تمرد عاشق سيلا وليد من الفصل التامن الى العاشر

– حبيبة قلبي حمدالله على سلامتك، قوليلي ياقلبي عملوا ايه فيكي

ضمت رأسها في حضنه.. ضمني قوي ياجاسر عايزة أحس بالامان.. أنا خايفة

ملس على رأسها بحنان- انا جنبك ياحبيبتي متخافيش.. خرجت من حضنه

فين سيف هو كويس

اجابتها مليكة

– سيف كويس حبيبتي هو في المستشفى بس صحته كويسة ومتخافيش الحمدلله شوية كسور.. ماما لسة جاية من عنده وصهيب عنده دلوقتي.. ظل تردد الحمدلله الحمدلله

دخل جواد بقلبا مفطورا عليها بعدما قصت والدته ماصار لها بعد

نظرت اليه ثم وضعت راسها في حضن آخيها ولم تتحدث

اقترب لها وكأنه يقترب إلى جحيم حبه الذي سيؤدى به الى الهلاك.. وقف جاسر وجلس بجوارها، رفع ذقنها

– عاملة ايه دلوقتي

-كويسة اردفت بها ببساطة ثم نظرت لوالدها.. بابا عايزة انام في حضنك ممكن تاخدني في حضنك

وصل اليها ماجد في خطوة واحدة

-طبعا ياحبيبتي.. ضمها بقوة إليه

– بابا انا خايفة

عصر جواد عيناه ألما على حالتها التي وصلت اليها

دخلت العاملة تردف بهدوء،

يحيي بيه وصل برة هو ومراته وابنه ياماجد بيه

أماء براسه ثم نظر لغزل

– عمك برة كلمني امبارح وجاي عشان يشوفك لما قولتله وكمان عايز يصالح جاسر

ضيق جواد عيناه متسائلا

– ليه جاي دلوقتي مش فاهم

– قولتله على اللي حصل فقال هيجي عشان يطمن هو منال وعاصم

– زفر بضيق ثم اردف

-خلاص نشوف اخرة الزيارة دي ايه

باليوم التالي تجلس منال بجانب غزل

تعرفي ياغزل انا بحبك قوي، بس اللي بعدني عنك أسرار ياحبيبتي مينفعش تتفتح وتعرفيها لعقلك الصغير دا، وكان نفسي تكوني مرات ابني

– وياترى ايه اسرار الماضي يامنال هانم.. اردف بها جواد بقوة

وقفت منال تفرك يديها لا دا حاجات تخصني ياجواد باشا ثم انصرفت.. نظر الى مغادرتها بشرود

جلس بجوارها ثم سحبها لاحضـ. ـانه

– طفلتي الحلوة عاملة ايه، عرفتي تنامي.. جاسر قال انه نام معاكي

-ايوة نمت كويس عن إذنك

– رفع ذقنها

-مالك يازوزو زعلانة ليه، هو انا لسة عاقبتك ياقلبي، دا لسة العقاب بدري عليه

النهاردة سيف طلع من المستشفى لازم احضرلكم عقاب يليق بالبرنسيس غزل الحسيني مش كدا ولا إيه

وضعت يديها على خده وملسته بهدوء ثم نظرت لداخل عينيه

– هتفضل لحد إمتى وانت بتتجاهلني، انا مش طفلة ياجواد، وعارفة انك مش غبي.. بس عايزة اقولك حاجه واحدة.. ساعات بنقول كلمات من قلوبنا وقت مانحس اننا خلاص مش هنقدر نشوفها او نحس بيها تاني