قلب لا يعرف الحب ج الاخير

رواية قلب لا يعرف الحب.

بقلم شيماء نعمان.

الحلقة العشرون

ضيف غير متوقع

بدا ادهم ونور يعيشون حياتهم الطبيعية كزوجين ينعمان بالسعادة والحب كان زياد يتابع ادهم باستمرار باخبار البناء والتجهيز للقرية السياحية التى سينافس بها مروان عدوه اللدود كانت نور تعمل فى الشركة مثلها مثل اى موظف اخر الم تتعامل معهم يوما على انها زوجة صاحب الشركة وطلبها ادهم يوما الى مكتبه فذهبت اليه دخلت المكتب لم تجده:ادهم …. ادهم انت فين
وجدت من يحتضنها فضحكت:يعنى انت مش هتبطل تخضنى كده
ادهم:حبيبى بتوحشنى ياناس اعمل ايه قلت اطلبها تجيلى
نور:معقول ياادهم عايزنى عشان كده
ادهم:وهو فى احلى من كده
نور:وحشتنى
ادهم:ياهووووهو انا بحبك من شوية
نور:طيب قولى بقى عايزنى ليه
جلس على الكرسى وجذبها اليه:عايزك ياستى عشان هنسافر شرم الشيخ الاسبوع الجاى
نوربفرحة:بجد يا اادهم هنقضى شهر العسل
ادهم:حبيبتى والله نفسى بس انتى عارفة الشغل بقى القرية خلاص تشطيبات بسيطة عشان نلحق الموسم الجديد
نوربحزن طفولى:اممم وانا قلت هنقضى شهر العسل
ادهم:قطتى متزعليش نخلص بس شغلنا وباذن الله هنقضى شهر بحاله لوحدنا
نور:ماشى يا سيدى هقولى هنسافر امتى
ادهم:الاسبوع الجاى ان شاء الله يعنى لو وراكى حاجة خلصيها براحتك
نور:اوكيه يا بيبى اسيبك انا بقى
جذبها من يدها:على فين يا حبيبتى
نور:على شغلى يا حبيبى
ادهم:اوكيه مع السلامة

فى مكان اخر او بمعنى اصح احدى مراكز التجميل الشهيرة كانت تجلس سيدة فى الثلاثينات من عمرها تتابع عملها دخل عليها بدون اذن رجل عرفناه من قبل انه مروان الشناوى
مروان:ازيك يانانسى
نانسى:خير جاى ليه
مروان:توتو عيب متنسيش كان بينا عشرة برضه
نانسى بضيق:عشرة مهببة عايز ايه
مروان :ابدا وحشتينى قلت اجى اطمن عليكى
نانسى:وده من امتى ان شاء الله قول جاى ليه يا مروان ومن الاخر
مروان بخبث:حبيب القلب رجع موحشكيش
نانسى:تقصد مين
مروان:اقصد اللى كنتى بتنطقى اسمه وانتى فى حضنى فاكرة
نانسى:ادهم
مروان:عليكى نور ادهم بس ايه راجع حاجة تانية خالص رجل اعمال وصاحب شركات وقرية سياحية الباشا بينافسنى
نانسى بهيام:معقول بعد السنين دى
مروان:متفرحيش اوى كده الباشا اتجوز خلاص يعنى مستحيل يبصلك
نانسى:ايه اتجوز ….. اتجوز مين
مروان:بنت خاله حتة بت ايه صاروخ ارض جو قمر اربعة عشر مش زيك خالص
غضبت نانسى بشدة:انت عايز ايه معقول جاى هنا عشان تقولى كده
مروان:لالا انا بس كنت عايز اطمن عليكى وكلام جاب بعضه سلام بقى
نانسى:على فين
مروان:ابدا كان ورايا مشوار وشكله خلص سلام
خرج من عندها وهو يشعر انه وصل لهدفه فبمجرد ظهور نانسى مرة اخرى فى حياة ادهم كفيلة ان تقلبها راسا على عقب وبذلك يستطيع ابعاده عن القرية ويفعل هو ما يريد