وجع الفراق 2

زفر بنفاذ صبر قائلا ياحبيبتى ده المفروض حاجة تسعدك ان مفيش واحدة فى العالم بتقدر تحركنى كراجل غيرك ولا رغبتى بتكون غير ليكى انتى وبس .والله والله انتى عندى بكل ستات العالم واللى بيربطنى بيكى مش اوقاتنا بالسرير زى ماانتى فاهمة .انا بحبك فى كل وقت وفى اى حاله بس برضه بحب اكون معاكى لوحدنا وانتى فى حضنى .غلط ده

صافى هى دى هيفاء مراتك

هز رآسه بالايجاب فسألته بفضول هى عارفه اننا متجوزين

هز رآسه ايضا فنظرت اليه مصعوقه قائله بلهفه بجد

اجابها بهدوء اكييد مش هكدب يعنى .هى عارفه من قبل مااتجوزها واختها الله يرحمها كانت عارفه .والولاد كمان عارفين

ابتسمت قائلة بجد ..انا مش مصدقه

ضحك قائلا طيب ايه اللى يخليكى تصدقى

انك تيجى زيارة وتتعرفى على الولاد عن قرب مثلا وتبقى الزيارة حوالى اسبوعين مثلا بداية من اول الشهر الجاى

نظرت اليه غير مصدقه لما يقوله فضحك وهو يقول لها

سارى هتفضلى متنحه لى كده اومال لما تيجى وتبقى معايا تحت سقف بيتى اللى اتمنيت كتير انك تكونى معايا فيه

سألته طب ومراتك التانية والولاد هيبقوا متقبلين فكرة وجودى

اجابها بلامبالاة بالنسبة لهيفاء فرأيها ميهمنيش .جوازى انا وهى مبنى على المصلحه فى المقام الاول وهى سيدة اعمال وبتحسبها بعقلها وواصل لها كويس مشاعرى من ناحيتك واظن هى متفهمة ده ….اما الولاد اظن هيكون مش سهل عليهم اكييد بس لازم يتعودوا على فكرة وجودك حبوا او رفضوا وبعدين دى ترجع لك انتى وقدرتك فى انك تخليهم يحبوكى

قالها وهو يعيدها لحضنه مرة اخرى فحاولت النهوض مرةاخرى كى تتحدث فجذبها اليه بعصبية قائلا

سارى متعرفيش تتكلمى وانتى فى حضنى .هو انتى بتلقى خطبة ياحبيبتى

اعتدلت قائله اصل انا

قلقانه اوووى .يعنى مواجهه ولادك وخوفى لاحسن يكرهونى ومقابله هيفاء برضه .

قبل جبينها قائلا مټخافيش انا جنبك وبعدين الولاد فعلا رائعين بجد وفهمهم سهل واجتذابهم ناحيتك برضه سهل وانتى شاطرة وذكية وحنينة

صافى بقلق طب كلمنى عنهم شوية

سارى بعمق بصى ياستى .رغد شبههى فى كل حاجة .ملامح وعقلية .عنيدة وعصبية بس ذكية جدا وكتومة مش بتكشف مشاعرها بسهوله .هى خليط من البنت الروشة اللى بتعشق اللبس والموضه والصور السيلفى وبين البنت اللى بيتابع كل اللى بيحصل حواليها وزيك كده بتعشق القراءة والافلام الاجنبية وخصوصا الرومانسية