وصلت ٣

علي الطرف التاني
عشق طول الطريق دموعها نزلها محمود شايفها بالحاله دي زعل علي حزنها
محمود / كفايه يا عشق
ارحمي نفسك
عشق بدموع / ده مازن يا محمود
أنا مقدرش أتصور حياتي من غيره مازن مش جزء منها مازن حياتي كلها
محمود / أنا أسف بجد إني بوجودي سببتلك مشكله
عشق / مش أنت السبب يا محمود
مش إنت. أنا السبب غيرتي عليه وتهوري هما السبب
محمود / طيب رحيله فهميه
أنك اتصرفتي كده وقولتي الكلام اللي قولتيه لما هو أختار قمر
المسأله كلها عند بينك وبينه متخليش الأمور تتعقد بينكم أكتر من كده اقعدي معاه وشوفوا حل المشكله دي
بصراحة إنتي قولتيله كلام صعب أوي علي أي راجل أنه يسمعه ومن مين من المفروض حبيبته
ليه كده يا عشق
إنتي غلطتي … وغلطتي جامد كمان والمفروض مش تعتزري وبس تترجيه يسامحك
عشق بدموع / ناااااار يا محمود قاديت فيا لما شفتها نازله من عنده
بعد اللي حصل بينا كان المفروض يبعد عنها يقطع علاقته بيها
بس ده لسه بيقابلها ولا علي باله أن في واحده مموته نفسها من العياط ليها يومين
حتي لا جه ولا سأل عليا ولا حاول يصالحني
كونت مجروحة منه أوي يا محمود
ماحستش بنفسي غير وأنا بقوله الكلام ده
محمود / معلش اللي حصل حصل متزعليش نفسك المهم دلوقتي ترحيله وتعتزري وتحاولي بأي طريقه ترجعيه ليكي من تاني
عشق / ارحله أزاي بس يا محمود وأنت هتروح وحدك هتقولهم أيه لما يسألوك عشق فين ماجتش معاك ليه
محمود / متشغليش بالك أنا هتصرف
عشق / أيوه هتتصرف إزاي وهتعمل إيه؟؟
محمود / ياستي ممكن استناكي أول الشارع لحد ما تخلصي ترني عليا اجيلك عادي يعني مش مشكله
عشق وهي بتمسح دموعها / يعني أنت شايف كده
محمود / ده اللي لازم تعمليه قبل متخسرية
عشق / بس ده جرحني أوي يا محمود ل رفضه ليا وأختياره لقمر
محمود / قوليله ده كمان واسمعي منه هو عمل كده ليه
عشق علي امل / ماشي يا محمود هاروح له
****************************

مااااااااااازن
كان صوت عشق
رفع نظره ليها عيونه نار قايده فيهم ….أيده بترتعش…. عروقه كلها ظاهره من كتر غيظه وانفعاله
بصوت غاضب جدا قال / جايه ليه
عشق بدموع / جايه لمازن حبيبي
مازن بضحك هستري / هههههههههه حبيبك !!!! لا حلوه دي
عشق راحت عند الصندوق اللي فيه كل ذكره حلوه بنهم وبتقلب فيه
وهي بتهمس ليه / هنت عليك تحرق الهدايا
بتاعتي ليك وكل ذكرياتنا مع بعض
مازن بعصبية جامده/ منتي حرقتي قلبي قبليهم قلبي ولا شويه حجات مالهاش أي لازمة
