قيود العشق ج الاخير

مليكه بابتسامه و نوم: اتاخرت اوي يا عز…. وحشتني

عز و هو بيحضنها :وانتي كمان وحشتيني اوي تعرفي كان هاين عليا اسيب الاجتماع و اجي اخدك في حضني و افضل بقى اليوم معاكي لكن انضغط شويه مع البنك

مليكه بابتسامه :كل سنه وانت حبيبي

قالتها وهي بتبطبع بو”سه على خده :
كل سنه وانت بخير

عز بسعاده:انتي…. انتي فاكره عيد ميلادي

مليكه هزت راسها بأه و سابته قامت راحت جابت بوكس صغير و حطته ادامه
:كل سنه وانت سندي وضهري وحبيبي

عز ابتسم بخبث وفجأه شالها
مليكه بشهقه:عز…..
عز:انا بقول خلينا في كل سنه وانت معايا دي
مليكه :طب مش هتشوف الهديه
عز:متأكد انها جميله مدام منك يا مهلبيه
……………………………….
تاني يوم
عز كان حضناه وهي لسه نايمه بيفكر في كذا حاجه و اولها انه لازم يسافر كان خايف ازاي هيسيبها لوحدها
مليكه فتحت عنيها ببط وابتسمت :مالك يا عز في اي يا حبيبي

عز بابتسامه :مفيش يا مليكه صحيح الدوره التعليميه معادها اول يوم النهارده هخدك اوصلك بنفسي للاكاديميه و بعد كدا….

مليكه بخوف:بعد كدا اي يا عز

عز:متخافيش يا مليكه… انا بس عندي سفريه مهمه لباريس نتيجه المناقصه هتظهر و الشركه هيعلنوا عنها و غير كدا المفروض اسافر تركيا في مشكله في فرع من فروع شركتي هناك

مليكه يحزن وقامت قعدت قصاده:طب و هتسافر اد اي…. هتتاخر…. خدني معاك وحياتي عندك

عز الدين بجديه:مينفعش يا مليكه لان انا هسافر من هنا لباريس وبعد كدا تركيا و من تركيا هرجع على هنا و هيكون ضغط عليكي وبعدين انا حابب تفضلي مع والدتي عشان تتاقلموا مع بعض و بعدين في خلال اسبوع بالكتير هكون موجود

مليكه بصدمه :اسبوع…اسبوع يا عز عايز تسيبني لوحدي طب طب هعمل اي وانت مش معايا عز خدني معاك و انا مش هضايقك بس متسبنيش
انا مش هعرف اقعد مع امك و لا ميرا و غير كدا يزن اللي في الريحه والجايه فاكرلي حكايه هروبي لهارون …. و حياتي عند انا مش هبقي كويسه وانا لوحدي

عز مسك دراعها وشدها لحضنه:مش هينفع يا مليكه للأسف مش هينفع لو بيدي مكنتش سافرت خالص و اوعدك هحاول اضغط شويه على نفس و اخلص الشغل اللي ورايا بسرعه

مليكه وهي بتمسح دموعها :لا يا عز بلاش ترهق نفسك و اهتم بصحتك

عز بابتسامه وهو بيد”فن راسه في شعرها الاسود:متقلقيش يا مهلبيه مش هتاخر