تمرد عاشق سيلا وليد من الفصل التامن الى العاشر

دار جواد حوله

– متعرفش بتكلم عن ايه.. يعني كنت مفكر اني مش هعرف ولا إيه؟

صوب صهيب نظراته لأخيه… اهدى ياجواد ممكن نفهم مالك ايه اللي حصل

اتجه جواد لماجد- مين اللي قال لغزل ان سامح عايز يتجوزها

ضيق ماجد عيناه وتحدث متسائلا

مش فاهم قصدك موضوع ايه

اتجه جواد بنظره إلى شهيناز وجدها تفرك يد. يها.. فهم انها خلف الموضوع

– أسأل مراتك الحلوة قايلة ايه

اتجه بنظره لشهيناز- في ايه ياشهيناز انت قايلة ايه؟

– عرفتها ياحبيبي إحنا مش متفقين ان سامح هيتجوز غزل، وسامح جي بعد يومين فكان لازم امهدلها الموضوع

– انتِ مين اصلا عشان تدخلي في موضوع زي دا

جواد انت اتجـ. ـننت.. هذا ماأردف بها حسين

اتجننت!! ليه يابابا.. عشان بقول الصح والحق

– لا ياحضرة الضابط، المفروض باباها واخوها عايش يبقى هم أولى بالموضوع

❈-❈-❈

رمقها بامتعاض شديد من أسلوبها المستفز وخطى بهدوء إليها

– لا يامدام أنا اللي ليا الحق اكتر واحد هنا، حتى أبوها اللي بتقولي عنه دا مالوش حق فيها

– جواد اسكت انت مش واعي بتقول ايه

– لا يابابا أنا مش سكران، لما أشوفها النهاردة بالمنظر دا والقهـ. ـرة دي يبقى كل واحد لازم يلزم حدوده.. انتِ يامدام شهيناز متفكريش عشان قاطعت غزل أسبوع يبقى أنا سبتها خلاص لا

دا في الأحلام ثم أكمل إسترسال

– غزل دي بنتي وأنا أكتر واحد له الحق يقول اه ولا لأ..

وقف ماجد أمامه- انا عارف ومقدر دا ياجواد، بس غزل كبرت والمفروض أشوفلها الصالح ايه

توهجـ. ـت عيناه بالغضـ.، ب..

– ايوة إيه هو الصالح اللي حضرتك بتقوله، إنها تتجوز الصـ. ـايع اللي بقاله سنين برة منعرفش عنه حاجة.. قولي ايه الصالح ياعمو

– انت تعرف عنها ايه أصلا عشان تقول إنك تعرف الصالح

– جواد اسكت بقى

نظر لوالده- أسكت ليه يابابا عايزني اسكت عن حقي

– عن اي حق بتتكلم ياحضرة الضابط أردفت بها شهيناز بقوة

عن تعبي طول السنين دي… نظر لوالدته

– ماتقوليلهم ياماما.. قوليلهم مين كان بيسهر وهي تعبانة، ومين كان بيودي المدرسة ومين اللي بيذاكر ومين اللي علم

دا أنا كنت بحميها شوفت وصلت لفين

أنا كنت بستحمل تلات ساعات سفر يوميا عشان ماتقومش بالليل تعيط وتسأل عليا وأنا في الكليه.. زمايلي كلهم كانوا بيباتوا وأنا اللي بسافر يوميا.. أنا كنت بنزل تقديرات وضحّيت بتعيني في النيابة عشانها.. أنا اللي وقفت ليحيى وابنه مجرد ماعرفت انهم بس عايزين يقربوا منها