السر 1
السر1
ورد بغضب:اتفضلي اطلعي برة
نظرت الفتاة لها بخوف ونظرت لنور ليشير لها بهدوء بالخروج قائلا:اتفضلي انتي ياميار دلوقتي ولما ابعتلك علشان نكمل تجهيزات الخطوبة تيجي
ليخرج صوتها بأبتسامة هاتفة:اوك يانور
وخرجت بينما ازداد اشتعال غضب ورد لتقول بغيرة وحدة:هي دي بقي ست الحسن والجمال اللي حضرتك هتخطبها
نور بأبتسامة:ايوة هي بس بزمتك مش زوقي حلو علي الاقل متأكد انها مش هتلعب بيها
توترت ورد من كلماته ولم تعرف بماذا ترد ليخرج صوتها مرتبكا هاتفة:انت.. تقصد اية
نور:مفيش بس حابب اقولك ان كتب كتاب صديقتك العزيزة شيري بعد يومين واه صحيح اياكي تنسي انها كانت خطيبتي اللي هددتني بحبيبتي بأمرها
نظرت له بصدمة بأنه علم بتلك الامور لتنظر للأرض بخجل كطفلة صغيرة ولا تعرف بماذا تجيب ولكنها رفعت عينيها بدموع اتجاه وخرجت بعد ان هتفت بنبرة مكسورة:مبروك يانور اتمنالك حياة سعيدة مع اللي قلبك اختارها
وخرجت معلنة النهاية نهاية ذلك الحب المحطم والمكتوب له بالهلاك تلك النهاية كتبتها هي منذ ان لعبت تلك اللعبة الغبية ومنذ ان اكملها هو لتكتب سطور النهاية بحروف مزخرفة بالدمع ولكن ماذا يخبي لهم القدر…
…………………..
ابتسم ذلك الشخص من خلف كرسيه ليلفه بهدوء وتظهر ملامحه شخص يبدو في نهاية الاربعينات يحتفظ بكامل وسامته الا من بعد الخصلات البسيطة البيضاء
خرج صوته الهادى قائلا:خالك مرة واحدة دا انا اتغر بقي
امان وهو يتقدم ناحيته:اومال اية مش حضرتك تبقي ظافر الدمياطي اخو امي الله يرحمها
ظافر بنبرة حزن:الله يرحمها اديني اكتر من عشرين سنة عايش بأنب ضميري لاني مكنتش معاها مكنتش السند اللي طالباه للأسف ماتت هي ووالدك وانا مكنتش معاهم ومكنتش اعرف اصلا بالموضوع ولما عرفت وجيت مصر اصر دياب علي تربيتك وحمايتك مكنتش بعرف لية لغاية مافهمني الحكاية واداني كل حاجة واي حاجة بتثبت انك من عيلة الجوهيني وورق عن الناس دي اللي كانوا السبب في مـ,ـوت والدك
نظر له امان بتمعن وهدوء ليكمل ظافر كلامه الذي قص بعضه له من قبل:خلاني وعدته بوعد اني مقولش حاجة ليك اخليك عايش حياة مستقرة ولأنه كان حاسس باللي هيحصله قلي اقولك في الوقت اللي احس فية انك هتقدر تتحمل وتقدر تسيطر علي اعصابك
امان:واقدر انتقم
ظافر:مكنش عايزك تسلك الطريق دا خاصة بعد اللي عرفه عنهم ومن وقتها بعدت انا وسافرت تاني بس رجعت في الوقت المناسب وبدأت اول خطواتي الشك جه منك وانا كملت بالسلسلة ومن بعدها الرسايل لحد ماوصلت اخر رسالة ليك في السفر ونزولك لجدك وبعدها الحـ,ـادثة وقتها حسيت بغلطي اني عملت كدا بس انتظرت لحد ماتفوق وفقت وبعت رجالتي يجبوك علشان تبعد عن الكل وتفكر براحة
امان:وفكرت ودلوقتي وقت الجد
ظافر:بتفكر في اية ياامان
امان:بأني انهي كل حاجة بدأت هنهي الانتقام وهنهي الاسرار وهنهي الفساد واللي كانوا ضحياه ناس كتير غير اهلي انا من هنا بس لازم يكونوا جاهزين علشان يشوفوا المـ,ـوت كل واحد كان السبب في مـ,ـوت اهلي وكل واحد كان السبب في اللي خلاني انسي انسي حاجات كتير مكنتش عايز انساها هنا هيظهر وش المارد الحقيقي اللي الكل مش متوقع مدي بشاعته
ثم خرج وبيده الاوراق ليتجهز حيث ماهو مقبل علية
…………….