عشق بصدمه / مالهاش لازمة يا مازن
مازن / أيوه ملهاش أي لازمه عندي
عشق بنفعال/ ليه ده كله علشان قمر
أنا موافقه تبقي بنا يا مازن لو ده يريحك
مازن / هي أصلا مكانتش بنا
بس إنتي خليتي إبن خالك بنا
عشق / أنت كده بتظلمني
مازن بغضب وعصبيه جامده / ليه بظلمك هاااااه !!!!!! ليه ؟؟؟؟
مش حضرتك لابسه أهو فستانه وبيشاور علي الفستان بأيده ويقول ماركه صح غالي أوي
مازن ميقدرش يجيب زيه مش ده كلامك
شد علي درعها بغل وهو بيقول
ليه مش خرجتي معاه تقابليه من غير حتي ماعرف أنك خارجه معاه
مش عيب عليكي يا محترمه يبقي في إيدك خاتم راجل وتخرجي مع راجل تاني
وهنا أنتبه لأيدها وهي لفه عليها الشاش
شدها بعنف من أيدها وهو بيقول : أيه ده إنتي قلعتي دبلتي كمان
عشق بدموع / سيب أيدي يا مازن حرام عليك
أنت كده بتظلمني بجد دبلتك في أيدي مقدرتش اخلعها
بتقول كده وهي بتشيل من علي صبعها الشاش اهي دبلتك
مازن بدهشه : أمال لفه صباعك ليه أنا شايفه ما فهوش جروح
عشق : ماما قالتي اقلع دبلتك وخاتمك لحد ما خالي وأبنه يمشوا بس أنا مقدرتش اقلعهم
من إيدي يا مازن
مازن بغضب وضحكه سخريه /هههههه مقدريتش تخلعيي دبلتي ،،،، بس عادي تخلعني أنا من حياتك …وتجرحي قلبي
وتعيريني إن مش قد المقام واني بشتغل صبي قهوة
مش ده كلامك يا عشق هانم
عشق بأسف ودموع / أسفه غصب عني قولت الكلام ده كنت مجروحة أوي منك
متتصورش حالتي اليومين اللي فاتوا كانت عامله ازاي
وأنت محولتش حتي تسأل عليا بتليفون
وبعتاب كملت كلامها / لدرجه دي يا مازن هونت عليك !!!!!
تفضل واحده عليا أنا ؟؟ وتاخترها هي !!
مش قدره أنسي وقت ما خيرتك… أنا ولا هي
وأنت وافقت قدامي تقولها صريحه / قمر
مفكرتش الكلمه دي عملت فيه إيه…. دبحتني يا مازن
أنا من يومها مش عارفه لا ذاكر ولا أكل ولا انام
مازن / ماكنش لازم من الأول تحطتي نفسك بمقارنة مع حد
عشق / عملت كده علشان كنت واثقه ومتأكدة انك هتختارني انا مش هي
بس أنت خزلتني و خيبت ظني فيك لما أختيارك كان ليها هي مش أنا
مازن / زي ما أنتي كمان خيبتي ظني فيكي
بكلامك وجرحك ليا
الكلام اللي قولتيه ده لايمكن أقدر أنساه
تعلقي بيكي من الأول كان غلط كان لازم أسمع كلام أمي لما قالتلي أبعد هيجي يوم واشوفك مكسور قدامي ومش هقدر اعملك جاحه
وهو جه اليوم ده علي إيدك إنتي أكتر واحده أنا حبتها وخوفت عليها حتي من نفسي بس اكتشفت أن الحب لواحده مش كفايه ….
