رواية على الرقاب قدر نافذ الكاتبة شاهندة الجزء 1

أشاحت(بدارة)بعيونها عن( مهران )ووالدته قائلة بهيام:
-ليه عاد وأنى كنت عملت جريمة إياك؟أنى عشجت والعشج سلطان.

قالت (راوية)بمزاح:
-واخدين بالنا يابدارة،العشج عيفط من عنيكى فط،أنى مخابراش كيف مهران مش واخد باله منيكى لحد دلوك.

قالت (بدارة)بحنق:
-عشان أعمى العين والنضر.

وكزتها (زهرة)قائلة:
-إتحشمى يابه،ده خينا الكبير ياحزينة.

تعلقت(بدارة)بذراع (زهرة)قائلة:
-طب ماتجوزونى خيكم،وأجوزكم خواتى التانين ناجى ومحمد.

تبادلا كل من(زهرة)و(راوية)النظرات قبل أن تقول الاخيرة:
-كان بودنا يابدارة بس خينا موعود لنوار صاحبتك وبكده ضاعوا الجوازتين دول زي اللى سبجوهم،والله جربت أصدج إننا منحوسين.

قالت(بدارة) بسرعة:
-ولا نحس ولا حاجة،لو على نوار فدى سهلة،هي أصلا جالتلى إنها مش رايداه وإنها عت….

قطعت كلماتها وقد كادت أن تفضح سر صديقتها لتردف قائلة:
-هي بس مش راضية تزعل الست زبيدة منيها،لكن لو على جلبها فمش رايد اليمة دى واصل.

قالت(زهرة)بدهشة:
-عجيبة والله، جبل اخوي مايعاود مكنلهاش سيرة غير سيرته ،كنها بتعشجه صوح،إيه اللى بدل حالها إكده ،تكونش إتصاوبت فى راسها إياك.

إبتسمت (راوية)بينما قالت (بدارة):
-ملناش صالح،المهم إنها شالت عنيها من على مهران،والسكة صارت فاضية،مفاضلش بس غير إنه يشوفنى صبية تتحب،هو شايفنى صبية صوح بس عمرها سنتين وبترضع كومان.

لم تستطع كل من(راوية) و(زهرة)أن تكتما ضحكتهما التى أفلتت فجأة فنظر كل من (مهران)والحاجة (ثريا)بإتجاههما لتكتما ضحكاتهما بصعوبة قبل أن يعاود (مهران)الحديث مع والدته ،وتقول (زهرة)ل(بدارة):
-يخرب مطنك ياشيخة كنتى عتودينا فى داهية،تعالوا نجعد فى جوضتنا وبلاش منيها الفضايح دى عاد.

قالت(بدارة)بإستنكار:
-وسى مهران؟!

قالت (راوية):
-مدى ياحزينة،مهران إيه دلوكيت؟ده هبابة ومهران وأم مهران هيطردونا برة الجصر ويكسروا ورانا زير كومان.

سارت معهم مضطرة وهي تتابعه بعينيها قبل أن يختفى عن ناظريها.

_____________

إنزوت (نوار)ب(بدارة)جانبا قبل أن تقول الأخيرة:
-وبعدهالك يانوار،آخرته إيه العشج ده،لازمن تصارحى أمك بمشاعرك جبل ماتتورطى فى جوازة مش رايداها،أجولك إهربى كيف ماهربت وإتجوزيه.

ضربت (نوار)على رأس(بدارة)بخفة قائلة:
-أهرب كيف يعنى،دى كانت أمى تروح فيها.