قيود العشق ج الاخير

عشان اشوف اكل عيشي و بعد كل دا اخويا يجي على الجاهز ياخد الفلوس بس كنت بقول يا بت وماله دا اخوكي……
عز على فكره ميعرفش حكايه الورد و المناديل انا مكنتش عايزه أصعب عليه وهو تقبلني بدون ما يسأل كتير

لانه واثق اني كنت محافظه على نفسي و اللي بيحاول بس يقرب مني كان بيل”عن اليوم اللي شافني فيه

أنا يمكن مش متعلمه لكن انا بعرف احب من قلبي و ادي كل الإخلاص اللي بحبه
وانا بحب عز الدين لان مشوفتش حنيه مع حد اده اب واخ وسند بجد

كاميليا:و المطلوب اني اتقبلك دلوقتي يعني

مليكه :ممكن اسال حضرتك سؤال
ليه مطلبتيش من عز انه يطلقني.. ليه جايه تلعبي لعبه زي دي.. عشان تثبتي لنفسك اني ر”خيصه مستهالش ابنك ولا عشان واثقه ان عز عمره ما هيتخل عني حتى لو حضرتك اللي طلبتي منه دا
انا اسفه يا هانم انا مش هسيب جوزي و لو عرضتي عليا مال العالم دا كله بعد اذنك

قالت كلمتها وهي طالعه اوضتها مع عز اول ما دخلت فضلت تعيط و تتمنى لو كانت مناسبه ليه يمكن وقتها والدته كانت تقبلتها … فضلت تعيط وقت طويل لكن فجأه قامت و بتبص في النتيجه ابتسمت بسعاده
ونزلت المطبخ و بدأت تحضر كيكه عيد ميلاد كانت بتعملها بدقه و اتقان وهي بتزينها بشياكه

فريده:اي الروقان دا كله واضح ان كاميليا هانم راضيه عنك

مليكه بسخريه:ولا راضيه ولا نيله الصراحه النهارده عيد ميلاد عز قلت لازم اعمله حاجه خاصه بس تعرفي نفسي اشتريله هديه

فريده :طب واي المشكله لو عايزه فلوس قوليلي

مليكه بابتسامه :لا والله مش قاصدي بالعكس عز سايبلي فلوس كتير بس المشكله ازاي هخرج انتي عارفه جيش الحرس اللي بيخرجوا معايا لو خرجت هيقولوه و ساعتها مش هيبقى في مفاجأه و يمكن يرفض اني اخرج بسبب خوفه عليا من هارون

فريده:طب انتي عايزه اي وانا اشترهولك و ابقى ادهوله

مليكه :بجد

فريده:ايوه طبعا

بعد كم ساعه
رجع عز البيت و هو هالكن طلع لاوضه والدته اطمن عليها وانا اخدت اديتها و نامت

طلع جناحه وهو متوقع ان مليكه تكون نامت لان الوقت اتأخر
فتح باب اوضته لكن وقف مصدوم كانت الاوضه متزينه بشياكه شموع سوداء و الكيكه محطوطه على الترابيزه
مليكه كانت نايمه على الأرض وهي سانده راسها على الترابيزه مستنياه لكن الوقت اتأخر جدا
عز ابتسم وهو بيقلع جاكيت بدلته و بيحطه على الكرسي و بينحني لمستواها
:مليكه كوكي