قيود العشق ج الاخير

مليكه بخوف :والله مش عارفه ربنا يستر

بعد يومين
في جنينه القصر
كاميليا هانم قاعده
فريده:تومريني بحاجه تانيه يا هانم

كاميليا هانم بكبرياء:ناديلي مرات عز

فريده :حاضر يا هانم

في اوضه مليكه
مليكه بخوف في الموبيل:يا عز انا خايفه بجد

عز وهو بيقفل الاب توب :يا حببتي اهدي خالص وبعدين ماما دي احن حد ممكن تشوفيه في حياتك

مليكه بقلق و ارتباك:عز انت بتحبني صح

عز باطمئنان:بحبك يا مليكه و عمري ما اقدر اعيش من غير صدقيني انا ببقى هتجنن طول النهار وانا مش شايفك ادامي متخافيش ماما مش هتضايق و بعدين خليكي واثقه فيا

مليكه اخدت نفس طويل و بعد دقايق قفلت معه و نزلت مع فريده

في الجنينه
مليكه بابتسامه :اهلا يا هانم نورتي بيتك

كاميليا :شوفي يا بت انتي انا مش هلف و ادور انا مقبلش ان ابني يكون متجوز واحده جا”هله زيك و مقبلش انك تكوني ام لاحفادي باختصار كدا تاخدي كم و تطلبي الطلاق وتغوري من القصر

مليكه………

الحلقه 22…

كاميليا :شوفي يا بنت انتي انا مش هلف وادور عليكي من الاخر كدا تاخدي كم وتطلبي الطلاق من عز الدين ما هو مش كاميليا دويدار اللي تقبل ان مرات ابنها تكون واحده جا”هله ممعهاش غير الابتدائيه… ازاي اصلا حلمتي انك تكوني ام لاحفادي.خمسه مليون كويس

مليكه كانت حاسه بالاهانه و بتحاول تهدأ عشان متعملش مشكله

:كاميليا هانم مع احترامي الكامل لحضرتك و احترامي دا لأنك والده عز مش اكتر انتي عندك حق انا برضو لو خلفت بنت و ربيتها وكبرتها و دخلتها مدارس خاصه و بقيت في ذكاء عز وقتها الصراحه هستخسر ارميها لواحد زي ما حضرتك بتقولي جا”هل ولو اني اختلف معاكي في اللفظ لكن اوكي…. انتي فعلا عندك حق

كاميليا:يعني اكتب الشيك الي حامله….

مليكه بابتسامه جميله :لا يا فندم انا لسه مخلصتش كلامي…. انتي يمكن عندك حق انتي فعلا عندك ابن تتحسدي عليه و كل البنات يتمنواه من أحسن العائلات لكن حضرتك مسالتيش نفسك عز اختارني انا لي……

عز مش اهبل عشان واحده تضحك عليه لا
يعلم ربنا اني دخلت حياته بدون مقابل بدون ما اكون طمعا”نه فيه او في فلوسه
انا لما اختارت اكمل مع ابنك اختارته عشان هو راجل بمعنى الكلمه و هو اختارني لانه متأكد اني الست اللي هتصون عرضه و تحبه بكل ما فيها

أنا مختارتش اكون مش متعلمه انا فجأه لقيت نفسي خرجت من المدرسه
ومطلوب مني اجيب فلوس عشان ابويا كان سُكري و امي ما”تت وانا صغيره…..
خرجت كنت بشتغل ببيع منديل طفله صغيره معرفش حاجه عن الدنيا بعت ورد في الإشارات و مناديل و ربك وحده اللي يعلم انا اتمرمطت اد ايه كنت برجع البيت انام ولا القت”يل و اصحى من الفجر