وإنا اهو قدامك واحد مكسور مزلول متهان في كرامته مجروح من عشقه ،،،،، احساسي بالعجز وانا واقف متربط مش بأيدي حاجه اعملها يوجع ،،،،،،، وأني فعلا مش هقدر اعيشك في نفس المستوى اللي هيعيشك إبن خالك فيه
عشق /أنا ماكنتش أقصد ولا كلمه من اللي قولتها ولا الحاجات دي تهمني أصلا ولا تفرق معايا المهم عندي أنت…
وكملت كلامها بترجي ودموع / سامحني يا مازن سامحني أنا مقدرش أعيش من غيرك أرجوك تسامحني من غيرك هموت صدقني
لسه مازن هيرد عليها قطعه صوت قمر وهي دخله عليهم بفرحه كبيره… وشكلها كانت بتجري وتنهت ومش قادره تاخد نفسها / ماااازن صح الكلام اللي بابا قالوا ليا ده أنت بجد خطبتني ….بجد طلبت أيدي منه
عشق واقفه في زهول وصمت تام مترقبه أجابه مازن ليها
مازن / أيه اللي جابك هنا في وقت متأخر اوي كده
قمر بفرحه كبيره / مصدقتش بابا لما قالي مازن طلب إيدك يا قمر جيت اتأكد منك
اخيرا حسيت بيا وبحبي ليك
مازن بغضب : مش وقته الكلام ده يا قمر يلا علي بيتكم
عشق اترجعت لورا خطوتين من هول المفاجأة
سندت نفسها علي الطربيزه بدرعتها الإتنين رجليها مش شيلها وشهيق دموعها مسموع
مازن قلبه اتنفض عليها ..طلع يجري
مسكها من دراعتها بيقومها
وهو بيقول بخضه / إنتي كويسة
عشق شالت أيده من عليها بغضب وهي بتقول / اللي سمعته ده صح يا مازن
أنت خطبتها
مازن / ………. ساكت
قمر والفرحه مش سيعها / قولها يا مازن إنك خطبتني
مازن / ………. ساكت
عشق بصوت عالي جدا وعصبيه / ماتقول
أنت فعلا خطبتها
مازن : ……… ساكت وسكوته طال
عشق بترجيي ودموع / قولي يا مازن قولي أن الكلام اللي بتقوله البنادمه دي غلط مش صحيح
قولها أنك مستحيل تعمل فيا كده …. انا عشقك
قولها أنك قد أيه أنت بتحبني
قولها إنك مستحيل تبيع حب عمرك كده بسهوله لمجرد خلاف
قولها إن إنا نصك التاني وإحنا الإتنين بكمل لعض ،،،،،، زي السمك في الميه لو طلع منه يموت… قول يا مازن قول ساكت ليه
قولها أن قلبك معايا أنا مستحيل يدق لحد غيري
خليها تشيل الإبتسامة المستفزه دي من على وشها
وبنهيار وبصرخ وصوت عالي قالت وهي ماسكه ليقة قميصه بتهزه جامد : قولي يا مازن ساكت ليه أنت بجد خطبتها
مازن وعيونه في الأرض بحزن قال/ أيوه
قمر شهقت جامد وهي بتقول / جاكي قطع إيدك يا شيخة إنتي اتجننتي
مازن خد القلم من عشق وكأنه دلوقت بس اللي فاق ،،، دلوقت بس اللي عرف بحجم المصيبه اللي عملها في حق قمر وحق نفسه والأهم حق عشق
كلام عشق ليه جرحه خلاه يتصرف من غير تفكير
إحساسه بالأهانه خلاه يتصرف بانان’يه مفكرش أنه كده هيظلم قمر اللي مش بيحبها ولا عمره هيحبها
وهيظلم عشق اللي هتموت عليها وهيظلم نفسه اللي قلبه وتفكيره وكيانه كله م’ع عشق
أوقات العند بيخلينا نفقد أعز ما لينا ونتصرف بغباء
قمر بعصبية / أنت هتسكت علي ض’ربها ليك
يا مازن
عشق بضحكه سخريه/ هو بقي أسمه مازن كده من غير أستاذ ههههههه
