عم مراتك باعتلك جواب ٤

وقعدت على الارض وانهارت وهي بتبكي وتصرخ وميرفت حاسه بالعجز ومش عارفه تعمل إيه وبكت هي كمان..

شريف اتصدم من كلام آيات وحالة الانهيار اللي هي فيها ونزل على تحت بسرعه ودخل الغرفة اللي كان نايم فيها واخد تليفونه واتصل على عامر.

…..

عامر كان قاعد علي السرير وبيقرأ الورقه اكتر من مرة وبيفكر مين اللي عمل كده ويقصد ايه ونسي خالص انه كان بيكلم آيات وقت ضــ,,ـــــرب النــ,,ـــــار.

تليفونه رن برقم شريف وعامر اخد التليفون و رد عليه: الو..

شريف اول لما سمع صوته قلبه ارتاح واتكلم بقلق: عامر انت كويس؟؟

رد عامر: اه كويس الحمدلله.

شريف اتعصب وقاله: اومال ايه الكلام اللي مراتك قالته ده!! انا سايبها قاعده على الأرض تعيط وتصرخ فوق هي وامي.. هي مراتك دي مجنونه ولا ايه دي نشفت دمي!

عامر بقلق: آيات مالها؟

شريف بعصبيه: اطمن عليا انا الاول دا انا حاسس ان قلبي وقف ورجع تاني.

عامر: سيبك من قلبك وقولي آيات مالها!

شريف: بتصرخ وتعيط فوق وبتقول انها سمعت صوت ضــ,,ـــــرب نــ,,ـــــار عندك وانت مش بترد عليها!

عامر افتكر انه كان بيكلمها وقت ضــ,,ـــــرب النــ,,ـــــار وتركيزة في الرساله اللي في ايده نساه يكلمها يطمنها!

اتكلم عامر: طب إطلع اديها التليفون بسرعه اكلمها واطمنها.

شريف بدهشة: انت كان في عندك ضــ,,ـــــرب نــ,,ـــــار فعلا ولا ايه؟

عامر: اه بس مش عندي انا كان في غرفة جنبي خليني اكلم آيات الاول اطمنها.

شريف طلع الغرفة عند والدته وقال ل آيات اللي كانت قاعدة منهارة على الأرض: آيات عامر عايز يكلمك.

ردت آيات ببكاء: انت بتضحك عليا.

شريف بتعب: هضحك عليكي ليه بس انا كلمته وهو قالي ان ضــ,,ـــــرب النــ,,ـــــار اللي سمعتيه مكنش عنده هو.

آيات بصتله واخدت التليفون من أيديه وشريف قرب من والدته عشان يطمنها.

آيات مسكت التليفون واتكلمت وهي بتبكي: عامر.

عامر اتكلم اول لما سمع صوتها: حبيبتي متخافيش انا كويس.. صوت ضــ,,ـــــرب النــ,,ـــــار اللي سمعتيه مكنش عندي.. كان في الغرفة اللي جنبي.

آيات بكت اكتر وقالتله: ارجع يا عامر.. سيب البلد دي وارجع عشان خاطري.

عامر ابتسم وقالها: متقلقيش يا حبيبتي انا كويس وان شاء الله هرجعلك قريب.. انتي حاولي تهدي واطمني محصلش حاجة.

آيات قامت من على الأرض وشريف كان قاعد جنب والدته بيحاول يهديها ويطمنها علي عامر وآيات قربت منهم واعتذرت.