عم مراتك باعتلك جواب ٤

العمدة: ازاي وامتي دي اللي انا جيت عشانه دلوقتي.. صباح مرات اخوك ما.تت مسمومه.

فارس وابوه بصوا لبعض بصدمة والعمدة كمل كلامه قال: واللي حطلها السم سيد ابن خالتها.. جوز بنتي..

فارس بصدمة: وليه عمل فيها كده!.. وامتي دا انا كنت لسه عندها الصبح!!

العمدة: صباح اعترفت عليه قبل ما تمــ,,ـــــوت وقالت في اعترافها ان عرفان الله يرحمه ما.ت بنفس السم وهي وسيد اللي مــ,,ـــــوتوه.

الحاج إسماعيل حس ان في حد طــ,,ـــــعن قلبه بسكـ.ينه وقال بصدمة: يعني أخويا ما.ت مسموم.. أخويا ما.ت مقتول..!

فارس كان مصدوم هو كمان والعمدة كمل كلامه وقال: هي ربنا يرحمها راحت للي خلقها وعقابها عند ربنا.. وسيد مقبوض عليه دلوقتي ورئيس المباحث عايزك انت وآيات بنت عرفان بكره عنده عشان ياخد اقوالكم.

الحاج إسماعيل بكى علي مــ,,ـــــوت اخوه اللي ات. غدر وقال: هقول ل بنته ايه بس!! بنته تعبانه ومش هتستحمل تعرف ان ابوها ما.ت مقتول.. دا لما عرفت ان ابوها ما.ت كانت هتمــ,,ـــــوت وراه من القهرة.

العمدة بص قدامه بحزن وقال: لا حول ولا قوة الا بالله.. بس بنته لازم تعرف يا حاج لأنها مطلوبه للتحقيق بكره.

الحاج اسماعيل كان مصدوم ومش قادر يستوعب ان اخوه ما.ت مقتـ.ول وقال: هكلم جوزها يا عمدة واشوف ظروفهم ايه.

العمدة وقف وقاله بحزن: شد حيلك يا حاج إسماعيل.. واهو ربنا خدلكم حقكم وصباح ما.تت مسمومه هي كمان يعني ربنا جبلكم حقكم.

الحاج إسماعيل بحزن: ربنا يرحم الجميع.

العمدة مشي هو والخفر و.فارس قعد جنب أبوه بصدمة وهمس: معقول صباح مرات عمي تتجرأ وتعمل كده!

الحاج اسماعيل اتكلم بحزن: انا شايل هم آيات بنت عمك مش هينفع تعرف ان أبوها ما.ت بالطريقه دي.. انا لما صدقت انها فاقت من صدمة مــ,,ـــــوت ابوها.. إزاي هنقولها انه ما.ت مسموم!

فارس حس بالشفقه على آيات وقال: هيبقى صعب عليها تعرف خبر زي ده!!

واتكلم بعصبيه: بقى صباح بنت ال…. تعمل في عمي كده بعد ما لمها من الشارع واتجوزها وعملها ست وسط الناس!!!.

اتكلم الحاج إسماعيل: ملوش لازمة الكلام ده يابني هي دلوقتي عند اللي خلقها واهي داقت من نفس اللي دوقته لعمك وعند الله تجتمع الخصوم.

فارس بص ل ابوه وسأله بفضول: وناوي تعمل ايه يا ابويا.. آيات هتحضر التحقيق ازاي؟