قلب لا يعرف الحب ج الاخير

بدات التحقيقات مع ادهم فى جريمة القتل
الظابط :استاذ ادهم صدقنى انا عايز اساعدك والمحضر اللى عملته قبل كده ان شاء الله هيفيدك بس ادعى ربنا انه ميموتش
ادهم:انا بدعى ربنا انه يموت وارتاح منه
طيب وانا المفروض اعمل ايه
الظابط للاسف هتبات هنا وبكره هتتعرض على النيابة
اليوم التالى تم عرض ادهم على النيابة بصحبة المحامى وتم استدعاء نور وكل الموجودين فى المنزل وقت الحادثة
استمع وكيل النيابة الى اقوال الشهود ما عدا نور تركها اخيرا
جاء دور ادهم بصحبة المحامى
الوكيل:استاذ ادهم انت ليه حاولت تقتل يوسف حجاج
ادهم:طبيعى اما الاقى واحد بيتهجم على مراتى لازم ادفع عنها ولا اسيبه
الوكيل :بس توصل للقتل
المحامى:يا فندم استاذ ادهم مكنش يقصد القتل كان بيدافع عن مراته اللى يوسف حاول يعتدى عليها
الوكيل:هو كان فى حاجة بين مراتك ويوسف قبل جوازكم
ادهم بغضب:لا طبعا زيه زى اى واحد اتقدم لواحدة ورفضته *لكن يوسف ده مريض عنده حب الامتلاك عشان كده حاول بكل الوسايل انه يوقع بينا وباى طريقة
الوكيل:ليه يعنى اقصد انك ممكن تكون اتجوزتها بسبب فلوسك وهو مقدرته متسمحش
ادهم:يا سيادة الوكيل انا عايز اقولك ان نور تبقى بنت خالى *قبل ما تكون مراتى ويوسف اتقدملها قبلى بزمان ورفضته يعنى مش حكاية فلوس ولا غيره
ممكن اسال حضرتك سوال
الوكيل :مع ان المفروض انا اللى اسال بس اتفضل
ادهم:لو فى واحد حاول يعتدى على مراتك ولا اختك واودامك هتعمل معاه ايه
صمت قليلا:هقتله
ادهم:وانا معملتش اكتر من كده انا دافعت عن شرفى ومش ندمان
ضغط زر بجواره ونادى على الشرطى ليدخل نور
دخلت نور خائفة مرتجفة ولكنها ما ان رات ادهم حتى اتجهت اليه
الوكيل :مدام نور اتفضلى ممكن تحكيلى على كل اللى حصل
قص عليه نور كل ما جرى من يوسف وتصرفاته معهم حتى لحظة اطلاق النار عليه
نظر اليهم قليلا ثم جاءه الشرطى بتقرير عن حالة يوسف
الوكيل:حالة يوسف مستقرة باين معرفتش تنشن كويس يااستاذ ادهم الرصاصة جت فى كتفه وحالته مش خطيرة
اكتب ياابنى:امرنا نحن وكيل النائب العام بالافراج عن ادهم فخر الدين بضمان محل اقامته ووضع يوسف حجاج تحت الحراسة لحين استقرار حالته الصحية وعرضه على النيابة
اتفضل يااستاذ ادهم مع السلامة
فرحة لاتوصف يشعر بها ادهم ونور وها هو سوف يخرج بدون اى تهمة
خديجة بخوف:هااا يا حبيبى عملت ايه
المحامى:الحمد لله وكيل النيابة كان متعاطف مع ادهم وخرجه بضمان محل اقامته يعنى خلاص مفيش قضية
فخر :يعنى هيخرج معانا
المحامى:باذن الله نخلص الاجراءت ويروح على طول
ظل ادهم ممسك بيد نور :حبيبتى متخافيش
نور:خلاص يا حبيبى مش خايفة انت هتبقى معايا خلاص
انتهوا من الاجراءت وركب ادهم ونور سيارة احمد
ادهم:على فين يا جماعة ده مش طريق بيت خالى
نور:لا يا حبيبى ده طريق بيتنا احنا هنروح البيت بتاعنا
ادهم بفرحة:بجد يانور
نور:بجد يا عيون نور
احمد:ايه ياجماعة حرام عليكم اعملوا حسابى انا راجل فسخت خطوبتى كده غلط عليا
ادهم:ايه ليه
نور:احمد من الاول مكنش مرتاح معاها بس خالتى بقى كانت مصممة
ادهم:ولا يهمك ياابو حميد بكره تلاقى ست ستها
وصل البيت وكان فى استقبالهم الجميع لاحظ احمد دارين شقيقة ادهم ظل ينظر اليها باعجاب شديد لاحظته نور:ايه يا استاذ مالك
احمد: هااا لاابدا مفيش هى اخت ادهم دى مخطوبة
نور:ههههه لامش مخطوبة ايه بتفكر
احمد :بفكر اوى اسيبك انا دلوقتى وابقى اجيلك بعدين سلام يا قطة
تركهم احمد واستئاذنت نور الصعود الى شقتها قام ادهم وراءها امسكت به رودى:على فين ياادهومتى
ادهم:هيكون على فين يا غلسة طالع لمراتى
دارين:لالا اقعد معانا شوية اصلك وحشنا اوى
ادهم:ايه ده انتوا مالكم فى ايه
رودى:ولا حاجة اخونا ووحشنا فيها حاجة دى
تدخلت داليا فى الحديث:ماتسيبوه يطلع تلاقيها قايدة نار فوق
رودى:وانتى مالك احنا احرار مع اخونا
داليا:يعنى الحق عليا انا اللى غلطانة
دارين:بالظبط كده
رن هاتف رودى فاغلقته:يلا ياحبيبى اطلع لمراتك يلا
ادهم:انت يا بت مجنونة اومال ماسكة فيا ليه
دارين :ماتتطلع بقى ولا نحبسك هنا
ادهم:لا يا ماما انا طالع اتحبس فوق احلى حبس
داليا:مش اوى كده
نظروا اليها جميعا بغيظ وتركهم ادهم وصعد الى شقته وماان دخل حتى وجد الانوار مغلقة والشموع تضيى المكان
ادهم:نور نور انتى فين
اتاه صوت من خلفه:نور تحت امرك حبيبى
التف اليها وجدها ترتدى قميص باللون الابيض ومزركش بنعومة وشعرها ينسدل خلفهاوتقف امامه بدلال
ادهم:هو انا بحلم ولا حاجة
اقتربت منه وضعت يدها حول رقبته:حبيبى النهاردة يحلم وانا عليا الطاعة
ادهم:نور انا بحبك اوى اوى
احتضنها بشدة وحملها الى غرفتهم واغلق الباب:يعنى هو النهاردة ليلة دخلتنا ولا ايه
نور بخجل:خد دوش اول وتعالى تاكل حاجة وبعدين نتكلم
ادهم:ماشى ياستى
ذهب للحمام ليستحم وخرج وجد نور تعد له الطعام وسط الشموع
احتضنها من خصرها:وحشتينى اوى
التفت اليه وهى مازالت فى حضنه:وانت كمان وحشتنى اوى يا حبيبى اوى
ضمها لاحضانه :ياااه ده انتى كنتى وحشانى اوى يانور
نور:ادهم اوعى تسيبنى تانى اموت من غيرك
وضع اصبعه على فمها: هشششش اوعى تقوليلها تانى بعد الشر عليكى يا روح قلبى
حملها بين ذراعيه ووضعها على السرير واطفا الانوار ليبدوا حياة جديدة مختلفة عما سبق