قيود العشق ج الاخير
قيود العشق ج الاخير
هارون:ااامم شروط اي عايزه فلوس.؟؟
مليكه بقر”ف:ليه حد قالك اني بقبض تمن خيا”نتي له…. انا عايزه اسافر اي مكان ابعد ما يكون عن عز الدين و عنكم كلكم انا زهقت و عايزه الصوره بتاعتي اللي معاك و مش عايزه حد يعرف مكاني
هارون بابتسامة خبيثه:كوكي متقلقيش هسافرلك مكان ابعد ما يمكن أن عز يوصلك فيه
مليكه :عز هياخدني معه عشاء عمل بكرا بليل عايزه اخرج من المكان بدون ما يشوفني
هارون :وماله دي سهله جدا
مليكه قفلت معه وقعدت على الأرض كان نفسها تصر”خ تقول ان مالهاش ذنب وأنها تعبت … تعبت من الكل…. الكل خا”نوها حتى اخوها ظلمها……
مليكه بصوت عالي نسبي:آآآآآآه اه يا قلبي اه انا تعبت تعبت اوي يارب… ارحمني برحمتك و خرجني من حياتهم بقى يارب والله تعبت اوي
قامت غسلت وشها ونزلت تقعد مع فريده
فريده:مدام مليكه تومريني بحاجه…
مليكه :اقعدي يا فريده عايزه اتكلم معاكي
فريده:بس عز بيه لو شافك هنا
مليكه :اقعدي يا فريده
فريده:أمري لله
سحبت الكرسي وقعدت جانبها
مليكه بابتسامه:هو انتي عايشه في القصر من زمان
فريده:ياااه من زمان اوي اوي من ايام زين باشا و سليم بيه ام كانوا شباب
مليكه :عز تعرفي عنه أي….
فريده:يااااه يا مليكه عز… عز دا الطيبه والحب ميغركيش الحمود والبرود اللي بيبان عليه دا لكن دا قلبه أطيب واحن من اي حد على وش الأرض….. تعرفي عز بيحب يزن اخوه اوي بس الخلاف اللي حصل بينهم ياله بقي
عز و والدته قريبين اوي من بعض.. كاميليا هانم ربته انه يكون راجل دايما و ميخلش بوعوده
عز لو عشق ممكن يقوم الأرض ويعدها عشان حبيبته ممكن يفيدها بعمره ممكن ين”سف الكون لو حس انها في خطر
متستغربيش كدا انا اه مش امه لكن ربيته زي مدام كاميليا وعارفه كويس عز بس بيبان كدا لان الإمبراطوريه دي كلها تحت اسمه هو و سليم بيه سايب كل حاجه ليه دلوقتي
مليكه بحزن:البنت اللي هيحبها هيكون حظها حلو اوي
فريده برفعه حاجب :وانتي روحتي فين….. بكرا يفض نفسه وشغله ويفضالك انتي و يارب افرح بيكم وبولادكم يارب
مليكه بدموع مكبوته:ولادنا بقولك خلي الطباخ يعملي كوبايه شاي تقيل احسن دماغي هتنفجر من التعب
فريده بحنان:والله لاعملهالك بيدي
مليكه ابتسمت و قامت حضنتها وهي بتعيط
:انا اسفه بس محتاجه دا اوي
