قيود العشق ج الاخير

مليكه :احكيلي عملت اي عايزه اسمع كل حاجه

عز بتعب:معليش خلينا ناجل الكلام لبكرا لان بجد حاسس اني دماغي هتنشل

مليكه :بعيد الشر عنك انا هجهزلك الحمام

عز شاورلها بأه و هو بياخد نفس بارتياح
بعد مده خرج وهو بينشف شعره
مليكه :ياله تعالي عشان تتعشي

عز :ماليش نفس يا مليكه…. هصلي العشاء لان الوقت عدي في الطياره

مليكه :ماشي هستناك بس خلي في علمك مفيش أعذار واسمع الكلام لو سمحت على فكره انا اللي كنت مجهزه العشاء… وبعدين انت شكلك مش عجبني ياله

عز ابتسم بسعاده انه لقى حد يهتم بحياته
عاش سنين طويله و هو مبرمج نفسه على أنه الإله يشتغل و بس مكنش في حد يهتم بتفاصيل يومه حتى والدته

تاني يوم
مليكه صحيت بدري و نزلت تشوف هتعمل اي
في الوقت دا
عز كان بيقفل زراير بدلته و افتكر حاجه دخل اوضه الملابس و انحني يجيب شنطه سفره لكنه اخد شنطه مليكه لان الاتنين شبه بعض
فتحها و بيحط ايديه
بيحط ايديه على الجيب السري حس بحاجه غريبه…. فتح السوسته و بيمد ايديه يطلع الحاجه لكن اتصدم لما شافها كانت نوع حبوب منع الحمل

فضل واقف دقايق بيستوعب ان دي لمليكه
عز بصدمه لما شاف في نص شريط خلصان :
بتعمل اي بالحبوب دي معقول مش عايزه تخلف مني…….
لالالا اي العبط دا مليكه قالت إنها عايزه تخلف بنوته اكيد في حاجه غلط…. بس ازاي؟ ليه

حاطه تاني في الجيب السري وقفل الشنطه اخد جاكيت بدلته و نزل

مليكه كانت بتحضر الفطار وهي بتضحك مع فريده
عز بصوت مهزوز:مليكه……
مليكه :ايوه ثواني جاي اهوه
قالتها وخرجت لعنده
عز الدين :مليكه انتي…… فجأه سكت وهو بيفكر في حاجه……. جهزي نفسك هنروح عند الدكتوره سوا

مليكه :دكتوره لي…. انت كويس

عز:متخافيش انا كويس جهزي نفسك

مليكه حست بالخوف من نظراته لكن حاول تطمن نفسها ان مفيش حاجه
بعد تلات ساعات في عربيه عز
مليكه كانت راجعه مع عز من المستشفى و هو ساكت
مليكه بخوف:عز انت زعلان مني في حاجه

عز بابتسامه جميله :لا يا مليكه مش زعلان بس بفكر في حاجه

مليكه :ماشي يا عز

عز مكنش عايز يضايقها الا لمآ يعرف الحقيقه حضنها و هي كأنها مصدقت كانت منتظره يطمنها دخلت جوا حضنه بقوه

. بعد تلات ايام
عز:ايوه يا دكتور اي النتيجه

دكتوره غاده:تحليل اللي عملنا لمليكه هانم بياكد انها بتاخد الحبوب دي بانتظام للاسف