زوجتي العقيدة انجي الخطيب

«وبعدين يا نور، إنتِ طول عمرك بتقعدي ترسمي شوية رسومات على الورق. متجيش دلوقتي تعملي نفسك صاحبة فضل على كريم.»
الكلمة وجعتني، بس مش زي ما وجعني سكوت كريم.حتى إنه معترضش.بصيت لجوزي وقلت بهدوء غريب:

«أنا عايزة ملفاتي وتصميماتي الأصلية كلها.»
حماتي ضحكت وقالت:
«ملفات إيه يا حبيبتي؟ كل اللي في البيت ده بقى ملك كريم.»
رديت عليها بثبات:
«تصميماتي ملكي، ومحدش له حق ياخدها مني.»
كريم أخيرًا اتكلم:
«خدي حاجتك الشخصية يا نور، وسيبينا ننهي الموضوع بهدوء.»
هزيت راسي وأنا ببصله باحتقار.

«شغلي مش حاجة شخصية؟! السنين اللي قضيتها ببني اسمك وشركتك مش فارقة معاك؟!»
مردش.مديت إيدي ناحية ورق الطلاق، وبدأت أقرا البنود المكتوبة فيه.المبلغ اللي عارضه عليا كان مهين، بس مش ده اللي صدمني، لأني كنت عارفة إن بينا اتفاق قبل الجواز بيحدد الحقوق المالية لكل واحد فينا.

كريم كان فاكر إن ممتلكاتي محدودة، وإن كل اللي عندي شوية مدخرات ورثتها عن أمي.مكانش يعرف إن أبويا راجل أعمال كبير، وإن عندي أصول واستثمارات باسمي، وإن جزء كبير من ثروتي متسجل بعيد عن اسمي المعروف في الوسط الهندسي.أنا نفسي كنت مخبية عنه التفاصيل دي.

مكنتش عايزاه يحبني عشان فلوسي، وكنت عايزة أتأكد إنه اختارني أنا، مش اختار اسم عيلتي.أبويا وقتها قالي إن قراري ده سذاجة، وإن الراجل اللي بيخبي طمعه مش معناه إنه مش طماع.وقتها زعلت منه.دلوقتي بس فهمت إنه كان شايف حاجة أنا رفضت أشوفها.

»
وقعت على ورقة استلام المستندات، وبعدها حطيت القلم على الترابيزة.ثم سألت سؤال واحد:
«مين هيوصلني بيتي؟»
محدش رد.فضلت باصة لكريم، مستنية منه حتى كلمة واحدة تدل إنه لسه فاكر إني مراته اللي عاش معاها سنين، لكنه كان واقف جنب سارة، حاطط إيده على كتفها، وكأنه بيحميها مني.

في اللحظة دي، فهمت إنهم مش بس عايزيني أطلق.دول كانوا عايزيني أخرج من الفيلا لوحدي، بالكرسي المتحرك، في عز الليل، والمطر بيغرق الدنيا.الخدامة بتاعتنا، أمينة، كانت واقفة عند باب الصالة، ودموعها مالية عينيها.قربت مني وقالت:
«يا هانم، أنا هوصلك بنفسي.

»
حماتي بصتلها بحدة وصرخت:
«إنتِ اتجننتي يا أمينة؟! إنتِ عندك شغل هنا، ولا نسيتي نفسك؟!»
أمينة مسحت دموعها وقالت بصوت ثابت:
«أنا مش ناسية نفسي يا ست هانم، بس أنا مش هنسى إن الهانم نور دفعت مصاريف جامعة بنتي لما أبوها مات، وساعدتنا وإحنا مش لاقيين ناكل.