صدقت كلامي دلوقتي يا أستاذ مازن
قمر طلعت بتحبك وأنت بالنسبه ليها مازن مش الأستاذ مازن
كده ارتحت ،،،،،، مبروك عليكي يا قمر الأستاذ
مازن
قمر وعيونها كلها تحدي / أكيد مبروك عليا… …محدش هيحبه قدي … إنا مش بحبه وبس أنا بعشق التراب اللي بيمشي عليه
عشق بغضب / سامع يا أستاذ مازن طالبتك المجتهده بتقول أيه
مش ده الكلام اللي كنت أقوله ليك وأنت تقولي دي طفله يا عشق ،،،،،، شوف الطفله بتقول أيه
طلعت عاشقه أستاذها
قمر بإصرار/ أيوه بحبه وبعشقه كمان
قطعها مازن بغضب / بس يا قمر كفايه انزلي دلوقتي حالا
قمر / بس يا مازن أنا ……
قطعها مازن تاني بغضب اكبر/ إسمي الأستاذ مازن علي الأقل لحد ما أخطوبك رسمي
قمر / لا مش نازله …هي اللي لازم تنزل مش أنا
مازن / بلاش شغل الأطفال ده وانزلي حالا يلااا
قمر / لا أنا مش طفله وهي اللي هتنزل مش أنا
مازن بعصبية / لا إنتي طفله واللي بتعمليه دي أكبر دليل علي كلامي بتعاندي وخلاص شغل عيال صغيرين بتعاند لمجرد العند والسلام
قمر باندفاع / لا مش طفله ومش صغيره وأنت ملكي أنا وقدر اثبتلك كلامي أني كبيره مش صغيره وكبيره أوي كمان
وقبل ميستوعب هي هتعمل إيه ولا بتفكر إزاي كانت رايحه عنده قربت منه لفت درعتها الأثنين علي رقبته وبقلة خبره قبل’ته من شفايفه
كان رد فعل عشق شهقه جامده طلعت منها ولسه هتجبها من شعرها
كان مازن ض’ربها بالقلم وهو بيقول / أنت بنت قلي’ه ال’أدب إنا إزاي اتغ’شيت فيكي كده ا’نزلي يلااا غ’وري من وشي
واللي حصل ده أنا مش هقول لحد عليه بس ميتكررش تاني
قمر بصتله بدموع وتطلعت تجري من قدامه
مازن قرفان من قرب قمر ليه بطرف قميصه
عمال يمسح مكان قبلتها ليه
وعمال يكح عايز يرجع
عشق راحت لعنده و هي بتقول / دي اللي اختارتها
ليك تكون شريكه حياتك دانت حتي قربها قرفان منه هتشركها حياه طويله عريضه أزاي !!!!!!!
باعكسي أنا خالص بتقول كده وهي بتقرب منه
أيدها الإتنين حضنه وشه عينها علي شفايفه وهي بتقول : حتي شوف كده وبتقرب منه جامد بمجرد القرب ده تاه فيها
قبلته بكل الحب اللي في قلبها ليه
بدلها هو بشوق اكبر وحنين فياض
كأنه بقبلتها ليه رجعتله الحياة
بعد وقت بعصبية جامده دفعته بكل قوتها
وهي بتقول : انت هتعمل إيه أنت اتننجت
مازن فاق علي دفاعها ليه وبيقول لنفسه
حلم جميل ياااااااريت ما فقت منه
معقول كان متهيلي أنها !!!!!!
بسرعه قال أنا أسف أنا بجد أسف
مش عارف أنا ازاي عملت كده
عشق قربت منه بس …معملتش زي قمر ابدا هو أتخيل ده….. أتخيل أنها بتقبله وابتدأ يقرب هو كمان لسه هيلمس شفايفها عشق دفعته …. هي قربت منه جامد عايزه تثبتله أن في قربها منه عمره متضايق…… عمره ما نفرها
عمره ماحس بالقرف إتجاها بالعكس كان تايه في قربها منه بيستنشق رائحة الياسمين منها
عطرها المفضل له
عشق / شفت إنت قدامي بتبقي عامل ازاي
أنت ملكي وحدي .. قلبك ده وبتشاور علي مكان قلبه بأيدها ،،، مش بيدق غير ليا
