رحله حب

الحلقه ال21 من
#رحله-حب
………………….
صافى : لازم اتكلم واقول الحقيقه مش هظلمك اكتر من كده
غاده بدموع : لا يا صافى ابوس ايدك بلاش
عمرو بغضب : صافى اخلصى لو عارفه حاجه قولى
صافى بدموع : حاضر انا هتكلم
غاده : بلاش ياصافى بلاش
مصطفى: انتى ممكن تخرسى خالص اتكلمى ياصافى
صافى : يوم مرجعت من انجلترا زى مإنتوا لاحظتوا انى كنت مخنوقه ومش بتكلم مع اى حد ولما طلعت الاوضه بتاعتى
فلاش باااااااااااااك
كنت بتكلم فى التليفون ومرات خالو سمعتنى
مصطفى بنفاذ صبر : ايوة يعنى ايه لازمة الكلام ده فى اللى احنا فيه
صافى بدموع : خالو ارجوك اسمعنى للاخر ومش تقاطعنى
المكالمة بتاعتى مش كانت عاديه لإنى كنت بكلم ولد
صافى: انت ازاى تعمل معايا كده انت مش عارف انى حااامل ولو اى حد عرف عن الموضوع ده اى حاجه انا ممكن اموت فيها خالو صعب اوى
يعنى ايه مش هتساعدنى يعنى ايه مش دى كانت فكرتك الو الو وكمان بتقفل فى وشى ياحيوان
وبعد مخلصت لقيت مرات خالو فى وشى طبعا خوفت واتلجلجت بس هى ربنا يكرمها طمنتنى وسألتنى اذا كنت اتأكدت انى حامل ولا لاء
غاده: انتى غلطى بس مش معنى كده اننا نموت طفل ملهوش اى ذنب بكره هروح معاكى المستشفى ونطمن بس مش اللى بشتغل فيها عشان مفيش حد يعرف
صافى : انا متشكرة اوى مش عارفه اقولك ايه
غاده: استغفرى ربنا هو اللى هيقدر يساعدك انا هنزل عشان مفيش حد يشك بحاجه
صافى : وتانى يوم رحنا على عياده دكتورة ولما كنت بملى اسمى لقيت ناس صحاب ماما ولو عرفوا ان انا اللى هكشف بخصوص الحمل هتفضح راحت مرات خالو كتبت اسمها هى وعملت التحاليل بإسمها بس انا اللى كشفت مش هى فبالتالى لما انت ياخالو شوفت التحاليل افتكرت ان مرات خالو هى اللى حامل بس للاسف انا اللى حامل خالو مراتك دى انسانه طيبه
اوى اوعى تفرط فيها وفاقت صافى على كف من امها
شروق بدموع: بقى انا اللى كنت مفتخره بتربيتى ليكى وبقول ان مفيش بنت زى بنتى تعملى فيا كده ليه ياصافى عملتلك ايه
عمرو: متلوميهاش انتى السبب
شروق باستغراب: انا السبب طب ازاى
عمرو بدموع: انتى اللى كل همك اللبس والموضه والمكانه الإجتماعيه والطبقه الاستقراطيه ومكانتنا ونسيتى ان عندك بنت مسؤله منك وانك المفروض تحافظى عليها دى الغريبه عنها اللى مش من لحمها ودمها حست بيها وفهمتها غلطها ووقفت جنبها لكن انتى ولا الهوا كنتى عايشه حياتك بين صحابك والنادى والموضه والخروج والفلوس بس بجد مكنتش اتمنى انك تكونى امى مرات خالى انضف منك بكتيير
شروق بدموع: عندك حق انا اسفه انا السبب انا اللى عملت كده سامحونى سامحونى ورجليها مش شالتها فوقعت على الارض وهى بتعيط
وجريوا عليها عمرو وصافى
عمرو وصافى : ماما انتى كويسه؟
شروق : سامحونى سامحونى
عمرو وصافى:مسامحينك
شروق : بس لازم حد تانى يسامحنى غاده
وكلهم بيبصوا على المكان اللى كانت واقفه فيه غاده مش لاقوها
مصطفى: غاده فين وطلع يجرى يدور عليها زى المجنون بس مش لقها
شروق بدموع : لقيتها يامصطفى ؟
مصطفى بإنهيار وهو بيقع على الارض : مش لاقيها ياشروق خلاص غاده هتمشى ومش هشوفها تانى انا غبى انا اللى ضيعتها انا جرحتها اوى ياشروق
شروق وهى بتاخد مصطفى فى حضنها : اهدى ياحبيبى هنلاقيها
مصطفى: وحتى لو لقيناها تتوقعى انها تسامحنى
شروق بحنان : هنلاقيها وهتسامحك لإن غاده بتحبك
مصطفى: يااااارب ياشروق يااااارب