عم مراتك باعتلك جواب ٤
عم مراتك باعتلك جواب ٤
ميسرة نزلت بفزع علي صوتها واتصدمت من حالة ميرنا وهي بتبكي وجريت عليها وقالت برجاء: طنط ميسرة الحقيني.. بابا بيمــ,,ـــــوت.
ميسرة بصتلها بصدمة وميرنا كملت في البكاء وقالت: بابا حالته بقت صعبه اوي بعد ما سبتيه ورفض الاكل والشرب وفكر في الانتــ,,ـــــحار اكتر من مرة وانا منعته ومن كتر الحزن عليكي وقع علي الارض ومبقاش قادر يتكلم واخدته المستشفى وحالته صعبه اوي يا طنط.
ميسرة اتصدمت من كلام ميرنا وسألتها بقلق: مستشفى ايه؟
اتكلمت ميرنا ببكاء: انا مقدرتش على تكاليف المستشفى واخدته شقة كوكو ومش عارفه حتى اجبله الدوا وبابا حالته بتسوء آكتر وعمال ينطق اسمك وينادي عليكي ويبكي.
ميسرة قلبها حن واتآثرت بالحالة اللي ميرنا وصفتها وقالت: خديني عنده دلوقتي يا ميرنا انا لازم أشوفه واطمن عليه.
ميرنا هزت راسها بالايجاب وهي بتبكي وميسرة قالتلها: هطلع بسرعه اغير لبسي وهنزلك علي طول استنيني.
وطلعت ميسرة عشان تغير لبسها وميرنا انتظرت اول لما اختفت عن عينيها وبعتت رساله ل والدها بسرعه وكتبت (المهمة تمت بنجاح.. احنا جاين في الطريق دلوقتي)
رواية م.
في البلد الاجنبية اللي عامر مخطوف فيها.
الحفلة بدأت وعامر كان في الغرفة منتظر انه يخرج من المكان ده ويوسف اخو عامر دخل الحفلة وهو متنكر عشان محدش يعرفه وكل اللي في الحفلة كانوا بيرقصوا وجيسيكا بتجهز نفسها عشان اتفاقها مع عامر.
واحد من رجال الشرطة كان لابس الزي الموحد زي كل الخدم اللي في الحفلة عشان يقدر يدخل جوه الفيلا بدون ما حد يشك فيه.
بعد نص ساعة من الاحتفال حصلت خناقة كبيرة في الحفلة بين كل المدعوين.
صاحب الفيلا طلب من كل الحرس اللي عنده انهم يتدخلوا بسرعة ل فض الخناقة.
في نفس الوقت جيسيكا اتحركت بسرعه علي المكان اللي عامر فيه وفتحت الباب وقالتله: دعنا نتــ,,ـــــحرك بسرعة.
عامر خرج معاها بسرعة واستغرب ان كل الحرس اللي كانوا محتجزينه مش موجودين فجأة كده وسألها عليهم وهي قالتله ان في مشكله في الحفلة والحرس تدخلوا عشان يفضوا المشكله وده الوقت المناسب لهروبه.
عامر خرج معاها من الجنينه الخلفيه للفيلا وكان حاسس ان في حاجة بتحصل مش طبيعيه وفجأة واحد وقف في وشهم و رفع سلاحه وقال: الي اين تذهب؟
عامر وقف مكانه وجيسيكا بصت للشاب وقالتله: دعنا نذهب، لا تدخل!