عينك دي بتشاور علي عيونه / مش بيلمعوا غير في وجودي
كيانك كله بيتهز من قربي ليك
مازن / وإيه الجديد كنت فاكر أنك عارفه ده وحدك
مش محتاجة إثبات مش محتاجة تحطي نفسك في مقارنه بينك وبين أي حد
عشق : بس حصل ،،، وأنت وقتها أخترت حد غيري ….. مبروك عليك قمر يا باش مهندس
وسابته جاي تنزل
مازن بسرعه / عشق علي فين أستني
عشق / نازله…. خلص الكلام مبقاش فاضل حاجة تاني تتقال
مازن / بس مقولتيش كنتي جايه ليا
عشق بحزن / لا قولتلك علي فكره ( جايه لحبيبي )
بس لأسف ملقتوش لقيت مكانه واحد أناني مش بيفكر غير في نفسه وازاي ينتقم من نصه التاني عشقه
سلااااااام و مبروك عليك طالبتك المجتهده
طلعت اشاطر مني وفازت بيك يا بختها
ندم ندم ندم قاعد مكانه بيلم حاجاتهم مع بعض وعيونه كلها دموع
بيقول لنفسه ايه اللي عملته في نفسي وفينا
أنا ماقدرش ابعد عنها مستحيل
**********
عشق نازله لتحت قبلتها أمينه في وشها
أمينه بقلل / في إيه يا عشق
عشق بتعب / مافيش يا ماما
أمينه/ بس شكلك بيقول فيه وفي حاجة كبيره كمان إنتي مش قادره توقفي تعالي يا بنتي ارتاحي جوه
عشق عيونها علي أمينه وعلي الشقه وحست إحساس غريب لأول مره تحسه
حست أنها غريبه عنهم مش قادره تخطي خطوه واحده كمان
عشق / لا يا ماما شكرا أنا رايحه أرتاح في بيتنا
نزلت عشق تجري كأنه في حد بيجري وراها
المكان اللي كان أحب الأماكن ليها حاسة إتجاهه بغربه محتاجه تبعد تهرب من الزمان والمكان
وتتخبي في أي مكان بعيد عن مازن هي مش هتقدر تشوفوا أقدمها هو بيخطب قمر
*********
رنت علي محمود جالها
محمود منظرها وحده يغني عن السؤال عرف وحده إن ماقبلش اعتذارها
بهمس قال / متزعليش نفسك إن بكره اروحله أنا وافهمه
عشق بسرعه / لا يا محمود متروحلوش
البيه مضيعش وقت وراح خطب
محمود بصدمه / ايه ومين دي
عشق بصتله بصه معنها إيه الغباء ده
محمود فهمها وقال / أيوه صح ودي عايزه سؤال أكيد قمر
عشق بعياء / يلا نطلع اتأخرنا عليهم أوي
تطلعوا فوق عند سلوي وعبد الحميد
عبد الحميد أول مدخلوا وشافهم قال / هاااااه
يا مرات أبني اتفقتوا
عشق / أيوه يا خالي اتفقنا
عبد المجيد/ علي أيه بقا موافقه كتب كتابك يكون آخره السنه
قطعته عشق بسرعه / لا كتب كتابي النهارده ودلوقت حالا يا خالي لو سمحت
محمود وا سلوى بصدمه في نفس واحد
إيه!!!!!!!!!!!
******
الفصل ٢٣
عند أمينه
امينه الوقت عده والنهار طلع وابنها لسه علي سطوح بيتهم حست بالقلق والخوف طلعت تطمن عليه لقيته قاعد وهو منهار أول مره تشوفه بالحاله دي طلعت تجري عليه
أمينه بخضه/ مالك يا مازن مالك يا حبيبي فيك أيه
مازن رفع عينه ليها كانت الدموع ماليه عنيه
أمينه اتنفض قلبها عليه وبخضه قالت / بتعيط يا مازن أول مره في حياتي يا أبني أشوف دموعك
إيه اللي حصل لده كله ؟!
مازن بدموع / كلامك يا أمي اللي قولتي ليا زمان …….
