلقك ووشى اللى مش عاوزه تشوفيه ده هاترجعى تشوفيه على طول لانك هاترجعى معايا النهارده بيتنا وكلمه كمان وهاخلى الناس اللى بره دى تتفرج عليكى وانجزى يالا عشان تطلعى. هنا جاء صوت عزه ينادى عليهم لان الطعام جاهز. خالد: اظن سمعتى ماما بتنده يالا واعملى حسابك بعد الغدا هانروح. خرج خالد وتركها ولكنها خافت من تهديده ان يأخذها الى بيتهم لاتريد ان تكون معه بمفردها لذا خرجت لتناول الغداء فى صمت بعد ان القت تحية السلام عليهم وجدت مى جالسه بجوار خالد. مى: كل ياحبيبى انت طول النهار بتشتغل. خالد: باكل اهو يامى كلى انتى. كانت فرح تعبث فى طبقها ولا تأكل شئ كان خالد عيناه معلقتان بها رفعت عينها وجدته يشير الى الطعام بعينيه لكى تأكل تجاهلته فرح وظلت تعبث فى طبقها. فرح: الحمد لله شبعت. عزه: ماكلتيش حاجه يابنتى طبقك زي ماهو. فتحى: كملى يابنتى اكلك انتى حامل. فرح: خلاص ياماما شبعت مش قادره. خالد بجمود: اقعدى كملى اكلك انتى حامل. فرح معانده له: بعد اذنكوا هادخل ارتاح. ذهبت فرح الى غرفتها انتهى الطعام اخبر خالد مى ان تذهب الى والدتها وسيمر عليها لكى يصطحبها الى منزلهم فى المساء لانه سيرجع فرح الى منزلهم علمت مى ان خالد يريد ان يعاقبها وانه مشحون من ناحيتها. دلف خالد الى الغرفة وجد فرح نائمه على الفراش: قومى غيرى هدومك عشان اروحك. فرح: مش عاوزه اروح معاك عاوزه افضل هنا. خالد: الظاهر انتى ماتعرفيش يعنى ايه جواز ولا ارتحتى على كده وفكرتى امى الخدامه بتاعتك. فرح وهى ترمى الغطاء بعنف على الارض: انا عاوزه اقعد هنا مش عشان مامتك تخدمنى لاء عشان انا بحبها وكمان انا مش عاوزه اعيش معاك فى مكان واحد لان زي ماقلت لك مش طايقاك روح اقعد مع مراتك الطيبه وسيب الشريره فى حالها. خالد بتنهيده: الحكايه بقى حكاية غيره على العموم مراتى الطيبه ماليه عينى فعلا بس ده مايمنعش ان الواحد بيحب يرمرم كل فتره. لم تدرى فرح بنفسها سوى وهى تصفعه على وجهه: انا مش رمرمه ياخالد انا فرح السيد منصور. لم تدرى فرح بنفسها سوى وهى تصفعه على وجهه: أنا مش رمرمه ياخالد أنا فرح السيد منصور. جحظت عين خالد من فعلتها، وعلى الرغم من أن يدها لم تؤلمه إلا أنه كان فى أوج غضبه. أمسكها خالد من ذراعيها بقوة وألصقها فى الحائط المقابل حتى أنها تألمت من ارتطام ظهرها بالحائط وتأوهت، صاح بها قائلاً بغضب يكاد يفتك بها: لمى هدومك بسرعة ومن غير كلام عشان هانمشى حالا ومن غير ماحد يحس بحاجة. كانت فرح ترتعش بين يديه خائفة بشدة، وجهه لا ينذر أبداً بالخير حتى أنها بكت دون إرادة منها: أرجوك سيبنى أنا أسفة والله انت اللى نرفزتنى، أرجوك والله أنا أسفة ماتعملش فيا حاجة. خالد بجمود: سمعتى أنا قلت ايه؟ حالا غيرى واخرجى، ولو ماطلعتيش هادخل اجيبك وتروحى باللى عليكى. غادر خالد الغرفة صافعاً الباب خلفه بقوة. كانت والدته بالخارج تنتظره: فيه ايه يابنى بترزع الباب كده ليه؟ معلش ياحبيبتى هو اترزع غصب عنى، احنا هانمشى هانروح بيتنا. مالك ياخالد انت وفرح مش عاجبنى نظراتكم لبعض؟ انسى بقى يابنى وعيش. ماما أرجوكى مش عاوز اتكلم فى الموضوع ده، وياريت ماتشجعيش الهانم على القعدة هنا، هيا ليها بيت ولازم تتعود يعني ايه جواز ومسئولية. عند فرح، كانت فى حالة من الرعب لا يرثى لها، مئات الأفكار جاءت إلى عقلها، هل يمكن أن يؤذيها لمجرد تذكرها ما كان يحدث لها؟ حتى بدأ جسدها فى الارتعاش وظلت تبكى بشدة دون إرادة منها، خائفة منه بشدة. تعجب خالد من تأخرها، ودلف إليها وجدها مازالت على هيئتها جالسة على الفراش تبكى: انتى لسه قاعدة؟ انتى حرة. جذبها خالد بقوة من رسغها إلى الخارج، كانت ترتدى منامة قطنية بأكمام طويلة من اللون الرمادى الداكن. اندهشت عزة من هيئتهما، خالد يجرها خلفه وهي تحاول أن تتملص منه: امشى يالا. فرح ببكاء وهي تستنجد بعزة: ماما عزة خليه يسيبنى أرجوكى ياماما. فيه ايه يابنى سيب البنت عيب كده، هاتصل بأبوك يجى لك ماينفعش كده، هاتنزل بيها بهدوم البيت وشعرها باين. تنبه خالد إلى هيئتها: البسى الزنط على شعرك، أنا قلت لك البسى وانتى حرة بقى عشان تكسرى كلامى بعد كده. فرح ببكاء: أرجوك سيبنى وهاسمع الكلام بعد كده أرجوك. محاولات فاشلة من عزة وفرح، لم يتراجع عن رأيه، جذبها وراءه بشدة، كان يسير بخطوات سريعة حتى أنها كادت أن تقع عدة مرات إلى أن وصل إلى سيارته، فتح باب المقعد الأمامى وأجلسها فيه، كانت تبكى وجسدها يرتعش حتى إن بكاءها أغضبه: اخرسى بقى، انتى كمان اللى بتعيطى؟ لينا بيت نتحاسب فيه. كانت فرح تكتم شهقاتها وهو لاحظ ذلك، تعجب من هلعها وخوفها الشديد، كل شئ فيها يثير فضوله ليعرف لماذا ذلك الخوف المسيطر عليها. وصل خالد إلى منزلهم، وما إن أوقف السيارة حتى نزلت فرح وركضت بعيداً عن الفيلا، ولكن خالد تدارك الموقف وركض وراءها حتى وصل إليها وأمسكها من ذراعها بغضب جم: لا انتى فعلاً اتجننتى! انتى عاوزه تهربى كمان؟ انتى عبيطة يابنتى؟ فرح ببكاء وصوت متقطع يكاد لا يفهم: أرجوك ماتعمليش حاجة أنا أسفة، أسفة والله أسفة. استطاع خالد أن يجمع كلماتها ويفهمها، لم يرد عليها، جذبها خلفه إلى داخل الفيلا وترك يدها قائلاً بصوت عالٍ: يعني مديتى ايدك عليا وكمان عاوزه تهربى، والبجاحة إنك مش عاوزه تتحاسبى كمان! اقترب خالد منها، ظنت أنه سينال منها، لذا تكومت على نفسها ووضعت يديها أمام وجهها كأنها تدافع عن نفسها، تعجب خالد منها ومسح وجهه حتى يهدأ: انتى غبية! أغبى إنسانة شوفتها فى حياتى، اعمل فيكى ايه؟ اسمعى، انتى هاتعيشى هنا فى بيتك زيك زي أي زوجة، هاتطبخى وتكنسى وتغسلى، ده بالإضافة لحقوقى كرجل مش من حقك أصلاً إنك ترفضى. مافيش خدامين، مافيش واحدة هاتيجى تنضف، مافيش دليفري، انتى هاتكونى ست البيت، اتفضلى على أوضتك عشان مااتهورش عليكى. كانت فرح تنظر له فى صمت، لا تتحدث، فقط دموعها من تتحدث بدلاً عنها. صعدت إلى الأعلى، كانت منهكة بشدة وتريد الاسترخاء، ذهبت إلى المرحاض واغتسلت وحمدت الله أنه يوجد لها بعض الملابس فى الفيلا. أبدلت ملابسها بقميص قطنى أبيض به نقوش حمار نصف كم يصل إلى تحت الركبتين وذهبت إلى الأريكة التى تقابل الفراش ونامت عليها، فهي لن تشاركه الفراش بعد اليوم. فى الأسفل كان خالد يتحدث مع مي: معلش يامى خليكى عند خالتى النهاردة وبكره هاعدى عليكى. فيه حاجة ولا ايه ياخالد؟ بكره هافهمك، اقفلى بقى، سلام. أنهى خالد محادثته القصيرة مع مي وصعد إلى الأعلى، وجدها نائمة على الأريكة. تنهد خالد بغضب ووقف بجانب الأريكة: قومى نامى على السرير، أنا عارف إنك مانمتيش. فتحت فرح عينيها قائلة بهدوء: معلش سيبنى النهاردة بس هنا أرجوك، أعصابى تعبانة ماتضغطش عليا. قومى حالا. فرح وهي تجلس على الأريكة: قلت لك مش عاوزه أنام جمبك، هو بالقوة؟ جذبها خالد من يدها بقوة ناحية الفراش، ولكن فرح كانت تتملص منه بقوة إلى أن استطاعت أن تنزع يدها منه، ولكنها وقعت على الأرض واصطدمت جبهتها بالطاولة الصغيرة التى تقابل الأريكة، أدى ذلك الارتطام إلى جرح عميق فى جبهتها ينزف بشدة على وجهها. خالد وهو يتوجه إليها بلهفة حينما رأى الدماء: فرح ايه ده؟ انتى بتنزفى! فرح وهي تتراجع إلى الخلف بخوف من خالد: سيبنى ماتحطش ايدك عليا، امشى وسيبنى بقى. انتى بتنزفى يافرح، أرجوكى اهدى اهدى، نروح مستشفى الأول وهامعلك اللى انتى عاوزاه، قومى معايا. ظلت فرح تتراجع إلى الخلف واضعة يدها على الجرح. خالد وهو يقترب منها بحب وهلع فى آن واحد: سيبنى أشوف الجرح أرجوكى، أنا خالد يافرح عمرى مهأذيكى صدقينى. تركته فرح يرى الجرح، لم يكن كبيراً ولكنه كان عميقاً، جذب خالد منديلاً ووضعه على الجرح: هاجيب علبة الإسعافات هاطهره وأغطيه. ذهب خالد إلى المرحاض وجلب علبة الإسعافات الأولية، طهر لها الجرح ووضع عليه لاصقة طبية، كانت فرح مستكينة بين يديه فقط تبكى بصمت. قومى يالا عشان نروح المستشفى، لازم الجرح ده يتخيط غرزتين. ما إن سمعت فرح هذا الكلام حتى قالت بخوف: أرجوك مستشفى لأ، سيبه هايلم لوحده. خالد بهدوء: فرح، أنا مش عارف الحالة اللى انتى فيها دى ايه اللى وصلك ليها، بس صدقينى لازم غرزتين، مش هاتحسى بحاجة، أنا معاكى مش هاسيبك. فرح ببكاء وهي تضع رأسها بين ركبتيها: انت.. انت ايه ياخالد؟ انت السبب فى اللى أنا فيه، حرام عليك سيبنى بقى حرام. خالد محاولاً تهدئة نفسه: طيب تعالى نروح المستشفى ولما نيجى نتناقش مين السبب، قومى يالا هاساعدك تغيرى هدومك. انصاعت فرح لأمر خالد فقد كان يتكلم وكأن صبره بدأ على النفاد. أخرج لها خالد عباءة سمراء اللون، ساعدها فى ارتدائها وارتدت فرح حجاباً وذهبوا إلى المشفى. ……………………. فى بيت علية: يابت ماقالش هايبات عندها ليه؟ ماأعرفش ياماما، كل اللى قاله لما يجى بكره هايفهمنى. صوته كان عامل إزاى؟ كان مضايق. بس اكيد هيا نكدت عليه وزمانه وراها. مش أسلوبه على فكرة، خالد ده جدع بجد وشهم، وكمان هي لو كانت حكت كان زمانه قالى. اه فاتتنى دى. ……………………. فى بيت فتحى الراوى: يعني ابنك خدها بهدومها اللى عليها؟ معقول خالد يعمل كده؟ كان مش طايق كلمة من حد وهى مش عاوزه تروح معاه، وهو مصمم ياخدها وتقريباً قالها لو مالبستيش هاخدك كده وجرها وراه ياحبيبتى وهى بتعيط. مااتصلتيش بيا ليه؟ البلاوى دى كلها تحصل من ورايا؟ والله ياأبو فتحى كله حصل فى مسافة دقايق. البت كانت مستورة ولا لابسة ايه؟ اه كانت لابسة بيجامة بأكمام وواسعة، وهو لبسها الطاقية بتاعتها على شعرها. برن عليه قافل موبايله، بس لما أشوفه، من امتى واحنا بنعامل بنات الناس كده؟ مهما كان اللى عملته ماينفعش اللى عمله. ……………………….. فى المشفى كان خالد واقفاً بجوار فرح ممسكاً بيدها ليعطيها الدعم النفسى إلى أن انتهى الطبيب من خياطة الجرح. كانت فرح تشعر بمشاعر حزن طغت على جميع جوانب نفسها، رغم ما بها من جروح هو السبب فيها إلا أنها تمسكت بيده لأنها لا تجد يداً أخرى تتشبث بها، على الأقل هو ظل معها، أما غيره فكان يرسلها إلى المشفى مع الخدم ويتركها حتى تعود أيضاً مع الخدم. الطبيب: الجرح بسيط خالص، أنا خيطته بخيط تجميل، اسبوع وتعالوا نفك الغرز. متشكر أوى يادكتور، فيه هنا دكتورة نسا؟ أصل المدام حامل وعاوز أطمن عليها. اه فيه دكتورة هند موجودة فى الدور التالت. تركهم الطبيب ورحل، تحدث خالد إلى فرح: تعالى يافرح نروح نطمن على الجنين. سارت معه فرح إلى طبيبة الأمراض النسائية فى صمت، هي أيضاً تريد أن تطمئن على طفلها. وبعد انتهاء الكشف: الحمل كويس أوى، بس انتى لازم تتغذى كويس. مش بترضى تأكل يادكتورة. لا يامدام فرح، الطفل محتاج تغذية، انتى كده بتظلميه وبتظلمى نفسك. تحدثت الطبيبة مع فرح وخالد وكتبت بعض الأدوية لفرح، وأخذها خالد وذهب إلى أقرب مطعم لكى تأكل، فهو يعلم أنها لم تأكل شيئاً يذكر منذ الصباح. انت جايبنا هنا ليه؟ هانتعشى، انتى ماكلتيش حاجة النهاردة. أرجوك روحنى، أنا تعبانة وحاسة إنى دايخة وعاوزه أنام. انتى دايخة لأنك ماأكلتيش، فرح مش كل حاجة تعندى، وبعدين بقى معاكى! كان خالد يتحدث بصوت عالٍ نوعاً ما، انصاعت فرح لأوامره وهبطت من السيارة معه إلى المطعم، طلب خالد لها من جميع الأصناف التى تحبها، أكلت فرح ما استطاعت أن تأكله، فهي تشعر أنها فقدت شهيتها للطعام. ده مش أكل، كلى. والله شبعت، ماتضغطش عليا. تمام يالا نروح. ذهبوا إلى بيتهم، دلفت فرح إلى الغرفة ودلف خالد وراءها: أنا هاروح أنام فى الأوضة التانية. فرح، أنا لسه عند كلامى اللى قلته، انتى زوجة ولازم تعرفى حقوقك وواجباتك ايه، مافيش نوم بعيد عن السرير ده، ماتقلقيش مش هاقرب ليكي لأنى أنا اللى مش عاوز أقرب. توجهت فرح إلى المرحاض تبكى حسرة عما يحدث لها، فالمرأة يمكن أن تقول لزوجها ابتعد ولكنها لا تريد أن تسمع منه أنه هو من يريد الابتعاد. تحممت فرح وأبدلت ملابسها بمنامة قطنية صفراء اللون، فملابسها التى كانت ترتديها كان عليها دماء. خرجت فرح وجدت خالد قد رتب الغرفة ومسح آثار الدماء من الأرض وأبدل ملابسه ومستلقياً على الفراش. خالد وهو يشير إلى الفراش: تعالى عشان تنامى. نظرت فرح إلى المكان الذى يشير إليه لا تعلم ماذا تفعل، لقد أهينت اليوم بالقدر الكافى منه ولا تريد القرب منه بأى شكل. الفصل العشرون …………………….. خالد وهو يشير إلى الفراش: تعالى عشان تنامى. نظرت فرح إلى المكان الذى يشير إليه لا تعلم ماذا تفعل، لقد أهينت اليوم بالقدر الكافى منه ولا تريد القرب منه بأى شكل. ظلت تردد فى أذنها كلماته القاسية القادمة من ثنايا حديثه، ظلت الكلمات تتردد فى أذنيها إلى أن وضعت يديها على أذنيها كأنها لا تريد أن تسمع أي شيء. نظر خالد إلى حالتها التى هي عليها، يراها كثيراً تنتابها حالات فزع وخوف شديد، هو يعلم أنه قسا عليها. خالد وهو ينهض من الفراش يقترب منها ليعلم ما يحدث لها: فرح، مالك؟ جزعت فرح من قربه وانزوت فى جانب من الغرفة قائلة: أرجوك امشى وسيبنى، ماتضغطش عليا، انت مش كنت فى مهمة وتمت؟ مهمة ايه؟ مهمة إنك عاوز طفل وخلاص حصل، وماتقلقش أنا هاحافظ عليه لأنى أنا محتاجاه أكتر منك، وكمان أظن انت حققت انتقامك منى وحطمتنى بما فيه الكفاية. لو فاكر إنك هاتقدر تاخده منى ومراتك تربيه تبقى موهوم لأنى عمرى ماهسيبلك ابنى. ايه الكلام اللى بتقوليه ده؟ الظاهر الوقعة أثرت عليكى. أنا مابقولش أي كلام، انت عارف إن دي الحقيقة، بطل كدب بقى. خالد وهو يحاول أن يتمالك نفسه من الغضب: أنا مش بكدب، وأظن إنى قلت لك إنى عمرى ماهطلقك عشان ابننا يتربى بينا، كل اللى أنا قلته إنك تسمحى لمى تشاركك فى تربيته، إنما هو ابنك وهايفضل معاكى. فرح ببكاء: انت كداب ياخالد وهاتاخده منى! حماتك قالتلى إنكوا اتفقتوا على كده، قالت إنكوا هاتاخدوه منى وبنتها هاتربيه. جثت فرح على ركبتيها أمامه