عم مراتك باعتلك جواب ٤
عم مراتك باعتلك جواب ٤
عامر بص ل والده باهتمام ووالده اتكلم بتوتر: انا مش معايا المبلغ ده ومش هقدر اسيب أخوك يتسجــ,,ـــــن.
عامر كان بيبصله باهتمام وقال: حضرتك عارف ان جدي قبل ما يمــ,,ـــــوت ضيع كل حاجة وكان مديون وانا اللي سدت كل الديون دي لوحدي.. حتى الفيلا دي كان محجوز عليها.
والده بصله وقال بدهشة: ازاي الكلام ده! املاك جدك كانت كتير.. ازاي كل ده راح!
عامر كان مستغرب دهشة والده وقال: معقول حضرتك متعرفش الظروف الصعبة اللي مرينا بيها في اخر فترة في حياة جدي!
والده بص على الفيلا وقال: يعني الفيلا والعزبه والشركات وو…
عامر قاطعه بثقة: كل ده راح مع جدي!!
والده بدهشة: يعني الفيلا دي بتاع مين دلوقتي ؟
عامر: الفيلا بتاعي.. وكل حاجة بملكها من فلوسي الخاصه.
والده وقف بصدمة: يعني ايه الكلام ده!! معقول جدك ضيع كل الاملاك دي!
عامر: محامي العيلة موجود وحضرتك تقدر تسأله وتتأكد.
والده بصله وقال بتأكيد: طبعا لازم اسأله وافهم منه ازاي خسرنا كل الاملاك دي.
وخرج والده من الفيلا وهو غضبان جدا وعامر قعد يبص قدامه بحزن.. كان بيتمنى ان والده يكون راجع عشانه.. وإللي وجعه اكتر انه جاي يسأل عن الفلوس.
قام وقف واتنهد بتعب وهو متأكد ان والده هيرجع تاني.
بص في ساعة ايديه وطلع عند آيات في غرفتها.
آيات كانت قاعدة فوق الفراش وبتفكر في عامر ووالده.
باب غرفتها خبط وآيات خرجت من شروها وقامت بسرعه تفتح الباب ولقت عامر واقف قدامها وقالها: جاهزة ننزل.
آيات بصتله بدهشة: هو باباك فين؟
رد عامر بثقة: راح مشوار وهيرجع تاني.. خلينا احنا نروح مشوارنا.. جاهزة.
بصتله اوي وكانت ملاحظة الحزن علي ملامحه وقالت: اه جاهزة.
أخدها ونزلوا ركبوا العربية وعامر كان بيسوق العربية وهو شارد في الحوار اللي حصل بينه وبين والده.
آيات كانت حاسه بحزنه وسألته بتوتر: انت كويس؟
هزت راسه وقال بعمق: كويس.
آيات بصتله اوي وسألته مرة تانيه: باباك قالك حاجة زعلتك؟
عامر بصلها وهز راسه ب لا وبص قدامه تاني علي الطريق واتنهد بحزن وقال: عندي اخ من الاب وواقع في مشكله كبيرة.
ردت آيات بتلقائيه: أكيد هتساعده صح؟
عامر بصلها اوي وسألها: انتي رأيك ايه؟
ردت آيات بثقة: رأيي انك هتساعده ومش هتتخلى عنهم.
عامر بصلها وابتسم ومسك أيديها وقربها من شفايفه وقبلها بحب وآيات اتوترت وكانت هتمــ,,ـــــوت من الخجل وسحبت أيديها من ايديه بسرعه وعامر ابتسم وبص على الطريق قدامه.
