روايه جامده وجديده 1
روايه جامده وجديده 1
عادل:الو.
فارس:ايوه ياعادل..قولى انت اتصرفت فى العربيه اللى جبتها الصبح؟؟
عادل:لا يابرنس لسا كنت هغير رقم الشاسيه اهو.
فارس:لااا اوعى تقربلها هتها وتعلالى على النادى…….وكمل بتحذير:ومالقيش فيها خدش ياعادل.
عادل:حاضر يا فارس.
فارس:سلام.
وقفل فارس ورجعلهم تانى.
فارس بابتسامة ثقه:خلاص يا انسه متعيطيش عربيتك رجعت خلاص.
تقى بسرعه:ايه رجعت ازاى؟؟
يارا بسخريه:ايه يابنتى حيلك..انتى فكراه هيركليز ده اى كلام طبعا.
فارس:واضح انك مش مصدقانى بس اصبرى عشر دقايق وهتشوفى الهيركليز ده هيعمل ايه.
يارا بضحكه ساخره:الاستاذ هيركليز هيطلع يجرى بعد عشر دقايق.
فارس بصلها بابتسامه وفى باله:وكمان عنيده ماشى انا معاكى للاخر..يا..يايارا..اما نشوف اخرتها معاكى.
…………………………………………………………………………………………………………………………………………………………………………………………………………………………
اما باسل بعد ما خلص يومه فى الشركه رجع البيت ودخل ل جلال اوضة المكتب.
جلال:تعالى ياباسل.
باسل:هو حضرتك عرفت اللى حصل؟؟
جلال بتنهيده:اه عرفت.
باسل باستغراب:طب انت هادى كده ازاى؟؟المبلغ مش قليل.
جلال:هو فعلا مش قليل بس كمان محدش ليه ذنب فى اللى حصل..احنا فى الاول وفى الاخر ضحايا جــ. . ـريمة نصب.
باسل بغضــ . ــب:بس انا بقى مش هسكت..لازم الاقى الواد ابن ال… اللى ضحك عليا ومثل انو العميل.
جلال:يابنى خلاص انسى..مافيش حاجه ممكن تتسـ,ـرق منك وترجعلك تانى مستحيل..ولو صدفت وحصل ولقيت الشخص ده خد حقك منه بالقانون بلاش تهور.
باسل بضيق:بس يابابا الفلوس كانت كتيره اوى دول 750 الف.
جلال:ياسيدى مش مهم احنا اساسا نملك عشر اضعاف المبلغ ده ويمكن اكتر كمان..خلاص بقى الموضوع انتهى…وعموما انا تصلت بخبير سيستم امن التكنولوجيا وهيجى يأمن كل حسابات الشركه عشان محدش يعرف يخترقها تانى.
باسل بتنهيده:ماشى يابابا.
جلال:يلا ياحبيبى اطلع غير هدومك وانزل انت ومراتك عشان تتغدو.
باسل بسرعه:لاااا…كفايه الفطار.
جلال بضحك:ههههههههههه يابنى م انت عارف امك هى تصرفاتها جديده عليك؟؟
باسل:بس يابابا كله الا روما دى اغلى حاجه عندى غاليه اوى يابابا..ماما تعمل فيا انا اللى هى عايزاه على عينى وراسىى لكن متجـ,ـرحهاش بالشكل ده..مافيش بنى ادم هنا فى البيت شاف منها حاجه وحشه بتحترم الصغير قبل الكبير.