وقالت بتوسل وانهيار: أرجوك ماتاخدوش منى، ده الأمل اللى مخلينى مكملة، عاوزه أحس إن فيه حد أكون أنا كل دنيته، على فكرة أنا هاحبه أوى وهو كمان هايحبنى، أرجوك سيبلى آخر أمل ليا. أدمعت أعين خالد من كلماتها، جثا بجوارها على الأرض ولم يدرِ سوى وهو يجذبها فى أحضانه: والله ماهاخده منك، انتى عارفانى أنا مش كده، ماعرفش ايه اللى خلى خالتى تقولك الكلام ده. أنا ماقدرش أبعد طفل عن أمه، ولو مش عاوزه مى تشارك فى تربيته انتى حرة، هو ابنك وانتى حرة فيه طبعا. ابتعدت فرح عنه وهي مازالت على حالتها الباكية: بجد؟ بجد ياخالد هاتسيبه ليا؟ أوعدنى! خالد بغصة فى قلبه فهي لم تعد تصدقه: أقسم بالله ده اللى هايحصل، مافيش أحسن من ربنا أحلف بيه، ووعد يافرح إنى عمرى ماهفرق بينك وبين ابنك. أنا هاروح أنام فى الأوضة التانية عشان تاخدى راحتك، لأنى عارف إن وجودى مضايقك. تركها خالد وذهب إلى غرفة أخرى، أما فرح فنهضت وهي تضع يدها على بطنها كأنها تطمئن طفلها وتقول له نحن معاً. ……………………………. فى اليوم التالى استيقظ خالد مبكراً وطلب من محمود أن يوفر له طقم حراسة ليقوم بحراسة الفيلا فهو يخشى أن تهرب فرح. استيقظت فرح من النوم وسمعت أصواتاً تأتى من الخارج، فتحت باب الشرفة ورأت أفراد حراسة وخالد يتكلم معهم، انتظرت حتى دلف إلى المنزل وهبطت له قائلة بغضب: مين دول؟ انت جايبهم ليه؟ دى حراسة، عادى يعني. انت جايب لمراتك التانية حراسة ولا ليا أنا بس؟ انتى عوزه ايه دلوقتي؟ أنا مش فى سجن، أنا مش هاعيش تانى فى سجن، شيل الناس دى، تمام؟ أنا هاكنس وأمسح وأطبخ بس شيل الناس دى من هنا. فرح، ماحدش هايمشى والحراسة هاتفضل هنا، وبعدين ايه اللى تاعبك؟ انتى كنتى ناويه تهربى ولا ايه؟ وعلى فكرة مش هاتتحركى فى أي مكان إلا بيهم. ظلت فرح تتذكر ذكرياتها المؤلمة، وكان التاريخ يعيد نفسه من جديد، لا يتركها أحد بدون حراسة بجانب البيت. فرح: لا لا، انت أكيد بتهزر صح؟ أنا مش فى سجن. لو انتى شايفه إنى لما اجيب طقم حراسة للبيت يبقى سجن خلاص تمام، اعتبرى نفسك فى سجن. أنا بكرهك. شعور متبادل، أنا نازل رايح شغلى، اعملى حسابك إنى هابات هنا تلت أيام وعند مى تلت أيام، يعني التلت أيام الجايين عندك، أجي ألاقى الغدا جاهز يامدام. اكتبى طلباتك اللى محتاجاها فى ورقة وأنا نازل هاخدها، هابعت لك الحاجة مع حد من اللى بره. صعد خالد إلى الأعلى، كلما أراد أن يأخذ هدنة معها تأتى الرياح بما لا تشتهي السفن ويتشاجرون من جديد. ………………………. فى بيت فتحى الراوى: دلف خالد إلى منزل والده ووجدهم فى غرفة الاستقبال يتناولون وجبة الأفطار. كويس إنك جيت يابيه، ايه اللى انت عملته امبارح ده؟ واحد أخد مراته، ايه المشكلة فى كده؟ واخدها بالبيجامة اللى عليها؟ أنا ربيتك على كده ياخالد؟ أنا أسف يابابا بس هي إنسانة مستفزة، بدل ماتحاول تكسبنى لا دى بتستفزنى وبتعاند قصادى. يابنى انسى اللى حصل، هو سهل عليها إنها تتفاجأ إنك متجوز ومخبى عليها؟ عارف ياحاج لو الناس كلها زيك انت وماما كانت الدنيا عمرت. فرح عاملة ايه ياخالد؟ اتراضيتوا؟ اه ياماما كله تمام، سيبونا نحل مشاكلنا بنفسنا وأنا أسف على اللى حصل امبارح يابابا. خلاص يابنى اقعد افطر. أنا هاقوم أصب لكوا الشاى على ماتفطر ياخالد. جلس خالد مع والده يتناولون الطعام سوياً ويتسامرون، ودلفت عزة إلى المطبخ ودلف إليها خالد: ماما، انتى سيبتى فرح امبارح مع خالتى لوحدهم؟ فيه حاجة ولا ايه يابنى؟ افتكرى بس وأنا هاحكى ليكي كل حاجة. اه خالتك أول لما جت قالتلى اعملى شاى، دخلت عملته وهي فضلت مع فرح، فيه حاجة ولا ايه؟ كملى، وايه اللى حصل؟ ماحصلش حاجة، فرح دخلت أوضتها وقالت إنها تعبانة وعاوزه تنام. شكلها كان عادى يعني؟ ماتفهمنى ايه اللى حصل؟ قص خالد لوالدته ما قالته فرح، صمتت عزة لوهلة قائلة: أكيد فرح مش هاتكدب يابنى. يعني انتى تصدقى إن خالتى تعمل كده؟ أنا مش عاوزه أظلم اختى بس فرح كان باين عليها إنها مضايقة أوى، أنا قلت إنها تعبانة، حتى فى وسط الكلام سألت خالتك اتكلمتوا فى ايه وماقالتش، قالت قلت لها تاخد بالها من نفسها. عارف؟ أنا أصدق إن خالتك قالت كده لأنها بتحب مى أوى، ممكن تكون عاوزه تطفش فرح، وبعدين خالتك مش سهلة، دي مكارة بس اعمل ايه اختى وبحبها وماليش غيرها. أنا هاروح لخالتى دلوقتي. لا ماتروحش، اردم على الكلام عشان المواضيع ماتكبرش. طيب أنا هاروح شغلى، عاوزه حاجة؟ ابقى هاتلى فرح، وحشتنى أوى. انتى بتحبيها ليه؟ بحبها من غير سبب، بحبها عشان بحبها وبحس إنها بنتى، على فكرة البت دى غلبانة أوى. والله ياأم خالد انتى اللى غلبانة. على فكرة هي قالتلى إن أبوها غصبها على الجواز. وأبوها اللى غصبها تقعد مع جوزها ست سنين؟ ماهى خلاص كانت اتجوزت، هاتعمل ايه یعنی؟ ماما، فرح كانت بنت لما اتجوزتها، جوزها كان عاجز يعني. يانادمتى! دا حكاية ولا فى الأحلام ياولاد! ياحبيبتى يابنتى. انتى هاتشيلينى أقسم بالله! افهمى ياماما، قعدت ست سنين ليه لما هو كده؟ كانت لو مغصوبة فعلاً اتطلقت وكان ليها أسبابها. الله أعلم يابنى باللى حصل ايه. ياماما اقتنعى بقى، هي منين ماتلاقى أمور بتتسلك ماهى وافقت بيا دلوقتي، اعقليها. بص أنا بحبها من غير سبب وأظن إنك كمان بتحبها. أنا رايح شغلى، انتى رايقة. ……………………… ذهب خالد إلى عمله وجد محمود بانتظاره: ايه يابنى، احنا هانشحتك ولا ايه؟ يابنى ارحمنى. صحيح، جوز الاتنين هتلاحق على ايه ولا ايه؟ انت بتقول فيها! يالا نشوف شغلنا انجز. قاطع حديثهم صوت رنين هاتف خالد: ألو، إزيك يامى؟ أنا هاخرج كمل كلامك. أومأ له خالد برأسه: انت فين ماجتش ليه؟ أنا كنت هاعدى عليكى الصبح بس رحت لماما ورحت الشغل. هاتعدى عليا بعد الشغل؟ مى، أنا هافضل التلت أيام دول مع فرح. ليه إن شاء الله؟ وطى صوتك وسيبنى أكمل كلامى، انتى عارفة إنها حاولت تبتعد عنى امبارح وأنا جبت حراسة للبيت وكمان أنا قسمت الأيام مابينكوا، تلاتة هنا وتلاتة هنا. ياشيخ بقى! بساوينى بيها ياخالد؟ انتى مراتى وهيا مراتى يامى. اعمل اللى انت عاوز تعمله. يامى افهمى، ماتزوديش همى أرجوكى. مع السلامة ياخالد. أغلقت مي الهاتف معه وتوجهت إلى والدتها الجالسة بجوارها تستمع إلى حديثهم بغضب: سمعتى؟ أنا قلت لك البت دى مش سهلة ماصدقتيش. البيه بيقولى تلات أيام ليا وتلاته ليها! هتلاقيها قالت له اعدل وانتى عارفاه مابيحبش الظلم. أنا خايفة تاخده ليها وهى اللى هاتخلف. ماتخافيش، سيبنى أفكر لها فى تصرف وناخد منها العيل، بس أنا عارفاكى تهدى كده وماتعمليش مشاكل معاه. ………………………. أنهى خالد يوم عمل شاق وذهب إلى منزله مع فرح، وجد البيت مرتباً ترتيباً أنيقاً ورائحته جميلة، ابتسم خالد رغماً عنه، لم يكن يتوقع منها ذلك إطلاقاً. هو يعلم أنها مدللة ولكن ما لا يعلمه أن فرح تعلمت إتقان الطبخ فى خلال الست سنوات الماضية وكانت تقف فى المطبخ بالساعات لتتعلم فهي اتخذت الطبخ هواية. اشتم خالد رائحة طعام شهية آتية من المطبخ، دلف وجد فرح ترتدى ملابس المطبخ وواقفة تعد الطعام: السلام عليكم. وعليكم السلام ورحمة الله وبركاته، أجهز السفره؟ فاجأتينى بصراحة بيكى. مش فاهمة. يعني البيت عشرة على عشرة، ريحة الأكل واضح إنه حلو زيك زي أي ست. نظرت له فرح بغضب: وليه أنا مش ست ولا ايه؟ ست وست أوى كمان. اضطربت فرح من نظراته: أجهز الأكل ولا مش جعان؟ علم خالد أنها تغير مجرى الحديث: لا دا أنا واقع من الجوع، هاطلع أغير هدومى وأنزل. أبدل خالد ملابسه بملابس بيتية مريحة وهبط إلى الأسفل وجد السفرة جاهزة، جلس على السفرة ناظراً إلى الطعام بإعجاب: الله! ايه الجمال ده؟ محشى ورق عنب ولحمة وجلاش! دوق الأول ماجايز وحش ومايعجبكش. ذاق خالد الطعام وراق له كثيراً: انتى اتعلمتى الطبخ فين وامتى؟ عادى یعنی، اتعلمت وخلاص. انتهوا من وجبة الغداء ولملمت فرح مكان طعامهم ودلفت إلى المطبخ لتجلى أوانى الطعام، دلف خالد وراءها: عاوزه حاجة؟ بتعملى ايه؟ زي ماانت شايف، بغسل الأطباق. طيب سيبهم وتعالى أنا عاوزك.

مقالات ذات صلة

حقيقة ظهور سحابة على شكل طفل في الغروب.. صورة أشـ،ـعـ،ـلت السوشيال ميديا

وعد وعلي الجزء التانى

ايمي 2

جبروت زوجي حكايات نور محمد

حان الوصال 2

بعد زواجى ٢

اترك تعليقاً إلغاء الرد