امي ماكنش معها فلـ.ـوس
امي ماكنش معها فلوس
#مشيره_محمد
سكتت نسرين تماماً ووشها اتخطف والرعب ظهر في عينيها بطريقة تصعق أي حد يشوفها والشنطة الماركة اللي كانت شايلاها بفخر وطايرة بيها من الفرحة وقعت من إيديها على الأرض وكأنها أتقلت فجأة وبقت جبل حجر.
أبوها الحاج عبد المجيد كان قاعد بكل هيبته ووقاره راجل كبير في السن بس كلمته حيف وسيف ونظرته تهز أي حد. لابس جلبابه البلدي النظيف وشاله الأبيض المتفصل على كتافه ورافع راسه وعينيه متثبتة على بنته نسرين كأنه بيبص لواحد غريب ما يعرفوش قبل كده.
كريم أخويا كان واقف ورا نسرين ومش فاهم حاجة خالص يبص لمراته ووشها اللي بيموت من الخوف ويرجع يبص لحماه اللي قاعد ببرود يرعب النفس ويقول وهو محتار ومذهول.
”يا حاج عبد المجيد خير في إيه؟ حضرتكم طلبتونا على عزومة عشا إيه اللي بيحصل هنا بالظبط؟ وإيه وصل البنك ده؟”
الحاج عبد المجيد ما حركش عينيه من على نسرين ولا لحظة وبصوت هادي جداً بس يقطع بالسكي..ن قال.
”اسأل مراتك يا كريم.. اسألها الميتين وخمسين ألف جنيه بتوع أمك الطيبة الغلبانة اللي شايلاهم لليوم الأسود أخدتهم راحت عملت بيهم إيه؟”
كريم بصلها بصدمة وعينيه اتوسعت من الذهول.
”نسرين! أنتِ أخدتي فلوس من أمي؟ إزاي ده يحصل؟ ومش أنتِ قلتِ لي إن التأمين هو اللي دفع مصاريف تصليح العربية الملاكي لما خبطتيها من ست شهور؟”
نسرين كانت واقفة بتترعش وريفاها بينشف ومش عارفة تطلع الكلمة من بقها.. تحاول تتكلم وتتلعثم وصوتها طالع زي الحشرجة.
”أنا.. أنا يا بابا.. أنا كنت حرجعهم.. والله كنت حرجعهم لما الظروف تتضبط معايا..”
الحاج عبد المجيد حط إيده على الوصل اللي على الترابيزة وضغط عليه بصوابعه وقال بنبرة مليانة كسرة وألم.
”ترجعيهم؟ ترجعي إيه يا نسرين؟ أنتِ فاكرة إني مش عارف الحقيقة؟ فاكرة إني نايم على وداني ومش داري باللي بيحصل حواليا؟ الأسبوع اللي فات جيتي لي المحل وبكيتي ودموعك نازلة على خدك وتقولي لي يا بابا أنا مديونة وعليا قسط شقة وأقساط ومتأخرة ومحتاجة ميتين وخمسين ألف جنيه ضرورياً عشان الشيكات ما تروحش النيابة وأروح السجن! وأنا عشان أبوكِ وقلبي يتشلع عليكي فتحت حسابي في البنك وكتبت لك شيك بالقدر والمبلغ ده كله عشان أفك ضيقتك وأحميكي من الفضيحة! وقبلها بست شهور أخدتي من حماتك الكبيرة السيدة الفاضلة اللي في مقام أمك نَفْس المبلغ بمواويل ودموع وتأليف قصص عن العربية الملاكي والتأمين! يعني أنتِ أخدتي ميتين وخمسين ألف من أم جوزك وميتين وخمسين ألف مني أنا.. نصف مليون جنيه دخلوا جيبك في ست شهور بس يا هانم! تحبي تقولي لراجلين اللي واقفين دول الستين ألف دولار أو النصف مليون جنيه دول راحوا فين بظبط؟”#مشيره_محمد
