خطايا برئيه ٤

-عملتيها يا “رهف” ونزلتي اللي بطنك وفكرك هتخلصي مني

ده انا هسود عيشتك

اندفعت “سعاد” كي تردعه عنها صارخة وهي تدفعه بصدره:

-أبعد عنها مكفكش اللي حصلها بسببك… منك لله

دفعها عنه بغل قائلًا بوعيد احمق وهو يحاول أن يتهجم على تلك المسكينة التي لا حول لها ولا قوة:

-هي لسة مشافتش حاجة مني وانا هعرفها ازاي تعند معايا

لتدخل “ثريا” ناهرة إياه:

-اتهد بقى هتعمل فيها أيه أكتر من اللي عملته

اشتد الحوار بينهم ما بين لوم و وعيد غافلين كونها تخلت عن حالة الجمود التي عليها بمجرد رؤيته وكأنها استوعبت الأمر الأن فقد تعالت وتيرة انفاسها واتسعت عيناها بهلع عندما مر ذلك المشهد الأليم وهو يدفعها ويهددها أمام عيناها من جديد لتنطلق صرخة حارقة متألمة من أعماقها الممزقة و تضع يدها على وجهها تخفي عيونها وتهز رأسها بطريقة هستيرية وكأنها فقدت صوابها صارخة بكامل صوتها:

-مش عايزة أشوفك…ابعد عني بكرهك …بكرهك…بكرهك

في تلك الأثناء كان “نضال” في طريقه لمغادرة المشفى بعد انتهاء وقت عمله ولكن تناهى إلى مسامعه صراخ يصدر من غرفتها ليهرول لهناك ويصيح بحده ما أن رأى حالة الانهيار التي هي عليها وتجمهر بعض العاملين أمام باب الغرفة يحاولون ردعه الأخر:

– هو في ايه بالظبط انت فاكر نفسك في بيتكم دي مستشفى يا استاذ يا محترم وميصحش تعلي صوتك ولا تتصرف بالهمجية دي

أجابه “حسن” بتبجح وهو يزيح بيده أحد العاملين الذين يحيلون بينهم:

-أنت مالك انت انا ازعق في المكان اللي يعجبني وبعدين الهانم اللي قدامك دي مراتي وسقطت من غير علمي وانا عايز المسؤول هنا علشان هخربها على دماغكم كلكم

تجهمت معالم “نضال” وهو ينظر له نظرة مشمئزة مستنفرة وهدر بإنفعال:

-مراتك سقطت بسبب تعنيفك ليها وده اللي هكتبه في التقرير الطبي ده غير محاولتك دلوقتي بالتعدي عليها

تجاهل ذلك الوعيد المبطن بحديثه ولم يفكر سوى بجملة تعنيفك لها مما جعله يعقد حاجبيه ويتسأل بعدم استيعاب:

-يعني ايه مش فاهم؟

لوح” نضال” بيده وتوجه لها وقال بصوت جهوري للممرضين الذين هرولوا على صوت صراخها ولم يتمكنوا من تهدئتها:

-حد يجبلي حقنة مهدئة واقفين تتفرجوا على أيه!

وبلغو الأمن يطلعوا الأستاذ ده بره

احتدت نظرات “حسن” بغيظ وهدر معترضًا:

-انا مش هتحرك من هنا غير لما أفهم