أمينه / ماله كلامي يا أبني ساكت ليه يا مازن
ما تخضنيش عليك يا ضنايا أتكلم
مازن / أهو كلامك قدامك إنتي مش شايفه حالتي كان معاكي حق يا أمي
ياريتني ما حبتها ولا تعليقت بيها لدرجه دي
وكمل كلامه بدموع ونهيار / أنا بموت يا أمي من غيرها بموووووت
أمينه بصدمه / من غير مين !!! تقصد عشق
ليه إيه اللي حصل بينكم
مازن بوجع وصوت طالع بالعافيه / سبنا بعض
شهقت جامد أمينه وهي بتقول / يا مصيبتي
ليه يا أبني دانتوا روحكم في بعض
مصدكش أبدا أنك تقدر تستغني عنها
ولا هي كمان تستغني عنك
مازن / أنا ما ستغنتش يا أمي كل الحكايه
وحكا لأمه علي كل اللي حصل بينهم
أمينه/ أنت اللي غلطان يا مازن من الأول …..مش علشان أنت أبني اجاي معاك
الغلط منك أنت
مازن بعصبية/ وانا غلطت في إيه كان لازم أختار قمر اللي ماتعرفهوش إن أبو قمر تعبان وبتعالج من زمان والرجل معه غير قمر اتنين
تانين والمصاريف عليهم تقطم الضهر
هي كانت المفروض تثق فيا أكتر من كده
أمينه/ بس هي بتحبك وبتغير عليك زي منتي بتموت عليها وبتغير من نسمه الهوا
أيوه في الأول كونت معارضه جوازك منها بس بعد ماشفت الحب الكبير اللي بينكم قولت حرام افرق بينكم
أنا هقوم ارحلهم واصالحكم علي بعض
مازن بوجع وحزن / مش هينفع يا أمي
أمينه بدهشه/ ليه يا أبني مش هينفع
إيه اللي هيقل نفعه بس
ماطول عمركم بتزعلوا وتتصالحوا إشمعنا المره دي
مازن / المره ديه غير كل مره
أمينه/ ليه يا أبني بس حصل إيه بينكم المره ديه
مازن : ………..
أمينه بنرفزه / متقول في إيه
مازن بوجع/ أنا خطبت قمر
أمينه بصدمه : إيه!!!!!!
وكملت كلامها بوجع / ليه يا أبني ليه تخلي العند يضيع حياتك بشكل ده وهيموتك بالبطيء
مازن بوجع / اهوا اللي حصل يا أمي
أمينه بعصبية / وعشق هتقدر تشوفها مع راجل تاني غيرك …. في حضن راجل تاني غيرك وفي سريره ؟ هتقدر مستعد لده ؟
مازن مجرد ما سمع كلام أمه نار قايده فيه
كلاااااام مجرد كلام شقلب كيانه كله
بغصب قال / كفايه يا أمي كفايه ارحميني
أمينه/ شوفت مش مستحمل تسمع كلااام مجرد كلام هتعمل إيه لما تتجوز غيرك وتشفها معاه أيدها في أيده
مازن حط ايده علي ودانه مش حابب يسمع اكتر من كده وهو بيقول / كفايه يا امي كفايه
مش قادر أتصور حتي الكلام اللي بتقوليه ده
أمينه تبقي تنزل معايا نروح لأبو قمر نفهمهم اللي حصل وبعدها نطلع علي عشق
وتتاسفلها وتترجاها تسامحك وتتصالحو بقا
مازن /ياريت كان الموضوع بسهولة دي
أولا أنا عطيت كلامه لأبو قمر والرجل زي مابقولك عيان ميستحملش زعل
ثانيا خال عشق عندهم
أمينه بصدمه : إيه ؟! مقولتش ليه
مازن / وهيفيد بأيه
أمينه بسرعه / طب يلااا يا أبني قوم لعشق تاخد الموضوع عند وتوافق علي محمود
هما أكيد جايين علشان كده
ما السنه خلاص قربت تخلص أكيد جاين علشان عشق
مازن بعصبيه / مقدرش يا أمي عايزني أروح أقول للراجل الي لسه طالب منه إيد بنته أني خلاص مش عايزها وأن أنا أصلا طلبت أيدها انتقم لكرامتي من عشق
لسه هترد عليه سمعوا صوت صريخ جاي من الحاره
نزلو يجروا علي تحت هما الإتنين قابلهم الحج عامر
مازن بخوف / الصريخ ده جاي منين يا حج عامر
الحج عامر بحزن / تعيش أنت يا أبني أبو قمر مات
مازن وأمينه بصدمه / إيه
لا حوله ولا قوه الا بالله العلي العظيم
الحج عامر / تعالي يا أبني معايا نشوف هنعمل أيه الست مراته واقفه وحدها بطولها معهاش حد يوقف جنبيها
الرجل مات وسبلها تلت أولاد اكبرهم قمر والباقي لسه صغير يعني هي دلوقتي ملزومه من أهل الحته ملهاش حد غيرنا يوقف جنبيها
في الشده دي
مازن / أنا جاي يا حج معاك
أمينه/ وأنا هغير هدومي دي واحصلكم
***********