روايه جامده وجديده 1
روايه جامده وجديده 1
باسل بابتسامه:عشان الورد ده واخد جزء من وقت روما حبيبتى وانا عايز روما ليا انا وبس.
مريم بصت فى الارض وابتسمت فى خجل.
باسل مسك ايدها وضغط عليها بحنان وقالها:انا اسف ياروما عشان زعقــ . ـــتلك فوق من شويه..بس والله كان غصب عنى..اصل كنت متضايق اوى.
مريم:ايه ياحبيبى اللى كان مضيقك اوى كده؟؟
باسل بتنهيده:اصل فيه مشكله كبيره حصلت النهارده فى الشركه.
مريم:ياستر يارب..ايه اللى حصل؟؟
باسل لف ايده حوالين كتفها وقالها:لااااا ده موضوع يطول شرحه.
وكمل بخـ . بث وقالها:تعالى معايا فوق وانا اقولهولك.
مريم بابتسامه خجل: ماشى.
……………………………………………………………………………………………………………………………………………………………………………………………………….
اما يارا لما روحت فضلت تدور على موبايلها ومش لقياه.
فخدت اى موبايل تانى واتصلت على رقمها.
ياترى ايه اللى هيحصل؟؟؟؟؟؟؟؟؟؟!!!!!!!!!!!
البارت الثالث:
فارس كان قاعد فى اوضته ونايم على سريره وبيقلب فى موبايل يارا وبيتفرج على صورها وهو مبتسم وسرحان فيها…لحد ما رن الموبايل و قطع تركيزه وهو متاكد ان هى اللى بتتصل ف رد.
فارس:الو.
يارا:السلام عليكم.
فارس:وعليكم السلام.
يارا:حضرتك انا صحيت الموبايل اللى مع حضرتك ده.
فارس وهو كاتم ضحكه بالعافيه:والله!!طب تمام ده انا ماكنتش عارف اتصرف فيه ازاى؟؟!!
يارا:حضرتك لو ينفع نتقابل بكره وتدهولى يبقى كتر الف خيرك.
فارس بابتسامه عريضه:امتى؟؟
يارا:بكره فى كافيه….الساعه 1 بعد الضهر كويس؟؟
فارس:كويس جدا..هاكون عندك بكره فى الميعاد.
يارا بفرحه:انا متشكره جدا جدا واضح انك انسان محترم وشهم.
فارس فى باله:دلوقتى بقيت محترم وشهم مش كنت الصبح قليل الادب والذوق ومش متربى..
وفاق على صوتها:يا استاذ… يا استاذ انت معايا؟؟
فارس:اه اه معاكى ماشى خلاص اتفقنا.
يارا:طيب اوكى سلام.
فارس:سلام.
وقفلت يارا…وفضل فارس زى ماهو كده لثوانى وبعدين ابتسم وكمل مشاهده لصورها.
………………………………………………………………………………………………………………………………………………………………………..
فى اليوم التالى..
صحى باسل قبل مريم وقعد يتاملها شويه وهى نايمه وهو مبتسم ومد ايده ناحية وشها ومشا صوابعه على وشها براحه.
مريم ملامحها اتحولت للضيق من الشئ اللى بيمشى على وشها ده..باسل بعد ايده بسرعه..وبعدين رجعت ملامحها تانى زى الاول هاديه.
