تمرد عاشق سيلا وليد من الفصل التامن الى العاشر

صوب جواد نظرات نا. رية

– عشان اللي يفكر بس يدوس على طرف يخصني يفكر مليون مرة قبلها… ثم ركله باقدامه واشار لعثمان

– ارمه في العربيه خليه يوّنس زعيمه في السجن

اتجه لجاسر الذي غطى وجهه بعض اللكمات وقام بلكمه هو الآخر

صُعق باسم من فعلته

اشار له بسبابته.. نفسي اعرف انت مالك اليومين دول بقيت تتمادى من غير ماتفكر

“حازم “اردف بها جاسر بهدوء

ضيق جواد عيناه متسائلا

ماله حازم، هو فين صحيح

– واحد اخده ومعرفش راح بيه فين

اااااه منك ياجاسر على غبائك

ودا اوصله ازاي، بدأ يركل كل مايقابله ولا يعلم ماذا يفعل

وقف باسم في مقابلته

ولما تتعصب كدا هتعرف تفكر… اهدى خلينا نفكر صح ونعرف ايه اللي حصل الاول

نظر لجاسر ليحكي ماصار

-مكنتش اعرف أنه ورايا إلا لما دخلت وكنت خلاص خارج لقيتهم داخلين بيه وهددوني عشان قدرت عليهم بس مسكوه

كان لازم اخضعلهم…. راحوا فين حاول تفتكر اي حاجة

خرجوا من المبنى جميعا… اتجه جواد الى سعد كي يستجيبه ولكن وجد حازم يتصل به… قام بالايجاب سريعا

ايوة ياحازم انت فين

انا رايح لجاسر ياجواد في(_) قابلني على هناك

– هو انت مكنتش مخطوف يابني

وقف حازم وسأله- عرفت منين

– جاسر خلاص معايا، انت اللي فين

انا هربت منهم انت ناسي يالا الكام سنة تدريب ولا إيه!!

ضحك جواد بقوة عليه- لا منستش يابن الألفي… قابلنا على البيت

في وقت لاحق

وصل جاسر وجواد، جلست حنان تداوي جروح حازم التي في وجهه، نظرت لهم وحمدت ربها كثيرا بعدما رأتهم سالمين امامها

اتجه جاسر لغرفة اخته سريعا… وجد مليكة تجلس بجانبها وهي تغط في سباتا عميقا بعدما حقنتها الطبيبة بمهدئ

اتجهت سريعا اليه وأرتمت بأحضانه تبكي

– كدا ياجاسر تخوفني عليك أعمل فيك ايه دلوقتي اضربك… ضمها لأحضـ. ـانه

– آسف حبيبتي.. كان لازم ألاقي غزل، كنت ميت من غيرها يامليكة

اتجه بنظره الى غزل

هي عاملة ايه، وحد آذها جواد محكليش حاجة.. مسحت دموعه

– هي كويسة حبيبي، بس خايفة شكلهم رعبينها شوية، بس مبتقولش غير جواد بس… نظر داخل عيونها بحب أقولك سر

ضيقت عيناها متسائله

همس لها… اللي يشوف جواد النهاردة يقول دا عاشق حد الموت أول مرة أشوفه كدا

– عادي ماهو اللي مربيها

– معرفش دا احساس جالي بس.. قاطعهم استياقظ غزل عندما نادت باسم اخيها

تحرك جاسر متجها إليها سريعا